VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
NICOLAU LOBATO
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

Espelho da Realidade
A Esperança Nunca Morre
TIMOR-LESTE



Interview with Fernando Lasama de Araujo: On the road to democracy, where the streets have no name
UKUN HAMUTUK?
Sorumutu "Meja Bo'ot" nakonu ho "bua-malus". Sei lo'ok ba malu hela hodi mama hamutuk.
Fretilin
Fretilin - CNRT
Fretilin - PLP
Fretilin - PD
Fretilin - KHUNTO

 
 
   

quinta-feira, 26 de abril de 2007

LU-OLO PRESIDENTI IHA SURAT TAHAN

LU-OLO PRESIDENTI IHA SURAT TAHAN
Alkatiri mak Presidenti de Faktu

Carlos da Silva L.F.R. Saky

Antes de eleisaun legislativa hahu, Alkatiri ho Lu-Olo kanta makaas katak, Fretilin sei manan ho halimar iha eleisaun presidencial ho legislativas. Ate dehan manan eleisaun presidencial iha 1ª volta kedas. Maibe eleisaun presidencial hahu tiha ona, iha primeira volta, Lu-Olo manan ho kosar metan suli, alias hetan de’it 28%. Iha 2ª volta mai, dala ruma, Lu-Olo ho Alkatiri «bele» sai kamutis se resultado la tuir sira rua nia makina nian konta.

Molok hahu eleisoens presidenciais, jornalista sira tasi balu nian husu Lu-Olo, karik nia la manan iha eleisaun nee, Fretilin sei halo violensia ka lae. Lu-Olo hatan katak, nia la garante sei iha violência ou lae. Nee signifika buat rua: 1) Lu-Olo la iha influencia ba militante Fretilin sira tanba nee labele evita violencia no 2) Lu-Olo ho Alkatiri rasik mak husik violensia sira nee mosu tanba nia la manan eleisaun. Mosu duni violensia iha fatin balu kuando Lu-Olo okupa 3º lugar iha kontagem provisoria. Lu-Olo rasik protesta makaas katak, ninia makina halo konta nia hetan 40%, maski kontagem de votos seidauk hotu. Maibe rezultado final nebee CNE fo sai, Lu-Olo hetan de’it 28% no nia rasik la protesta ona tanba nia mak sai vencedor iha 1ª volta. Ita hein Lu-Olo bele banati tuir kandidatu sira partido opozisaun nian, nebee lakon ou lakon tanba manipulasaun mos, sira la incita violensia no buka halo kalma nafatin sira nia militante ho simpatizante sira. Karik mosu milagre ruma Lu-Olo mak manan, Horta mos tenki respeita resultado nebee iha no labele incita violencia. Agora, see mak lakon, tenki prova ba povo Timor katak sira iha maturidade politika duni no simu derrota ho dignidade no aten boot.

Lu-Olo lolos ema diak, maibe monu iha rede Alkatiri nian no la iha k’biit ou aten brani hodi korre an. Hanesan baibain ema dehan, Lu-Olo ho Alkatiri usa malu hela. Lu-Olo aproveita Alkatiri nia matenek no Alkatiri aproveita Lu-Olo nia massa. Tanba sira precisa malu, neduni susar tebes husik malu. Maibe iha relasaun de forsa ou influencia nee, Alkatiri mak makaas liu, Alkatiri mak manda liu, tanba Alkatiri produz kilat musan, alias iha ideias, enkuanto Lu-Olo hein no halo tuir de’it buat hothotu nebee Alkatiri hakarak. Tuir lolos, Lu-Olo bele serbisu ho kualker militante Fretilin iha lidernsa partido nian, maibe nia belit metin liu ba Alkatiri no kopia tuir Alkatiri nia politika nebee halo ema hotu sai inimigo, neduni susar tebes ba nian atu serbisu ho ema seluk ou kontrariu.

Iha jornal Correio de Manha (14/04?2007), haktuir Lu-Olo nia afirmasaun ida dehan «ou sou comandado ou torno-me comandante de novo». Haree husi Lu-Olo ninia maneira halo politik to’o ohin loron, nia ema ida «comandado», alias ema mak manda nian. Iha nee Alkatiri mak komanda nian, maski hierarkikamente Alkatiri iha nia okos. Lu-Olo la sei sai «comandante» enquanto la liberta an husi Alkatiri. Tanba komandante ida, iha kombate laran, labele husu fali ba nia soldado, hau bele tiru ka lae. Komandante mak trasa plano no fo ordem, la’os soldado mak fo fali instrusaun ou ordem ba komandante. Lu-Olo durante nee, hanesan komandante (alias prezidenti) Fretilin nian, maibe buat ki’ik ho boot nia sempre husu ba Alkatiri no halo tuir Alkatiri nia hakarak.

Se Timor iha presidenti ida nebee iha kompleksu de inferioridade makaas, sei susar tebes defende interesse povo nian, tanba la brani kontraria ema grupo oan ida nebee durante nee manda nia hakarak. Nunee, se nia sai presidenti RDTL nian, mak sei aumenta tan de’it korrupsaun, nepotismo, abuso de poder, halo buat ruma la tuir dalan demokrasia nian no sei viola makaas Konstituisaun RDTL hodi reforsa sira nia poder autoritario no ditatorial nebee durante nee sira pratika hela no halo Timoroan sira hasoru susar ho terus oioin. Tanba hahalok sira nee mak lori presidenti ASDT, Xavier do Amaral hodi dehan, «hili Lu-Olo ba presidenti RDTL hanesan povo hili oho an rasik».

LU-OLO PRESIDENTI IHA SURAT TAHAN
Pratika Nudar Kriteriu Lia Los Nian

Agora, Lu-Olo mos halai tuir Alkatiri nia kotuk hodi kritika presidenti Xanana halo abuso de poder tanba apoia abertamente kandidatu Horta. Iha nee presidenti Xanana sala duni no merece hetan kritika makaas. Maibe durante nee, Alkatiri ho ninia governo halo abuso de poder oioin iha tinan 5 nia laran, Lu-Olo nebee eleito nundar representante povo nian, taka ibun metin no nunka hasee Alkatiri ho Governo Fretilin nebee halo abuso de poder oioin? Agora Arsenio Bano, membro Governo no membro CCF, hetan akuzasaun husi PM Horta fahe fos ba Nuno Korka, lider artes marciais nebee adere tiha ona ba Fretilin. Karik nee los, buat ida grave tebes. Nee la’os abuso de poder de’it, maibe hanesan mos korrupsaun ida. Korrupsaun la’os na’uk osan hatama ba bolsa de’it, maibe mos desvia sasan povo nian ba iha interesse pessoal ou grupo oan ida nian. Fos nebee iha atu fahe ba povo sira hasoru hamalaha, la’os fahe ba grupo artes marciais ida hodi halo problemas ou halo pressaun ho intimidasaun ba povo sira. Lu-Olo ninia imparcialidade, independencia ho sensibilidade kombate abuso de poder, nepotismo ho korrupsaun iha nebee? Nusa mak la kritika mos atitude Arsenio Bano ho Govreno Fretilin nebee durante nee pratika buat hirak nee? Tanba privilegia grupo artes marciais balu no ignora ou marginaliza sira seluk mak ohin loron hamosu mos konflitus entre jovens sira. Neduni, diskursu sira dehan atu ajuda jovem sira la liu hanesan retorika ida ou lia-fuan bosok ida hodi hakail votos husi jovens sira. Maibe jovens sira mos la’os matan delek tomak. Fretilin baibain dehan «a pratica é o criterio da verdade», i verdade hatudu tiha ona iha tinan 5 nee nia laran, sa-ida mak Fretilin, Alkatiri ho Lu-Olo halo ba Timor oan sira? Verdade mak hatudu Governo Fretilin iha lideransa Alkatiri nia okos la kombate korrupsaun ho nepotismo, verdade mak hatudu Governo Fretilin nian la hasai Timoroan sira husi terus no susar oioin nia laran, maibe halo terus tan de’it Timor oan sira liu husi krize boot politika ho militar nebee halo Timoroan sira rihun ba rihun terus tebes. Verdade mak nunka promove dialogo ho partido sira opozisaun no sosiedade sivil. Verdade mak ukun tuir ditadura nian no halo abuso de poder makas.

Agora Alkatiri akuza Horta iha halok hanesan ditador ida. Dala ruma Horta iha hahalok sira nee oituan, maibe Horta ema ida nakloke ba dialogo no rona ema oioin nia aspirasaun. Estranho tebes ema ida povo hatun tiha tanba ukun tuir autoritario no ditadura nian agora facil tebes bolu ema seluk ditador hodi taka ninia kanek rasik. Hanesan lolos naukten ida hakilar naukten seluk.

Foin Horta dehan de’it karik nia eleito ba presidenti RDTL, nia sei haruka tribunal loke fila fali prosesu kona ba fahe kilat ba ema sivil ou buka hatene tuir se mak fo kilat ba Rogerio hodi fahe, Lu-Olo halo reaksaun kedas katak, labele intervem ba serbisu tribunal nian. Haruka loke fila fali processo nee la’os intervensaun ba tribunal, maibe buka lia los. Kilat barak, ohin loron, sei iha sivil sira nia liman, tanba nee tenki buka tuir autor moral ho material sira hodi sira bele responsabiliza ba krimi nebee sira halo.

Lu-Olo ninia reaksaun halo ita bele interpreta katak, kuandu nia mak sai presidenti RDTL nia, la taka dalan atu: 1) perdua tomak ema sira nebee fahe kilat, tanba ema sira nee mai husi estrutura Fretilin nian; 2) sei liberta ninia vice-presidenti Rogerio Lobato nebee sedu ou tarde sei tama iha kadeia no 3) sei impede tribunal hodi labele investiga autor principal sira fahe kilat ba ema sivil sira.

Oinsa mak Lu-Olo atu defende justisa ba Timor oan sira, se ninia vice-presidente rasik fahe kilat ba ema sivil, to’o ohin loron Lu-Olo la kritika no la kondena? Tan-sa mak lideransa Fretilin fasil tebes hasai membro CCF sira nebee iha opiniaun diferente ho Alkatiri ho Lu-Olo husi Fretilin maibe la hasai Rogerio Lobato husi vice-presidente Fretilin nian tanba kometi krimi boot fahe kilat ba ema sivil? Ka ta’uk Rogerio Lobato denuncia sira hotu nebee envolve iha krimi nee nia laran?

Se Lu-Olo sai presidenti RDTL nian, nia sei sai presidenti ida iha surat tahan de’it, tanba Alkatiri mak sei manda, Alkatiri mak sei sai presidenti ida lolos nian. Tanba iha tinan 5 nee nia laran hatudu tiha ona Lu-Olo sai presidenti Fretilin ho presidenti Parlamento Nacional (PN) iha surat tahan de’it, tanba buat hothotu Alkatiri mak manda. Durante nee, ita la haree Lu-Olo nia obras ruma nudar presidenti PN.

Atu halo Lu-Olo labele halai husi Alkatiri nia sorin, Alkatiri hahu buka forma opiniaun publika no foti Lu’Olo hodi bolu komandante Lu-Olo. Sira hakarak kria heroi ida hodi ekilibra ou reduz influencia Xanana nian. Maibe susar oituan. Susar tanba, hanesan komandante ita nunka rona Lu-Olo dirige assalto ruma iha tempo resistencia nian no ita mos nunka rona komandante ruma naran Lu-Olo. Ema hatene mak komandante Taur, Kamandante Konis, komandante David Alex, komandante Lere, komandante Falur, komandante Sabika, komandante Ular, komandante Venancio Ferras, komandante Maunana ho sst. Ate L7 nebee la’os komandante rejiaun ruma mos ninia naran kuinesidu tebes, maibe Lu-Olo nian ita nunka rona. Lu-Olo nia unika obra nebee Xanana foin fo sai mak ida subar iha foho Boilo homan kohe hodi subar bandeira Fretilin nian. Husi buat hirak nee hotu, karik Lu-Olo ho Alkatiri mehi atu Timor oan sira bolu Lu-Olo «o Comandante» hanesan cubano sira bolu Fidel Castro «el Comandante» susar oituan.

Iha fali estrutura sivil nian, iha Lu-Olo nia biografia, temi Lu-Olo okupa pasta oioin, maibe ita nunka hatene ninia obras ruma, ou hetan dokumentu ruma nebee temi kona Lu-Olo nia obras. Foin iha 1998 ona, depois de komandante Konis Santana mate, foin ita rona Lu-Olo nia naran, depois de nomeia fali nian ba iha secretario CDF (Comissão Directiva da Fretilin) nian. Husi nee mos ita la rona ninia obras ruma. Unika obra nebee kuinesidu iha Fretilin laran mak ida Alkatiri ho Lu-Olo haruka surat subsubar husi kotuk ba malu hodi halo golpe hasoru Jose Luis Guterres nebee iha tempo neba hanesan chefe DEF (Delegação Externa da Fretilin) nian. Golpe ho historia negra (metan) ida nee mak ohin loron halo Alkatiri ho Lu-Olo la husik malu no sobu unidade ho demokrasia iha Fretilin nia laran.

Hakerek na’in hakarak hakerek buat positivo ruma kona ba Lu-Olo, maibe dokumentos hothotu nebee iha, la iha ida mak ko’alia kona ba aspecto sira positivo nian. Maski Lu-Olo nia obra ema ruma nunka hatene, maibe ita tenki rekuinese ninia terus ho ninia kontribuisaun barak ho oituan iha funu libertasaun nian. Dala ruma ema sira ema la kuinese nia serbisu mak makaas liu fali ema sira naran boot, maibe dala ruma mos ema la kuinese tanba ladun halo buat boot ruma.

LU-OLO PRESIDENTI IHA SURAT TAHAN
Militantes Fretilin Hakribi Lideransa Fretilin Nian

Fretilin, nebee uluk, dehan partido povo nian, ohin loron halo ema barak hadok an husi partido nee, tanba politika Alkatiri ho Lu-Olo nian nebee la hatene rona, la haraik-an no la hako’ak ema hotu. Agora iha eleisaun nia laran sente apertado ona, ou dehan ho lian portugues «arrasca» tebes ona, foin buka halo aprosimasaun oioin hodi bele to’o ba iha poder. Maibe susar tebes ona, tanba partido opozisaun sira hotu fila kotuk ba Lu-Olo ho Alkatiri, tanba durante nee Fretilin la kuinese dialogo ho kompromi, la kunsidera partido sira opozisaun hanesan parceiro no adversario politika nebee tenki respeita no rona hodi dinamiza processo desenvolvimento iha aspektu hothotu. Arrogansia nee mosu tanba sira hanoin povo sei fo nia apoio ba sira to’o mate. Ida nee bele reflekte iha Alkatiri nia afirmasaun nebee hakarak ukun to’o tinan 50. Maibe resultado iha 1ª volta hatudu oin-seluk. Agora Alkatiri ho Lu-Olo la’os halai tuir deit partido sira opozisaun nia kotuk hodi buka tulun, maibe halai tuir mos Grupo Fretilin Mudansa nia kotuk. Halai tuir ema sira nebee uluk Alkatiri fo marka ba sira ema frustrado no bulak sira nia kotuk. Ema sira nee mos fila kotuk ba Alkatiri ho Lu-Olo. Agora ita la hatene see los mak frustrado. Maibe resultado eleisaun prezidensial 1ª volta nian halo Fretilin, liliu Alkatiri ho Lu-Olo frustrado tebes. Fakar osan, fos ho mina makaas tiha ona, maibe dalan la kaber nafatin ba Lu-Olo atu la’o ba iha Palacio das Cinzas, tanba povo la vota nafatin ba sira. Ita hein sira bele kontrola sira nian frustrasaun hodi labele provoka desestabilidade ho violencia bainhira lakon iha eleisaun sira mai.

Koko ho meios oioin susar tebes ona manan povo nia laran, neduni, Alkatiri ho Lu-Olo agora diverte (menghibur diri) an hodi dehan: Eks kandidatu ba presidente sira bele la vota ba Lu-Olo, maibe sira nia militante ho simpatizante sira bele vota ba Lu-Olo. Teoria ida nee los no normal iha politika. Iha rai sira nebee ninia demokrasia konsolidada ona, militante husi partido A bele vota fali ba partido B kuando nia la gosta ninia partido nia programa ou kandidato. Sira nunka akuza malu traidor, tanba nee normal iha politika. Iha Timor, la’os impossivel, maibe sei susar oituan militante partido A vota fali ba partido B, tanba sira hanoin partido mak fo han sira, neduni sira mate bandeira hun. Maibe ema balu nia hanoin hahu muda ona. Iha 1ª volta eleisaun presidencial nian, militante Fretilin barak lakohi mate bandeira hun ona, alias lakohi vota ba Fretilin ho Lu-Olo. Nee iha eksplikasaun ida de’it: militante Fretilin sira mos hakribi tebes ona ba politika Alkatiri ho Lu-Olo nian no sira hahu manan konsiensia ona katak, la’os partido mak fo han sira, neduni sira la precisa arriska sira nia futuro ho sira nian vida hodi defende lideransa sira nebe ukun lalos.

. Ita la hatene, baseia ba sa-ida mak Lu-Olo halo retorika katak militante husi partido seluk nian sei vota ba nian. Maibe realidade hatudu tiha ona iha 1º volta no sei akontese tan iha 2ª volta ho lejislativas mai mak militante Fretilin barak la vota ba ninia partido ho kandidatu rasik. Ida nee ita bele haree husi Fretilin nian klaim katak, sira iha militantes hamutuk ema nain 270.000. Ita bolu militante tanba ema sira nee dehan simu ona kartau Fretilin nian. Maibe iha 1ª volta eleisaun presidencial foin liu ba, Lu-Olo hetan de’it 112.000 votos. Nee signifika katak, 162.000 militantes Fretilin nian la vota ba Lu-Olo. Ema sira nee baruk tiha ona ho Fretilin iha lideransa Lu-Olo ho Alkatiri nia okos ka ema sira nee uluk simu kartaun mos naran simu de’it tanba hetan pressaun ho ameasa ruma? Ka ema sira nee agora sai tiha ona husi Fretilin no tama tiha ona ba partido seluk maibe Fretilin sei konta nafatin? Ka ema sira nee tuir hotu Grupo Fretilin Mundansa nebee vota ona ba Horta ou balu vota ona ba kandidatus sira partido opozisaun nian? Se militante Fretilin de’it hamutuk 162.000 mak la fiar ona ba Lu-Olo atu sai presidente RDTL nian, oin-sa mak militante husi partido seluk nian bele fiar fali ba Lu-Olo? Se Lu-Olo rasik la iha kapasidade atu unifika Fretilin nebee fahe malu makaas tanba sira nia politika nebee sala, oin-sa mak bele unifika povo Timor nebee sira rasik mak fahe? Se Lu-Olo rasik labele sai presidenti ba militante Fretilin tomak, oin-sa mak bele sai presidenti ba povo Timor tomak? Husi faktu sira nee hatudu katak Lu-Olo la iha kondisoens atu sai prezidenti RDTL nian.

Iha 2a volta mai, mak Lu-Olo la konsegue hetan 112.000 votos, mak ita bele to’o iha konkluzaun ida katak, resultado nebee hetan iha 1a volta mai husi jogo manipulasaun nian ida.

Fretilin koko ho meios oioin hodi manan votos maibe susar tebes ona. Antes eleisaun hahu, Fretilin liu husi Arsenio Bano fahe fos ba populasaun iha Oekusse hodi vota ba Lu-Olo, maibe Lu-Olo lakon ho La’Sama iha fatin nee. Nee signifika katak ema ida labele sosa ema seluk nia konsiensia. Indonesia uluk mos halo hanesan nee, maibe sira la konsegue. Tuir lolos Fretilin aprende husi GOLKAR hodi labele repete hikas politika foer sira nunee, maibe kopia tomak politika GOLKAR ho FRELIMO nian, la sei halo diak ba Fretilin no Timoroan sira. Fretilin atu hamrik fila fali, precisa hadi’a nia uma laran no tenki rekuinese sala tomak nebee to’o agora Lu-Olo ho Alkatiri lakohi assume. Ida mak fahe kilat ba ema sivil nee. Tanba Rogerio fahe kilat la’os atu defende ninia familia, maibe nia fahe kilat hodi defende poder Fretilin nian, tanba nee, Fretilin tenki assume ninia responsabilidade. Tuir lolos, Lu-Olo ho Alkatiri tenki assume responsabilidade tanba sira nain rua mak hanesan lider maksimu partido nian. Infelismente, sira lakohi assume tanba sira hanoin an ho poder de’it. Sira la hanoin povo.

Sem comentários:

Enviar um comentário

Nota: só um membro deste blogue pode publicar um comentário.