VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

I N T E R F E T
15 Setembro 1999
O Conselho de Segurança da ONU aprova a Resolução n° 1264,
que autoriza a criação de uma força internacional para Timor-Leste (INTERFET)
TIMOR-LESTE



Interview with Fernando Lasama de Araujo: On the road to democracy, where the streets have no name
Dezenvolvimentu Nasional presija iha Programa nebeé Programátiku
Reasun Oposisaun ba Programa VII gov
Primeiro-ministro timorense não entende críticas a programas..
Oposição exige explicações ao Gov sobre justiça e reforma adm..
Xanana Gusmão quer "ganhar experiência" como oposição..
Governo quer duplicar receitas domésticas com IVA e impostos tabaco...
Masuk Indonesia Tanpa Paspor, 2 Warga Timor Leste Diamankan Polisi
Opozisaun Rejeita, Programa VII Governu, Alkatiri: “Hau Prontu...”
Timor "satisfeito" novo acordo que regula fronteira com Austrália
Comissão confirma acordo entre Timor-Leste e Austrália

 
 
   

sexta-feira, 6 de abril de 2007

Mari Alkatiri maka Kausa no problema ba KPM (1)

Hatan ba Karta ka Surat “«Xanana KFS (Konfusu, Fahe no Sobu)”», hare iha blogspot ne´e: http://forum-haksesuk.blogspot.com/2007/04/xanana-kfs.html

Molok atu hatan ba surat ida ne´e, uluk nanain hakerek nain hakerek hodi uja metodo estudo (Causa ka sebab), hafoin mosu ninia efeito ka akibat.

I. Metodologia Jeral Analise

Krise Politika Militar (KPM) ne´e hanesan akontecimentu nebe´e mosu tamba iha relasaun ho akontecimentu seluk. Akontecimentu rua (2) nebe´e ida maka provoka seluk. Problemas social sira nebe´e mosu iha sociedade laos tur-tur deit ka teki-teki mosu husi lalehan, maibe buat ne´e iha ninia «Correlação», iha relasaun husi «variaveis» rua ka liu tan. KPM ne´e konsekuencia ka relaciona husi Politika nebe´e maka Governo RDTL foti hatan ba necessidade real povo nian no hatan hodi buka dalan ba problemas sira nebe´e maka mosu. Iha ne´e relaciona husi KPM ne´e ho variáveis sira nebe´e nudar kausa maka: Modelo demokrasia institucional nebe´e RDTL adopta ka kopia; postura nebe´e arrogante; Elimina iha programa orientasaun Marxista Leninista maibe iha pratika aplika modelo Stalinista; Aliança Estrategika deit no Laos permanente; Konstroe demokrasia ho base ba partido uniko no kontrola aparelu estado nian (Judicial; material no militar, no sst).

II. Hatan ba Artigo Xanana KFS

Molok atu hakerek konaba MA maka Kausa no Problema iha KPM, uluk nanain atu hatan ba artigo ka surat nebe´e maka Membro CCF no CPF nian nebe´e hatou konaba Xanana maka KFS nebe´e autor apresenta pontus oula (8). Iha konsiderasaun balun maka atu hatan direktamente, konaba artigo Xanana KFS maka ne´e:

1. Xanana Presidente Konfusu?

Konta Xanana ninia passado,nusa maka la konta mos Mari Alkatiri (MA) ninia passado,saída maka nia halo iha Mozambique neba, nia halo diplomacia ka nia hakiak Coelho?

Nia estuda iha Universidade Eduardo Mondlene, Mozambique ka nia Estudante koresponde ho Universidade Agostinho Neto, Angola. Laos ida ne´e maka interesse iha hakerek ne´e, maibe hakarak hatan deit katak artigo Xanana KFS ne´e hola parte ba probaganda nebe´e maka FRM buka atu «Transforma MA nudar kausa no problema iha krise politika militar ne´e ba sae hanesan vitima ba krise nebe´e nia rasik maka provoka no kria». Ohin loron ema hotu husu iha dalan ba labarik matandelek ida mos sira hatene se maka autor krise ne´e maka: Mari Bin Amunidin Alkatiri. Dehan Xanana maka aceite deit convite husi Empresariu sira nebe selu nia ba ferias iha Bali ka iha nebe´e deit. Se nune Mari se maka selu iha krise nia laran mai halo tratamentu ninia saúde iha Lisboa, Novembro 2006 no se maka selu ninia ferias Natal no tinan foun iha Bali 2006? Se Laos empresariu maka selu, MA lamos osan iha nebe´e? Ka nia maun alin maka selu tamba sira mesak Empresariu deit, manan tender ba proyek hotu:Fornece hahan ba F-FDTL, iha direitu ba hola kartus no munisoes ba PNTL, kareta Estadu nian obrigatoriumente ba abastece ka tau gazolina iha Gazolineira família Alkatiri nian, proyek bot seluk , no sst. Se Xanana nia oan sira Empresário ka pengusaha maka selu hodi eskola iha Eskola diak iha Dili? Se maka selu MA waihira nia oan sira no família sira ba eskola iha liur (Austrália neba)?

Iha artigo Xanana KFS, dehan mos katak Xanana maka halo konfusaun konaba modelu ka sistema nebe´e maka RDTL adopta ne maka: Semi-presidencial. Xanana Laos maka aumenta konfusaun ba populasaun,maibe modelu nebe´e RDTL kopia ne´e maka la koresponde ho kontextu sócio-kultural Timor LoroSae nian. Tamba buat kopi deit hanesan ita waihira prepara ba exame bele liu ka passa iha exame maibe la hatene buat ida ka la konsegue tau iha pratika. Kasu ne´e reflekte ba MA ho ninia grupos husi Maputo sira hanesan kopi deit saída maka regime Frelimista aplika no destroe sociedade mozambicano, iha tinan 30 ho resin FRELIMO maka Ukun existe maka iha pratika ditadura Partidu Unika. Partidu uniku maka MA hakarak aplika iha Timor, maibe tamba hanoin ne´e Laos MA nian no la koresponde realidade socio-kultural tamba kopi deit neduni la konsegue tau pratika ho kontextu Timor LoroSae nian.

Xanana sai fali líder Oposisaun? Dehan tan Xanana maka harii PSD ho PD? Akusasaun ne´e maka hatudu katak MA maka konfusu duni,nia maka halo fali ninia konfusaun dehan PSD ho PD Xanana maka harii. Bele koalia lori PD nian, PD moris Laos Xanana maka harii, maibe liu husi haksesuk ka diskusaun nebe´e grupo balun nebe hakarak envolve aktivamente iha processu politika Timor nian tinan 2001, grupo Timor oan ne´e Laos sira husi laran deit (Timor) maibe husi liur mos (Timor oan iha Austrália, iha USA, Portugal no New Zeland, no sst). Neduni konfusaun MA ho ninia grupos tamba sira halo konfusaun tamba sira konfundi sira barak maka tama ba PD husi FPI (Frente Politika Interna), estrutura politika nebe´e harii iha Tempo Okupasaun nian maibe depende CNRT no Xanana. FPI nia bot rasik maka Lu´olo (Presidente Fretilin).

Manifestante sira husu atu disolve parlamentu nasional? Tuir lolos situasaun nebe´e passa iha Timor ne´e grave liu, tamba MA nini decisaun maka provoka ruptura no krise naruk nebe´e afekta ba Timor LoroSae. Iha Portugal deit waihira Governo Santana Lopes, tamba desentendimentu iha Governo,Ministru ida sai ba kritika ba PM rasik, haruka Presidente «dissolve parlamento», kompara ho MA nian ne´e grave liu, tamba MA maka konfusu nia maka: Autoriza F-FDTL ba halo seguransa nebe kompetencia PNTL nian, MA halo konfusaun nia auturiza F-FDTL ne (orgaun nebe´e maka ninia komandante supremo maka PR) ne´e maka halo MA konfusu liu tan.

Alfredo bele Rebelde? Tansaida?, hare fila fali, ”«Atuasaun Justisa (ç) ba MA no AR la hanesan (STL, 26/03/2007)”.

2. Xanana Fura Sistema Orgaun Soberania Estado Timor-Leste?

Xanana la iha solidariedade institucional? Se nia la iha solidariedade institucional, nusa maka iha tinan 2005 Igreja Catolika (IC) organiza manifestasaun hodi husu PM MA demite nusa maka Xanana la husu ba PM atu demite, Xanana hatudu kontrariu respeiutu ba Konstituisaun RDTL. Ikus mai iha okasiaun seluk, liliu deklarasaun MA nia ba emprensa Portuguesa dehan katak: ”Xanana maka ninia kandidatu, tamba nia kumpri duni konstituisaun nebe´e tuir MA nia hakarak”. Maibe MA ninia konfusaun maka ne´e: iha eleisaun 2001 nia dehan «no dia da votação vou a praia», hatudu katak MA la fo tulun ba Xanana ninia kandidatura. Ikus mai nia dehan fali dehan kontrariu ho hau nia camarada sira seluk tamba sempre defende rekandidatura Xanana ba 2º Mandatu, tamba Xanana la aceiete tuntutan IC atu husu Xanana demite PM MA. Se Xanana maka hakara fura ka sobu orgaun soberania nusa maka iha biban krise nia laran la husu atu «dissolve parlamento», keta Xanana mos sei hadomi FRETILIN karik la hatene, entre MA ho Xanana se maka FRETILIN liu, historia processo nian maka bele explika rasik.

Iha artigo Xanana KFS dehan nune: “«Iha nia mensagens barak, liu-liu mensagem 23 Marco 2006 kona ba F-FDTL, hatudo lo-los katak hanesan Presidente Republika laiha kumprensaun atu resolve problema petisionarios sira tuir regra konstitusional nomos tuir dalan relasaun instituisional entre orgaun soberano RDTL. Iha Marco 2006 nia hatudo nia katak solusaun ba problema petisionarios sira ho lia fuan kroat no todan atu fo hatene ba ita katak nia mesak maka hatene resolve buat hirak nee governo no F-FDTL sala »”. Tuir lolos MA la hare hetan ka tamba nia konfusu demais tamba lanu poder maka nia la hare hetan konsekuencia husi expulsaun ba 600 Militares nebe´e maka pertence li-liu ba Loromono. Tamba MA konfusu demais maka nia haruka Brigadeiro Taur Matan Ruak hodi hola decisaun nebe´e maka konsidere hanesan (Kausa) ba krise ne´e ninia hun no abut lolos. Hare husi Konstituisaun hatudu lolos katak MA maka iha konfusaun no la hatudu solidariedade institucional maibe nia aproveite Xanana ninia «ausência» hafoin admite Hierarquia F-FDTL expulso 600 militares F-FDTL ne´e.

Problema Militar nebe´e baseia deit ba estatuto interna hodi atua tamba deit militar exige maka diciplina Laos manifestasaun. Konfusaun ba MA maka ne´e: Disciplina no manifestasaun. F-FDTL Petisaun «Indiciplina?» ka faktu indiciplina hanesan responde ba «deskriminasaun nebe existe ka lae iha F-FDTL laran», sira be soe hela alegasaun katak Lorosae maka Funu no Loromono la funu ne´e maka konsidere disciplina? Ne´e MA ninia konfusaun.

Konfusaun seluk maka ne´e, tuir Konstituisaun RDTL nian rasik: Aplikasaun ba lei ka Estatuto Interna kuelker Instituisaun, ninia aplikasaun la bele kontraria ho Konstituisaun RDTL nian,se Lei oan sira ne´e la kompativel ho Konstituisaun RDTL ne konsidere «Inkonstitucional», tamba Manifestasaun ne´e direiutu ba kuelker cidadaun atu nia civil ka militar tenke aplika konstituisaun hanesan.

Haktuir tan Artigo Xanana KFS: ”«Nunee iha Tribunal nian Xanana lafiar no lafo kbiit ba tribunal. Nia halo uluk justica ba ema molok tribunal hateten no hakotu katak ema nee sala ka los. Nia dehan iha 22 Junho 2006 katak lideransa Fretiilin iligitima maibe tribunal hakotu oin seluk»”. Tribunal Rekursu (TR) ninia decisaun katak: Lideransa F husi Kongresso Maio 2006 ne´e ligitimu. Maibe TR ninia decisaun mos sei kestiona hela tamba saída: komposisaun ba juízes sira iha TR, nain tolu (3) deit, Cláudio Ximenes (CX) nebe´e ninia kompetencia mos la kestiona maibe nain rua (2) seluk ne´e mesak «estagioario», logika relacionamentu entre Cláudio Ximenes ho estagiario nain (2) relasaun maka ne´e Estagiaria la kontraria decisaun nebe´e maka koloka tamba sira buka agrada ka kose ba cefe bot, iha ne´e relasaun ho juize nebe´e maka superior atu nune bele promove sira nia kareira. Iha elenco juize sira nebe maka hola decisaun ne´e ida pertence ba Komisaun Jurisdisaun Fretilin (KJF) nian husi kongresso Maio 2006. Iha ne´e deskusaun no decisaun ne´e bele sik ba nebe´e sira hakarak hola decisaun.

Iha artigo Xanana KFS mos dehan: ”«Nia mos hateten katak Alfaredo lasala maibe Alfaredo sai husi nia Quartel Militar no tiru malu ho F-FDTL iha Fatu Ahi nebe oho F-FDTL nain tolu»”, Ita husu fila fali, tansa maka Alfredo halai sai husi Quartel? Saida maka MA fo ordem ba Roque Rodrigues no Lere Anan Timor ema nebe´e akompanya maka Alfredo Rainado simu husi PM MA iha loron 28/04/2006? MA hatene maka nia haruka deit F-FDTL ba atua kontra Peticionarius sira no manifestantes sira seluk iha Taci Tolu no rai Kotu. Tamba ne´e maka Alfredo Reinado halai sai husi Quartel,tamba se maka halo konfusaun rasik ba konstituisaun no orgaun soberania maka MA. Iha krise ne´e lamenta no luto ba F-FDTL sira nebe´e mate, maibe sira hotu laos deit parte F-FDTL fiel ba Governo deit maka mate, maibe husi parte hotu mate,ne hola parte «efeito colateral» iha kuelke krise politika militar, neduni nudar Timor oan tenke Luto ba mate bian sira hotu.

3. Xanana Fahe Falintil No Antigos Kombatentes Sira?

Laos Xanana maka fahe emar Timor oan ba Lorosae maka funu no loromono la funu, kombatentes husi lorosae ho kombatentes husi loromono, maibe Xanana «koalia tuir petisaun nebe´e maka Peticionarius sira hatou maka ne´e:existe ka lae deskriminasaun iha F-FDTL nia laran, iha ka la iha alegasaun sira hanesan ne´e husi komandante balun dehan Lorosae maka funu no loromono mesak milícia deit. Saída maka hierarquia Militar ho Governo ninia atuasaun?Konfusaun maka ne´e Governo MA ho hierarquia F-FDTL sira fo sala liu ba sira peticionarius maibe sira taka se maka hahu uluk ho alegasaun sira ne´e. Ba hierarquia F-FDTL nian ita kompreende tamba sira solidariedade ba malu, maibe MA ho governo maka ita la kompreende. Maibe iha MA ninia diskursu maka ne´e: Fretilin maka bele konstroe no destroe estabilidade, husi sorin ida. Husi sorin seluk, MA hatene katak só Fretilin ho F-FDTL maka bele kria instabilidade iha Timor Lorosae. Hare mos artigo Francisco Cepeda (STL, 03/10/2006) no iha blogspot ne´e: (http://forum-haksesuk.blogspot.com/2007/04/kecintaan-kita-kepa-fretelin-dan-krisis.html).

4. Xanana Fahe no Hakarak Sobu Fretilin?

Xanana maka hakarak fahe Fretilin ka MA ninia hahalok maka hakarak fahe no sobu Fretilin?Hakiduk ba kotuk hodi hare fila fali prekursu MA to´o poder, hahu konferensia Syney, Austrália, 1998 ne´e hanesan golpe ida iha DEF (Delegação Externa da Fretilin), MA desautoriza José Luís Guterres (JLG) nudar cefe DEF hodi organiza konferensia iha Austrália sem conhecimento JLG nian. Problema maka ne´e MA hatene katak problema ba nia ho nia grupo atu to´o poder maka ne´e: Oinsa maka aproveite Mate Konis Santana (KS) nian hodi hadau poder lalais. Ita husu fali se KS la mate MA nem mehi atu kaer Fretilin. Iha ne´e mos mosu dúvida no kestaun maka ne´e:Se maka Oho KS? Se maka hetan beneficiu politiku husi mate KS nian? Resposta ba ida uluk deficil, maibe ida ikus maka ne´e: MA maka hetan liu beneficiu ho Mate KS nian, ho KS mate nia organiza lalais konferensia Sydney hodi foti Lu´olo hanesan Presidium do conselho (estrutura husi Sydney, Ausi., 1998). Ida tan ho mate Ma´uhudo no paralisa Ma´uhuno nian MA ho ninia grupos kaer no uja Fretilin tuir sira nia hakarak no interesse.

Xanana maka hakarak sobu FRETILIN hodi dehan delegado sira simu osan no iha kilat. Konaba osan la hatene, maibe fahe kilat ne´e faktu ida no processu iha Tribunal,se maka fahe kilat, laos vice-Presidente Fretilin rasik, neduni Laos Xanana maka fahe kilat ba militante sira maibe MA ho ninia grupo maka fahe kilat.

5. Xanana Fahe Jovens Sira?

Xanana maka fahe jovens ho artes marciais? Se fali maka buka kontrala massa liu husi hatama grupos artes marciais sira nia bot ba tama iha orgaun partidu nian,hahalok ida ne´e Laos MA no diresaun Fretilin,atu oinsa maka kontrola jovens no massa kaer tiha sira nia bot. Iha ne´e konfusaun maka ne´e Xanana maka fahe ka? MA mos fahe jovens?

Se Xanana iha iniciativa hodi convida Jovens sira ba dialog komunitaria ne´e diak, diferensa ba Xanana ho MA maka ne´e: Xanana ninia hare katak jovens sira parte ba problemas no parte ba solusaun, marginalizasaun ne´e hanesan konvite ba violência. Ba MA lae, Jovens maka problema neduni buka elemina maka haotu problema, dialog la admite iha kontextu ida ne´e. Tese no apreciasaun rua maka iha konfronto.

6. Xanana Fahe PNTL?

Se Xanana fahe PNTL? MA maka politiza PNTL. Xanana fahe PNTL tamba hanesan responde ba politizasaun husi MA nian. Iha aksaun no reaksaun. Oinsa maka Paulo Martins bele serbisu hamutuk ho F-FDTL? se MA rasik maka desautoriza tiha PNTL hodi kaer seguransa entrega ba F-FDTL, sem konsiderasaun no respeitu ba Konstituisaun RDTL rasik? F-FDTL bele atua iha biban nebe´e emergencia maibe ho autorizasaun ka deklarasaun husi PR? Oinsa maka Xanana bele srbisu ho paulo martins ho F-FDTL? Se MA foti poder seguransa entrega tiha ba F-FDTL. Konfusaun ne´e husi MA rasik.

7. Xanana fahe F-FDTL?

Se maka hakarak fahe no sobu maka MA, tamba nia tau Roque Rodrigues ba influencia Taur Matan Ruak hodi lori F-FDTL, tamba falte deit F-FDTL, se lori ona siknifika poder absoluto iha MA nia liman. Reflekte iha Taur ninia decisaun ba expulso 600 F-FDTL Petisaun, MA hatan hodi fo apoio. Maibe MA matan delek ba ninia decisaun ida ne´e ninia konsekuensia maka Timor oras ne´e sai nune.

8.Xanana Fahe Povo no Rai?

Se maka fahe povo no rai?Hare fali krise ne´e nia hun no rohan hafoin bele dehan se maka fahe povo no rai.Iha artigo Xanana KFS mos iha referencia balun maka merece komenta:

a) Fo espasu ba membro pro-integrasaun nian ba tama orgaun soberania hanesan «Conselho de Estado», fo espasu ba antigo milicia sira besik liu ba sira, tamba deit Xanana defende politika rekonsilisaun. Problema maka ne´e hakarak iha Justisa ne´e hahu husi nebe? Husi 1999 deit? Be sira mate iha tinan 1975 (Guerra Civil) entre Fretilin i UDT ne´e se maka responsabiliza?Hare artigo “Lori Vitima 1975 sira nia lian” (http://www-forum-haksesuk.Blogspot.com/lori-vitima-sira-1975-nia-lian.html).

Se hakarak justisa ne´e lolos tenke dada husi tinan 1975, se nune MA ho ninia camarada sira rame-rame masuk penjara, tamba MA mos envolve direkta i inderektamente iha Massakre hanesan Aileu, Maubisse (Erbisa), Same, no sst. Se MA laos autor material maibe autor moral, iha deklrasaun balun maka MA rasik sunu ho lian kroat hanesan «Fogo o Inimigo ka Sunu Inimigo»iha tinan 1975, interpretasaun ba Militante Fretilin sira tun kaer sira laos Fretilin sunu moris deit.

b) Nusa maka se koalia nafatin pro no kontra integrasaun: Diskursu sira dehan, sira pro integrasaun, sira milicia ne´e laos koresponde ona ho kontextu nebe´e maka Timor LoroSae nudar rai nebe´e independente no soberano. Tamba diskursu ne´e deskontextualiza ona, la iha ona grupo pro ka milicia, la iha ona kolonialismo Portugues nem Indonesia. Neduni diskursu sira ne´e so hakara buka soe sala ba sira seluk ba sala nebe´e ita rasik maka hahu no halao, buka hasae ailoruk iha ema seluk nia matan laran maibe la konsegue hare hetan ailuruk nebe´e iha ita nia matan rasik.

1 comentário:

  1. PD mak futuru maibe unidade iha PD nia laran tenke desenvolve no dinamisa hodi bele hasoru desafius ne'ebe maka atu mosu iha futuru, no labele iha arogansia politika iha PD nia laran, tambah karik arongasia mai hosi PD nia laran ba futuru desafius ne'e sei labele resolve tamba laiha unidade ne'ebe metin. hau fiar katak iha maun LASAMA no ASANAMI but hirak ne'ebe ita hein atu mai hanesan desafius ita sei hasoru no solusiona,nudar Timor oan ita tenke hutudu katak ita iha duni Komitmentu ba desenvolvimento Nasional Rai doben ida ne'e, liu hosi Unidade Nasional ita sei hasoru ema ne'ebe hakarak destroy nasaun ida ne'e. dala ita tan UNIDADE NASIONAL sai hanesan mata dalan ba Lideransa sira iha PD laran. se interese pessoal maka forte liu ita sei naksobu.
    obrigado ...

    ResponderEliminar

Nota: só um membro deste blogue pode publicar um comentário.