FH, Lisboa. Ami Vizita PM Mari Alkatiri moras iha Hospital Militar Lisboa, haktuir ne husi Sr. Domingos Hornai ba FH (Forum Haksesuk) iha Lisboa, Sexta (17/02). Haktuir tan Sr. Hornai, hau la hatene se PM Alkatiri halo «Operasaun Prostat» iha Hospital Militar Lisboa, iha kuarta feira (8/02) hau ba konsulta iha Hospital Militar tamba hau mos reformado Militar, waihira hau ba konsulta Enfermeiro dehan mai hau katak “Imi Nia PM Mari Alkatiri halo operasaun iha ne, iha setimo andar (lantai 7).
Sr. Hornai dehan, "hau husu kedan ba cefe sira, bele ba visita ka lae, sira husik hau ho hau no hau kaben ba hare PM Mari Alkatiri, deficil tamba seguransa metin, waihira to´o iha odamatan Seguransa la husik tama ba laran, depois cefe enfermero nian to´o hafoin husik ami ba hare."
Ba FH sr. Domingos Hornai dehan mos katak “PM Mari Alkatiri dehan nia tama iha Hospital Militar loron rua, operasaun no tratamento lao diak, tamba especialista diak sira maka opera nian, neduni loron rua deit iha Hospital Militar Lisboa, PM alta kedan”.
Tuir noticias nebe maka STL hatun katak “PM Mari Alkatiri,halo tratamentu ninia saude iha Lisboa. Tuir fontes nebe besik ba Mari Alkatiri katak PM sofre moras Prostat, neduni tenke halo tratamentu iha Lisboa”. Tenik tan fontes ne “Mari oras ne hela iha Pascoela Barreto nia uman iha Lisboa (STL, 08/02)”.
Waihira konfronta ho PM Mari Alkatiri nia moras, Ministro Adjunto Antonino Bianco ba STL “Hatan ho Hamanasa katak PM Mari Alkatiri la moras ida, dala ruma rai malirin maka moras (STL, 09/02)”.
Estado Saude PM Mari Alkatiri nian ladun fit, neduni iha apresentasaun ninia Livro “Timor Leste o caminho do desenvolvimento os primeiros anos de governação”, iha auditorio nobre reitoria Universidade Lisboa nian, PM la ba le ka baca nota agradedimentu fo fali ba Tatiana Pinto (Ministra Ana Pesoa nian oan feto) nebe estuda iha Universidade Aveiro maka le hodi PM Mari Alkatiri nia naran.
FHLisboa
Sem comentários:
Enviar um comentário
Nota: só um membro deste blogue pode publicar um comentário.