Informasaun falsifikada, ka ignoransia atrevida?

STL 21 Feb 2006



LA iha ksolok ida boot liu ba ida nebe gosta hakerek, wainhira niahatene katak ema nia artigu hodi fo alternativo kritiku.Ida nee hatudu tradisaun atu hametin critica do conhecimento iha itania prosesu ba formao da opiniao publica. Husi kedas nia hun no abutfilosofo boot hanesan Socrates hanorin kona ba docta ignorantia, hodidehan,hau hatene katak hau la hatene buat ida. So ema nebe lapretende atu hatene buat hotu, mak bele tulun malu atu hotu-hotu belebuka hatene no hatene diak liu tan.Ema hanesan nee mak iha coragem atu halo critica. Nia lha hakarak simubuat hotu mata-matak deit. Tan nee mak hau hakarak hatoo hau niasincero gratidao ba Dr. Rui Maria Araujo, Ministro da Saude RDTL.Ninia argumento nebe hatan ba hau nia artigu ârtigu DesschoolingSociety no Estrategia Edukasional (STL 10 & 13 Fevereiro),profundamente forte no iha bazeia ba datum no factum sira nebe diaktebes. Liu-liu tan Dr. Rui koâlia husi autoridade nebe holaresponsabilidade ba projecto Cubano nian. Ba hau, ida nee hanesan lokeona perspectiva ida atu ita hanoin lisuk problema nebe afeta futuruTimor nian.Maski Dr. Rui nia argumento no informasaun diak tebes, maibe iha kuakluan ida iha nia logika nebe seidauk fo jaminan atu ita fiar. Uluknanain, Dr. Rui iha direito tomak atu halo konklusaun sintetiku idakona ba hau nia artigu. Maibe, artigu kona ba Deschooling Society noEstrategia Edukasional hakarak hatoo ideia rua: (1) edukasaun nudarprosesu ba emansipasaun, halo ema ukun rasik an; tenki hatudu (2)estrategia sistematika no programatika hodi tulun foinsae sira atuhari kultura Timor nian iha nivel hotu. Wainhira koalia kona bakultura, hau hakarak refere ba (a) aspektu kognitivu, katak oinsa makita hatene no iha kapasidade atu hanoin no hare ita nia situasaun; (b)aspektu sosial nebe hatudu ba ita nia interaksi no relasauninterpersonal iha komunidade nia laran; no (c) aspektu material neberefere ba kapasidade ekonomika atu halao ita nia moris. Nunee, se itahalo projecto edukasional ida, ita la bele kaer problema kognitivuhodi riba fali ba problema social; eh ita hiit problema sosial hoditidin fali ba problema ekonomika nia leten. Situasaun asymetric idanee mak halo hau hanoin katak ita nia projecto Cubano (no hapara kaisaeskolar) hanesan prosesu ida nebe halo kiak ita nia mentalidadekultural. Tan nee hau dehan culture of poverty.Logical positivismAgora, Dr. Rui nia antitesis hahu husi no hotu iha nivel logicalpositivism ida nebe forte tebes. Logical positivism hakarak dehankatak buat nebe ita bele simu nudar falsu eh los depende ba dadus nofaktus nebe ita iha. Se ema ida halo statement (bele los, bele mosfalsu), nia tenki ba check atu hetan evidencia. Nunee, se dehan loskatak ema ida ba hare iha realidade lor-loron nian, nia sei hetan. Ihapozisaun ida nee ita bele simu tomak buat nebe Dr. Rui hateten iha niaartigu. Nia hateten los, tan nia ba Cuba hodi hare katak buat hotu laodiak. No mos, sira iha Cuba hakerek e-mail hodi hatudu katak buat hotulao diak, ema hotu liu exame ho notas mesak brilyant deit.Infelizmente, Dr. Rui la hakarak prova fali hipotesis nebe hau hatudu.Hanesan hau dehan tiha ona sira nebe ba Cuba, se 5% sai doutor neekatak optimo; se 10% sai doutor entaun milagre. Liu numeru ida nee,katak, ita nia foinsae sira nebe ba Cuba halo ona mission impossibleida. Se ita fila ba Dr. Rui, entaun implisit nia justifika hipotesisida nee. Hau hakarak hatudu fila fali:1. Duranti tinan 24 hamutuk ho Indonesia, Timor oan sira bele saidoutor hamutuk ema 50 (numero Dr. Rui nian). Nee katak tinan ida Timoroan 2,083 mak sai doutor. Agora, Dr. Rui no Ministerio da Saude RDTLhakarak halo doutor 400 iha tinan 10 (2005 -2015) nia laran (balundehan sei haruka tan too 1000)? Nee katak tinan ida ita hetan mediku40. Fantastiku!!!2. Iha Dr. Rui sira nia tempo, ita iha ona baze bahasa Indonesia.Laos dehan buat hotu mesak diak. Maibe, pelo menos iha programa diakba IPA (natural sciences) no laboratorium kiik nebe bele sustentaestundantes sira. Ho ida nee mos ita bele hetan too ema 100 deitkarik! Agora, ita nia programa no equipamento ba natural scienceseidauk diak. Oinsa mak ita bele hetan ema 400 (dehan sei too ema1000)? Depois, iha lingua ... ita sei sidi tun sidi sae atu aprendePortugues, ita nia foinsae sira tenki ba aprende tan lingua Espanhol.Duranti tinan 4 iha Europa, hau aprende Italiano, Portugues, Ingles,no Frances. Maski hau nunka aprende Espanhol, maibe hau hanoin nia mosla facil hanesan sira seluk. Hau la dun fiar buat nebe Dr. Rui dehankatak sira aprende fulan 3 nia laran! Ema 10 eh 20 nee buat ida, ema100 too 400 nee buat seluk ona. Pelo amor de Deus, hau la brani atudehan katak independencia hotu tiha ita hotu nia kakutak sai encer.3. Atu halo selesaun hanesan buat nebe Dr. Rui dehan, hau hanoin niaiha kompetensia boot liu. Hau estuda filosofia. Nee duni hau la ihabuat ida atu halo ho kedokteran. Maibe, wainhira periksa mahasiswasira nia paper/makalah, hau hakarak dehan katak ita nia modelopensamento simbolico fraku tan la iha latihan makaas. Modelo ida neebazeia ba matematika no fisika. Hau hanoin, hanesan siencia tomak, ihakedokteran simbolismo mos buat importante ida. Serque, iha Cuba itabele halo diak liu? Keta halo, ita hasoru desastru boot liu tan. IhaBaucau, por exemplo, ema mai halimar dehan se hakarak mate lalais,entaun moras oituan deit ba kedas padre Martinho no doutor Cubanosira. Katak, mai atu hau kosemina no fo tiha Sakramentu Ikus, depoismak ba doutor Cuba fo aimoruk! Nee la dura, mate kotu kedas.Sinceramente, kona ba selesaun ba Cuba hau la hatene nia prosesu.Maibe, tim seleksi mai husi professores kompetenti iha area medicinaliha Universidade Cubano nian, ka mai husi dokter umum sira, eh balunmantan SPK eh Akper nebe servisu iha Ministerio da Saude? Dadus nebeDr. Rui fo seidauk halo ita atu fiar tomak, tan, oinsa mak ihaIndonesia nia tempo ita hetan deit 50, ohin loron ita bele halo too400? Oinsa mak balun testing iha UNTL la liu, ba medicina bele liufali? Laos ema hotu. Maibe ema ida ka rua. Dala ida tan, Dr. Rui nodoutor seluk hatene liu hau.4. Se belun doutor Timor oan no infermeiro-a sira la dehan liabosok ba hau, entaun hau hakarak dehan ba Dr. Rui katak buat nebe ihaCuba dehan doutor, iha Indonesia eh Timor karik la diak liu Akper ehSPK. Tan sa ita taka tiha SPK no Akper hodi lulun mos tiha labariksira ba Cuba? Nee Ministro da Saude mak hatene. Hau la iha kompetensiaatu deklara.5. Dehan katak iha 2015 ita nia populasaun iha 1,5 milloes. TuirDr. Rui nia kalkula, ita presiza 1,500 mediku. Hau hanoin, atu formamediku diak nian ita la ba forma ema hanesan atu ba hada fatuk eh keebaleta kuak. Ita forma ema ho personalidade no karakter diak, laos tanita buka baratu eh gratis deit. Hau dehan tiha ona, ba Cuba ita nia PMDr. Mari Alkatiri, no agora MS Dr. Rui dehan ita nasaun ida nebe kiaktan nee ita presiza apoio no aproveitamentu iha Cuba. Maibe, baAustralia ita doko rai dehan katak ita riku ho fundu mina-rai nian atununee ita lalika tane liman tun sae husu esmola (mais ou menos PM Dr.Alkatiri nian lian iha RTTL). Esplika fila took ba atu nunee povuMaubere bele kumprende?6. Maibe, pergunta: ita Timor presiza deit doutores? Tan sa makita la halo, por exemplo, 200 ba mediku no 200 ba agricultura, 200 bapeska, 200 ba aprende oinsa mak halo esplorasaun minerais, etc.? Tansa mak ita lulun tomak 400 ba mediku (sei too 1000) iha Cuba, no areaseluk ita la rona is oitun? Ah, tan iha futuru (2015) nasaun Timor neemesak povu Maubere moras atan deit?Konklusaun: hodi logical positivism ita bele sura buat barak atu simuno atu nega dadus no faktus nebe iha. Hau la nega Dr. Rui niaesperiencia no empirical evidence. Maibe, ida nee la resolve buat nebehau hakarak dehan kona ba estrategia edukasional. Katak, durantiFRETELIN nia mandatu ita nia edukasaun la funsiona didiak. Prosesulori ba Cuba hakarak deit atu justifika katak ita halao politizasaunba sistema edukasional. Tan, uluk ita dehan formasaun Indonesia lavale buat ida (ikus mai dehan sarjana supermi). Portugal mak diak liuhotu. Ita lori labarik atus hira ba Portugal, maibe la iha relatorioida kona ba nasaun nia futuru. Ohin loron, Portugal nia resultadoseidauk iha, ita haklalak fali ona katak Cuba mak diak liu hotu. Abanbainrua, nebe mak diak liu? Ita la hatene! Tan ita la iha paradigmaatu sukat ita nia sistema edukasional. Hau hanoin, Dr. Rui secarahalus hakarak halai ses tiha husi situasaun ida nee hodi joga deitfactum partikular sira. Dala ida tan, hau la nega Dr. Rui nia factum.So hau la dun convinced ho datum no logika nebe Dr. Rui halo.Cognitive interestDr. Rui halo istoria oan ida nebe halo hau mos sinti emosionado.Katak, nia hakerek ba Cardeal no Bispos sira atu fo apoio ba vidaespiritual foinsae sira nian. Se karik Dr. Rui desconfia katak hautauk ho komunista, hau dehan katak hau la tauk. Hau konkorda ho buatnebe Dr. Carlos Saky husi UNPAZ hakerek tiha ona iha STL semana hirakliu ba. Tan nee, hau la iha duvida ba surat nebe Dr. Rui sita husiMgr. Garcia Ibanez bele fo jaminan. Hau fiar ba Dr. Rui niasinceridade!Ba carissimo Sidonio J. Da Silva Pereira, Columbianus da Silva,Juvencio Dias no estimada Leonita Pinto, hau la iha duvida ba alinsira nia mission impossible ida nee. Liu-liu ba estimada Dulce Pereiranebe hakerek hodi hatudu coragem boot, katak hau nia komentariuhanesan ... memacu tan ami atu esforza-an tan ba estuda, atu nuneeami bele hetan succeso estudo hodi hatudu ba Padre Martinho no povo TLkatak estudantes timorense iha Cuba mos bele.Muy querida Dulce, buat nebe alin dehan nudar esforza-an no hatudu ba... povu TL katak estudantes timorense iha Cuba mos bele haloreferencia ba buat nebe ita dehan nudar cognitive interest. Hau hasaitiha liafuanPadre Martinho nebe la dun importante. Liafuan cognitiveinterest hatudu oinsa mak ita nia hanoin no matenek nee berfungsi. Iharezim kognitivu ida nee ita hatudu buat tolu: (1) iha parte teknika,alin sira buka estuda oinsa mak fo aimoruk, sona ema moras, bali emasusar sira nudar medico. Iha nee mak Dulce dehan Timorense iha Cubamos bele. Maibe, (2) wainhira dehan esforza-an, alin doben hakarakkoalia kona ba historical-hermeneutic; dehan katak, esforsu husiautonomia estudantes ida-idak no atu halo relasaun interpersonal hosociedade no kultura Cubana nian. Liafuan historical iha nia artikhusus, katak moris tuir realidade Cuba nian. Historia laos deit ilmumasa lalu, maibe komprensaun no interpretasaun (hermeneutic) ba loronohin nian. Atu dehan ho liafuan simples, Dulce hatudu nia an nudarfoinsae nebe hatene lori-an, hatene kuidadu nia moris. Se hau fiarDulce nia liafuan, entaun alin doben lori ita nia hanoin ba (3)critical eh self-reflective, katak, Dulce no foinsae sira nebe ihahanoin hanesan bele ona kritika nia an (eh, ho liafuan espiritualdehan discernimento). Ho aspektu tolu nebe hau hare husi Dulce niae-mail, alin doben hakarak reafirma buat nebe hau dehan nudardeschooling society. Katak, maski sistema edukativa no kontekstu nebealin doben sira hasoru susar no todan, alin sira iha vontade boot atuhakur liu aitarak no besi-mean sira nee hotu. Se hau dehan, alinsira halo mission impossible, nee la dehan katak hau julga katak alinsira gagal total. Uluk sei kiik, hau gosta hare film missionimpossible. Film nee hatudu oinsa mak autor sira bele resolvesituasaun kritiku. Ba alin sira, hau hakarak dedika hau nia sentimentomais profundo no florinha simples ida iha hau nia orasaun.Maibe, Dr. Rui la bele uza sira nain lima nee atu generaliza ba 400!Se ita hetan foinsa 5, bele mos 50 hanoin hanesan, nee la dehan katak400 (eh 1000) hanoin hanesan nee hotu. Iha nee Dr. Rui halo ona buatnebe ema dehan nudar fallibilismo psikologiku ida. Uluk nanain,fallibilismo nee la seluk la let mak ita dehan ignorantia Socratico.Dehan katak, maski ita hanoin dehan katak ita hatene buat hotu(episteme), maibe na realidade ita la hatene buat hotu (doxa). Ita niaconhecimento laos certeza, maibe halibur hamutuk dadus no faktusbarak. Buat nebe hau hakerek, la bele sai hanesan dogma ida nebe loshotu kedas. Tan nee mak Dr. Rui nia artigu hakarak fo balancia ida.Entaun, iha prosesu ida nee ita halao funsaun critica, oinsa mak tetuno sukat hamutuk problema ida husi perspectiva oi-oin.Iha parte seluk, fallibilismo sai fraku wainhira ita hela deit ihaaspektu psikologiku. Dehan katak, ita nia tensaun sae wainhira emaseluk hatudu ita nia frakeza (kelemahan) parsial ida. Dehan ida nee,tan hau nia artigu koalia liu ba edukasaun nudar emansipasaun. Entaun,hau koloka hau nia hanoin iha preokupasaun ida nebe global nointegral. Kazu projecto Cubano no hapara kaisa eskolar nee hanesanilustrasi. Dr. Rui nia reasaun nee partikular no lokal, katak, kona badoutores sira deit. Nia hatoo deit situasaun katak prosesu noaproveitamentu iha Cuba sei diak (katak iha futuru). Maibe, provashirak nebe Dr. Rui hatudu nee mai husi deit situasaun psikologis. Idanee hanesan autosugestif (menghibur diri) ida. Katak, hodi estudantes5 Dr. Rui buka provas contrarias atu dehan katak katak hau niaopiniaun hanesan informasaun falsifikada, (no) ignoransia atrevida? Baida nee Dr. Rui iha direito tomak atu halo. Agora, hau niapreokupasaun kona ba emansipasaun la hetan reasaun nebe profunda noforte. Hodi liafuan emansipasaun, hau hakarak asentua (menekankan)sistematika no programatika edukasaun nebe koresponde ba necessidadenacional no global. Hanesan hau hola fali Gus Dur (uluk PresidentiIndonesia) nia istilah ba Indonesia, ita nia sistema mos sistem yang**************************************************************************************************************************************************************************************************************bukan-bukan " bukan Indonesia, bukan Portugal, bukan Brazil, bukanMozambique, bukan Cuba, bukan Australia ... dan bukan Timor Leste.Entaun, se hau bele autmenta oituan, hau hakarak dehan katak nasaunnia futuru laos moras atan deit mak iha nee, maibe vida tomak nebehalo katak ita ema moris iha ita nia humanidade. Edukasaun tenki haloita too iha emansipasaun humanidade nian. Romo Y.B. Mangunwijaya dehanmendidik manusia merdeka. Atu hetan mediku, nee problema parsial. Labele lori premis partikular ida atu justifika situasaun geral ida.Dr. Rui la dun brani atu aprofunda datum ida, katak, ita lakonkomitmen etis ba projecto iha Portugal. Ita la iha responsabilidadeatu fo hatene ba povu Maubere no familia sira kona ba oan sira niaparadeiro iha Portugal. Ministerio da Educao dehan saida ba Timor noba povu Maubere? La iha liafuan oficial ida. Tan nee, keta fo utopiamamuk ba Timor nia futuru liu husi projecto Cubano.Liafuan ikus ...Bele mosu katak hau nia artigu exagerado oituan. Maibe, hau niaintensaun hakarak atu sobu tiha dogma foun nebe ita simu deit (takenfor granted) husi prosesu politiku lubuk ida iha Timor nee. Ita hotupovu Maubere. Balun nebe rona tuir deit patraun politika sira nialiafuan hanesan dogma foun. Ami povu Maubere sira seluk bele bukahatene oituan hodi haksesuk malu. Liu-liu buka hatene koba ba projectoCubano nebe misterio boot ida. Ita la hatene Cuba nia hun no abut,sanak no dikin. Teki-tekin ita halo projecto ida nebe boot no involvejovens barak. Antes ba Cuba, jovens balun mai kolia. Hodi la informalolos Cuba nia situasaun ba Povu Maube, entaun Governo (caso quo, MSDr. Rui) falsifika ona situasaun actual ba ita. Entaun, Dr. Rui rasikmak hatudu nia ignoransia atrevida! Diak liu hau sai ignorante. Seisai pecado grave ba hau, se hau hela indiferente (mendiamkan saja!).Ba hau, husik nonok deit situasaun hirak nee hanesan mos traidor bahau nia consciencia.Maibe, obrigado ba Dr. Rui, tan polemika nebe ita hahu, hanesan bemintelectual comum, nebe bele sai hanesan alisersu ida atu harisociedade Timor ida nebe livre no tolerante.Hau hakarak taka artigu ida nee ho S. Paulo nia surat ba sarani siraiha Glatas hodi dehan "E agora, ser que me tornei inimigo, sa porquelhes disse a verdade? (âpakah dengan mengatakan kebenaran kepadamu,aku telah menjadi musuhmu? Gal 4, 16).
*Martinho G. da Silva Gusmao