Paradigma Maubereana
(i) Tese Primordialista.
Tese ka argumentu ida ne associa ba simbolismo, etnicidade, nebe haknauk ba Anthony Smith katak “The etnic Origens of Nations”. Banati ba ita nian katak, atributo ba ita nian maka hanesan: tais, uma adat, ita nia fiar rasik, ita nia emar.
(ii) Tese Modernista ”Materialista”.
Tese modernista defende katak ”nacionalismo hafoin mosu wainhira iha revolusaun, hare ba revolusaun industrial no revolusaun Francesa.” Ba sira modernistas kata Nasionalismo ne so mosu wainhira era moderna hahu ho revolusaun. Tese ida ne Ernest Gellner hakerek “Nation and nationalism”. Konstrusaun modernista ka materialista sira ignora saída maka bolu kultura primordialista, maibe argumenta katak kultura erudita nebe wainhira hahu konstruir revolusaun (industrial no Francesa).
(iii) Tese Perenialista.
Tese ida ne autor Anthony Smith maka defende hodi hatan ba tese modernista. Smith ninia tese katak “Labele ignora ba kultura Primordialista, maibe ba Smith, kultura primordialista maka fo origins ba Eurdita”. Hanesa anologia karik” Ai-fuan nebe moris iha ai-laran fuik, iha ai-laran neba ladun fo fuan diak, maibe waihira ita halo toos no hadia didiak toos ne hodi kuda Ai-fuan nia sei fo fuan diak, barak”. Ai-fuan kuda iha ai-laran fuik (primordialista), maibe ai-fuan kuda iha toos (modernista). Neduni Perenialista sira nia tese katak ”Primoridialista ho modernista ne iha ligasaun ba malu, labele koalia modernista wainhira la iha primordialista”.
(iv) Nasionalismo vs Globalização, ka Lokal vs Global, ka Global vs Lokal.
“Globalização” ne produto lokal ida hafoin sai Global, nebe haknauk ba Boaventura Sousa Santos katak “Globalização Pressupõe a localição, ou vise-versa”. Hanesan exemplo deit: Hamburger ne hahan nebe produtos lokal (New Jersey, USA) maibe transforma ba global. Inglês ne lian lokal (Inglaterra) maibe transforma ba global. Nasionalisme maka fo origens ba Kolonizasaun (tese modernista), obriga Rai Europa sira ba buka descoberta rai sira seluk iha mundo, atu oinsa maka bele sustenta ba sira sasan sira be deskoberta liu husi revolusaun industria.
(v) Paradigma Maubereana?
Teoria ka paradigma sira konstroe no deskontroe, bele ka la bele konstroe paradigma ida mesak maka: Paradigma Maubereana (Maubere), paradigma Maubereana nebe bele konstroe ho base ba teoria ka tese Primordialista, Modernista, Perenilista no Globalização hanesan produtos ka nacionalismo lokal. Hanesan Conceito Sociologia Tuir Boaventura Sousa Santos dehan ”Territorialização-Desterritorialização-Reterritorialização”. a) Territorialização: hare ba kasu Timor, molok tama kolonialismo, iha ona Identidade nasional maka: Lian, iha emar, iha Fiar. b) Desterritorialização: Bele klassifika ho hahu tama Kolonizasaun Português no Okupasaun Indonésia, Sira intrudus sira nia kultura, nebe maluk sira balun temi “Genocídio Cultural”, nebe provoka Ruptura iha ita nia sociedade no “Resistência”, maske Português sira lori sira nia civilizasaun maibe ita mos mantem ita nian rasik: Fiar Lulik nafatin, hatais ita nia tais, koalia ita nia lian, no sst. c) Reterritorialização: Ita Ukun An, Haknauk ba Huntington “Katak Atu hatene ita nia an, wainhira ita hatense se maka Laos ita”. Ita hatene katak ita hatene se maka Indonésia, ita hatene se maka Portugal, ita hatene se maka Austrália, ita mos hatene se maka Afrika. Maibe Paradigma Maubereana nebe iha ona nia elementos hodi konstroe baseia ba Teses: Primordialista, Maodernista, Perenialista no Globalização.
) FH
(i) Tese Primordialista.
Tese ka argumentu ida ne associa ba simbolismo, etnicidade, nebe haknauk ba Anthony Smith katak “The etnic Origens of Nations”. Banati ba ita nian katak, atributo ba ita nian maka hanesan: tais, uma adat, ita nia fiar rasik, ita nia emar.
(ii) Tese Modernista ”Materialista”.
Tese modernista defende katak ”nacionalismo hafoin mosu wainhira iha revolusaun, hare ba revolusaun industrial no revolusaun Francesa.” Ba sira modernistas kata Nasionalismo ne so mosu wainhira era moderna hahu ho revolusaun. Tese ida ne Ernest Gellner hakerek “Nation and nationalism”. Konstrusaun modernista ka materialista sira ignora saída maka bolu kultura primordialista, maibe argumenta katak kultura erudita nebe wainhira hahu konstruir revolusaun (industrial no Francesa).
(iii) Tese Perenialista.
Tese ida ne autor Anthony Smith maka defende hodi hatan ba tese modernista. Smith ninia tese katak “Labele ignora ba kultura Primordialista, maibe ba Smith, kultura primordialista maka fo origins ba Eurdita”. Hanesa anologia karik” Ai-fuan nebe moris iha ai-laran fuik, iha ai-laran neba ladun fo fuan diak, maibe waihira ita halo toos no hadia didiak toos ne hodi kuda Ai-fuan nia sei fo fuan diak, barak”. Ai-fuan kuda iha ai-laran fuik (primordialista), maibe ai-fuan kuda iha toos (modernista). Neduni Perenialista sira nia tese katak ”Primoridialista ho modernista ne iha ligasaun ba malu, labele koalia modernista wainhira la iha primordialista”.
(iv) Nasionalismo vs Globalização, ka Lokal vs Global, ka Global vs Lokal.
“Globalização” ne produto lokal ida hafoin sai Global, nebe haknauk ba Boaventura Sousa Santos katak “Globalização Pressupõe a localição, ou vise-versa”. Hanesan exemplo deit: Hamburger ne hahan nebe produtos lokal (New Jersey, USA) maibe transforma ba global. Inglês ne lian lokal (Inglaterra) maibe transforma ba global. Nasionalisme maka fo origens ba Kolonizasaun (tese modernista), obriga Rai Europa sira ba buka descoberta rai sira seluk iha mundo, atu oinsa maka bele sustenta ba sira sasan sira be deskoberta liu husi revolusaun industria.
(v) Paradigma Maubereana?
Teoria ka paradigma sira konstroe no deskontroe, bele ka la bele konstroe paradigma ida mesak maka: Paradigma Maubereana (Maubere), paradigma Maubereana nebe bele konstroe ho base ba teoria ka tese Primordialista, Modernista, Perenilista no Globalização hanesan produtos ka nacionalismo lokal. Hanesan Conceito Sociologia Tuir Boaventura Sousa Santos dehan ”Territorialização-Desterritorialização-Reterritorialização”. a) Territorialização: hare ba kasu Timor, molok tama kolonialismo, iha ona Identidade nasional maka: Lian, iha emar, iha Fiar. b) Desterritorialização: Bele klassifika ho hahu tama Kolonizasaun Português no Okupasaun Indonésia, Sira intrudus sira nia kultura, nebe maluk sira balun temi “Genocídio Cultural”, nebe provoka Ruptura iha ita nia sociedade no “Resistência”, maske Português sira lori sira nia civilizasaun maibe ita mos mantem ita nian rasik: Fiar Lulik nafatin, hatais ita nia tais, koalia ita nia lian, no sst. c) Reterritorialização: Ita Ukun An, Haknauk ba Huntington “Katak Atu hatene ita nia an, wainhira ita hatense se maka Laos ita”. Ita hatene katak ita hatene se maka Indonésia, ita hatene se maka Portugal, ita hatene se maka Austrália, ita mos hatene se maka Afrika. Maibe Paradigma Maubereana nebe iha ona nia elementos hodi konstroe baseia ba Teses: Primordialista, Maodernista, Perenialista no Globalização.
) FH
Hau ata,hanoin ida ho maluk nia hakerek konaba ita tenke konstroe ita nia Identidade rasik,maka identidade Maubere oan.hau ata ladun iha kapasidade hodi fo hanoin nebe maka envolve konceitus teorikus no argumentus suficiente.Ohin maka ne deit.
ResponderEliminarMoris Maubere oan!
Alberto Rodrigues
MAUBERE NEÉ SE?
ResponderEliminarHosi:NAIKOLI*
Ohin loron neé iha lian sakat (lian sakat=divergência) barak konaba lia “Maubere”.Balu dehan katak Maubere neé emar Timor nebe atan, nudar emar beik,emar kiak no emar nebe maka lakohi simu Assimilasaun hosi Kultura Osidentais nian. Balu fali dehan katak Maubere neé Fretilin maka usa hodi identifika povo Timor ninia-na.
Tuir hau nia hare,lia Maubere neé fahe ba konseito rua (2) :
I (Ida), Hosi kolonialista : Tamba kolonialista sira molok atu tama iha ita rain Timor Lorosae, sira (kolonialista)buka oinsa maka atu manan ema rai nain no lori riku no soi (Riko no soi=as riquezas).Ida uluk, sira lori sira nia kroat maka politika Assimilasaun nian, bainhira haruka ita atu moris tuir hanesan sira nia lisan no simu relegiaun katolika hanesan fiar nebe maka los no hafahe ba naran Sarani no jentiu. Ema nebe Jentiu muda sira naran ba sarani hanesan narans Berleki ka Bermau ba naran José ka António no sel-seluk tan,halo tiha ne hafoin bele dehan katak ema neé sivilijado. Maibe,ita nia Beiala sira la simu política ida neé hanesan dalan los ba sira nia moris no la simu Relegiuan Katolika hanesan fiar nebe maka kolonialista sira maka fihir. Ita nia Beiala sira no lian nain sira halo hanesan neé tamba hodi rai Moris kedas ita nian beiala sira no lian nain sira fiar kedas ona Lulik ho Maromak. Fiar neé hatudu husi sira nia moris lor-loron, hanesan waihira sei dauk han batar, se iba saubatar uluk (neé ataúd katak ita iha duni fiar ba Lulik). Neé duni, emar nebe maka la simu Assimilasaun ho hahalok no lisan kolonialista nian (a cultura occidental) no la simu relegiaun katolika bolu “Maubere”.
II (Rua), Hare hosi conceito socio-politica (Sociología no Política), katak Maubere neé Identidade emar ida nian, tamba hodi rai moris kedas ida-idak iha nia identidade política, la iha lian ida boot liu lian seluk, la iha lisan ida boot liu lisan seluk,maibe lisan no lian ida-idak iha nia abut keta-ketak. Neduni waihira, maluk Timor sira dehan katak Maubere nudar Emar Timor oan, neé tamba ita hare katak ita mos iha rai no lisan mesak, Alcoy tuir hanesan emar kolonialista sira. Kolonialista sira dehan katak ita Maubere neé ema atan, soin laihaa,kiak,aát no sel-seluk tan. Maibe sira aula tiha katak saida maka tuir Judea ni alisan, baihira emar ida mate hedi iha Cruz? No nuda remar Kristaun saida maka sira fiar no dehan konaba Nai Jesu Cristo mate iha Cruz?
Tuir Judea sira bainhira ema ida mate hedi iha Cruz, neé hatudu katak emar neé nauk tem, ema revoltouso,emar nebe moris latuir lisan rai neé nian (Lisan Judeu ka yahudi). Maibe ba ema Kristaun, Nain Jesús Cristo ninia mate iha cruz neé Lulik hatudu katak Maromak Oan mate atu tulun ema nia sala.
LIAN Ikus:
Ne´eduni, tuir emar Judea no emar Kristaun sira hanoin no dehan katak konaba Nai Jesu Cristo mate iha Cruz, ida dehan katak ema ida sala nain no nauk ten, ida seluk dehan katak Nai Jesús Kristo mate tamba kasu ita ema moris nia sala.
Ne´e duni,kaer ba lian sakat iha leten,kolonialista dehan katak Maubere neé ema atan no beik,maibe ita nudar Timor oan dehan katak “Maubere” neé ita Timor nia identidade hanesan mos ema Portugues bolu katak “Povo Lusitano”.
*Naikoli neé Maubere oan ida nebe buka matenek iha ema Lusitano nia rain!!!
Termo 'MAUBERE' ne'e tuir hau nia hare'e, la'os refleksaun husi valores kulturais Timor nian, mas ida ne'e hanesan ' political construction' deit.
ResponderEliminarTermo ida ne'e mosu, tuir istoria, hanesan belun balun haktuir tiha ona, atu refere ba ema Timor nia oan balu nebe lakohi simu 'MALAE MUTIN'. Tama fali faze foun, iha tempo okupasaun Indonesia nian, Timor nia oan sira uza termo 'MAUBERE' hodi refere ba iha ema Timor nia ona sira nebe kontra 'MATAN BUBU' sira.
Wainhira partido mosu barak, partido FRETILIN hahu'u uza termo' MAUBERE' iha kampanha, no iha discurso politik, hodi refere ba povu Timor sira nebe anti -kolonialista , sai atan, kiak, foer sira.
Tama fali iha tempo okupasaun, termo' MAUBERE' kontinua existe. Iha 1988, oficialmente mosu ona organizasaun CNRM, maun boot Xanana rasik mak funda ida ne'e, hodi bele accumulate povu Timor sira nebe, la'os FRETILIN nia oan sira deit, mas ba ema hotu nebe fo'an hodi luta ba ukun rasik-an. Iha mudansa politiko ida ne'e mos labele manan nafatin mundo nia fiar ba Timor nia funu, tamba iha altura ne'e rai barak iha mundu tomak hatene katak funu iha Timor ne'e FRETELIN deit mak halo, segelintir deit mak hakribi ou lakohi duni okupasaun, coupled with the issue of 'COMMUNISM'. Iha altura ne' e ita nia diplomasia ladun la'o diak. Iha rai laran mos nune'e, Timor nia oan sira nebe husi partido seluk, la'os FRETILIN senti sira 'BEING EXCLUDED' husi procesu resistencia, mezmo sira hakarak fo'an mos. Tamba sira ho razaun katak organizaun CNRM ne'e accumula deit FRETILIN sira.
Hare'e husi esperiencia ida sira ne'e, mak iha tinan 1998, iha tan fali mudansa politiko,nebe Timor lubun boot ida halo sorumutu iha Portugal hodi muda fali CNRM ba CNRT, atu nune'e bele simu ema hotu, partido nebe deit, se deit, nebe hakarak involve iha procesu resistensia nia laran. Ho mudanca ida ne'e, Timor nia oan sira, la'os FRETILIN nia ona sira deit ho mundu preokupa dau-daun ona ho problema Timor nian. Iha ikus Timor nia oan sira culmina duni sira nia luta. Opsi ukun rasik-an nian mos iha momentu referendo uza duni simbolo CNRT nian, la'os bandeira FRETILIN nian ou simbolo seluk.
Atu klarifia deit belun Naikoli nia argumentu katak' MAUBERE' nee identidade Timor nian. Indentidade ida nebe lai ?? Identidade cultural?. Se belun dehan identidade kultural, entaun hau ' REBUT' ita boot nia argumentu hodi hateten katak' MAUBERE' ne'e la'os identidade kultural mas identidade politik, because it is politically constructed.
Obrigado.
Francisco LS.
etsa@yahoogroups.com
Obrigado ba Naikoli nia hatan. Hau simplesmente aseita ho buat barak mak Naikoli esplika tiha ona iha artikel laran mesmo hau rasik sei iha dubidas barak tanba hau mos komprende katak atu kontroe Mauberana laos buat ida simples. Diskusaun hanesan ne'e bele dudu ita hodi aprende liutan saida mak ita lahatene.
ResponderEliminarLiteratura Kolonialismo nian ladun barak ou dala ruma laiha ida mak koalia kona ba termu Maubere. Ida nebe hau hetan koalia liu kona ba povo Timor nudar ema KAFIR ka fiar laiha (hanesan mos saida mak Naikoli hakerek). Pur exemplo iha 1514 Portuguese nia ema ida naran Rui Brito sai housi Timor ba heteten ba Liurai Portugal D. Manuel katak, "Timor is an island beyond Java, has plenty sandalwood, plenty honey, plenty wax, hasn't junks for navigating, is a big island of kaffirs; (http://www.uc.pt/timor/atop.html).
Kolonialismo nis legasaun (legacy) nebe representa ema Timor Leste mak devisaun FIRAKU no KALADI. Maibe liafuan Maubere nunka uja hodi termina ema Timor iha sira nia literatura.
Iha Indonesia nia tempu, liafuan Maubere mos nunka uja hodi identifika ema Timor Leste. Literatura sira nian balun nebe buka justifika Timor Leste hanesan parte ida ho Indonesia mak historia SRIWIJAYA ho MAJAPAHIT nian.
Hirak ne'e hau nia research pedasuk balun nebe hau buka hodi komprende saida mak Naikoli tau iha fourm ne'e.
Hare tuir esperiensia nudar Timor Leste nia oan (Laos Timor oan) hau bele hateten katak liafuan Maubere ne'e ita rasik mak uja, li-liu ema resistencia sira atu identifika ita nia an nudar Rakyat Tertindas. Hau dehan identidade resistencia tanba liafuan Maubere moris iha kontextu resistencia nia laran. Ho nune'e hau mos la aseita ho Naikoli katak Maubere ne'e identidade ema Timor Leste nian. Apalagi identidade ema Timor nian.
Iha kontextu ida hau heteten iha leten ne'e mos atu esplika katak liafuan Maubere laiha ligasaun ho laiha relijiaun ka fiar lulik. Ida ne'e mos atu nega Naikoli nia hanoin katak ema hirak nebe la simu asimiliasaun bolu Maubere. Tanba literatura kolonialismo hateten Timor nudar ema fiar laiha ka KAFIR iha tempu neba. Karik persija estudu atropologia ruma hodi buka hatene liutan ida ne'e.
Hare housi kontextu socio-kultural mos "Maubere" seidauk suficiente atu representa identidade ema Timor Leste nian. Tanba 1. Demografiamente "MAUBERE" representa ema hirak nebe hela iha area central Timor Leste nian. Tanba lian ne'e lia MAMBAE nian. 2. Hare housi prespektif gender nian liafuan Maubere representa deit ema MANE tanba so tau tan BUIBERE mak foin representa ema feto. Hau hanoin feminismo barak sei la aseita ho representasaun ida ne'e.
Lia ikus, hau seidauk hatene lolos se mak hasai liafuan ne'e permeira ves? Karik ema ida hasai lian ne'e bele esplika diak liutan ba ita tanba sa, halo nusa no oinsa mak liafuan Maubere ne'e mosu?
Mak ne'e deit lai.
Ato Costa
etsa@yahoogroups.com
Ba colegas sira,
ResponderEliminarMaluk sira hare iha Ramos Horta ho Abilio Araujo sira nia explicacao/hanoin kona ba lia fuan maubere:
Ramos Horta, J. (1987) Funu: The Unfinished Saga of East Timor. Red Sea Press, New Jersey.
Araújo, A. Companheiro Xanana, M. I. Comandante das FALINTIL. 23/08/1089, GIF, Lisboa.
Iha mos padre ida naran Jorge mos fo nia hanoin kona lia fuan ida. Ha'u mos hakerek kona ba liafuan ida ne'e mai be hau buka seidauk hetan. Se maluk sira iha copias FITUN, bulletin nebe uluk hau halao hussi 1990 to'o 1997, iha edicao ida hau koalia kona ba lia Maubere. Se maluk ruma hetan uluk karik favor ida hatama hela mai.
Um grande abraco,
Estevao
etsa@yahoogroups.com
Maluk sira, hau hanoin se ita koalia dehan Maubere laos representa ema Timor oan hotu iha ohin loron nee sala ituan karik. Tamba primeiru hare ba mayoria absoluta nebe Fretilin hetan iha eleisaun liu ba hodi usa termu Maubere atu representa ema Timor ninian naran hanesan comunidade tomak (husi Lorosa to Loromonu) iha Fretilin nia campanha, hatudu lolos mai ita hotu katak iha aceitasaun husi mayoria povo Timor Leste atu Maubere nee sai hanesan termu nebe ho orgulho representa ema Timor Leste. Se karik ema balu la simu nee mak ita bele hare fali husi minoria de votos nebe sira hetan iha eleisaun 2001 nee be nem cadera 3 iha assembleia constituinte mos sira hetan, hau koalia ida nee atu refere ba ita nia maluk UDT sira nebe la simu termo Maubere nee. Iha fali distrito Manatuto, se hau la sala, ema PSD nia balu rasik (nakfera husi UDT) buka atu hadau votos husi populasaun sira usa liafuan Maubere atu defini sira nia an no sira nia Partido. Nee atu dehan saida mai ita? hatudu katak ohin loron populasaun mayoria iha Timor laran tomak la hare ba Maubere hanesan naran nebe ema Mambae sira nian, maibe sira hare nee hanesan simbolo nebe difere sira husi ema rai seluk. Hanesan iha Portugal ita bele hare portugues nia naran popular povo lusitano. Ohin loron ema portugues orgulho wainhira ema bolu sira povo lusitano, apesar de origin husi liafuan nee mai husi regiao balu iha Portugal neba. Nunee mos liafuan Maubere nee, apesar de mai husi suku Mambae sira nian maibe tamba ho evolusaun politika iha tempo resistencia nian ita hare katak ema usa liafuan nee laos atu refere deit ba ema Mambae deit maibe mos ba ema Timor Leste tomak. Nunee mos se ohin loron ita dehan katak hare ba literaturas kolonialista nian ka Indonesia nian ita la hetan termo Maubere atu sai hanesan referensia ba ema Timor, maibe ita mos labele haluha katak iha literaturas sira nee rasik ita la hetan referensia ba liafuan TIMOR-LESTE E LOROSAE no mos naran hanesan INDONESIA mos la existe iha literatura Sansekerta nia ka Majapahit nian, buat sira nee hotu kolonialista mak fo naran. No povo kolonizado sira to ikus usa fali naran sira nee atu sai hanesan termo nebe atu halo sira hamutuk iha identidade ida ba ukun rasik an. Nee dunik tuir hau nia hanoin hau hare Maubere laos hanesan ema mambae nia maibe nee hanesan naran nebe atu refere ba ema Timor-Leste hanesan povo ida, povo Maubere. Hanesan Yanke iha EUA neba, Lusitano iha Portugal ou British iha England neba.
ResponderEliminarEden
Etsa@yahoogroups.com
--------------------------------------------------------------------------------
Eden nia hakerek “Maluk sira, hau hanoin se ita koalia dehan Maubere laos representa ema Timor oan hotu iha ohin loron nee sala ituan karik”.
ResponderEliminarEden, Maubere ne’e atu representa Timor Leste nia oan sira deit mos ita sei diskuti hela. OINSA TAN Maubere atu representa Timor oan nebe inklui (West Timor).
“Tamba primeiru hare ba mayoria absoluta nebe Fretilin hetan iha eleisaun liu ba hodi usa termu Maubere atu representa ema Timor ninian naran hanesan comunidade tomak (husi Lorosa to Loromonu) iha Fretilin nia campanha, hatudu lolos mai ita hotu katak iha aceitasaun husi mayoria povo Timor Leste atu Maubere nee sai hanesan termu nebe ho orgulho representa ema Timor Leste”.
Eden, Se elisaun nudar sasukat entaun apakah ema Timor Leste hot-hotu Fretilin? Ema sira iha Portugal no Australia nebe laos Fretilin ne’e Timor Leste nia oan ka laos? Kuandu sira ne’e hotu Timor Leste nia oan entaun apakah sira mos Maubere hotu? Maluk sira nebe ASEITA AUTONOMIA ho Indonesia ne’e, apakah sira mos ita bele bolu Maubere hotu?
Los duni literature Portuguese ho Indonesia la temi lia fuan Maubere maibe buka hatan ba Naikoli nia perguntas sira ne’e ita tenta hodi esplika housi perspektiva oi-oin. Konstrusaun imagen ida la ses housi subyek nebe kontroe. Neduni atu hetan liafuan Maubere hanesan Naikoli esplika ne’e mak la hetan ka susar atu buka liafuan nebe identik ho liafuan Maubere.
Timor Leste ka Timor Lorosae ne’e sei bele identik ho Timor Timur. Ida ne’e ninia arti klaru.
Maibe hau respeita maluk seluk nia hanoin. Hau nia hakerek la defende partidu A ka B maibe simplesmente atu diskuti kontroe no dekonstroe Maubereana.
Mak ne’e lai
Ato Costa
Nota:iha artigu ne baseia ba Xanana ninia
ResponderEliminarentrevista ho Jornalista Rodrigo Guedes (pivo TV
SIC),ligasaun directo ho LP.Salemba,Jakarta,iha loron
28/03/1999. Iha mos hakerek ne uja termo hanesan “Maun
bot Xanana”, termo ne maka uja iha periudo ba Funu
Ukun rasik An. Ami iba biban neba harii Revista Klosan
Lian(KL) ho objectivu defende Lian Tetun no identidade
Kultural Timor nian,neduni hakerek sira ne kontrariu
ka kontroversiu ho linha orientasaun politika CNRT
nian iha biban neba. No KL unika media Timor nian iha
Portugal hakerek ho Tetun i Portugues,sai hanesan
Jornal ba Kampanye ba Referendum. Husi KL kontribue
mos ba iha orgaun Komunikasaun Portuguesa hodi halo
kampanye ba Referendum hanesan:Abe Barreto,Joao
Aparicio (Radio Renascença),Sonia Agustinho,Solanha i
Flamina Amaral (ba RTP).
Naikoli
Revista:Klosan Lian,edisaun 9,ano 2,Abril-Maio,hal.20
IDENTIDADE KULTURAL
Husi*Naikoli
Hanesan foin dadaun ne ita nia maun bot Xanana koalia
ho ho Televisaun SIC (portugal) iha loron 28 fulan
março tinan 1999, nebe TV SIC ne halo entrevista ho
ita nia maun bot Xanana konaba buat barak hanesan
konaba ita nia funu no ita nia identidade politika no
kultural. Iha maun Xanana ninia entrevista/dada lia ho
TV SIC ne, ba hau iha bua ida maka hanesan murak
katak ita nudar rai iha ita nia identidade kultural
racil lori rai moris.
Indentidade kultural katak sa? Identidade kultural
katak ita sei lori ita nia naran nudar Timor oan no
ita koalia ita nia nia lian nudar emar Timor oan.
1(ida);Maun Xanana waihira Jornalista husu ba nia
(sani:Xanana); hakarak liu tau naran ida nebe?José
Alexandre Gusmao ka Xanana?Xanana hatan katak: “hau
nudar maubere oan hakarak liu tau naran «Maubere» nian
maka Xanana. Hodi ida ne hatudu katak ita emar Timor
oan iha ita ninia naran rasik, nebe hodi rai moris mai
iha ona, nudar beiala sira fo ona lia ida ba ita,
katak rai ida-idak iha nia lisan atu tau naran nudar
rai ida-idak nian. Xanana ninia lian hasoru ba
Jornalista Portugues hatadu katak nia la simu
“Politika Assimilasaun nian” nebe maka kokonialismo
sira uluk tau hanesan sira nia liman kroat atu hodi
Ukun emar Timor. No mos iha igreja waihira emar ida ba
sarani nudar ema katolik sei buka muda naran husi
Mauleki,Builelo (naran Maubere), ba naran hanesan
António, José, Francisco (naran kolonialisme nian). Se
ita nudar emar Timor oan lolos no naionalista karik
naran nebe diak liu maka Maubere nian/Timor nian,
hanesan mos maun Xanana dehan katak “hakarak liu bolu
Xanana, tamba ne naran Maubere nian”.
2(rua); waihira jornalista TV SIC nian husu katak” se
Timor-Loro Sa´e ne Ukun Racik Na, sei ba koalia lian
Portugues hanesan lian Oficial? Xanana hatan katak:”
Lian Portugues ne hanesan lian ida ami sei koalia ida
tempo de transição, liu tiha ami sei koalia ami nia
lian racik maka «Tetun»”. Banati ba Maun Xanana nia
lian ne katak ita nudar Timor oan iha duni ita nia
lian racik atu koalia, waihira atu koalia ita nia
lian racik maibe sei buka didiak no estuda didiak ita
nia lian. Hau moshanesan lian ida ho maun bot Xanana,
katak nudar rai ida hodi rai moris sei koalia ita nia
lian racik. Ita sei halo tuir nudar emar Indonesia
sira nian katak,sira nian lian ne hetan infleuncia
husi lian barak maka tau hamutuk maka sai lia ida be
naran “bahasa Indonesia”. Neduni ita mos iha ita nia
lian Tetun lia ida nebe furak tebes atu koalia no dada
lia ba malu. Tamba maun Xanana hatene katak ninia emar
Timor oan sira laos halo funu atu defende fali ema
seluk ninia lian (Língua). Lian ikus atu dehan ba ita
katak ita emar Timor oan iha duni ita nininia
Identidade Kultural nudar rai ida moris mai iha ninia
lisan rasik!
Hi Naikoli, Ato ho kolega sira hotu.
ResponderEliminarHa'u hanoin ita bele halo komparasaun entre termu "Maubere" ho termu
pejorativu/pejorative seluseluk hosi rai seluk, hanesan "nigger" ka "negro"
hosi kultura amerikana - ohin loron termu ne'e sai fali hanesan
manifestasaun identidade kulturál afro-amerikanu nian, ne'ebé afro-amerikanu
sira uza ho orgulhu, etc. Iha mós termu hanesan ne'e iha Europa, hanesan iha
Portugal "preto". Maibé tuir ha'u hantene, termu ne'e ema sei foti hanesan
termu ofensive ida, liuliu bainhira ema-mutin ida maka refere ba metan ida.
Depois iha mós termu seluk hanesan "cigano" hodi refere ba ema Roma ka Gypsy
sira. Liafuan "gypsy" uluk ne'e liafuan pejorativu no ofensivu ida, maibé
ohin loron kultura pop (pop cultura) foti filafali termu ne'e no populariza
tiha nia iha sosiedade nia laran, liuliu iha múzika. Iha Austrália mós iha
termu oioin kona ba grupu sosiál oioin, hanesan "Abo" (habadak hosi
Aboriginal) hodi refere ba populasaun indíjena australiana. Iha Timor-Leste
ita mós uza termu sira hanesan "firaku" ho "kaladi", ne'ebé hanesan termu
pejorativu ida mós embora ohin loron ema barak maka la sente ofendidu ona
bainhira ema seluk dún sira ho naran nune'e.
Termu sira iha leten ne'e iha similaridade ba sira nia orijen, katak sira
hotu mosu nu'udár termu pejorativu ka ofensivu ba grupu partikulár ida,
hanesan afro-amerikanu sira, afrikanu sira iha Portugal, ema Roma sira, ema
lorosa'e ho loromonu sira iha Timor, etc.
Kona ba naran "Lusitano", tuir ha'u hatene la'ós mosu hanesan liafuan
pejorativu ida. Termu "Lusitano" mai hosi "Lusa", nu'udár naran rejiaun ida,
ne'ebé inklui mós Portugal. Uluk tempu Roma nian (ancient Rome), Portugal
nia naran maka Lusa. Naran "Portugal" ne'e mosu hosi naran sidade rua iha
parte norte, Porto ho Gaia (?). Ha'u hanoin Naikoli ka Henrique bele esplika
ida ne'e moos liután karik.
Hafoin, iha Indonesia durante tempu Sukarno nian mós moris termu ida naran
"Marhaen" (?), ne'e maka ema balu tenta hatutan fali ba ideolojia ida naran
"marhaenism". Maibé ohin loron termu ne'e parese lakon tiha ona.
Termu sira hanesan iha leten ne'e (menus Lusitano ho Marhaen karik?) mosu
iha sosiedade hotuhotu, karik tanba iha sosiedade barak, ne'ebé sosiedade
ne'e divide ba iha klase sosio-ekonómiku oioin, klase ida sempre iha naran
ba klase ida seluk, hanesan iha India iha klase hosi ema peasants sira (the
untouchables), etc.
Alex.
etsa@yahoogroups.com
Belun Alex, Ato, Naikoli no belun sira seluk,
ResponderEliminar1 - Iha tempo portugues ne'e, liafuan "Maubere" katak hanesan Amu Bispu Belo hatete ba jornal, katak: ema kiak no beik, hosi klase sosial kraik liu. Maibe liafuan ne'e Timor oan sira maka uja no bolu ba ema seluk, la'os malae. Mainato no ema barak ne'ebe halo serbisu ba malae sira la bolu an "Maubere", tanba sira hanoin sira diak liu, hosi klase sosial aas liu. Nune'e, ema barak hanesan Amu Bispu Belo la gosta bolu "Maubere" ba Timor oan sira. "Maubere" ne'e katak ema kiak, beik, mai foho no laiha serbisu. Hanesan "zé ninguém" ka "pobre diabo" ba lian portugues.
2 - Maibe ohin loron liafuan "Maubere" ne'e iha significadu diferenti, katak povu ki'ik Timor nian halo funu no rezistensia kontra inimigo bo'ot, hanesan "David kontra Golias". Liafuan "Maubere" ne'e hanesan simbolu (symbol) ne'ebe reprezenta povu Timor-Leste nian ba mundu hotu-hotu.
Henrique
etsa@yahoogroups.com
Belun Joel, kona ba Tetun ne’e buat seluk ida fali mak ita tenke hare maibe se maluk hakarak halo komparasaun hili tetun ho maubere ne’e buat ida komplikadu. Simples, hatan deit ba ita bot nia perguntas hau hakarak hateten katak HAU ASEITA tiha ona Tetun sai nudar lia nasional ho official. Ida ne’e preferensia individu. Tanba saida? tanba hau ema Timor Leste nia oan, hau bele komunika iha Tetun no hau hatene katak secara statistika mayoria (85%) ema Timor Leste koalia Tetun. Ida ne’e mos hodi responde Joel nia perguntas katak iha distritu hirak deit mak koalia Tetun. Hau la sura distritus maibe hau sura per kepala.
ResponderEliminarTanba saida mak hau la simu liafuan Maubere sai nudar simblu nasional? LAOS PERGUNTAS IDA NE’E MAK SAI NUDAR FOKUS IHA HAU NIA HAKEREK.
Maibe hau LA NEGA realidade katak liafuan Maubere inspira Timor Leste nia luta hasoru Indonesia.
Joel, hau nia hakerek dala rua ona kona ba controes no dekonstroe Maubereismo/Maubereana laos atu buka troka ka diskuti filosofia (karik iha) ka simblu nebe tuir maluk hanoin. Dala ida tan hau hakarak reforsa katak diskusaun ida ne’e laos atu termina liafuan Maubere ne’e nudar identidade ka simblu.
Se iha perguntas husu katak APAKAH MAUBERE NE’E SIMBLU TIMO LESTE NIAN KA LAE? Se ninia resposta Sin/YES. Entaun sei iha perguntas tutan Tanba saida, Oinsa no lia fuan ne’e mosu hodi halo saida. Sei iha resposta naruk ba perguntas hirak ne’e. To’o ikus ita sei refleta fali katak ternyata liafuan ne’e ema ida mak hamosu, grupo ida mak uja, hatudu diferensia ho grupu sel-seluk, ho poder politiku, dominante no sempre hateten katak liafuan ne’e representa ema hot-hotu. Liafuan ne’e hatudu ba RAKYAT TERTINDAS. Apakah hipotesa hanesan ne’e ema hot-hotu simu? Perguntas ida ne’e mak ita TEST hela ho hanoin housi aspektu sel-seluk.
Se resposta ba perguntas iha leten ne’e lae/NO. Entau ita sei buka rajaun seluk termasuk buka hatan ba tamba saida mak lae? Oinsa mak lae? Ho provas oi-oin.
Maibe maluk seluk mos sei dehan katak problema ne’e laos simples atu hatan YES or NO? Entaun diskusaun sei naruk liu tan.
Ita labele hare liafuan maubere simples hanesan uluk ita koinese.
Hau mos LA DEHAN katak Maubere ne’e la representa identidade Timor Leste nian. Maibe los duni katak hau hare housi pontus de diferensia. Ida ne’e nudar kritika ida housi dekonstrusaun.
Liafuan Maubere moris housi tempu ida, situasaun no subyek ida no ho objectivu ida. Se maluk balun hakarak generaliza liafuan ne’e hodi apar ba vida moris housi tempu uluk to agora mos diak. Valid. Sira seluk nebe lakohi mos valid hotu. Esensia housi diskusaun ba dekonstrusaun ne’e, karik hau bele dehan (tanpa ijin housi Naikoli) hodi buka tuir saida mak uluk ita hahi.
Ita persija mos hatene katak bainhira ita sente katak ita parte ba grupu ida ka kultura ida ita hatudu ita nia diferensia ho grupu seluk. Ema hirak nebe senti parte housi grupu ida ka kultura ida fahe ideias no halo tuir valores nebe grupu ka kultura ne’e konstroe. Liafuan Maubere moris hatudu ninia diferensia ba grupu seluk nebe Pro-Indonesia, UDT ka Non-Fretilin. Lia fuan ne’e moris no buras ho klaim nebe ema balun dehan katak ida ne’e propriadade Fretilin nian.
Tetun mos hanesan, maibe Tetun moris iha dinamika hubungan ho lingua sel-seluk maibe hau sei ladehan katak relasaun ida ne’e igual. Maibe iha ita nia istoria hatudu katak Tetun moris, buras no bele integra ba sociedade hot-hotu tanba ninia rekoinesementu ba linguajen sel-seluk, inklui Indonesia, Portuguese.
Hau hanoin mak ne’e lai. Karik maluk seluk bele elabora liutan maibe keta haluha katak ita diskuti iha area kontroe ho dekonstroe Mauebereismo/ana.
AC
hametin_pdemocratico@yahoogroups.com
Loron Kmanek ba belun sira hotu...!
ResponderEliminarMaluk sira, iha nee hau ata sei la dadalia naruk tamba seidauk iha biban, maibe iha nee hau ata hakarak hatan no dadalia wituan deit konaba belun Ato Costa nia hare no hanoin konaba liafuan ida "MAUBERE",...!
Hau ata la koalia tan ona konaba liafuan nee, tamba belun barak koalia tiha ona...!
Liu husi belun Ato nia liafuan hirak nebe hatoo hatoo liu ba nee hatudu katak, belun la simu liafuan ida MAUBERE nee hanesan "filsafah ka simbolu" nasional Timor Lorosae nian, tamba:
a. Liafuan nee mai husu suku mambae deit (la lori Timor Lorosae tomak nia naran)
b. Liafuan nee Klibur ka Partidu Fretilin deit mak foti no tau (la mai husi partidu hotu)
c. Timor Lorosae laos mai husi ema mambae deit, maibe husi suku sira tomak iha Timor Lorosae laran
d. Ema Timor oan laos husi Fretilin oan sira deit maibe husi partidu hirak seluk mos.
Maibe iha nee, hau ata hakarak hatene deit husi belun Ato nia hare no hanoin konaba lian Tetun nebe ita nia ukun (governu) foti no tau nia nudar lian nasional ho ofisial...! Belun hatan no simu ka la hatan no la simu? Tamba:
a. Tetun nee mai husi suku hirak oan deit iha Timor Lorosae, hanesan Soibada, Viqueque, Suai ho suku ida husi Atambua nian (Indonesia), nia la mai husi (suku) ema Timor oan tomak.
b. Laos ema Timor oan hot-hotu koalia Tetun, bele barak liu mak koalia Tetun, maibe la lori ema Timor oan hotu...!
Se belun la hatan no simu, tuir belun nia hare no hanoin, lian ida nebe mak diak liu nebe bele tau nudar lian nasional? Se belun hatan no simu, tamba sa mak la simu liafuan ida MAUBERE nudar simbolu nasional Timor Lorosae nian?
Ita bele mai husi suku ket-ketak ho lian ket-ketak, maibe ita nee ema (povu) ida deit, mak ema Timor oan no rain ida deit mak Timor Lorosae, neduni buat nebe hola fatin ka husi Timor Lorosae, bele nia husi lorosae deit ka loromonu deit, nia Timor Lorosae nian, nia ita hotu nian...! Hanesan lian Português mak belun sei laran todan hanesan nee, hau ata mos hatan no simu, tamba nia mai husi ema seluk no rain seluk, nia laos ita nian no ita nia identidade...!
Neduni buat nebe husi ita nia rain bele nia mosu no mai husi suku ketak, maibe Timor lorosae nian, ita hatan no simu wainhira ita hare ba nia diak atu tau nudar buat nebe lori ita nia rain no ema nia naran (representa ita nia rain no ema)...!
Maibe iha nee hau ata haksolok teb-tebes wainhira ita bele tur hamutuk hodi dadalia no haksesuk malu konaba buat hirak nebe ita nian...! Iha nee se iha liafuan ruma nebe sala ka la konaba belun nia laran, hau ata husu deskulpa...!
www.geocities.com/lelobere
Lelobere
hametin_pdemocratico@yahoogroups.com