DECLARAÇÃO POLÍTICA BANCADA DEMOCRÁTICO IHA DEBATE ORÇAMENTO GERAL DO ESTADO 2020

Exia Sr. Presidente do PN

Exia Sr. Primeiro Ministro

Exmos Membros do VIII Governo

Distintas e Distintus Depoutados

Povu Doben Timor-Leste                                                

“HAMETIN UKUN RASIK AN, HARI NASAUN HOSI BAZE”

Orsamentu Geral do Estadu mak instrumentu politiku ida nebe importante tebes atu hala’o desenvolvimento país nian hodi resolve problemas hanesan saude, edukasaun, be mós, agrikultura, estradas, portu, aeroportus no mos sector seluk nebe lori tan receitas ba estadu hanesan Turismu, peskas, industrias extrativas, industrias ceramikas no industrias petrokimikas.

Konstituisaun da Repubika artigo 115 nebe koalia kona ba Governu nia kompetensia hakerek: ”Governu nia knar mak “Prepara Planu no Orsamento Geral Estado nian hodi halao wainhira hetan tiha aprovasaun hosi Parlamento Nacional”. Nune’e ohin loron 15 fulan janeiro iha tinan 2020 Governu hasoru malu hikas ho Parlamento Nacional atu analiza proposta Orsamentu Geral do Estado ba tinan 2020 nebe apresenta no halao tiha debate iha desembro tinan 2019 no hetan tiha “retirada” eh dada hosi Governu hafoin de apresentasaun hosi Governu no mos hetan apresiasaun hosi Parlamentu Nacional liu hosi Relatoriu parecer komisaun “C”nian.

Exia PPN

Exia PM

Distintas e distintus deputados

Povo Timor-Leste

OGE 2020 atu responde ba prioridades sira hanesan Sr. PM apresenta: 1. Capital Social (bem estar social, proteção social e cidadania; 2. Desenvolvimento ekonomiku; 3. Melhoria de conectividade nacional; 4. Consolidação e reforço da defeza; segurança e realções externas; 5. consolidação e reforço da justiça, democracia e direitos humanos.

Prioridades sira nebe determina hodi justifica OGE 2020 ho montante 1.668 milhões importante tebes hodi hadi’a população nia moris. Biar nune’e Bankada PD liu hosi intervensaun hakarak koalia assuntu 3;

Assunto Primeiro:

Desenvolvimento nasaun requere participação cidadão hothotu nian. Exia Sr PM nia diskursu afirma no hau cita: “A construção de um país cada vez mais prospero, justo e perfeito depende da nossa capacidade de nos envolvermos profundamente no processo de desenvolvimento nacional que está em curso, mas também da capacidade que tivemos de envolver todos e cada um dos nossos concidadãos nesse processo, de forma garantir que nenhum Timorense fica para tras no acesso aos benefícios proporcionados pelo desenvolvimento da nossa amada Patria, mas também que nenhum e excluído da responsabilidade de ajudar a construir o presente e o futuro da nossa republica”. Fim da citação.

Ho espirito ida ne’e, mak Bankada PD hanoin katak politika nebe ita opta ladauk reflete vontade diak ida ne. Tamba ita exklui malu, hafahe líder sira ba grupu ida-idak nia interesse no pior liu ita la tau respeitu ba líder sira, pelu kontrariu ita trata at balun no hahi sira seluk. Lider sira ne’e mak ita nia matadalan, ita hotu nia aihun bot nebe bainhira ita presiza mahon, ita bele recorre ba eh bainhira ita presiza hanoin ita bele hakbesik ba hodi husu.

Ho hanoin nebé haktuir iha leten, mak Bankada PD hakarak kaer metin espiritu ida ne hodi bolu nafatin líder polítiku sira ba dialogu. Dialogu laos hanesan ema barak koalia katak atu fahe kadeira ba malu deit maibe dialogu nudar mos dalan atu halibur hanoin hodi defende interesse nacional no promove desenvolvimento ida ba nasaun no ba gerasaun ida agora, no mos ba gerasaun ida futuru mai. Dialogo mos bele halo ita nia instituisaun estado liu-liu orgãos da soberania ida-idak hala’o nia knar ho lolos maibe mos atu komplementa hodi garante estabilidade governativa.

Dialogu mos bele lori Governu hodi kompleta nia estrutura atu nune labele iha nafatin actos de retaliasaun iha Paramento Nacional hodi taka dalan ba Exia PR nia deslokasaun ba Estrangeiro. Bancada PD hanoin katak Separação de poder entre órgãos da soberania la significa “ ne’e o nia, ida ne’e hau deit” maibe separação de poder atu reforça ekilibriu de poderes. Nune’e Bankada PD sugere atu AMP hamutuk koalia ho Exia PR atu Exia PR bele mos halo cendencia politika. So liu husi dialogu mak parte hothotu bele halo cedência hodi hetan solusaun hamutuk.

Sei kaer mos ba Exia. PM nia afirmasaun iha leten nebe rona furak no hakarak duni promove desenvolvimento nasional ida nebe ekuitativu hodi lori benefisiu ba Timor oan tomak. Maibe, iha realidade, iha OGE 2020 la reflete esforço ruma hodi promove ekuidade ida ne’e. Bancada Democratico observa, besik tinan 20 ona, TL hetan ninia independensia, maibe existe desequilibrio iha desenvolvimento nasional no alokasaun orsamentu de Estado. Desequilibrio ida ne’e sei lalori ekuidade de desenvolvimento ka “pemerataan pembangunan” ba Timor laran tomak hodi fo benefisiu hanesan ba Timor oan sira hotu. Ita foin determina polo de desenvolvimento rua iha Timor laran, ida iha Oekusse no seluk iha Costa Sul. Bancda Democrático desde debate OGE 2019, defende no propoin ona ba VIII Governu atu define tan polo de desenvolvimento ruma iha Costa Norte no Rai Klaran hodi dinamiza mos desenvolvimento iha Munisipius sira hanesan Bobonaro, Likisa, Manatuto, Baucau, Lautem, Ermera, Aileu no Ainaro. Alein de ida ne’e, iha mos hanoin atu dada tan LNG sai husi Beasu, mak Viqueque nebe mos iha Costa Sul sai isolado liu tan.

Assuntu hirak ne sai preokupasaun boot ba Partido Democratico nebe hakarak harii no desenvolve Nasaun husi Baze. Partido Democratico fiar, so liu hosi politika ida nebe promove equidade de desenvolvimento mak sei lori desenvolvimento no benefisiu ba Timor oan tomak.

Sugundo Execução:

OGE 2019 nia execução hanesan haktuir iha relatório parecer Komisaun C nian regista katak execução somatória hosi orsamentu hosi osan nebe hasai ona no mos osan nebe tama ona ba obrigações hamutuk 88,2%. Execução ida ne numericamente hatudu numero bot, maibe buat nebe sei sai pergunta maka kuallidade da execução ne rasik. Bainhira ami husu kualidade execução ami husu atu Governu bele hatudu mos faktus hodi fo justifikasaun ba execução 88,2% ne’e. Ami nia hanoin katak execução tenki kontribui ba hasae rendimentu populasaun nian no mos kriasaun de empregus. Kriasaun de empregus rekere realização de obras. Se OGE 2019 nebe ki’ik liu la consegue executa hotu, oisa atu executa OGE 2020 nebe boot liu?

Situasaun real ida nebe to’o oras ne sai nafatin kestaun de debate mak pagamento das obras sira nebe halao iha tinan anterior hanesan 143 projetos.

Explikasaun Senhora Ministra Inteirina nian dehan Governu sei aloka osan atu selu. Se ita sei hanoin, OGE 2018 ita hahu ho karater urgente ho mos intensaun atu selu obras sira ne. To’o ona tinan 2020, ita sei nafatin koalia kona ba projectos sira ne. Bele halo verifikasaun ida ba obras sira ne hodi hala’o mos pagamento? Ho pagamento ba obras sector privadu, mak sira bele iha ona kapasidade atu kria nafatin empregu. Ligadu  mos ba kestaun exucação, factor seluk nebe influencia mak estrutura do governu nebe ladauk kompletu, liu-liu ministerius importantes hanesan, finanças, saúde, estatal, Turismu Komersiu Industria, Plano e Investimento no mos Petroleo. Prenchimento estruturas nebe mak sei mamuk necessita atu halo estável VIII Governu ne’e hodi hala’o prestação de serviços ba publiku. Liga mos ba Estrutura, Bancada PD hanoin katat tempo ona atu halao avaliação de desempenho ba estrutura actual hodi hadia diak liu tan Governu nia desempenho serviço.

Terceiro: Receitas

Problema boot nebe ita nia pais hasoru hela mak desenvolvimento país nian nebe sei depende maka’ss tebes ba Fundo do Petroleo. Ita nia receitas domestikas ladauk to'o atu financia prioridades de desenvolvimento pais nian inkluindu atu selu salariu. Tanba ne’e, fundo Mina rai nudar rikeza povu nian tenki gere ho kuidadu atu iha nia sustentabilidade ba gerasaun sira futuro nian.

Iha tinan 2020 ne’e Governu presiza buka formas de financiamento atu inicia ona investimento iha sector turismu, sector agrikola no sector peskas. Iha sector turismo, Governu presiza ona tau rekursus hodi melhora estradas, melhora aeroportos, dispõe Be mos no saneamento atu reforsa desenvolvimento no promoção turismo; Sector agrikola mak sector ida nebe maioria populasaun dedika ba; Se iha planu diak ida hodi moderniza agricultura, sei fo beneficiu redobradu tanba hosi agricultura sei gere rendimentu; hosi agricultura sei kontribui ba actividades de exportação atu reverte ita nia economia de konsumu ou economia de importação; hosi agricultura bele mos gere empregu tanba maoria da população Timor-leste mak população jovem e ida ne kontribui tebes ba redução de desempregos;

Governu mos necessita atu reformula politika kona ba investimento externo. Iha projectos hanesan Pelican Paradise precisa iha decisão klaru basa projecto ida ne lori ona tinan barak e kontinua sem fim. TL cement iha Vemasse precisa mos fo justifikasaun kona ba nia progressos tanba Governu Timor-Leste tau ona osan maibe ita ladauk hare sinal se Industria ida ne lao; Iha área peskas governu presiza atu buka parceiria hodi inicia mos exploração maritima kona ba sector peska; presiza hare didiak aplikasaun da taxa ba kuantidade volume hodi bele fo garantia atu companhia rai liur bele motivadu atu mai kopera ho governu hodi desenvolve sector ida ne hodi mos fo receitas ba ita nia estadu;

Ordenamento da cidade liu hosi parceiria hodi hahu criação de novos bairros atu harii residencia ba comunidade, funcionários, residência ba deputados no mos ba Governu bele mos sai dalan atu aplika pagamentus de taxa ba servisos sira hanesan coleção de lixos, utilização bee mos no mos utilização da enegia eletrika. Tinan 2020, ita tenki lori hanoin foun no hanoin nebe konstrutivu hodi bele haree ba interesse povu nian; Interese povu nian mak objetivo nebe hatur iha diskursu EXIA PM nian Bem estar Social.

Exia PPN

Exia PM

Ilustres Membros do Governo

Distintas e distintus deputados

Povu doben Timor-Leste

Bancada Democrático observa setor privado nasional kontinua sai preokupasaun tanba laiha osan. Desenvolvimento labele depende de’it ba setor publiku maibe presiza reforsa mos setor privadu hodi tulun estadu kria empregu ba sidadaun sira. Bancada Democrático propoin tau osan iha BNCTL, hodi reforsa economia baze. Liu husi BNCTL, ema kbiit laek sira bele empresta ho funan ki’ik hodi fila liman, hodi hadia sira nia moris nune’e mos hodi evita osan labele halai hotu ba rai-li’ur.  

Exia PPN

Exia PM

Ilustres Membros do Governo

Distintas e distintus deputados

Povu doben Timor-Leste

Biar iha OGE 2020, orsamento ba edukasaun hasa’e ona ba 9.5%, maibe Bancada Democratico kontinua preokupa ho setor edukasaun. Bancada Democratico observa, VIII Governo hakarak harii Cidade Universitaria iha Aileu, maibe iha assuntu lubun ida nebe merese hetan debate no reflesaun kle’an liu tan. Primeiro seidauk klaru konseitu kona-ba cidade universitaria. Segundu, iha ona estudu de viabilidade hodi harii universidade hira ka fakuldade hira iha Aileu? Viavel duni ka lae harii tan universidade ida iha Aileu? Terseiru oinsa Cidade Universitaria ne’e ninia relasaun ho UNTL rasik? Sera UNTL mak muda tomak ba iha Aileu ka muda fakuldade balu deit? Ka harii Universidade Estatal ida tan? Oinsa ho rai iha Hera nebe Estadu hasai tiha ona osan besik milaun ida (1 milhão) hodi rezolve problemas sira iha neba no selu tiha ona osan ba planeamento de desenho hodi harii ka muda UNTL ba iha Hera? Sera que ita soe hela projetos nebe la’o daudaun iha Hera hodi muda fali ba Aileu? Bancada Democratico haree Cidade Universitaria nebe ninia konseitu laklaru nune’e mos la’os nesesidade urjente ida, ami hanoin, osan nebe tau ba Cidade Universitaria, diak liu uza hodi aselera no hakompleta edifisiu sira UNTL nian iha Hera, nune’e mos hodi reforsa ensinu baziku sira nebe ohin loron ladun hetan atensaun husi Governu tanba limitasaun de orsamentu. Ita hakarak edukasaun ida ho kualidade mak hakarak ka lakohi ita tenki reforsa kualidade ensinu baziku nian nune’e mos pre-sekundariu ho sekundariu sira. Atu edukasaun iha kualidade mak professores sira mos merese hetan atensaun. Presiza hadia sira nia bem estar nune’e mos presiza formasaun kontinuu hodi atualiza sira nia kuinesimentu no metodu hanorin.

Exia PPN

Exia PM

Ilustres Membros do Governo

Distintas e distintus deputados

Povu doben Timor-Leste

Ita nia nasaun nia ukun rasik an deve mos ba solidariedade internacional. Solidariedade internasional ita hetan tanba diplomacia no mos tanba convivência internacional;

Nune’e Bankada Demokratiku hanoin katak prioridades balun nebe mak tau iha OGE 2020 sei bele adia nune osan hirak ne’e sei bele aloka fali ba sector importante seluk hanesan edukasaun, saúde. Konkretamente bankada PD hanoin katak planu atu sosa ro hodi halo patrulha iha tasi sei bele adia ba tinan oin. Ita presiza reforsa diak liu tan koperasaun existentes nebe ita iha ho povu no governu australia; Australia povu irmão ida mos nebe iha tempo difícil simu ita nia maluk timor oan sira nebe refugia ba iha neba; Australia nia força mos mak iha 1999 bainhira povu Timor Leste dala ida tan sofre no mate ba nia decisão ukun an fo nia disposição atu lidera forsa atu mai salva povu hosi actos  barbáricos milisia no kolaboradores militar indonesia nian. Tanba ne ami hanoin diplomacia instrumentu ida nebe precisa atu reforsa hodi bele mos garante ita nia soberania, garante ita nia direito no mos garante ita nia rikusoin. Alein de hametin relasaun bilateral ho Australia, Timor-Leste mos tenki kontinua hametin relasaun bilateral ho nasaun Indonesia, Portugal, UE, Amerika, Cuba, nasaun CPLP no nasasaun sira iha Asia.

Atu taka deklarasaun da bankada PD hakarak afirma katak OGE presiza tebes atu garante funcionamento makina do estado hodi halao prestasaun de servisus ba publiku no mos atu financia actividades sira nebe bele hamoris ita nia economia nasaun nian.

Obrigado

Dili, 3 de Dezembro de 2018

António da Conceição

Presidente Bancada Democrático