Moralmente ladiak ba Estado ho cancela visita PR ba Vaticano

PR Dr. Francisco Guterres Lu'olo hasoru malu 

ho Mon. Joseph Marinho, Nuncio Apostolico Vaticano 

(nr) mai Timor-Leste (foto: gabinete PR, 08.11.2018)

AMP cansela vista ba rai liur.

Tuir Ex-PR Dr. José Ramos Horta katak, "PN la iha razaun cansela viajen PR ba Vaticano (in GMNTV, 09.11.2018). (1). Hatutan Premio Nobel da Paz 1986, "lolos ne´e bankada apoiu governu, AMP autoriza PR ba Vaticano no rai seluk (idem)".

Konaba afirmasaun Ex-PR Dr. José Ramos Horta nian ne'e, João Viegas, observador politika haktuir katak:

"Moralmente ladiak ba Estado ho cancela visita PR ba Vaticano ne´e, tanba Estadu Vaticano ninia influensia bót iha Diplomacia Internacional".

"Hare deit Koreu du Norte, liu husi sira nia Presidente rasik convida Papa ba visita, tanba  hare importansia ba diplomacia Sante Sé iha diplomacia internacional", dehan João Viegas, iha knar fatin Washindo, Dili, Timor-Leste, Sexta-feira, 09.11.2018.

Tenik tan João Viegas, "labele hare Vaticano hanesan diplomacia ho rai seluk, no labele uja sasukat relasaun diplomatika mak padraun dimensaun geografika no poder ekonomika-militar, maibe Vaticano iha ninia poder de influencia iha diplomacia internacional".

"Estado hotu-hotu iha iha respeitu ba Vaticano, tantu sira nebe pratika Cultura no regime demokratiku, ka tantu regime ditador sira, tantu mundu Arabe respeitu Vaticano. Só Estadu ISIS deit mak ameaça Vaticano. Neduni kontra visita Vaticano ne´e kontra produtivu ba Estado RDTL", defende João Viegas.

Referencia:

1) Ramos Horta: PN la iha razaun cansela visita PR ba Vaticano

http://gmntv.tl/en/politika/2018/11/ramos-horta-pn-laiha-razaun-kansela-viajen-pr-lu-olo-ba-vatikanu/?fbclid=IwAR24PAns8c0DC8mlsx1kSIcd4I8K4vntY_RzdxNNl4VZQgW4AV71PWU0R2o