VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
 

quinta-feira, 12 de julho de 2018

Rejeita kandidatu membru livre husi Korupsaun:PR TMR mak Hahu, PR Lu´olo hatutan


                          CNRT kontra no PLP nonok

   


Dili. Kriteriu hili governante ne´ebe mak mós husi korupsaun hahu kedan husi Presidente da República (PR)  Taur Matan Ruak (TMR) nian.Laos dezisaun foun ida ba PR Dr.Lu´olo, maibe hatutan deit saida  mak PR TMR halo ona iha proposta lista ba membru balun iha VI Governu Konstitusional.

Haktuir  Venceslau Aleixo Tilman,iha Kampus UNPAZ, Aimutin, Terça-feira (10/07/2018), `` PM Sr.Taur Matan Ruak mos hola posisaun hanesan wainhira sei halao knar nudar Presidente da República, wainhira veta membru balun nebe proposta husi VI Governu, ho razaun tanba prosesu iha hela tribunal´´.
Hatutan Venceslau Aleixo Tilman, `` Ex-PR TMR mak rejeita fó pose ba eis-SEFI Francisco Burlaku, PR Lu´olo halo saida mak atual PM wainhira hola medida hanesan PR´´.

Tenik tan Venceslau Aleixo Tilman,dosente UNPAZ ne´e, `` ne´e mak dilema ba PMR TMR rasik iha situasaun ne´e´´.

Partido CNRT ne´ebe ninia membrus husi estrutura partido mak lista PR rejeita ne´e, kontra hahu husi Presidente CNRT rasik,hakerek karta rua hodi kestiona dezisaun PR nian. Karta dahuluk haruka (22/06/2018) ható ba mensajen ba PR liu husi PM ne´ebe hili husi AMP. Karta daruak diretamente ba PR Dr.Lu´olo (07/07/2018). CNRT media nudar media probaganda partido nian hatutan no kestiona konaba dezissun PR nian rejeita membru sira husi CNRT, KHUNTO maibe la uja kriteriu hanesan wainhira proposta kandidatu membru Governu sira husi VII Governu Konstitusional.

PLP nudar partido PM TMR nian,nonok, la dehan A nein B konaba asuntu refere. Tuir João Viegas, observador Politika husi UNPAZ, `` Silencio PLP ne´e tanba, lista 11 kandidatu membru Governu la iha ida mak pertense ba PLP, sorin ida.Sorin seluk, ne´e komitmentu PLP nian, membru PLP sira iha indikasaun pratika  korupsaun korta husi lista ba membru Governu´´.




Sem comentários:

Enviar um comentário

Nota: só um membro deste blogue pode publicar um comentário.