Dili. Maske seidauk simu pose nudar membru Governu VIII nian ne'ebe naran sei pendente hela iha Palacio Presidencial Aitarak Laran, membru sira ne´ebe mak seidauk tomada de pose tuir ona Conselho de Ministro (CdM). Iha loron Segunda-feira (16/07/2018) Presidente AMP/CNRT nudar kandidatu ba Ministro Conselheiro do PM e MPIE Kay Rala Xanana Gusmão ho kandidatu seluk ne'ebe seidauk toma pose tuir ona encontro CdM. Komitiva simu direta husi PM VIII Governo Constitucional iha Sala Encontro CdM Palacio do Governo.
Encontro Conselho de Ministro ho futuru Ministro sira (Foto GPM)
Atu ida estranho maibe mos posivel iha kontextu politica Timor-Leste. Tuir João Viegas, Observador Politica haktuir ba Forum Haksesuk katak, "minimu ható rekadu ba Presidente República (PR) ami prontu ona ba tomada de pose".
Hatutan tan João Viegas, "tuir lolos labele, tanba só membro Conselho de Ministro mak ba tuir encontro Conselho de Ministro, seluk labele".
Tenik tan João Viegas, Dosente UNPAZ ne'e, "laos membru Governo hotu-hotu sai membru Conselho de Ministro, tanba Conselho de Ministro ninia Presidente mak PM no membro mak Ministro sira".
"Secretario de Estado Sira ho Vice Ministro sira laos membro Conselho de Ministro. Sira tuir wainhira hetan delegasaun husi Ministro sira rasik tanba ausencia. Se Ministro seidauk tomada de pose oinsa mak bele delega SE ho Vice sira tuir Conselho de Ministro no oinsa mak bele realiza Conselho de Ministro ida?", Litik João Viegas.
Kandidatu MPIE, ME no MI hola parte encontro Conselho de Ministro (Foto GPM)
Ba João Viegas, "ne'e atu politika ida presaun ba PR hodi aselera tomada de pose ba membros Governo sira ne'ebe seidauk toma pose, tanba certidaun kriminal husi Tribunal Distrital Dili la iha procesu ruma mak afeta ba kandidatu membru governu sira". (foto media GPM)!
Sem comentários:
Enviar um comentário
Nota: só um membro deste blogue pode publicar um comentário.