VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20171213

Se OR la aprova Timor-Leste hasoru krisi sosial neébe bót tebes

Oposisaun Maioria Parlamentar ható sira nia posisaun konaba vota kontra Orçamento Retifikativu (OR) neébe sei debate iha loron segunda-terça, 18-19 de Dezembro tinan 2017 (cnrt media center)! 
Dili. Parlamento Nacional (PN)  ajenda ona debate ba Orçamento Retivicativo (OR) ho karakter normal durante loron rua (2) iha Segunda ho terça (18-19/12/2017). Oposisaun Maioria Parlamentar (OMP) iha PN hatudu ona sinal katak «OR» sei la passa tanba vota kontra husi OMP. Iha relatorio Komisaun C ne´ebe trata ba asuntu Ekonomia no Finanças nian, OMP vota kontra relatorio no parecer Komisaun C nian hamutuk vota favor 5 no kontra 6.

Tuir Ekonomista Francisco da Silva haktuir katak, "posisaun kontra OMP nian hatudu liu husi votu kontra ba parecer komisaun C nian. Ne´e mak posisaun OMP nian iha debate OR no hanesan ható sinal katak sira sei vota kontra OR".

Tenik tan Francisco da Silva, ekonomista husi UNPAZ, "problema mak buat hat (4) neébe afeta tebes ba povo nia moris:

1) Saldo Orçamento Gerak Estado (OGE) 2017 nian balanço hela deit 120 Milauns tó dia 11.12.2017. Ho osan ida neé labele kobre no selu despesas hotu estado nian,só bele kobre deit ba despesas korente sira hanesan salarios e vencimento no ba Bens e servisus balun;

2) Funcionario kontratatu sira iha Timor-Leste laran tomak hamutuk 36 mil e tal, sira nia kontratu hotu iha loron 31.12.2017. Se la aprova OR, signifika afeta direta ba 36 mill familias nia ahi mate. Mosu problema sosial bót tanba afeta ba ema nia moris;

3) Profesores kontrataudu sira neébe sira presisa selu ho retroativu. Se OR la aprova, profesores sira la simu osan;

4) Deve iha hospital iha Singapore, Bali no Surabaya, hamutuk milaun 5,5 dolares Americano. OR la aprova labele selu Hospital sira neé no moras sira sei la haruka tan ba halo tratamento, labele atende rekomendasaun ba moras sira ho karakter urjensia, sorin ida. Sorin seluk, kompromisu estadu tenki selu no labele hatudu imagen ida ba Nasaun seluk katak Estado Timor-Leste, Estado neébe deve dor", defende Dosente Fakuldade Ekonomia UNPAZ ne´e iha Kampus UNPAZ, Quarta-feira (13/12/2017 ).

"Se OR la aprova Timor-Leste hasoru krisi sosial neébe bót tebes, tanba afeta ba ema barak nia moris. Neduni tetu ba, haketan ba saida mak politika no interese grupu ida-idak nian, maibe interese povu nian mak tane ás", defende Francisco da Silva.

Sem comentários:

Enviar um comentário

Nota: só um membro deste blogue pode publicar um comentário.