VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20170906

Setembro Negro: Komandante Joanico Tulun Amo Bispo Belo Sa'e Aviaun ba Darwin

Komandante Joanico Tulun Amo Bispo Belo Sa'e Aviaun ba Darwin
@Amo Bispo Belo
7 de setembro de 1999 - Ha'u iha Baucau, Câmara Eclesiástica. Dadersan, Padre Martinho Gusmão tula ha'u ba Kota Baru, atu koalia ho Polisia nia boot, husu se iha aviaun ruma ba Kupang, tan ba hau hanoin atu liu ba Jakarta atu koalia ho Senhor Núncio Apostólico (Dubes Vatikan). Sira hatan katak la iha; ne'e duni ami tun ba fali Vila tuan.

Maibé, besik tuku 11.00, liu hosi Câmara nia karreta ida hosi UNAMET, halai hela iha Vila laran. Funsiunario UNAMET ida iha karreta laran, nia hosi Colombia, hakilar, "se mak hakarak ba Australia, iha fatin". Ha'u halai sai ba liu husu,: "iha fatin ka lae? Ha'u hakarak"... Sira hatan: - Iha.

Ha'u ho Padre Hermengildo de Deus, (ema Letefoho, missionário iha Natarbora), ami na'in rua sa'e tuir karreta UNAMET nian, ba Lanu (Campo de Aviasaun). Ami to'o, iha ne'ebá, no bainhira, Bapa militar sira haree ha'u, sira hakfodak, no husu: iha nebe´, sira hakfodak: "Uskup mau kemana?".

Ami ema timor barak hein iha ne'ebá. Bapa sira la kohi ha'u saé aviaun atu ba Darwain. Maibé. Senhor Joanico, milicia Baucau nia boot, husu: "Amo atu ba iha ne'ebé? - Hau hatan - Sr. Joanico, ha'u hakarak ba Roma (Vaticano) atu kaolia ho amo Papa". - Sr. Joanico hatan: - Amo ba, mas, tenki mai fali..". Ho komandante Joanico nia lia, mak bapa sira husik ha'u liu kordaun jaga nian, no ba sa'e aviaun.

Maibé, ami tama tiha aviaun laran, bapa sira hakarak atu aviaun semo ba Dili, atu hatun ha'u iha nebá. Ami hein kleur iha aviaun laran. Liu tiha tempo ne'ebé naruk, aviaun semo duni ba Darwin. Loraik, besik tuku lima (5.00), ami to'o Darwin. Tuir mai ha'u ba hela iha Amo Bispo nia uma. Maibé, hau haree', ita nia maluk timor iha Darwin, sira nia oin buis los, tanba la konkorda atu hau sai hosi Timor.


Kalan ne'ebá, hosi Jakarta Komandante Xanana telefona ba ha'u atu ba assiste reuniaun ida ne'ebé grupo solidareidade ho Timor-Leste halo (ha'u haluha tiha ona fatin...) Maibé, ha'u hatan deit: "Ha'u labele ba; agora ha'u atu liu ba Vaticano atu ko'alia ho Amo Papa João Paulo II". Iha kalan ne'e, hau la toba, matan mós hela deit; nun'e mos iha dia 6 kalan, mos la toba....

Sem comentários:

Enviar um comentário

Nota: só um membro deste blogue pode publicar um comentário.