VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
DALIA iha "quarteto" LIAN NIA NONOK  
   

quinta-feira, 17 de agosto de 2017

Futuro Primeiro Ministro


Vicente Ximenes (Maubossy)
FUTURO PRIMEIRO MINISTRO
La iha duvidas que lideransa Fretilin maka indigita Primeiro Ministro tuir artigo no 106 (1) resultado husi eleisaun atu forma VII governo.

Resultados eleisaun Parlamentar, fo "surpresa" ba lideres partidos politikos hirak nebe hakat liu barreia eleitoral. Surpresa ne, mai husi eleitores sira nia votos, halo partidos bot sira hanesan CNRT ho Fretilin, "la-hetan" kadeiras barak, konforme lideransa sira nia "hakarak no expectativas".

Facto CNRT nia kadeiras tun husi 30 mai 22; Fretilin husi 25 tun mai 23; maka kauza demora ba formasaun VII. Se karik partidos bot rua ida maka hetan entre 28-30 kadeiras, basta koliga deit ho partido ida, problema resolvido.

Fretilin partido + votado, liu kadeira ida CNRT, halo ginastika makas, halo negosiasaun ho partidos 4, atu forma governo. Posisaun CNRT ho PLP atu hela iha oposisaun iha Parlamento, halo Dr. Mari Alkatiri, halo lobby intensivo ho PLP no Kunto hodi forma governo.

Felizmente husi fontes notisias (Lusa) Fretilin konsegue hetan ona Plataforma Entendimento ho PLP + Kunto, hodi forma VII governo.

Fase seguinte, Fretilin liu husi enkontro CCF sei decide, se maka atu sai Primeiro Ministro. Tuir regras estatuarias figura SG maka iha legitimidade.

Fretilin iha opsaun rua: Mari Alkatiri ou Rui Araujo. Entre sira nain rua, ida nebe maka + adaptado ba situasaun kritika ida ne?..

Tuir hau ata nia analise, liu husi metodo rasional dedutivo, PM tenki figura ida alta patente iha Partido, no iha autoridade no poder decisorio iha kualker momento ba decisoens importante. Tanba desisaun "labele hein". Ema nebe foti desisaun tenki iha responsabilidade hodi assume riskos sa deit maka mossu.

Factor ida tenki tau iha konsiderasaun, Katuas Xanana nia partido hela iha Oposisaun ho PD, hamutuk 29 kadeiras.

Labele "auto-konfiansa" demasiado, katak buat hotu-hotu sei suli "sem problemas hanesan bé". Tenki tau iha hanoin katak "mudansas inevitavel no konstante". Tenki, konta mos ho "pior senario" iha kualker momento bele mossu.

Atu evita PM hanesan "moço de recado", desisaun estrategicas depende ba segunda pessoa, PM tenki figura ida ho mesmo nivel ho Katuas Xanana ba kestaun domestika no internasional.

Tuir atan nia akompanhamento tinan hirak ne, Dr.Mari Alkatiri halo mudansas signifikantes ba nia "atitudes" kompara biban hau iha CCF husi tinan 2000 -2006. Hau ata, talvez ema ida + kontroversial hasoru Dr. Mari. Tanba ho ausensia dialogo resolve "diferensas" maka ohin loron, ida-idak sei hela nia fatin.

Buat hotu-hotu iha moris, experiencias maka hanesan mestre hanorin. Nune, Iliketoquote.com dehan "experience is a cruel teacher..' it gives a test before presenting the lesson".

Kona ba erros ka salah nebe ita komete ka halo KUDSHANDWIZDOM observa, "Mistakes have the power to turn you into something better than you were before".

Rachel Wolchin mos dehan, "It's not how we make mistakes, but how we correct them that defines us".

Nune dehan, Jim Rohn, "your life does not be better by chance, it get better, by change".

Ba momento kritiko ida, pasta Primeiro Ministro figura + indikado maka Doutor Mari Alkatiri por simples razaun "iha situasaun ida deficil no dura, preciza karakter rigido no firme".

@Vicente Ximenes (Maubossy)

Sem comentários:

Enviar um comentário

Nota: só um membro deste blogue pode publicar um comentário.