VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
NICOLAU LOBATO
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

Espelho da Realidade
A Esperança Nunca Morre
TIMOR-LESTE



Interview with Fernando Lasama de Araujo: On the road to democracy, where the streets have no name
UKUN HAMUTUK?
Sorumutu "Meja Bo'ot" nakonu ho "bua-malus". Sei lo'ok ba malu hela hodi mama hamutuk.
Fretilin
Fretilin - CNRT
Fretilin - PLP
Fretilin - PD
Fretilin - KHUNTO

 
 
   

quarta-feira, 2 de agosto de 2017

Formatu VII Governo

Formatu VII Governo

Husi: Vicente Maubocy (Observador Politico)

Abstract:

Eleisaun Parlamentar remata ona, dekcore iha ambiente paz no tranquilidade nia laran. Resultado ida ne, resulta husi “maturidade” politica lideransa partidos politicos em particular no eleitorado em geral. Resultado final, hetan validasaun husi Tribunal de Rekuros maka tuir mai ne:

Partidos nebe hakat liu barreira maka FRETILIN, 23 kadeiras; CNRT 22 kadeiras; PLP 8 kadeiras; PD 7 kadeiras, ikus liu Khunto ho 5 kadeiras.

16 partidos konkorentes “lulun“ biti hotu tanba total numero votantes la sufisiente atinge 4% nune elegivel hodi hetan kadeiras.

Records husi eleisaun Parlamentar 2017, “estranho” tanba partidos bot sira hanesan CNRT nebe iha eleisaun tinan 2012, hetan 30 kadeiras, “drop” mai 22; Fretilin 25 “drop” mai 23. PD lakon kadeira ida no FM lakon kadeira 2 no la konsegue hakat liu bareira. 

PLP ho Khunto maka hetan duni sucesso fantastiko, hodi hetan kadeiras ba 4a. Legislaura. 

Modelo formasaun VII governo oin sa?

Iha possibilidade oi-oin. Importante liu maka kumpre rekesitos legais nebe hakerek iha Konstituisaun iha kapitulo nebe refere kona ba formasaun governo iha artigo #106 (1).

Partido Fretilin ho CNRT maka hetan fatia bot liu ho 45 kadeiras. Nune partido rua ne, bele forma governo. Koperasaun entre CNRT ho FRETILIN iha Fevereiro 2015, nebe CNRT konvida membros Fretilin halo parte governo, “loke” dalan luan, atu partido rua kontinua sira nia koperasaun iha VII governo.

Kestaun problematika iha aspecto nebe?

Tuir atan ami nia observasaun, se karik maka Katuas Xanana ho Taur hela iha oposisaun. Problema la os partido CNRT ka PLP. Problema reside iha figuras topo rua resistensia armada nebe hela iha oposisaun. 

Nune bainhira governasaun funsiona la tuir regras, bele mossu instabilidade politica, pior dos casos bele provoka eleisaun “antesipada” bainhira dual Xanana ho Taur hamutuk.

Atu garante estabilidade governativa, tenki fahe Xanana ho Taur. Nune Xanana ho Fretilin forma governo, Taur hela iha oposisaun ho partidos seluk.

Iha tan modelo ruma diak liu tan?

Ita hotu hatene katak funsaun primaria governo atu halao desenvolvimento ba oin ho eficiencia katak “doing things right“ ho eficaz “doing the right thing”. Nune fator importante tama iha konsiderasaun seria, maka “kualidade” rekursos humanos kompetentes atu halao desenvolvimento ho sucesso ba povo nia moris liu husi exekusaun programas nebe iha impacto directo ba povo nia moris.

Kona ba sucesso – David Schawartz dehan nune, ”Where success is concerned, people are not measure by the sizes in inches or pounds, or college degrees, or family background; they are measured by the size of their thinking”. Nune mos Marcus Aurelius dehan, “very little is needed to make a happy life; it is all within yourself, in your way of thinking”. Albert Einstein mos observa, ”thinking is hard work, that is why so few people can do it”. Nune Maun Bot Xanana ho Mari loron hirak ne, halo “ginastika” makas, hodi hanoin format komposiaun ida nebe maka diak liu ba VII governo.

Timor oan barak maka iha kualidade “thinking skill“? Oin sa identifika sira?

Naturalmente iha Timor Leste iha “pensadores” potensiais barak. Atu identifika sira, simplesmente halo “fit and proper test” atu hatene sira nia skills no talenta quer “inhouse” iha partido laran ka “out sourcing“ sira nebe la tama iha estruturas partido.

Metodologia test sira nia kapabilidade simples hela. “Halo template” ida ho frame work fundamentada kona ba “problemas” kruciais, no apresenta estrategias, solusaun no orsamento nebe necessario. Plano ne, ho action plan ida bem estruturado no diresionado ho target espesifiko. Bain hira la atinge, objectivos esperados halo kompromisso atu resigna.

Presidete Jokowi Indonesia, implemeta “fit and proper test” ba membros governo. Sira nebe la konsegue hetan outputs positivos troka ho sira seluk. Ho approach ne, governasaun Jokowi hetan simpatia makas husi povo Indonesio no desenvolvimento lao ho ritmo diak, akompanha ho kresimento ekonomiko nebe positivo.

Okasisaun ida Metro TV liu husi programa Mata Nadjua halo entrevista exlusiva ho president Jokowi dehan nune, ”kemauan saya, adalah kemauan rakyat. Para menteri harus bekerja keras supaya rakyat senang. Kalau hasilnya kurang memuaskan, harus di ganti. Bukan saya yg mau menganti. Yang bersangkutan yang salah sendiri, kurang cerdas dan kerja keras“.

Iha okasiaun seluk President Jokowi komenta ba reshuffle nune, ”yang saya mau dan rayak mau adalah hasil. Caranya bagaimana adalah urusan anda”.
Prioridade saida ba VII governo?

Entre varios, importante maka tuir mai:

1. Crescimento no desenvolvimento ekonomiko.

Atu haburas krescimento ekonomiko, populasaun hotu tenki envolve iha atividades ekonomikas produtivas ba kurto, medio no longo prazo tuir rekursos ekonomikos potensial kada regiaun. Karateristikas topografika TL apresenta profil fisiko 4 ho karateristikas relevo, klima no solo.

a. Regiaun kosta norte nebe engloba distritos: Bobonaro, Likisa, Dili ho Baukau, Manatuto (Norte) altitude la ultrapassa 600 metros. Fatin hira ne, sira nia solo (pobre) ho exepsaun sira nebe besik mota. Fatin hirak ne, manas no maran, ho estasaun udan tinan ida dala ida;

b. Regiaun kosta Sul apresenta karateristikas morfologikas ho baixa altitude. Planices ho altitudes < de 600 metros distribute husi Distritos Covalima, Ainaro, Manufahi , Vikeke ho Sul Manatuto. Deklive iha fatin hirak ne, la asentuada. Klima manas no humido. Udan tinan ida tau dala rua. Solo fertile;

c. Extremo Sul nebe kobre distrito Lautem, nia relevo ho altitude < 500 metros nebe iha planalto ida ho superficie luan. Klima humido hanesan kosta Sul. Rai bokur (fertile).

d. 4a. regiaun Timor Leste, maka regiaun ho kategoria Interior Montanhoso. Distribui husi prinsipais cordilheiras foho iha territorio, nebe engloba husi distritos Aileu, Ermera, parte balu husi Covalima (NW) Bobonaro (SE), Likisa, Ainaro ho Manufahi, (Norte), area kik balu husi Baukau no Vikeke (Matebian, Mundo Perdido). Klima iha fatin hirak ne, varia ho altitude, precipitasaun annual elevada. (Fontes: GERTIL).

Bainhira inteira di-diak ona karateriistias fisikas kada regiaun, instansias sira nebe enkaregado ba “revenue centers” ministerios: agrikultua, ekonomia, obras publikas, transporte, komersio ho industria halo plano ida integrado, actividade ekonomika saida maka apropriado atu halo, nune mobiliza rekursos humanos, finanseiros technologikos, ba produsaun hodi haburas kresimento ekonomiko.

Atu dinamiza cresimento ekonomiko tuir karateristicas kondisaun real objectivo Timor Leste, atan ami nia optika, maka, tenki focus ba vector 4.

1. Vector estrategiko: Desenvolvimento agrikultura.

Atu garante ai-han ba populasaun sira, nia necessidades basikas, obviamente primeira prioridade maka desenvolvimento agrikultura, ho sentido, atu garante produtividade rai hodi uza tecnologias adaptadas. Ho politica ida ne, hadia nutrisaun no saude populasaun sira nian, nune mos kria empregos rasik ba populasaun sira.

Atu plano ne, hetan sucessos, governo tenki kria no fasilita inputs hanesan: irigasaun, mekanizasaun, asistensia teknika ba agrikultores sira, atu hasae sira nia produsaun. Estradas diak, linhas de kredito ba agrikultores sira, tama hotu iha pakote.

2. Vector estrategiko :Kualidade edukasaun

Nasaun sira desenvolvida, sira nia sidadaun sira possue nivel edukasaun ida alta. Governo iha responsabilidade atu aloka orsamento sufisiente ba eskolas publikas no privadas. Timor Leste ukun aan ona tinan 15, kualidade edukasaun husi nivel basiko tó superior kualidade sei dok husi standard.

Nune VII governo tenki tau atensaun espesial ba kualidade edukasaun. Ministro tutela tenki altamente kompetente nune durante tinan 5 nia laran konsegue halo melhoria signifikante pelomenos ba formasaun dos formadores iha eskolas primarias no sekundarias, nune estudantes sira sai matenek
Investimento ba edukasaun, asset ida valioso ba futuru ba desenvolvimento global. Uma vez kada timor oan ho edukasaun kualidade, kontribue ba boa governasaun, assegura lei, ida-idak iha nosaun konsiente ba “estate and nation building“ hodi konsolida ba paz no estabilidade.

3. Vector strategiko : Infra-estruturas

Infra-estrutura, signifika konectividade hanesan estradas, portos, aeroportos ho telekomunikasaun. Ho connectivity ekonomia nakloke ba rai liur, nune komercio ho industria sai buras. 

Buat hirak ne, hanesan “base / fundasaun” ba desenvolvimento no kresimento ekonomiko. Infra-estruturas sociais hanesan: eskolas, hospitais, saneamento, obras publikas, ho demais servisos publikos vitais ba povo nia moris, hodi kria mos emprego no assegura kualidade moris.

Ausensia: estradas, eletrisidade, be, internet, ekonomia sofre “estagnasaun” nune povo moris iha pobreza no miseria.

Timor Leste desperadamente, preciza internet ida ho folin baratu, ho “fiber optics” nune mos gas atu hatun folin eletricidade. Ho presu eletrisidade atual ho $0.24 ba industria impossivel atu atrai industrias.

4. Vector strategiko: Sector Empresarial

Historia hatudo katak desenvolvimento demokrasia no progesso ekonomiko fundamentalmente ligado.Hatudo mos katak, funsionamento makina ekonomiko nebe diak, hanesan pre-rekesito atu hetan prosperiedade ekonomika, nebe krusial atu governo hetan legitimidade husi nia povo.

Papel sector privado iha kresimento ekonomiko, importante hodi kria empregos nune mos impactos atu reduz kiak, hanesan mos loke oportunidade atu hasae standard moris.

Sector Privado hanesan “motor” ba desenvolvimento no kresimento ekonomiko. Disposisaun capital finanseiro ba operadores business, sai hanesan rekesito ida vital, atu sector privado kataliza ekonomia ida forte no saudavel.

Fundo Petroleo, to ohin loron usa iha “foreign stock market” ho montante $ 4.5 billion iha liur nebe la fo impacto directo ba ekonomia iha rai laran.

Nune VII governo tenki aloka 5% Fundo Petroleo ba linhas de kredito ba operadores business sira, iha areas produtivas, nebe iha serteza absoluta hetan retornos. Timor Leste iha potensias ekonomikas barak, maibe problema maka falta capital, atu hahu. 

Kapital bot nebe Timor Leste iha maka “rai” mamuluk, abaondanado husi taci to foho. Importante maka konduz, “survey ba soil test” atu hatene, saida maka bele kuda, no iha folin, rai mamuk besik tasi, rai mumuk iha fatuk laran, rai bokur sira iha rai fehan husi Suai to Lospalos.

Ossan hetan husi produtos hirak nebe iha rai leten ka rai okos. Minarai ka ossan mean hetan husi rai okos. Precisa capital, technologia no matenek (know how) hodi explora no tranforma ba ossan.

Ekonomia Timor Leste atu buras preciza “trasaksaun” produtos no servisos nune hodi loke empregos, hasae GDP per capita, ho mos melhoria standard moris kada familia. Intervensaun governo liu husi “monetary policy “ hodi suporta atividades operadores business iha sectores produtivos no disponibilizasaun de servisos.

Papel TVTL, RDTL, nakloke ba diskusaun no debate publiko, isento “fees” permite atu governo hetan “feedback” valiosos, atu hadia performance.

Aspecto importante atu VII governo, hetan: ”kredibilidade“ maka boa governasaun, kumpre lei, no totalmente livre husi KKN. Membros governo tenki possue skill ba writing. Tanba ”learning to write is learning to think“. Nune mos atu sai “good leaders“ tenke ser mos “good readers“.

Desenvolvimento ekonomiko sai hanesan tema sentral:

a) oin sa hasae produsaun, distribuisaun, kria empregos, no konsumo ba bens no servisos;

b) Kapasidade governo, atu aplika teorias,principios no modelos nebe relasiona ho prosesu merkado. Buka meios, oin sa kria rikeza hodi fahe ba komunidade sira;

c) Abilidade governo halo gestaun ba income, expenses, money or wealth. Politica governo distribute no estabiliza rikeza ba sidadaun sira.

d) Gap entre sira nebe “iha no la iha” (have no have) luan tebe-tebes. Governo tenki buka estrategias, atu satisfaz sira nebe moris iha kiak no susar nia laran ho sentido atu prevene “konflito” social, nebe, iha loron ida bele mossu.

Atu VII governo marka diferensa, no hetan distinsaun maka focus ba kresimento ekonomiko, relasiona ho aumento output. Nune mos konsentra esforsos ba desenvolvimento ekonomiko, nebe refere ba aumento ba output, kombinasaun ho melhoramento kondisaun social, politica, prosperiedade Povo Maubere. 

Nune desenvolvimento ekonomiko engloba kresimento ekonomiko sekunda ho valores bem estar social (welfare). 

Atu hametin, “kredibilidade” VII governo, tane as prinsipio “the rule of law” ba Timor oan hotu sem deskrimisaun no exepsaun.

Bem vindo ba VII governo ho membros governo kompetentes, atu responde no satisfaz Povo Timor Leste sira nia “hakarak moris iha justisa no prosperiedade, politica-economika no social”.

Konklusaun:
  1. Atu assegura boa governasaun VII governo, necessario membros governo altamente kualifikados atu garante exekusaun programas governo;
  2. Kumprimento ka submissaun ba “supremasia lei”, atu prevene abusos de poderes no pratikas KKN;
  3. Money politics iha eleisaun 22/07/17, nia konsekuensias, lori actors sira sai “enganados, derrotados no frustrados“.
  4. Issues ekonomicos, sai prioridades ba VII governo, atu kria rikeza, dinamiza produtividade, haburas merkado, loke kampos trabalho, no hasae GDP per capita.

Sem comentários:

Enviar um comentário

Nota: só um membro deste blogue pode publicar um comentário.