Amo Belo: "Demokrasia, Timor-Leste no Povu mak tenki manan"

"Demokrasia, Timor-Leste no Povu mak tenki manan"

Amu Bispo Ximenes Belo

Tempo Kampaña iha Timor-Leste, atu hili Deputados ba per'iodu 2017-2022. 

Ha'u akompaña no reza barak, atu Na'i Maromak fó naroman ba ukun na'in sira no ba povu tomak atu hala'o didiak eleisaun lejislativa ne'ebe sei hala'o iha loron 22 fulan ne'e. Hanesan sidadaun hau sei ba vota. Maibé, hanesan amo lulik no bispu, ha'u la bele hatete sai sei vota ba see... ka sei hili partidu ida ne'e, ka ida ne'ebá.

Partidu hotu hotu no politiku hotu hotu merese ha'u nia respeito. Ha'u hein de'it atu ema ne'ebé povu sei hili (deputadu foun ka deputadu tuan, sira bele hala'o didiak sira nia knaar iha Uma Fukun.Tan ba sai politiku, sai deputadu no sai ministro mos vokasaun ida: serbi Povu, no serbi Nasaun Timor Loro Sa'e. Ne'e duni, iha loron hirak ne'e nia laran hau reza deit, no iha esperansa katak Povu sei hili diak; hein katak iha rai laran sei iha deit hakamatek, dame no domin; ema sei hadomi malu, sei respeita malu. Sira ne'ebé manan, labele tebe rai resin hodi hatun sira ne'ebé lakon. No sira ne'eb'e lakon, labele tolok no hirus sira ne'ebé manan. Demokrasia mak tenki manan... Timor-Leste mak tenki manan... Povu timor mak tenki manan. 

Na'i Feto, Maromak nia Inan, Liurai Feto Timor nian, tau matan ba ema tomak iha rai laran no iha rai liur.

Dai Darenafa Namanei