Amo Martinho Gusmão: Kasu Emilia Pires, Politika Timor-Leste nian lakon ona "moral no dignidade"

Emilia Pires

Dili, Forum Haksesuk (FH). Kasu Emilia Pires kontinua sai hanesan preokupasaun publiku nian iha Media Social (Medsos). Husi parte Executivo liu husi Primeiro Ministro (PM) Dr. Rui de Araujo haktuir ba Média ne'ebe sai destake iha pajinas oin jornal diarios hanesan: Timor Post, Jornal Nacional Diario no Independente, iha loron Sexta-feira (09/12/2016).

Hakerek Timor Post, cita,:  "PM Rui: Ita labele kaer Emilia iha Portugal (TP, 09/12/2016, pajinas 1 no 23)". Iha Jornal Nacional Diário hakerek ho titulu "PM Rui: Emilia Pires fila mai TL tenki kaer (JND, 09/12/2016, pajinas 1 no 18)". Enquanto Jornal Independente, hakerek nia titulu "PM Rui: Laos Governo mak haruka Emilia Pires halai (Independente, 09/12/2016, pajinas 1 no 11)".

Kasu Emilia Pires vs Justiça mos, sai hanesan debate publiku, husi deklarasaun PD iha Parlamento Nacional (PN) iha biban debate OGE (Orçamento Geral Estado) 2016, iha loron 23 de Novembro tinan 2016, opiniaun Presidente Republika, Xanana no Partido CNRT, mos parte Sociedade Civil, hotu-hotu preokupasaun. Hakerek Forum Haksesuk, iha edisaun Terça-feira (06/12/2016), "PD konaba Kazu Sidadaun Emilia Pires, Ema Hotu-hotu Hakruk Ba Lei;  PR Taur Husu Emilia Pires Rende; Xanana "No Coment";  CNRT defende Emilia Pires;  Sociedade Civil, Emilia Pires Kaer Segredo Ruma (FH, 06/12/2016)".  Hare mos website: http://forum-haksesuk.blogspot.com/2016/12/pd-konaba-kasu-cidadaun-emilia-pires.html

Independente, 09/12/2016

Amo Martinho Gusmão (AMG) nudar cidadaun Timor oan ne´ebe sempre ható hanoin kritika no avaliasaun ba lalaok politika rai laran hola parte iha haksesuk malu iha Medsos, haktuir nune: "Lisaun aprendizajen ... iha Na'iulun barak mak "dupla nacionalidade" husi Australia, Portugal, Mozambik ... sira hatene ona oinsa mak escapa husi Tribunal ... loron seluk, köer kona öna, sulan kedas, maski atu halo knar Estado nian mos sulan nafatin (Faceboo pagene Forum Haksesuk, Dezembro 2016)".

Haktuir AMG: "halo juLgaMentu IN ABSENTIA ... nee dalan politika no legal. Nune'e ita hare took CNRT no Fretilin be durante nee maka'as los instituisaun seLuK beLe halo esforsu ate haruKa dona Emilia Pires fila. Se la fila, oiNsa mak sira COMBATE CORRUPCAO?? (idem)". 

Tenik tan AMG: "Presidente PN Aderito Hugo da Costa dehan Dona Emilia sei la hetan LPV, katak lori dalan falso ida atu lohi Emilia, nia la hatene katak Emilia nia osan barak ona ... maibe mos tau justifika katak LPV mate bandera hun". 

AMG fó hanoin wainhira Presidente Republika Taur Matan Ruak (TMR) ba hato ninia diskursu kritikas ba nai ulun sira balun, PN kritikas makas no kasu Emilia Pires, PN nonok. Hakerek AMG  iha medsos, cita,: "Uluk PR Taur Matan Ruak halo krtika ba Xanan Gusmao  no Mari Alkatiri, senhores/as Deputado/a sira hakilar halo rai nakdoko ... Hau sugere atü hatudu moral Nicolau Lobato nian, PN ataka hau maka'as los ... agora sira nonok, hakmatek, calmaaaaaa .... ha'u hanoin ita nia POLITICA lakon tihan ona ninia DIGNIDADE no MORALIDADE (idem)". 

Fonte: facebook Forum Haksesuk