Vicente Maubosy: Mari Alkatiri simu Projetu ZEESM troka Oposisaun ba Unanimidade

Vicente Maubosy

Dili, Forum Haksesuk (FH).  Projetu ZEESM nudar projetu piloto no gasta osan bóot, hare husi aloka osan iha tinan fiskal 2016 no 2017. Iha tinan 2016 Orçamento Geral Estado (OGE), aloka osan ba ZEESM hamutuk 218 Milaun Dolares Americano. Iha tinan 2017, OGE aloka ba ZEESM Oecusse kompara ho osan ba seitores 6 ne´ebe  importante ba moris  Povo nian la kompara ho osan ba Oecusse.

Tuir Vicente Maubosy hakerek iha Jornal Independente, edisaun Sexta-feira (25/11/2016 pajina 10), cita,: 

"Mari Alkatiri, “troka oposisaun ho projecto ZEEMS”, mos sei iha impacto bot ba votantes FRETILIN. Tanba votantes sira fo votos atu deputados FRETILIN, kontrola, no kritica governo atu garante boa governasaun. La os buka “unanimidade” hodi fahe projectos multi million dollar hodi taka ibun. Ho attitude ida ne, votantes FRETILIN konklui katak Doutor Mari Alkatiri uza FRETILIN hanesan “instrument” buka ossan deit. La os atu defende eleitorado sira nia interesses (Independente, 25/11/2016)".

Haktuir tan Maubossy, 

"Mari Alkatiri nia ambisaun fila fali kaer kargo PM, nia fundamento baseia ba “Fundo Petroleo” ho montante $16.7 billion. Orsamento ba ZEEMS nebe Xanana aloka hanesan “prenda” ba unanimidade Parlamentar aprova orsamento annual Mari Alkatiri sente la tó. Fundo Petroleo hari iha Mari Alkatiri nia governasaun, nune nia sente iha direito exclusive atu foti decisaun tomak. Atu iha poder controla total só okupa kargo PM no FRETILIN manang maioria absoluta".

OGE 2017 ba ZEESM kompara ho seitores 6 ne´ebe afeta direta ba povo Timor-Leste nia moris, tuir mai komparasaun OGE 2017.

1. Osan ba Zeesm iha OGE 2017 hamutuk:   USD 172,110 miloens   

2. Seitores 6 hamutuk ba teritoriu tomak:  USD 22,578 miloens deit

1. Agrikultura USD 3,151 miloens; 
2. Saúde USD 2,0 miloens ;
3. Edukasaun USD 2,419 miloens;
4. bee no saneamentu USD 5,7 miloens;
5. Bomérsiu no indústria USD 7,853 miloens;
6. Turismu USD 1,455 miloens.

FH Dili!