VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20160615

TIMOR LESTE NO REFERENDUM IHA UK 23/6

TIMOR LESTE NO 
REFERENDUM IHA UK 23/6

Hosi: C. Oliveira

Povo britaniku oras ne prepara-an daudaun atu tuir referendum iha loron 23 de Junho tinan ida ne'e. Opsaun rua iha referendum ida ne'e: ida, hili atu kontinua hamutuk ho Uniaun Europeia ou rua, hili sai hosi Uniaun Europeia.

Desizaun ida ke laos fasil ba povo britaniku konserteza. Kampanya "Remain In" ho kampanya "Vote Leave" oras ne'e lao maka'as los. Laiha ema ida mak bele sik lolos oinsa resultadu hosi referendum ida ne’e.

Relasiona ho referendum 23/6, mosu preokupasaun hosi governu Timor Leste konaba oinsa futuro ema Timor iha UK post-referendum. Ema Timor tama iha Reino Unido desde Timor Leste hetan liberdadi iha Agostu 1999. To'o ohin loron, Timoroan kontinua sai hosi Timor hodi buka moris iha Reino Unido. Razaun tamba: primieru: ekonomikamente nivel moris iha Timor ema ida sei moris ho dollar ida loron ida.

Segundo: Tamba razaun servisu laiha. Populasaun Timor aumenta, numeru dezempregados mos aumenta. Ida ne'e factor principal. Terseiru, ema buka mudansa iha sira ninia moris.

Ohin loron bele dehan katak liu ema rihun tolu nulu resin maka moris no servisu iha Reino Unido. Timoroan tama Reino Unido totalmente lori apoio Portugal nian. Tamba ne'e mak juridikamente Timoroan iha Reino Unido konsidera “naturalidadi Timorense, nasionalidade Portugueza”. Se loron ida mak Portugal la kohi fo'o ona ninia apoio atu Timoroan uza ninia dokumentos hodi tama Uniaun Europeia, ida ne'e sei sai problema bo'ot ba Timor Leste. Tamba ne'e mak relasaun diak ho UE liu2 ho Portugal (ligasaun moral, historika, etc) no Inglaterra (interesse ekonomika) importanti tebe-tebes i tenki halo diak liu tan iha futuro. Habadak hanoin "UE tulun maka'as Timor Leste".

Oinsa futuro ema Timor iha Reino Unido post referendum? Ida ne’e questaun serio. Maibe lalika paniku. Se iha Referendum nia laran maka “REMAIN IN” manan, ne’e signifika sei iha mudansa balun perante questaun konaba imigrasaun, servisu iha UK, etc. Se “VOTE LEAVE” manan signifika sei iha mudansa barak perante questaun imigrasaun, servisu iha UK, etc.

Governu Timor Leste liu hosi Ministerio Negosios Estranjeiros no Kooperasaun (MNEK) hatudu sira ninia preokupasaun konaba futuro Timoroan iha UK post referendum. Preokupasaun ida ke normal. Maibe, presija liu2 Governu Timor intensiva politika atu fo'o hanoin lesuk ba Governu Britaniku hodi mantein iha UE du ke sai hosi UE. Tamba benefisiu bo'ot liu ba Governu Timor se UK kontinua mantein iha UE. Infelizmente, to'o agora laiha esforsu sira ne'e. De faktu, Timoroan iha UK lori kontribuisaun bo'ot ba Dezenvolvimento Nasional iha Timor Leste. I ba futuro, existensia Timoroan iha UK sei forti no bo'ot liu tan tamba komesa mosu ona sucesso barak iha fatin barak. Remata

Sem comentários:

Enviar um comentário

Nota: só um membro deste blogue pode publicar um comentário.