 |
| Francisco Maukura Fernandes Counselor at Timor-Leste Embassy in Bangkok, Thailand |
LESTE AVIATION bele ajuda hatun Travel Cost mak sei aumenta tan Turista sira husi Kapital Principal Nasaun sira iha Sudeste Asiatiku ( ASEAN) ba Timor-Leste.
Tempu too ona atu Governo Timor-Leste buka harin mekanismu hodi hahu halo investimentu iha sektores transporte Aero nian. Konektividade importante tebes hodi bele hahu hasae kresementu no rendementu ekonomia nacional ho Timor-Leste bele oferese koneksaun Transporte Aero nebe ho folin baratu (Low cost for Travel) bele aumenta tan liu visitante husi Turista sira ho nune Sektor Turismu bele hahu ho neneik loke empregu servisu ba Joven sira nune mos hasae reseitas Taxa ba Estado (Devisa Negara) husi Sektor Turismo.
Hanesan exemplo deit, se ita hare folin ticket iha rejiaun Sudeste Asiatiku nian: Bangkok- Denpasar (PP US$600), Bangkok- Singapura (PP US$300), Bangkok- Manila (PP US$400) nune mos Bangkok- Kuala-Lumpur (PP US$300) nebe aviao (Thai airways ho kondisaun Full Service) sekarik viajen ho aviao sira Low cost carry hanesan Air Asia ka Jet Star nia ticket nia folin sei baratu liu nee.
Nestomentu, hare husi konektividade atraves transporte Aero Timor-Leste ho Nasaun sira hotu iha rejisaun Sudeste Asiatiku hotu so bele halo koneksaun husi Denpasar ho Singapura ou tenki semu hakat liu tiha Timor-Leste nia aereo space (Kalohan Leten) ba tiha Australia depois mak atu ba Timor-Leste tenki tama husi Darwin, Australia mak foin ba Dili (Darwin- Dili).
Durante ida nee, Embaixada Timor-Leste nian sira iha Kapital Principal ASEAN nian sira hanesan, Bangkok, Kuala-Lumpur, Manila, Vietnam, Jakarta atu halo promosaun kona ba Potensia Turismu Timor-Leste nian seidauk bele dada ema nia Interese atu visita ba Timor-Leste tamba deit Ticket aviao nian Karun liu fali ou hanesan ho atu arangka husi Bangkok ba Kapital sira iha Europea no estados unidos, ou iha deit Kontenenti ASIA nia laran rasik hanesan Bangkok- Seoul, Bangkok- Tokyo, ou Kuala-Lumpur- Beijing no ect. ect.
Tamba ida nee, Hau hare Governo hahu halo Gebrakan foun nee bele hatun netik folin ticket Denpasar- Dili- Denpasar nee diak tebes ona nune mos iha futuru bele hatun tan mos Ticket Singapura-Dili-Singapura (Hodi Hatama tan aviao ruma husi Singapura - Dili (bele Tiger air, JetStar airways) hau nia hanoin Timor-Leste bele loke koneksaun lolos ho Kapital ASEAN sira hotu nia, bele koloka Timor-Leste hodi bele hasae nia kapacidade simu Turista iha Sudeste Asiatiku.
LESTE AVIATION/Foro El Geby
Durante nee, hare husi Data kona ba Turismo nian iha rejisaun Sudeste Asiatiku nian, no fontes informasaun husi relatoria UNESCAP nian, Timor-Leste nia numeru visitante Turista menus tebes tebes (hare husi stastika Timor-Leste hela -2%)..
Nebe hau espera ho gebrakan foun ida nee, bele hatun folin Ticket aviao husi Denpasar-Dili bele ona ajuda atu hasae visita turista ba Timor-Leste tamba Travel cost competitive ona.
Buat seluk nebe mak persija atu halo mak hadia kondisaun airportu Nicolau Lobato (Infrastruktura) karik desenvolve deit terminal 4 ka 5 iha Airportu Nicolau Lobato (kapacidade 3000 pasajeiru / loron ida) mos bele ajuda tebes hodi atraves sektor Turimu bele kria empregu oin oin ba Joven sira (Tourism Industry and Industry related).
Thailandia simu Turista kada tinan liu 20 Miloes Turista husi Mundu tomak.
Hodi ida nee, Hau atan hakarak fo parabens no suksesu ba Inisiativa foun ida nee no Welcome LESTE AVIATION hodi desenvolve Timor-Leste.
Ami iha Bangkok, Thailandia sei kontinua halo promosaun Potensia Timor-Leste nian iha sektor sira hanesan Turismu, Komersio no Investimentu.
Ita hotu hamutuk ba bele lori Timor-Leste ba Prosperu.
Hakuak Bot,
https://www.facebook.com/francisco.d.fernandes?fref=ts
Notisias relacionadas:
Sem comentários:
Enviar um comentário
Nota: só um membro deste blogue pode publicar um comentário.