VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

segunda-feira, 30 de novembro de 2015

Tinan Atus Lima: Kapítulu 31 – Situasaun politika, social, no ekonómika iha Timor (1860-1894)

500 ANOS – TINAN ATUS LIMA  Emar Timor Ho Malae Mutin Hasoru Malu  
Dom Carlos Filipe Ximenes Belo

Kapítulu 31Situasaun politika, social, no ekonómika iha Timor (1860-1894).

Iha peródu ne’e, ita bele dehan hahú tempu kolonizasaun Timor nian.

1) Iha aspetu politiku, Governu hakaas-aan atu monta estrutura governativa: Governador Afonso de Castro (1859-1863) kria distritos, hodi harii komanudos militares iha knua no reinu sira ne’ebé importante;

- Iha fulan Setembru tinan 1863, Prasa ka Vila Dilly governu foti ba sidade (CIDADE), bainhira ukun Colónia de Timor governador José Manuel Pereira de Almeida (1863-1864); ho elevasuan prasa ba sidade, hahú funsiona Câmara Municipal Dilly.

2) Iha aspetu sosial, mosu funu ka revoltas iha reinu barak (Ulmera, Lacló, Laga;, Ermera, Cotubaba ho Cová; Leimean, Faturó, Sarau, Maubara etc). Revolta importante ida mosu iha DILI: iha loron tolu, fulan Marsu 1887, ne’ebé moradores sira oho governador Alfredo da Lacerda Maia. Buat diak ida ne’ebé Governador hakarak halo mak halakon escravatura iha Timor, tanba iha tempu nebe ema fa’an timor oan hanesan atan.

3) Governu mos obriga liurai sira tun ba Dili atu “presta vassalagem”, dehan katak sira rekoñese autoridade malae portugés iha Timor. Liurai feto Balibó, Dona Maria Michaela Doutel, liurai Manufahi Dom Francisco da Costa Soto Maior, liurai Bibiçuço Dom Florêncio Fernandes Hornay, liurai feto Luca dona Rosa do Amaral, liurai feto Venilale Dona Isabel Guterres, Coronel-regente reinu Fatumartó (Bercoli) Dom Matheus Fernandes; liurai Hermera Dom Mateus Hornai da Costa, liurai Motael Dom João da Costa Pereira, liurai feto Liquiçá Dona Graça da Costa Rodrigues, liurai Baucau, Dom Caetano Delgado Ximenes; liurai Vemasse Dom Domingos da Costa Freitas, Dom Hypolito dos Reis da CUunha, Liurai barique, etc.

4) Iha aspetu ekónomiku, governu tau orden ba importasaun no esportasaun café no buat seluk tan. Ba defesa governu hametin presensa komandu militar sira. De facto, iha tinan 1860, to’o Dili kontinjente miltar dahuluk.

5) Iha aspetu dezenvolvimentu ka konstrusaun infraestrutura nian: Iha janeiro 1860, hahú halo rezidensia governador nian iha Lahane, tanba ne’e, knua nebá, bolu “Castro Lahane”. Hala’o konstrusaun ponte iha mota ne’ebé iha Dili laran; iha loron 8 fulan Setembru 1867, halao inaugurasaun igreja Dili nian; iha fulan Setembru 1867, halo inaugurasan ponte-cais Dili; hahú mos konstrusan hospital, kadeia, kuartel militar no uma Repartições; hahú konstrusaun liuron ka estradas; estrada ne’ebé inaugura uluk, mak estrada Dili-Liquiçá; governu halo ponte Dom Luis ne’ebe hatutan sidade ho bairro Bidau, no ponte Lahane, ikus mai halo no farol iha Karketu.

6) Aspetu edukasaun: Governador Afosno de Castro loke eskola iha Dili, no husu padre timoran Jacob dos Reis e Cunha atu sai hanesan professor. Iha tinan 1864, iha eskola hirak ne’e. Eskola Dili ho alunus 60, eskola Manatuto ho alunos 20, eskola Batugadé ho alunos 15.

7) Aspetu finanseiru: Hosi Lisboa, Governu sentral la haruka osan; Hosi Macau mos haruka osan oitoan deit. Nee duni governu kolónia nia kofre mamuk no tem ke deve osan barak.

8) Iha perídu nee, governador portugés na’in rua mak hakerek livru kona ba Timor: Afonso de Castro: “As Possessões Portuguezas na Oceania (Lisboa, 1867)”; Governador Bento da França Pinto de Oliveira: “Macau e os seus habitantes: Sua Relações com Timor (Lisboa, 1897).

Dom Carlos Filipe Ximenes Belo
Premiu Nobel Paz 1996

Sem comentários:

Enviar um comentário

Nota: só um membro deste blogue pode publicar um comentário.