PM Rui Maria Araujo promete “boa governação, transparencia no kombate korupsaun”

Membrus VI Guvernu Constitusional Timor-Leste jura iha Palasio Prezidensial, Lahane, Dili

East Timor's new Prime Minister Rui Araujo reads his oath during his inauguration ceremony in Dili, East Timor, Monday, Feb. 16, 2015. Araujo was appointed as the country's prime minister to replace former guerrilla leader Xanana Gusmao, who resigned last week. (AP Photo/Kandhi Barnez)

Tabu konaba remodelasaun revela iha momentu nebe conincide ho anuncio resignasaun Kay Rala Xanana Gusmao husi kargu Primeiro Ministro (5/2/2015). Iha biban neba issue konaba “alih generasi” mos torna evidente ho escolha Medico Rui Maria Araujo ba Primeiro Ministro (10/2/2015). Tuir hikas, iha loron 16/2/2015, serimonia de tomada de posse ba PM ho nia membru sira.

PR fo posse ba Executivo foun

Hamutuk 38 membrus executivu VI Guvernu Constitusional simu posse husi chefe de estado  Taur Matan Ruak mandatu ba tinan rua nian tuir mai, 2015-2017. (Hare diskursu PR TMR nian)

Iha serimonia ne’e, akontesimentu uniku nebe mak na’ok ema hotu nia atensaun no basa-liman forte mak juramentu ba dala-ikus liu husi eis PM Kay Rala Xanana Gusmao nebe simu pasta nudar ministru ba PIE (Planeamentu no  Investimentu Estrategiku).

PM indijitadu promete «boa governação»

PM foun, Rui Araujo, promete aktua ho rigor no integridade, haforte “boa gorvernacao, transparencia no kombate korupsaun”. Issue ida ikus ne’e mak sai sentru de atensaun no prioridade ba VI guvernu konstitusional ba termu 2015/2017.  (Hare mos diskursu PM Rui M Araujo nian)

Sentidu responsabilidade hatudu liu husi kualidade no disciplina iha servisu, ne’e nudar kondisaun sine qua non fundamental ida atu transforma ita nia mentalidade, liu-liu ba funsionariu publiku sira atu servi povu ho diak, dehan Araujo iha Palacio Presidente da Republika nian.

PM hare katak kultura burokrasia iha administrasaun publika todan demais, tanba ne’e Chefe Guvernu ne’e hakarak transforma makina burokratiku ne’e ba modelo foun nebe «kama’an liu, tekniku, profisional no menus politizadu».

Rui mos husu iha nia intervensaun ba membru sira atu hatudu empenho, dedikasaun ba servisu no responsabilidade ba aktus sira ho karakter «politika, administrativa no kriminal», iha ambitu responsabilidade iIda-idak nian, nudar rekezitu obrigatoria.

Iha sector ekonomia, PM indigitado aborda situasaun ekonomika pais nian no dependensia ekonomika ba rekursu petrolifero, e, dehan, sei promove ekilibriu iha despesa publika nian hodi evita desperdicio iha gastos financeiros.

Tuir PM hare katak dezenvolvimentu iha sector agrikula, turismu no projecto piloto iha Oecusse bele sai alternativa no “factor income” iha ekonomia sei bele diversifika ba sector justica. Justisa nudar pilar importante ida iha sociedade nebe acessivel ba ema hotu, ne’ebe persija hadi’a kapasidade no kompetensias responsaveis sira. Iha ne’e exige avaliasaun klean iha sector justica no estabelecimento quadro kooperasaun foun nebe ajusta ho necessidade pais nian.

Hafoin tomada de posse, PM Rui Araujo simu no hatan hasoru ho tranquilidade desafius husi jornalista sira. Hanesan Agencia Lusa haktui katak PM foun Timor-Leste, Rui Araujo, iha loron tomada de posse, “sereno e calmo” e com “muito otimismo” preparadu para hatan dezafius mak dadauk hahu.

“Sereno, calmo e com muito otimismo para enfrentar o futuro. Sei que há muito trabalho, muito que fazer. A equipa está montada. Vamos dinamizar a equipa para conseguir os objetivos que pretendemos”. Iha Tetun traduz: “Serenu, kalma i ho otimismu boot atu enfrenta futuru. Hau hatene katak iha trabalho barak, buat barak mak sei halo. Equipa monta tiha ona. Ami sei dinamiza equipa para konsege objetivu sira nebe mak ami pretende”.

Iha homilia iha Katedral Dili, Bispo Basílio do Nascimento nia liafuan nakonu ho mensagens i iha parte ida dehan nune "...hau dehan katak kandidatu katoliku sira ba Governu tenki reveste lolos prinsipiu kristaun nian no tenta lori missaun nudar ema (homens), nudar sidadaun timoroan, maibe mos nudar katoliku hanesan sira”.

Konaba Governu foun, Bispo dehan “hein para hare”. Amu Bispo konsidera “Kuandu iha mudansa ita hein atu diak liu. Ka pelumenus diferente. Husik roo lao ba mak ita hare. Tamba bele mos difisil ba Rui gere buat sira ne’e, embora hau iha konfiansa boot ba nia”.

Konfiansa depositada fo sinal diak ho optimismo. Forum Haksesuk (FH) subscreve promesa “boa governacao”, “kultura transparensia” no “kombate a korrupsaun” e ida ikus ne’e FH recomenda ba Governo atu konsidera KKN nudar “alvo principal” ho ações concretas.

Sim, “Ita hotu hamutuk bele halo diak liu tan”.

Boa sorte!

Kahikata Fernandes

Forum Haksesuk Co-Editor & Graphic Designer