Cerimonia entrega knar husi eis-MTK ba MOPTK

Foto: Eis-MTK Eng Pedro Lay entrega dokumentu MTK ba MOPTK Eng. Gastao de Sousa (Foto Dok. MOPTC2015)!

Dili. Iha VI Governu Konstitusional iha mudansas no fusaun ba Ministerius rua iha V Governu Konstitusional mak Ministerio Obras Públikas (MOP) no Ministeriu Transporte no komunikasaun (MTK). Iha Quarta-feira (18/02/2015) iha salaun encontru MOPTK iha Caicoli, Dili, iha VI Governu Konstiusional MOP ho MTK hamutuk ida deit sai Ministeriu Obras Públikas, Transporte & Komunikasoens (MOPTK). Iha biban ne’e Eis-MTK Eng. Pedro Lay haktuir katak, ”iha biban ida ne’e hakarak ható agradece wain ba Diretores sira, xefis departementus sira, iha tinan 7 servisu hamutuk hanesan familia ida deit, tinan 5 iha IV Governu ne’ebe suporta husi AMP (Alianaça Maioria Parlamentar), tinan rua ho resin iha V GK ne’ebe suporta husi BKG (Bloku Koligasaun )“. Haktuir Eis-MTK iha V Governu Konstitusional, ”iha buat balun halo no balun seidauk, aproveita atu relata witoan servisus sira ne’ebe mak lao dadaun hanesan aeroporto Suai, procesu tender ba Porto Tibar, procesu tender ba Aeroporto Oecusse”, defende Pedro Lay.

Iha biban hanesan Ministru Obras Pblikas, Transporte & Komunikasoens (MOPTK) Eng. Gastão Francisco de Sousa, haktuir katak, oras ne’e dadaun Estadu liu husi Governu fó fiar atu infraestrutura tau hamutuk deit, ne’eduni naha todan hatur iha ita nia kbas”. Haktuir tan Ministru Gastão Francisco de Sousa, ”wainhira Estrada áat ema sempre temi mak MOPTK, wainhira ahi mate ema temi mak MOPTK, wainhira bé hemu la iha ema temi MOPTK, wainhira emar barak ba pasiar ba Bali ho Aviaun ladiak ema sempre temi mak MOPTK. Ne’eduni responsabilidades ne’e importantes ba ita, oinsa servisu ba povu no rai ida ne’e”, defende MOPTK Eng. Gastão Francisco de Sousa.

Pedro Lay Desmente lori dokumentus halai husi Gabinete

Foto: MOPTK ho ninia Vices nain rua hamutuk ho diretores sira (Foto dok. MOPTK 2015)!

Hafoin cerimonia entrega knar husi Eis-MTK Eng. Pedro Lay, “Pedro Lay mos desmente konaba publikasaun media konaba nia lori dokumentus husi gabinete, ne’e la los”. Tenik tan Eng. Pedro Lay, ”hau nia dokumentus privadus, tenki lori sai, laos rai fali iha gabinete, enquantu Ministru foun precisa uja espasu”, argumentu Pedro Lay. Hatutan Pedro lay, ”se hakarak klarifikasaun diak liu, husu ba autoridades kompetentes, tanba procesu hotu iha Procurament Nasional mak kaer ba tender ba aeroporto Suai, procesu laran ba porto Tibar no mos ba Aeroporto Oecusse iha hotu NPC/CAN)”.

Hafoin hotu cerimonia, MOPTK no ninia vices nain rua halo surumutuk ho Diretores sira iha Ministeriu laran hodi halo kordenasaun servisu iha ministeriu laran!