Probalidade Estrutura V Governu Versaun Foun

Probalidade Estrutura V Governu Versaun Foun 

(Hatun 55 ba 22)

Proposta husi:  *Forum Haksesuk

Estrutura V Governu Konstitusional ne’e bot ka bokur demais ho total 55 membrus kria no hamosu problemas bot ba Estadu, liliu iha Orçamento Geral Estadu (OGE) ne’ebe durante tinan rua nia laran gasta no kria liu despesas ba Estadu.

Ho despesas OGE ne’ebe mak bot maibe la produs rezultadu ne’ebe mak la tuir espetativa ne’ebe  V Governu ninia mehi tuir orientasaun estratejika PEDN (2011/30) ne’ebe materializa liu husi Programa Governu ba tinan lima (2012/17) no Planu Asaun kada linas Ministeriais tinan-tinan. 

Meta ne’ebe mak V Governu ne’ebe mak mai husi IV Governu Konstitusional oinsa mak atu to’o ba: qualidade servisu no obras. Husi qualidade servisu mak ninia konsekuensia lojika mak qualidade ba obras.

Ho Estrutura V Governu ne’ebe mak bot  ho total 55 la hatudu jestaun ne’ebe mak efikas no eficiente, kria mak konfusaun no resultadu iha tinan rua la koresponde ba espetativa ne’ebe mak mehi husi V Governu ne’ebe hakarak materializa PEDN 2011/30 hodi atinji ba meta ne’ebe iha tinan 2030, Timor-Leste atu sai Rai ne’ebe konsidere ninia rendimentu media ne’ebe ás, formasaun socio-kultural ne’ebe mediu, acessu ba infraestruturas basikas, acesu ba servisus sosiais hanesan edukasaun, saude no protesaun sosial ba cidadaun hotu-hotu.

Liu tinan rua ona (Agosto 2012 - Agosto 2014)  publiku nia hakarak, politikus sira, entidade sira hotu, sociedade civil nia hakarak, hotu-hotu hakarak Governu ne’ebe kiik, maibe ho principius efikas no eficiencia iha servisu.

Atu nune bele hatudu liu mak  prestasaun servisu ne’ebe diak no hetan resultadu qualidade obras ne’ebe mak hotu-hotu nia hakarak.

Publiku haksesuk malu dehan Governu bot demais. Balun dehan hatun ba 28 ba 35, iha biban ida ne’e Forum Haksesuk (FH) hakarak ható proposta konkretu hodi kontribui ba debate.

Gabinete V Governu Konstitusional versaun Remodelasaun mak:  Primeiru Ministru (PM) ho Ministrus Kordenadores 3 mak:  Kordenador ba Asuntus Sociais; Kordenador ba Asuntus  Ekonomikas no Kordenador ba Asuntus Politika, Defesa e Segurança.

I.  Ministru Kordenador Asuntus Sociais (MKAS) kordena servisu ho Ministerius no Sekretarias Estadus sira tuir mai ne’e:

1. Ministerio da Educação (ME)
2. Ministerio de Solidariedade Social (MSS)
3. Ministerio de Saúde (MS)
4. Sekretariu Estadus:

4.1. SEFOPE
4.2. SEPI
4.3. SEJD

II. Ministeriu Kordenador Asuntus Ekonomikas (MAKE):

1. Ministeriu Finanças (MF)
2. Ministeriu Obras Públikas no Transporte  (MOPT)
3. Ministeriu Economia, Comerciu no  Industria  (MECI)
4. Ministeriu Petroleum Rekursus Minerais (MPRM)
5. Ministeriu Agrikultura no Peskas  (MAP)
6. Ministeriu  Turismu, Kultura  no Meio Ambiente  (MTKA)

III.  Ministeriu Kordenador Asuntus Politika, Segurança no Defesa (MKAPSD):

1. Ministeriu Negocius Estranjeirus no Koperasaun (MNEK)
2. Ministeriu Defesa no Segurança (MDS)
3. Ministeriu Justiça (MJ)  
4. Ministeriu Administrasaun Estatal  (MAE)

IV. Hamenus Sekretarius Estadus sira, elimina SE sira ne’ebe servisu “overlapping” no haforsa Diresauns Jerais no Nasionais sira.

1. Ministeriu Presidencia Konseilu Ministru (MPKM) hamutuk SE 5 hamenus ba 2 deit;
2. Ministeriu Komersiu Industria no Ambiente (MKIA) iha SE 3 hamenus hotu;
3. Ministeriu Agrikultura e Peskas (MAP) iha SE 3 halakon hotu, reforsa deit Diresoens jerais no nasionais sira;
4. Ministeriu Saúde (MS) iha Vices 2 hamenus hotu;
5. Ministeriu Solidariedade Social (MSS) iha SE 2, hamenus ida hela deit SEAKLN ne’ebe pasa ba iha MDS nia okos;
6. Ministeriu Edukasaun (ME) iha Vices 3 hamenus hotu, haforsa Diresoesn 3 Ensinu Superiur, Sekundaria no Basikas;
7. Ministeriu Justiça (MJ) iha Vice 1 no SE 1, hamenus hotu no reforsa deit Diresoesn sira hanesan DNTP;
8. Ministeriu Defesa no Seguransa (MDS) ho SE 2 halakon hotu ;

Total Ministerius ho ninia Ministerius Kordenadores 3 no Ministerius 13 no SE 7, hamutuk: 3 + 13 + 6 = 22. Hatun husi 55 ba 22.

*Editores Forum Haksesuk!