VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

quarta-feira, 5 de dezembro de 2012

Prezidente ATC Husu Tulun Ministru Edukasaun Timor-Leste

Sorumutu ATC ho ME (Foto: ATC/Online)
Lisboa (28/11) - Prezidente Assosiasaun Estudante Timoroan sira iha Coimbra (ATC), José Viegas, hasoru-malu ho Ministru Edukasaun Timor-Leste (ME), Dr. Bendito Freitas, iha Lisboa, 28 Novembru 2012 no fatin iha Hotel ALTIS.

Vizita ME ba dala ida ne’e ho misaun politika kooperativismu educasional ho governu portugues, pretende «dar mais ênfase à cooperação entre ensinos superiores», fo destaque ba area sira hanesan ciencias, tecnologia e infomações.

Forum Haksesuk (FH) rona Prezidente ATC dehan katak “sorumutu ne’e nia objetivu hato’o informasaun ba Ministro konaba situasaun escolar no socioekonomika estudante timoroan sira iha Coimbra”. Vida nebe nia konsidera “exigente” e, ho krize todan iha Portugal kadavez mais difisil, i unika dalan-sai mak koko husu tulun ba Governo Timor-Leste.

Iha sorumtu ne’e, José Viegas entrega ba Bendito Freitas dossier ho dadus estudantes sira nian, nebe iha dokumentu ida, estudante ida-idak subscreve compromisso de honra fila ba rain wainhira ramata eskola, nune’e, hodi kontribui lisuk hari’i rai doben Timor-Leste.

“Dokumentus hatama hotu ona i Prezidente ATC entrega tiha ona ba Sr. Ministru. Ami hein Governo nia follow up, liu husi Ministeriu Edukasaun, karik bele simu no hatan hasoru ami nia problema”, dehan estudante ida nebe lakohi temin naran, lia-ida ho solisitasaun Prezidente ATC ba Ministru atu estuda ho atensaun ba dokumentus nebe entrega hodi fo-lais fali resposta iha tempu badak.

Entretanto, Ministru Edukasaun, Bendito, konfirma entrega dossier ATC no rona previamente point of situation husi prezidente José Viegas, i afirma ho kna’ar hosi parte ministerio da tutela sei estuda ho didiak possibilidade fo-tulun ba estudantes sira nebe iha dificuldades.

Estudante timoroan sira nia problema mak hanesan akontese tinan-tinan: selu propinas (osan eskola) no seluk-seluk-tan ho importância hanesan. Governu nia tulun atu hamenus todan ba estudante sira nia vida sosioekonomika, hamihis ka evita abandono escolar no hetan sucesso iha estudo.

Iha espektativa wa’in estudante husu tulun, bolsa de estudo, ba guvernu, i Ministru kompromete fo notifikasaun (resposta?) iha inicio tinan oin 2013. Entedimento entre ministru ho estudante hatudu interesse ho propozitu investimentu iha edukasaun no formação de quadros. Dadalia informal maibe nakonu ho kompromissu, ambiente sadik mos sira seluk nebe tuir hotu sorumutu fo hanoin no haforsa argumentus Prezidente ATC konaba estudante sira nia estudo, difikuldades no commitment.

Ba FH, Nai-ulun ATC, Jose Viegas, la haklaken sai pormenores dossier fo-liman ba ME, Bendito Freitas, maibe adianta deit, ho optimismu, katak “Parte ikus, sorumtu la’o ho ambiente positivu, katak, iha entedimentu ba-malu”.

Tuir hotu iha inkontru ne’e, alende Mbo'ot rua, Ministro Edukasaun Dr. Bendito Freitas ho Prezidente ATC Jose Viegas no'omos Adido de Educação hosi Embaixada RDTL iha Lisboa, Dr. João Aparicio ho reprezentatntes husi ida-idak nian.

Emfim, foi um encontro de conterrâneos, mas a pensar sempre no futuro do país Timor-Leste. Agora, iha ka laiha tulun…? Hein deit! *FH

Sem comentários:

Enviar um comentário

Nota: só um membro deste blogue pode publicar um comentário.