Dili. Kampanekandidatura Fernando La Sama de Araujo iha kapital Dili, segunda-Feira (12/03/2012), iha Taci Tolu, hetan partisipasaun maximu hosi populasaun Dili laran.
Hosi observasaun nebe iha, hatudu katak mobilizasaun bot ba kampane iha kapital Dili, mos hetan partisipasaun espesial hosi Vice Presidente CNRT, Jose Gomes alias Mauhuno, maske partidu CNRT hola ona decisaun hodi suporta ba kandidatura Taur Matan Ruak (TMR) no presidente CNRT Kay Rala Xanana Gusmao participa iha kampane kandidatu TMR iha sabado (10/03/2012) iha kampu Demokrasia, maibe la taka dalan no bandu militantes no dirijentes CNRT participa iha kampane ba kandidatus seluk.
Wainhira MC anunciu katak, Vice Presidente CNRT no mos veteranus ba libertasaun Nasional, Mauhuno toºo iha fatin, participantes sira basa liman ho haklalak Viva Maun bot Mauhuno. Hola parte iha kampane ne, iha veteranus lubun ida hanesan Tara Ablaiana, Hauta lafera no seluk tan.
Kandidatu Presidente Fernando La Sama de Araujo, iha ninia diskursu agradece ba maun bot veteranus sira tamba sira konsidere no suporta hau ba Presidente Republika 2012-2017.
Iha fatin hanesan Mariano Asanami Sabino haktuir katak, presensa veteranus sira iha kampane, hatudu katak La Sama mos veteranus ba funu ba Libertasaun, veteranus sira hosi frente armadas mos fo suporta ba nia atu sai Presidente iha periodu 2012-2017.
Kampane La Sama iha Distritu Dili, hetan partisipasaun maximu hosi populasaun, estrutura equipa sucesu Dili, mobiliza hosi sub-distritus Cristo Rei, Nain Feto, vera cruz e D. Aleixo. Tuir komisaun organizador katak kampane ne maximu tamba hare hosi entusiasmu massa, maske udan maibe sira kontente hodi hein no rona La Sama koalia!
Sem comentários:
Enviar um comentário
Nota: só um membro deste blogue pode publicar um comentário.