VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

domingo, 18 de dezembro de 2011

CPN Nudar Parlamento Iha PD

Dili. Tuir Estatuto Partido Democratico, ne´ebe hetan revisaun husi team teknika, Conselho Politika Nacional (CPN) ninia knar nudar lejislativa ka parlamento iha Partido. Hakerek iha Estatuto PD nian foun. “Exekutivu exekuta deit planus no estratejia sira ne´ebe maka elabora no formula husi CPN. Poder tomak iha CPN, sistema ida ne´e mosu atu adapta ho sistema ne´ebe maka vigora iha RDTL, Parlamento maka halo politika, lejisla no exekutivu ka governu exekuta deit”.

Se maka sai Membrus CPN: inerente no eleitu

Iha Estatuto PD, fahe ba membrus iha kategoria 2, inerente ka sira ne´ebe maka sira nia membrus automatiku mak: Prezidente no Sekretariu Jeral Partidu. Membrus eleitus mak husi distritus nain 5, OMD ho OJD nain 5 no fundadores nain 11. Total membrus CPN hamutuk 88.

Membros CPN no qualidade representasaun:

Antonio da Consceicao, Assessor iha Ministerio Finanças, Constancio Pinto, Embaixador Timor-Leste ba Estados Unidos Amerika, Gastao Sousa, representante Timor-Leste ba ADB, Manila, Carlos Saky, Sociolog no hakerek nain iha media Nasional, Domingos Naga Soro, eis-Embaixador Timor-Leste ba Japaun, Demetrio Amaral, Diretur Fundasaun Haburas, Benevides Correia Barros, Advogados no membro Konseilu Estado, Virgilo Hornai, advogado e Empresario, Arcanjelo de Leite, atual Ministro Estatal e Ordenamento Territorio (MAEOT), Domingos Caiero, atual Sekretariu Estadu Obras Publikas, Vitor Tavares, Asistensia Pessoal Presidente Parlamento e hakerek nain iha media, Marcelino Magno, Xefi gabinete Presidente Parlamento Nacional no eis-Jornalista Tempo, Forum Keadilan no investigador TIDS, António Ramos da Silva “Naikoli”, atual Assessor Komunikasaun ba PM, Alex, atual Assessor ba Presidente Republika asuntus Sociais, José Anuno, atual Administrador Distrito Ambeno, Alexandre Magno, Professor Edukasaun Rejional Ainaro, Benjamin Martins, dosente UNTL/Faculdade Engenheria no konsultan Teknika Parlamento Nasional, José Onorio, Dosente UNTL/Faculdade Ekonomia, Anis, Dosente UNPAZ, Nino Pereira, Xefi Gabinete SEJD, Rui Meneses, atual Deputadu Parlamento Nacional, Gertrudes Moniz, atual Deputado iha Parlamento Nasional, Jacinta Pereira, atual Deputado iha Parlamento Nacional, Aquelino Fraga Freitas, Veteranos, Julia Sarmento alias Meta Malik, Veteranos, Tubias Amaral alias Maksakur, Veteranos, Geronimo alias Wehali, Veteranos, Fernando de Araujo, Veteranos no membrus sira seluk.

Antonio da Consceiçao, Presidente CPN, katak, ”Ho CPN foun, espera katak bele halao nudar knar nudar orgaun lejislativa Partidu nian”. Tenik tan, ”atu iha balansu iha Partidu buka hafae knar ba orgauns ida-idak nian, tamba Partidu ne´ebe bot no abut metin iha sosidade tenki defini kompetensia no knar kada orgauns”.

Angelina Andrade, Prezidente OMD CPN hateten katak “nudar prezidente OMD, sauda ho mudansas nebe iha PD, liliu ho komposisaun no membrus CPN ne´ebe iha”.

Nivio Simoes, Presidente OJD, ”ho CPN ninia poder no ninia membrus sira mai husi backraund akamdemika, profisional no hola parte ba procesu historia hatudu katak CPN PD ne´e iha duni qualidade no hatudu duni imajem partidu ne´ebe abut metin no forte”. Tenik tan no defene Nivio Maguelhaes katak ”ho komposisaun no poder atribui ba CPN, PD laos ona hanesan ema asosia identiku ho LA (Lasama Assanami) maibe PD ne´e militante no estruturas tomak maka habot no haforte partidu ne´e rasik”.

CPN sei fahe tuir kada Komisaun ne´ebe adapta ba Komisaun sira ne´ebe maka PN iha, ho ninia espesialidade ba membrus sira ninia kompetensia teknika no profisional!

*Fonte: Jornal Nacional Diário (JND), edisaun Segunda-feira (19/12/2011, paj. 14)!

Sem comentários:

Enviar um comentário

Nota: só um membro deste blogue pode publicar um comentário.