Dili. Plano Estratejiku Dezenvolvimentu Nasional (PEDN), ne'ebe hetan aprovasaun husi Parlamento Nasional (PN) iha Segunda-Feira (11/07/2011) sai nudar mata dalan ba Dezenvolvimentu ne'ebe ninia objektivu maka hadia povu nia moris, haktuir Deputadu Natalino dos Santos, husi Bankada CNRT ba AMP Media, iha uma fukun Parlamento Nasional, Segunda-Feira (18/07/2011).
Haktuir tan Natalino dos Santos, "PEDN ne'e hetan aceitasaun husi populasaun Timor-Leste tomak, wainhira PM Kay Rala Xanana Gusmao ba halo konsulta PEDN iha fulan Abril-Setembru tinan 2010 iha sub-distritus 65".
Tenik tan Natalino dos Santos, "konsulta PEDN ne'e, laos konsulta oras ida ka horas lima, quase loron tomak, dala ruma PM explika hodi hatan ba perguntas sira ne'e to'o kalan bot", argumenta Natalino dos Santos.
Husi parte seluk, Deputado Adriano dos Nasciemento, xefi Bankada PD katak, "PEDN ne'e reflete ba ispiritu Ukun Rasik An ne'ebe mehi ida ba povu tomak nian katak hametin ukun rasik an, harii Nazaun husi baze".
Tenik tan Deputado Adriano do Nascimento, xefi Bankada PD, "Mehi ba povu no nasaun nia moris diak, fiar ba Planu Estrategiku de Dezenvolvimentu, no halo asaun hodi konkretiza tuir kbit moral, politika no intelektual AMP nian, partikularmente kbit Partido Democratico ho nia lider, militantes no simpatizantes tomak. Ho komitmentu ida ne’e, maka Partido Democratico hakotu ona nia pozisaun hodi fo apoiu tuir kbit ida-ida nian, ba implementasaun Planu Estrateziku de Dezenvolvimentu, hosi fukun ida ba fukun seluk, no hosi tinan ida ba tinan seluk", dehan Vice Prezidente PD.
Hakturi tan Adriano dos Nascimento, "Razaun nebe lori Bancada Partido Democratico, hodi aprova no deklara nia komitmentu, mak hanesan tuir mai; 1). Planu Estrateziku de Dezenvolvimentu nudar mehi ida, fiar ida no asaun ida, nebe inspira ita hotu nia hanoin, ita hotu nia lia fuan no ita hotu nia hahalok politika, hodi konkretiza mandatu funu nian “Liberta Patria e Liberata Povu”. Partido Democratico fiar katak lider nasaun ida ne’e no nia povu tomak, sei tula hela mandatu funu nian ne’e, iha ida-ida nia kabas hodi hamoris no habot, nasaun nebe sei nurak iha nia vida Estadu de Direitu demokratiku. 2). Bancada Partido Democratico konklui katak Planu Estrateziku de Dezenvolvimentu, nudar evolusaun hosi Mandatu funu nian atu liberta povu hosi susar, kiak no mukit. Planu Estrateziku de Dezenvolvimentu nudar materializasaun hosi vizaun Planu Dezenvolvimentu Nasional 2002, no Planu Estrateziku de Dezenvolvimentu nudar refleksaun no revizaun planu no programa politika Guvernu AMP iha tinan hat nia laran. 3). Bancada Partido Democratico mos konsiente katak Planu Estrateziku de Dezenvolvimentu nudar interese nasional supra partidariu, ho razaun katak Planu Estrateziku de Dezenvolvimentu ne’e mai hosi povu nia susar no terus, halore no haktuir ba sira iha sub distrito 65 durante fulan rua nia laran, no legaliza liu hosi nia reprezentante iha uma fukun Parlamentu Nasional", argumenta Adriano do Nascimento.
Husi parte seluk, Deputada Carmelita Moniz, CNRT, "PEDN hanesan kontinuasaun husi PDN 2002 ne'ebe elabora husi Governu anterior lidera husi ex-PM Mari Alkatiri ne'ebe hakerek mehi povu nian ne'ebe tau iha dokumentu Visaun2020".
Dehan tan Deputada Carmelita Moniz, husi CNRT, "iha PDN 2002, hakerek mos konaba revisaun ba dokumentus ne'e, tuir lolos halo iha Julho-Agosto 2003, maibe la iha biban tanba Governu iha perioridade seluk, tanba ne'ebe maka Governu AMP iha ninia programa ne'ebe apresenta iha fulan Setembru tinan 2007, tau mos perioridade ba elabora PEDN ne'ebe hanesan kontinuasaun husi PDN2002".
Wainhira debate konaba PEDN iha loron segunda-Feira (11/07/2011), "bankada Partidu Fretilin, walk out husi Parlamento Nasional (TVTL, 11/07/2011). Hatan ba atus husi Bankada Partidu Fretilin, PM Kay Rala Xanana Gusmao haktuir katak, "Sira Walk out tanba sira la komprende PDN 2002 (hare TVTL, 11/07/2011)".
AMP Media
Dili, 18.07.2011!
Haktuir tan Natalino dos Santos, "PEDN ne'e hetan aceitasaun husi populasaun Timor-Leste tomak, wainhira PM Kay Rala Xanana Gusmao ba halo konsulta PEDN iha fulan Abril-Setembru tinan 2010 iha sub-distritus 65".
Tenik tan Natalino dos Santos, "konsulta PEDN ne'e, laos konsulta oras ida ka horas lima, quase loron tomak, dala ruma PM explika hodi hatan ba perguntas sira ne'e to'o kalan bot", argumenta Natalino dos Santos.
Husi parte seluk, Deputado Adriano dos Nasciemento, xefi Bankada PD katak, "PEDN ne'e reflete ba ispiritu Ukun Rasik An ne'ebe mehi ida ba povu tomak nian katak hametin ukun rasik an, harii Nazaun husi baze".
Tenik tan Deputado Adriano do Nascimento, xefi Bankada PD, "Mehi ba povu no nasaun nia moris diak, fiar ba Planu Estrategiku de Dezenvolvimentu, no halo asaun hodi konkretiza tuir kbit moral, politika no intelektual AMP nian, partikularmente kbit Partido Democratico ho nia lider, militantes no simpatizantes tomak. Ho komitmentu ida ne’e, maka Partido Democratico hakotu ona nia pozisaun hodi fo apoiu tuir kbit ida-ida nian, ba implementasaun Planu Estrateziku de Dezenvolvimentu, hosi fukun ida ba fukun seluk, no hosi tinan ida ba tinan seluk", dehan Vice Prezidente PD.
Hakturi tan Adriano dos Nascimento, "Razaun nebe lori Bancada Partido Democratico, hodi aprova no deklara nia komitmentu, mak hanesan tuir mai; 1). Planu Estrateziku de Dezenvolvimentu nudar mehi ida, fiar ida no asaun ida, nebe inspira ita hotu nia hanoin, ita hotu nia lia fuan no ita hotu nia hahalok politika, hodi konkretiza mandatu funu nian “Liberta Patria e Liberata Povu”. Partido Democratico fiar katak lider nasaun ida ne’e no nia povu tomak, sei tula hela mandatu funu nian ne’e, iha ida-ida nia kabas hodi hamoris no habot, nasaun nebe sei nurak iha nia vida Estadu de Direitu demokratiku. 2). Bancada Partido Democratico konklui katak Planu Estrateziku de Dezenvolvimentu, nudar evolusaun hosi Mandatu funu nian atu liberta povu hosi susar, kiak no mukit. Planu Estrateziku de Dezenvolvimentu nudar materializasaun hosi vizaun Planu Dezenvolvimentu Nasional 2002, no Planu Estrateziku de Dezenvolvimentu nudar refleksaun no revizaun planu no programa politika Guvernu AMP iha tinan hat nia laran. 3). Bancada Partido Democratico mos konsiente katak Planu Estrateziku de Dezenvolvimentu nudar interese nasional supra partidariu, ho razaun katak Planu Estrateziku de Dezenvolvimentu ne’e mai hosi povu nia susar no terus, halore no haktuir ba sira iha sub distrito 65 durante fulan rua nia laran, no legaliza liu hosi nia reprezentante iha uma fukun Parlamentu Nasional", argumenta Adriano do Nascimento.
Husi parte seluk, Deputada Carmelita Moniz, CNRT, "PEDN hanesan kontinuasaun husi PDN 2002 ne'ebe elabora husi Governu anterior lidera husi ex-PM Mari Alkatiri ne'ebe hakerek mehi povu nian ne'ebe tau iha dokumentu Visaun2020".
Dehan tan Deputada Carmelita Moniz, husi CNRT, "iha PDN 2002, hakerek mos konaba revisaun ba dokumentus ne'e, tuir lolos halo iha Julho-Agosto 2003, maibe la iha biban tanba Governu iha perioridade seluk, tanba ne'ebe maka Governu AMP iha ninia programa ne'ebe apresenta iha fulan Setembru tinan 2007, tau mos perioridade ba elabora PEDN ne'ebe hanesan kontinuasaun husi PDN2002".
Wainhira debate konaba PEDN iha loron segunda-Feira (11/07/2011), "bankada Partidu Fretilin, walk out husi Parlamento Nasional (TVTL, 11/07/2011). Hatan ba atus husi Bankada Partidu Fretilin, PM Kay Rala Xanana Gusmao haktuir katak, "Sira Walk out tanba sira la komprende PDN 2002 (hare TVTL, 11/07/2011)".
AMP Media
Dili, 18.07.2011!
Sem comentários:
Enviar um comentário
Nota: só um membro deste blogue pode publicar um comentário.