VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20110624

Hahu 1 Julho 2011, la iha tan Funsionariu Temporaiu

Dili. Prezidente Komisaun Funsaun Publika (KFP) Liborio Pereia, deklara katak, hahu dia 1 Julho 2011, Timor-Leste, la iha tan ona funsionarius temporariu e sei muda ba funsionariu permanente. Presidente KFP, hakturi lia hirak ba Jornalista sira, quarta-Feira (22/06/2011) iha Palacio do Governo, hafoin apresenta dokumentus ba Konseilu Ministru konaba muda funsionariu temporariu ba permanente.

“Mai iha Konseilu Ministru atu atualiza konaba prosesu verifikasaun ba prosesu konversaun temporariu ba permanente, tantu ho apresentasaun ida ne’e, membru Governu ida-idak bele hatene situasaun sira nia funsionarius temporariu to’o ina iha ne’ebe”, koalia Liborio Pereira.

Liborio Pereira afirma, agora dadaun iha funsionarius temporaries ne’ebe maka rekola dadaun ona iha rihun nen resin, mais verifikasaun sei lao hela, to’o apresenta relatoriu iha Konseilu Ministeru, seiduak inklui Ministeriu Edukasaun ninian, tanba Ministeriu Edukasaun nia barak e sira sei verifika hela ida ne’e.

“Mais ita hein katak, iha semana oin ne’e konklui hotu ona, nune’e komisaun bele halo ona nomeasaun provizoriu kolektiva hodi publika iha Jornal Republika”, katak Liborio Pereira.

Nia hateten, tuir rejistus ne’e, iha 6 mil profesores temporaries e quase 8 mil ho resin laos profesores namkare iha Timor laran tomak ne’ebe hanesan funsionarius temporaries, ida ne’e esklui deit Parlamentu Nasional ho oficiais justisa, sira seluk ne’e tama hotu iha prosesu.

Iha oportunidade ne’e, Primeiru-Ministru Kay Rala Xanana Gusmao ho membru Konseilu Ministru sira apresia tebes e fo korajen ba komisaun atu kontinua halo servisu ne’e to’o rohan, ho nune’e bele kumpri duni desizaun politika no mos regras ne’ebe aplika iha komisaun Funsaun Publika.

“Konversaun ne’e ida deit e dia 1 Julho 2011 hanesan datan ne’ebe komisaun fiksa atu halo nomeasaun ba sira”, afirma Liborio Pereira.

Tuir dadus husi Komisaun Funsaun Publika, aprova ona hamutuk 5910, sira ne’ebe maka prense duni kriterius. La aprova tanba seidauk kompleta fulan nem (6) hamutuk 745 no la aprova tanba razau seluk hamutuk 385!

Fonte: Jornal Nacional Diário (JND), edisaun sexta-feira (24/06/2011) pajs. 1 e 15!

Sem comentários:

Enviar um comentário

Nota: só um membro deste blogue pode publicar um comentário.