Osan aloka ba aktividade Presidente Republika nian la kontra Lei

Dili. Forum Haksesuk (FH). Husi bankada OMP (Oposisaun Maioria Parlamentares) liu husi Deputado Arsenio Bano, foti kestaun konaba atuasaun Presidente Republika nian konaba programa ba hatun kiak. Dehan Arsenio Bano, bankada partidu Fretilin, ”aloka osan ba Presidencia Republika, maske Tribunal rejeita ona konaba Programa Kombate ba pobreza, maibe governu sei aloka nafatin osan ba Presidente Republika. Husu expliaksaun ba ida ne’e?”.

Hatan ba lian litik mai husi deputado husi partidu Fretilin, PM Kay Rala Xanana Gusmao, defende katak

• “Akordaun Tribunal Rekursus, wainhira aloka osan ba financia aktividade Presidencia República nian maka inkonstitucional, tamba ne’e maka la bele tau osan iha ninia OGE. Maibe tamba Presidente República mos atende ba necessidade povo kiik no kiak nian, neduni husu ba Prezidente, maibe administrativamente husi nafatin Gabinete Primeiro-Ministro (GPM) liu husi Assessoria ba Sociedade Civil. La aloka ba PR maibe ajuda reduz pobreza nudar aktividade Presidente República nian, administrasaun iha nafatin ASC/GPM nian”.

Deputadu Adriano Nascimento, husi PD, argunmenta iha nia intervensaun katak:

• ”Kombate pobreza ne’e iniciativa ida, osan jere iha GPM liu husi ASC (Assessoria da Sociedade Civil), responsabilidade husi GPM la sai husi regras. Knar ida mos, louva iniciativa PR loke imajen ba mundu katak ita nia imajen diak ba mundu, simbol katak ita la iha problema. Pormove estabilidade no imajen TL nian. Referensia mak aktividade sira hanesan Tour, festival kultural Ramelau, no sst, nebe PR nia obra”.

Votasaun ba OJE2011 ba Presidente República nian aprovado ho votos favor 42, kontra 0 no Abstensaun 14.

FH