FRETILIN koalia mamar ba AMP tamba proposta 84

Dili. Forum Haksesuk (FH). Partidu FRETILIN ko'alia mamar ba AMP tamba proposta 84, iha proposta subvensaun publika ne'ebe hatama ba politika ho Dotasaun Inicial (US$1,000,000.00) ho aditamento ho montante total US$5,500,000.00, signifika katak subvensaun publika ba partidus politikus hamutuk US$6,500,000.00. Ho montante ne'e FRETILIN hetan osan total US$2,100,000.00.

Tamba osan ne'ebe partidu FRETILIN prezisa duni, tuir preponente Antonino Bianco, FRETILIN, katak "Estado maka kaer husi politikus, politikus mai husi Partidus Politikus (PP), tamba ne'e maka partidus politikus iha dever no direitos ba ninia militantes no quadros sira, kondisoens rekursus iha PP, tamba interese partidu no estado, C-RDTL rekonece multipartidarismu”, defende Bianco. “Preokupa ba PP hotu-hotu, militante hotu-hotu, tamba ne’e maka hatama proposta no. 84”. “Sustenta demokrasia no desenvolvimentu ba rai Timor-Leste no estabilidade rai laran, tamba ne'e maka hatama proposta hodi tulun ba PP”.

Jose Teixeira, husi partidu FRETILIN, secunda ba proposta no. 84 tamba importante ba demokrasia no papel PP. Argumenta Teixeira katak, "ita nia Demokrasia iha fase ida perigo, PP prezisa subvensaun publika, hodi harii demokrasia ba povo no nasaun nian".

Hatutan Teixeira, "formasaun ba quadros ba to’o baze buka duni fomasaun... oportunidade ka?kaer demokrasia no dame? ne’eka hanesan 2007-2010", defende Jose Teixeira, ex-SERN.

Ba deputado Estanislau da Silva, husi Partidu FRETILIN, "Preciza osan ba PP sira, lei eleitoral no Lei PP... konsekuencia husi demokrasia, ajuda ba PP ne’e importante tebes, PP bot laos bot ba bebeik, kiik kiik ba bebeik, iha eleisaun 2012 bele akontece bot ba kiik, kiik ba bot. Moral iha ka lae, PP sira prezisa, hira maka tau hare ba konsciencia, CNRT ho FRETILIN sei sai kiik karik".

Partidu FRETILIN tamba deit proposta 84, obriga partidu FRETILIN ba haknauk asinatura husi partidus seluk iha AMP!