VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente

Hili ho konsiensia, vota ho Hanoin ba POVU no Domin ba TIMOR-LESTE
... ... ... ... ... ... ... ... ... ... ...
TIMOR-LESTE



Entrevista
a Nicolau dos Reis Lobato


Lei Bandu Labarik Labele Involve Iha Kampaha Ba Futuru, Vota ho Dame! Sukit-malu mak "interesse nacional" Partido nebe la halo promesa iha eleisaun... Pemilu Timor-Leste: "Keadilan Waktu" Oinsa neutralisa tensaun entre ita nia ulun bot sira? “LÍDER IDEAL” Timor-Leste Parliamentary Elections: Hard Choices, Hard Times

terça-feira, 19 de outubro de 2010

Reaksaun mista “CNRT HAKARAK UKUN MESAK” iha eleisaun 2012

Husi: Vicente Maubocy (Observador Politico)*

Sintese

Diskurso Presidente CNRT Xanana Gusmao ba okasiaun sorumtuo Kongressu “Klibur Professional CNRT” iha 18 de Setembro 2010, iha biban neba Xanana afirma ba Kongressistas sira, observadores no konvidadaos katak “CRNT hakarak ukun mesaK” ba eleisaun 2012.

Se CNRT la hetan 33 deputados iha Parlamento Xanana prefere nia partido hela iha oposisaun.
Husi afirmasaun ne, mossu reasaun barak husi Partidos politicos barak nebe dehan sirak ida-idak iha kbit atu lao mesak ba eleisaun 2012 hodi ukun. Husi analistas no observadores balun mos fo sira nia komentario no observasaun iha jornal hodi relembra lider historic Dr. Mari Alkatiri mos afirma iha tempu hirak liu ba iha kotuk katak “FRETILIN ukun tinan 50” mai be realidade politica ikus mai sai kontrario. Pior liu tan FRETILIN maske manang ho maioria simples la konssegue forma governo hodi ukun.

Ho afirmasaun Xanana, CNRT hakarak ukun mesak provoka reasaun oi-oin ba lideres partidos politicos sira iha Timor Leste husi partidos bot too kiik. Partidos sira envolve iha AMP mos deklara aan ona katak sira mos hakarak lao mesak ba eleisaun 2012, hatudo “gensi”
Tan sa maka Xanana hakarak lao mesak?

Iha Xanana nia diskursu klarifia razaun fundamental ukun mesak, tanba experiencias hatudo tinan tolu nia laran, implementasaun ka ezekusaun planos no programas governo nian la tuir tuir kalendario, tanba Ministros no Secretarios do Estado sira koloka sira nia partidos nia interesses, em vez de ezekuta plano no programas governo nian.

Experiencia husi governo AMP nian, todan tebe-tebes ba Xanana no halo Xanana ulun fatuk moras, hodi atura kaprichos no asneiras balun husi membros do governo sira, halo sasan konforme sira nia gosto ka prazer.

Tanba atu evita AMP nakafera iha tempo badak nebe fo impacto ba eleisaun antecipada, assegura estabilidade governativa atu resolve prioridades ba kasus seguransa no estabilidade politica, fo solusaun difinitiva ba issues refugiados, peticionarios, maka Xanana ho paciencia bot atu atura AMP ho sofrimento bot.

Logicamente Xanana durante tinan 3 nia laran la iha opsaun seluk hodi subar ka falun metin nia deskontentamento to momento oportuno atu fo hatene abertamente ba publiko no ba aliados sira katak “ too ona”, "enough is enough”.

Liu ona tinan 3, periodo mais kritico liu ona, ka mota bot hakur liu ona, seguransa no estabilidade restaura no solida oras ne, 15% populasaun hetan ona benefisios directos husi governasaun Xanana , estruturas CNRT monta ona too iha base (aldeias) la iha razaun atu Xanana sente fraku hodi kaer nafatin AMP ba eleisaun 2012.

Posibilidade iha Frente Politica ida hasoru Xanana?

Iha probabilidades bot atu Partidos politicos sira halai hamutuk hodi desafia Xanana tuir hakerek nain nia analise no konklusaun. Atu solido too tinan hira ne, kestaun seluk.
.
Atu reduz ka manang Xanana, la iha opsaun seluk a não ser partidos hotu iha Timor Leste forma koligasaun hasoru CNRT. Ambisaun atu hatudo forsa hodi, Ida-idak lao mesak la-lika mehi, bele lakon iha barreira eleitoral hodi hetan deskualifikasaun.

Objectivo partido politico maka –konkista poder hodi ukun. Atu hetan ukun tenke konkista simpatia husi eleitorado sira, dirigentes politicos sira iha profile as (high) hanesan referensia atu eleitorado sira fo sira nia votos ba sira nia partido alem de programas partido nian.

Ba kasu Timor Leste, atributos figuras politicas nian hanesan fator determinante hodi kapta simpatia. Lider ida maka nia passado la involve iha resistensia ka durante independencia la presta services diak ba povo nia necessidade, dificil atu kapta , votos.

Forsa Frente Politica atu hasoru Xanana, depende figuras politicas sira nia envolvimento iha Resistensia no prestasaun de servisus nebe povo hetan ona husi sira. Partido politico nia forsa, baseia directamente ba nia dirigentes sira nia historia ligado ba povo nia moris. Dirigentes sira realmente advogados ka defensores ba povo nia moris ka lae? Povo konhece diak dirigentes politicos sira ida-idak.

Eleisaun Antesipada bele mossu ho Xanana nia estatement?

Reasaun ba Xanana nia deklarasaun bele mos provoka “mosaun de censura” iha Parlamento Nacional, nebe bele konduz ba eleisaun antesipada se partidos hotu-hotu nebe iha asssento Parlamentar reune sira nia forsas hodi hasoru bankada CNRT nebe iha deit 18 kadeiras.
.
Tuir regras iha Cosntituisaun scenario ne, bele mossu no lei mos sekunda, se Partidos sira ho assentu Parlamentar hamutuk 47 reprova programa governo nian. CNRT ho 18 votos hetan derrota husi 47 votos.

Maibe espasu hela deit tinan rua ba eleisaun geral, halo lideres politicos sira hanoin naruk hodi avalia kustos no benefisios atu halo eleisaun antesipada iha kuaze finais 2010. Lideres sira hanoin diak liu too 2012, atu prepara aan diak liu tan.

Desvantagens ba Eleisaun Antesipada

1. Deputados sira iha Parlamento nasional, hau iha serteza, lakohi atu realiza tanba selae, sira lakon durante tina rua benefisios de salarios, perdiam, viatura, fasilidades viagem ba liur no sst; Avansa ba eleisaun maka manang, sorte diak, selae, desgrassa bot. Lakon salario $ 2 700 x 24 meses = $ 64 000. Kuantia ida ne, bot duni. Portanto deputados sira sei hanoin dala rihun ida no saudades ba sira nia regalias no previlegios iha momento presente;

2. Ministros no Secretarios do Estado mos sira nia preokupasaun bot liu dok deputados sira nian tanba fasilidades barak liu kompara ho deputados sira, hanesan: kareta plat azul ho kondutor no eskolta, viagens ba liur frekuentes iha business class, toba iha hoteis executive class ho folin karu, salarios ba ministros mensalmente $ 3 200 + $ 800 sira la hela uma governo;

sira hela uma governo subsidio $ 400 + telephone ho internasinal rooming governo maka selu; pety cash; kobustiveis gratis;

Vice –minsitros no Sec Estados hetan salario mensal $ 2 700 + $ 800 + fasicilidades sst hanesan ministros sira temi ona iha kotuk. Benefisios sira ne, soma hamutk, talvez ministros no secretarios prefere diak liu eleisaun 2012 adia (tunda) ba 2022.

Infelizmente lei la permite, barak, forsozamente , fo fatin ba ema foun depois eleisaun 2012.
Vantagem bot liu membros do governo, tanba Primeiro Ministro delega ona kompetensia atu deside projectos ho valor husi $ 250 000 - $ 1 milliaun.

Ho oportunidade no privilegios nebe dirigentes politicos goza, parese sira hakarak AMP lao too 2012. Selae President partidos, Vice-presidentes no Secretario Geral sira lakon benefisios barak. Kostuma dehan “oportunidade diak la repete facilmente dala rua”.

Xanana lider ida estrategico, visionario, inteligente no halo previsaun asertada ba dinamika politica iha Timor Leste. Xanana halo mos kalkulos ba insertezas, kustos no benefisios politicos ba nia “policy”. Xanana iha mos maximo kuidado sukat nia deklarasaun politica bainhira akareta riskos ba povo no nasaun. Hatete ba publiko no aliados sira iabertertamente, Xanana hateket mos no hatene ona aliados AMP nia reasaun no lideres FRETILIN sira atu hakarak eleisaun antesipada ou husik hela ba too 2012.

Xanana hanoin tasak ona ba konsekuensias nia deklarasaun “hakarak ukun mesak” hodi “test ” ba lideransa partidos politicos atu koko reasaun. Xanana konta metin ona katak CNRT ho nia aliado estrategiku FM oras ne pronto ona atu enfrenta eleisaun antesipada em kualker momento
Previsaun Xanana.

Xanana lider ida prudente, visionario hodi halo previsaun politica ba futuru politico Timor Leste. Nune Xanana buka inteligentemente estrategias no metas selecionadas hodi atinge tuir fazes nebe Xanana trasa iha nia plano estrategico.

Metas rua importante ba Xanana nia politica maka desenvolvimento “humano no fisico”. Kualifikasaun fator humano liu husi edukasaun nivel superior no tecnico sai “xave” ba desenvolvimento fisico. Iha aspect fisiso infraestruturas basikas sai prioridades das prioridades atu dinamiza desenvolvimento economic nebe ikus mai atu oferece kondisoens ba bem-estar humano.

Espasu tempo tinan rua ba eleisaun geral, dirigentes politicos sira liu-liu husi AMP la iha vontade atu halao “mosaun de censura” iha Parlamento hamutuk ho FRETILIN tanba la resulta benefisios ba partido no dirigentes sira nia interesses.

Prefrensia tanto ba lideres de oposisaun ho AMP nian hotu-hotu, hein ba 2012 tuir kalendario eleitoral nebe sie estabekece husi Comisaun Nacional Eleitoral (CNE) tuir lei Constitusional.
.
Presidente da Republika entidade nebe iha kompetensia atu deside ba eleisaun antesipada tuir fontes STLedisaun 11 Outubro 2010 dehan katak “la iha eleisaun antesipada” embora iha desentendimento entre lideres politicos AMP ho deklarasaun Presidente CNRT katak CNRT hakarak ukun mesak ba proxima eleisaun.

Senario Eleisaun Geral 2012

Pergunta: Se maka vencendor eleisaun 2012 (who is the winner 2012 election)?

Resposta : + forte maka manang (the stronger is the winner)

Pergunta : Se maka forte liu? (who is trongest) ?

Resposta: presiza halo levantamento dados no kompila, hodi buka hatene forsa no frakezas, kapasidade no kualidades, simpatia no antipatia iha partido no public, dedikasaun no sacrifisios nebe cada lider politico dedica iha era Resistensia no ohin loron. Kombina atributos sira ne no ho sst tan hamutuk, maka ita bele halo dedukasaun ka indusaun logika ida, atu lider ida nebe ho nia partido iha rekesitos minimos atu iha certeza manang konfiansa husi eleitorado sira hodi fo sira nia votos de konfiansa iha urnas eleitorais.

Experiencia, dedidakasaun, sucesso cada lider politico iha sira nia karreira husi 1974, to ohin loron sai hanesan “trunfo“ barometro “ka fator determinante“ kada figura politica lori nia partido hodi “faan“ ida-idak nia partido atu eleitores “hili no sosa“.

Conceito politica atu manang eleisaun iha semelhansa halo business iha area industria ka comercio. Por exemplo iha industria hotelaria, service delivery ba customers sira maka sai hanesan “key point” atu assegura customers hodi laran metin (motivasaun) atu frekuenta bei-beik ba hotel, de forma hotel hetan rendimento atu halao nia atividades nafatin ba oin. Atu hotel ne'e sai nafatin centro de atrasaun ba visitors sira, management hotel husi nivel departamaentos hotu-hotu kopera de forma integrada, no ho synergy , independentemente sira nia funsaun ketak-ketak, atu em konjunto oferece “products and services” ba custermers “expected satisfaction” .

Atu atinge customer satisfaction buat ida la os facil no dificil. Human resources ho adequate knowledge and skill, professionalism, experiencia, team work, disciplina hanesan rekesitos basikos atu hotel hetan lucros hodi selu nia operational cost, investment cost, interest rate, no percentage ida ba lucro, liu husi mark up. Presu nebe hotel fan nia kuartos, food and beverage tenki ser mos kompetetito atu atrai customers. Busisness hotel, rendimento tama loro-loron no management iha kuidado bot atu halo leitura ba business environment hodi halo adjustment iha kualker momento atu kontinua em boa forma.

Satisfasaun klientes sira balu tangible, bele hare no kaer, hanesan, hygiene kuartos sira nian, cutlery no sst; balu intangible la bele kaer no hare mas so bele sente hanesan: sabor hahan, limpeza, atmosfera hotel, servidores sira nia performance ba clients sira.
.
Em relasaun ho business politica, kustos elevado tebe-tebes tanba eleisaun tinan lima-lima maka acontece. Partido nebe iha sorte kaer poder, bele atende necessidades nia membros no militantes sira. Hodi nune kesi metin nafatin elo ligasaun atu membros no militantes suporta nafatin ba partido altura eleisaun.

Partidos politicos nebe la kaer poder, peso todan bot, dirigentes sira tenki augenta kustos ka despezas husi sira nia bolsos rasik.
.
Kualker actividade politica envolve kustos ba: preparasaun iha fatin encontro deslokasaun husi dirigentes sira husi Dili, konsumo, comunikasaun, aluga sound system no sst. Minimo custo ba encontros ho militantes minimo entre 100- 200 $ 1000.00. Atu fo tomada posse ba komissaun Distrital ka sub-Distrital presiza orsamento $ 5,000.00 minimo atu dada ema barak mai partisipa.

Neduni em termos financeiros kualker Partido atu instala nia estrutura ate sub-Distritos hotu-hotu rekere financiamento $ 100,000.00. Formasaun estrutura importante atu fasilita kordenasaun actividades no lori partido nia programa ba oin, por outro lado partido mos tenki iha fundo especial, atu halo deslokasaun permanente ba baze hodi mantein contacto atu assegura militantes sira nia firmeza ba partido.

Retorno ba investimento politico, la iha predisaun ida certa. Tanba partidos barak iha Timor Leste ida-idak ho nia karateristicas, balu foun ho lideransa foun balu tuan ho lideransa tuan.
.
Tuir hakerek nain nia observasaun rigorosa, ba kasu Timor Leste, partido politico nia fundasaun forte reside (sadere) ba – figuras politicas nebe kaer partido ho nia historia rasik.

Ho baze ba referensia – figura politica cada Partido ita bele halo breakdown karateristicas cada lider politico nia: kapasidade lideransa, skill ba organizasaun, skill comunikasaun, dedikasaun ba Resistencia, dedicasaun post-independencia, populariedade ba kausa nasional, attitudes de arogancia, autoritario sai nudar sasukat hodi sukat sira nia forsas no frakezas entre sira ikus liu hodi hetan simpatia husi eleitorado sira, iha kampanha eleitoral.

Persepsaun profile Xanana hanesan ho Mari Alkatiri?

Komentarios no analyses balu iha jornal, kompara scenario politico husi lideransa Xanana bele sai hanesan Mari Alkatiri. Argumentasaun, baseia ba Dr. Mari nia statement iha tinan hirak liu ba, kaer ukun hodi dehan katak FRETILIN atu ukun “tinan 50” mas realidade hatudo ukun deit tinan 5. Eleisaun 2007 iha fuga, grande numero de votos husi FRETILIN ba partido CNRT. FRETILIN iha tinan 2001 manang ho votos 57% hodi kaer governo, iha 2007 votos drasticamente tun makas mai 29% .

Embora FRETILIN manang ho maioria simples, la konsegue forma governo tanba, lideransa FRETILIN la konsegue kapta simpatia husi partido seluk hodi forma governo de koligasaun. Nune CRNT segundo partido mais votado maka iha duni simpatia husi lideransa partido 3 (PD ho koligasaun PSD/ASDT) forma AMP nebe prenche rekesikos legais Constitucional hodi forma governo.

Postura politica, liu husi asoens concretas entre lideres rua ne la hanesan iha processo politico husi 1974 too ohin loron.

Dr. Alkatiri iha diaspora 24 anos iha Mosambikeke, nia actos no sucesso politico totalmente desconhecido iha fora frente diplomatic. Mari Alkatiri sai conhecido bainhira FRETILIN manang eleisaun iha 30 de Agosto 2001 hodi sai Primeiro Ministro Maio 2002 lori FRETILIN maka nia naran conhecido.

Em virtude ma-gestaun iha Partido no Governo, crise politica Maio 2006 mossu, obriga Dr. Mari husu nia resignasaun voluntaria, nebe kontribui em grande parte FRETILIN hetan derrota eleitora liha Junho 2007.

Frakeza bot Dr. Alkatiri maka incapaz buka solusaun internal ba conflito internal ho grupo FRETILIN Mudansa too ohin loron. Existencia FRETILIN Mudansa ameasa bot ba Dr. Alkatiri nia sucesso tanba antigos kuadros husi Base de Apoio maioria iha FRETILIN Mudansa.

Dr. Alkatiri nia frakassu bot ida tan, maka FRETILIN la manang eleisaun ho maioria absoluta ho 51%. Alem de inkapacidade buka solusaun ba kasu Peticionario, demonstrasaun Igreja Katolika, arrogansia politica no inflexibildade ba dialogo hodi buka consensus atu hetan solusaun.

Em contrapartida, Xanana rekua ba ailaran, bainhira membros CCF balu mate, balu rende, husi 1981 membro CCF rua deit maka moris (Mau Huno + Xanana) ho esforsos no matenek kossegue re-organiza Resistencia Armada no Politica ho sucesso maravilhoso too 1999 ba “Konsulta Popular” nebe kubu pro-independencia manang ho 82% .

Xanana maka komandante no dirigente politico halo mudansas politicas barak hodi halo reajustamento ba fazes da luta, hodi nune alkansa objective final, atu liberta Timor Leste husi okupasaun illegal Indonesia iha Timor Leste.

Actos no feitos Xanana nian soe dok liu Dr.Alkatiri. Mais extra-ordinario, Xanana konssegue repoen seguransa no estabilidade, buka seguransa alimentar, resolve kestaun refugiados, peticionarios iha tempo badak nia laran.

Oras ne, dau-daun Timor oan hotu moris iha klima de “paz no trankuilidade” rungu-rangan nebe akontece iha governasaun Dr. Alkatiri lakon totalmente. Durante tinan 3 nia laran nota mudansas barak iha parte seguransa, social, economic no desenvolvimento.

Xanana nia papel relevante bot liu Dr. Alkatiri la os deit iha tempo resitencia nia laran durante tinan 24, maibe mos iha tempo ukun aan, Xanana hanesan Presidente da Republikca mos desempenha funsaun kapaz, nudar Primeiro Ministro tinan 3 halo buat barak liu ba progresso no desenvolvimento kompara ho Dr. Alkatiri nia governasaun.

Xanana fiar metin manan eleisaun por simples razaun

CNRT iha 2007, la iha tempo sufisiente, apenas fulan ida deit prepara aan hetan 18 kadeiras;
Durante tinan 3 ka tinan 5 governasaun maka husi Distritos 5 CNRT nebe hetan 18 kadeiras, (2007) manang tan, kadeira 1 tan deit, entaun: 18 + 18 = 36

Hypotheses seluk benefisiarios 3a. idade, 100 000 + veteranos 13 000 + faluk sira 12 000 + funsionarios publicos 26 000 + votantes CNRT 100 000= 251 000 / 7 000 (bareira eleitoral) = 36 kadeiras;

Tese seluk, 8 distritos nebe CNRT lakon, ho esforsos makas hetan tan deit kadeiras 2, em kada Distrito (8x2) =36

Premisa forte, tuir hakerek nain, analise loro-loron distribuisaun de votos por Distritos husi resultado eleisaun 2007. Iha neba FRETILIN manang iha Distritos 3 parte Leste: Baukau 31 551, Vikeke, 19 144, Lautem 12,145. Kompara ho 2001 Baukau diferensa menus 5 000 votos 2007; Vikeke menos 2000 no Lautem 2 444 Husi Distrito 3 ne, margem bot maka Baukau no Vikeke nebe CNRT iha tempo badak nia laran hetan votos kiik liu.

Mai-be iha oras ne da-daun CNRT ho FM halo namas konsolidasaun forte iha Baukau, Vikeke no Lospalos 70%. Estruturas too aldeias monta hotu ona. Ho konsolidasaun nebe partisipa ema barak, diregentes CNRT ho FM iha konfiansa maxima iha Distritos 3 Leste kada distrito CNRT sei hetan minimo votos ba kadeiras 2.

Ponto forte atu dada simpatia husi votantes ba CNRT, baseia ba Xanana nia figura, actos, feitos iha passado no presente.

Lider ida nebe sai vencedor lori nia Partido ba 2012?

Hanesan samples hakerek nain eskolha Partdos 5 nebe hetan assentu Parlamentar ho assentos 5 maka: FRETILIN 21 kadeiras, CNRT ho 18 kadeiras, PD ho 8 kadeiras, PSD ho 6 kadeiras no ASDT 5 kadeiras.

Hakerek nain mos uza tabela skor (valor) ba kada dirigente politico bazeia ba dirigente ida –idak nia performance politico husi 1974 too ohin loron.

Referencias maka:
.
1. Lider politico husi 1974 5 %;
2. Envolvimento iha Resistensia 15 %
3. Dirigente komando luta armada 25%
4. Prisioneiro politico 15%
5. Lider orgaun soberano post independencia 10%
6. Sucesso lideransa forma governo 15%
7. Simpatia public ba performance 15%
-- Total score 100%

Nune ita bele sura forsa kada lider politico tuir score tabela nebe descreve iha leten:

i. Dr. Mari Alkatiri husi FRETILIN hetan no. 1 + 2 + 5 + 7 (40%) ho score: 32%
ii. Xanana Gusmao husi CNRt hetan no. 1+2+3+4+5+6+7 (80%) ho score 98%
iii. Fernado Lasama husi PD hetan no. 2 + 4 + 5 + 6 + 7 (70) ho score 65,5%
iv. Zakarias da Costa husi PSD hetan no. 2+ 5 + 6 + (30%) ho score 45,5%
v. Avo Xavier husi ASDT hetan no. 1+2+4+ 5+ 6 + 7 (50%) ho score 52, 5%

Ho ilustrasaun iha leten, Xanana hetan skor bot liu, tuir Fernando Lasama, tuir tan avo Xavier, Zacarias no ikus liu Dr. Alkatiri.

Avaliasaun ida ne, baseia ba merito kada lider ba nia partido, la baseia ba historia partido nian. Kuando refere ba partido, engloba esforsos ema barak iha processo.

Koalia ba partido FRETILIN, avo Xavier husi 1975-1977, nudar Presidente no Proklamador da RDTL, Mari Alkatiri membro CCF hela iha diaspora 24 anos, Xanana membro CCF sobrevivente, conductor Resistencia armada no politica to'o faze final da luta libertasaun 1999. Xanana mos iha kuidado falun FRETILIN didiak husi mudansas politicas husi 1981 too 1999. Nando Lasama mos militante FRETILIN no mos sai dadur ba FRETILIN liu husi Renetil.

Tan sa maka Xanana forte liu?

Pergunta ida ne, se husu karik, ema matang delek, nia resposta halai los kedas ba Xanana tanba iha tempo Resistencia too ohin loron, Xanana nia naran maka mais popular ema hotu koalia, ka temi, husi labarik, ferik, katuas husi Loron sae to Loron monu, husi Tasi feto too Tasi mane, Oecusse no Atauro.

Predikados Xanana nian barak liu no bot liu, komapra ho lider partido politicos sira seluk tanba Xanana komanda luta armada, dirige resistensia politica hasoru potensia okupante husi 1981-too 1999. Mesmo iha kadeia Xanana kontinua komanda no dirige luta.

Talentos, skills, imaginasaun, kreatividade, forsa de vontante, visaun strategic, inteligencia, habilidade atu hakoak ema hotu; la iha vingansa politica, komitemento bot atu serve povo, preokupasaun konkretas atu hasai povo husi kiak no mukit, sai nudar “trunfo“ politico atu Xanana derrota adversarios politicos ba eleisaun 2012.

Konkluzaun

I. Proponente mais forte no possue chance forte atu manang ho maioria esgadora inevitavelvente Xanana lori CNRT;

II. Xanana nia naran la os novidade ba Povo Timor Leste; katuas balu iha foho dehan Xanana sai, sira nia Salvador tanba uniko lider ke fo atensaun especial ba feri, katuas veteranos no feto-faluk sira nia susar no terus hodi hatutan sira nia moris.

III. Ho Xanana nia acto heroikos iha passado, no sucesso alkansado durante governasaun tinan 3 nebe restaura-seguransa no estabililidade, atensaunsaun ba grupos vulneraveis, seguransa alimentar no sst; koloka Xanana “lider ida forte liu ho simpatia bot” husi povo Timor Leste, kompara ho lideres husi partidos politicos seluk-seluk.

* Exklusivu ba Forum Haksesuk!

Sem comentários:

Enviar um comentário

Nota: só um membro deste blogue pode publicar um comentário.