VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
NICOLAU LOBATO
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

Espelho da Realidade
A Esperança Nunca Morre
TIMOR-LESTE



Interview with Fernando Lasama de Araujo: On the road to democracy, where the streets have no name
UKUN HAMUTUK?
Sorumutu "Meja Bo'ot" nakonu ho "bua-malus". Sei lo'ok ba malu hela hodi mama hamutuk.
Fretilin
Fretilin - CNRT
Fretilin - PLP
Fretilin - PD
Fretilin - KHUNTO

 
 
   

terça-feira, 24 de agosto de 2010

HARII SENTRU PROSESAMENTU REFUJIADUS: RAI TIMOR LA'OS ILHA ESKLUZIVA ENTRE NASAUN TIMOR-LESTE HO NASAUN AUSTRALIA

) Victor Tavares*

Proposta hosi Senhora Primeira-Ministra Austrália nian hodi eskolha Timor-Leste sai Sentru Prosesamentu ba Nasaun Austrália nian refujiadus sira, sai hanesan fali Nasaun Timor-Leste ne’e “ilha ekskluziva” entre rai rua Timor-Leste ho Austrália. Ilha Ekskluziva signifika katak ilha ida ne’ebe tur iha ponto jeografiku no jeopolitiku la pertense ba rai rua ne’e (Timor ho Austrália) ka pulau bebas ida Bahasa Indoenzia, no haree ba jeografika ka jeopolitika ilha ne’e tur iha linya meridiana ne’ebe hanesan entre Timor ho Austrália duke rai seluk.

Ilha ekskluziva mos signifika katak Nasaun Austrália iha nian direitu atu hala’o aktividade ruma iha ilha ne’e nian laran maibe labele sai na’in ba ilha ne’e tanba Timor mos iha nian direitu hanesan. Austrália ho Timor bele eksplora ketak-ketak ka hamutuk riku soin ne’ebe eziste iha “ilha ekskluziva” ne’e, sem hamosu konflitu tanba “estatutu” ilha ne’e la pertense nein Austrália nein Timor maibe lei internasional “admite” ilha ekskluziva Austrália ho Timor nian.

Nu’une’e, Austrália la iha direitu atu fihir Nasaun Timor-Leste tuir ninian gosto no trata (perlakukan) Timor tuir nian hakarak.

Ita hateke ba istoria, Timor ho Austrália la iha ligasaun. Austrália Nasaun eis-dominio Inglês ne’ebe sai Nasaun Federal. Timor-Leste nian istoria oin seluk, la iha ligasaun ho nasoins iha klibur Commontwealth.

Hateke mos ba istoria pasadu resente nian, funu iha Timor liu ba, sei fresku tebes iha ita nian memoria, oin sa Nasaun Austrália trata (perlakukan) Timor ho nian pozisaun politika relasiona ho funu ba ukun an. Timor oan sira koitadu tebes, funu mesak ba ukun an, nein nasaun ida iha rejiaun hakarak lolo netik liman sorin hodi tulun Timor oan sira.

Uluk membru governu Austrália nian mak fo neon no hakbiit Rejime Militar Jakarta hodi halo invazaun mai Timor hodi okupa durante dekada rua resin. Durante funu, ne’ebe hahu hosi 1975 to’o 1999, Timor oan halo funu mesak, mesak entrega an ba terus, susar no mate. Estadu Austrálianu ne’ebe iha realidade vizinhu ho rai Timor iha rejiaun, maibe nia prefere tama iha kabaya batik Indonezia nian laran hodi dansa no haklili rejime militar Soeharto nian isin tanba sinti gostu (prazer) hodi akompanha irama tanis no halilir ema Timor ne’ebe tanis no halilir tanba terus no nian ema mate tanba hahalok brutalidade hosi militar sira.

Maibe to’o fali Timor ukun an, hahu hosi tinan 2000, Austrália mosu iha primeira linha defende Timor, Austrália mosu atu sai bom pastor, depois de ema hosi rai sikun no rohan, hosi rai ikun no rai ulun mundu tomak nian roo ahi to’o mai no sadere iha ponte kais Dili. Austrália hakarak mosu sai hanesan salvador povo maubere (pahlawan kesiangan) iha biban ne’ebe povo maubere rasik salva tiha nian an ona.

Koitadu tebes, kanguru iha ain rua deit maibe haksoit dok tebe-tebes, iha tinan 1975, bainhira rona lafaek halilir tanba komodo hahu tata lafaek, kanguru haksoit hosi Kamberra hakat liu ba Jakarta hodi loke luan liu tan odamatan-luhan komodo nian, hodi nu’une’e komodo rihun ba rihun nadodon mai Timor-Leste, hodi ataka lisuk lafaek oan kiak mesak, hodi nu’une’e bele realiza sira nian mehi atu ilha Timor ne’ebe nian riku soin no rai teen barak iha tasi kidun sai hanesan ilha ekskluziva entre rai rua ne’e.

Timor oan sira nian mate, terus no susar oin-oin, kanek no fitar iha isin lolon seidauk maran, sira ne’ebe nian ema mate no lakon la hatene tuir tanba funu ba rai ida ne’e, sira nian matan been seidauk maran. Ha’u temi no hahii matebian sira ne’ebe mate ba rai ida ne’e, hanesan temi iha leten ne’e tanba faktus inegáveis halo ha’u iha kbiit atu temi hodi reforsa ha’u nian hanoin.

Maibe rai ho estadu Austrálianu, ida ne’ebe uluk fo apoiu tomak ba rejime militar Soeharto nian hodi invade no okupa ilegalmente Timor, oras ne’e dadaun halo esforsu boot atu lohi no butar, no kontinua la fo konsiderasaun ba Timor oan sira.

Pior liu ida ne’e, ohin, foin liu tinan 11 Timor oan sira manan funu mesak iha loron 30 fulan Agosto 1999, no mos halo tinan 8 hala’o ukun rasik an, ulun boot rai Austrália nian, Primeira Ministra Júlia Gillard, ho hanoin ne’ebe simples, superfisial no politikamente irresponsavel, no insensivel, hasai nian hanoin atu harii sentru prosesamentu ba refujiadus Austrália nian iha Nasaun Soberanu Timor-Leste nian laran.

Senhora Primeira-Ministra Júlia karik hanoin simples ida nu’une’e, ho objetivu atu marka diferensa iha politika kona ba Estadu Austrália nian problema ida ne’ebe boot no difisil tebes atu fo resposta ka buka solusaun. Marka diferensa iha nian politika tanba asuntu internu ida ne’ebe mos halo ukun na’in rai kanguru sira mos tur la metin, hanesan kazu refujiadus. Aleinde Primeira-Ministra hakarak marka nian diferensa ho PM anteriores sira, nia mos eskolha tema ida atu harii sentru prosesamentu refujiadus Austrália nian iha Timor hanesan trunfu politiku ida ba ninian kampanha eleisaun federal Austrália nian hodi nu’une’e povo australianu bele fo votus. Maibe nia eskolha tema ida ne’ebe bele konsidera Senhora ne’e la iha sensibilidade ho povo Timor nian dignidade no la iha “sentidu de estadu” nu’udar estadu homologu ho estau RDTL ne’ebe mos estadu soberanu.

Ha’u ho konsiensia trankuila aborda kestaun ne’e no la ta’uk atu responsabiliza karik iha lian fuan kroat ruma mak la monu ba na’i ulun boot sira hosi estadu rua ne’e. Tanba sai ona prinsipiu ida ne’ebe mos konsagra ona iha Ukun Fuan Inan (UFI) RDTL katak Timor oan tomak funu ba ukun an atu iha liberdade espresaun, atu moris iha demokrasia nian laran, atu bele goza liberdade ne’e ho responsabilidade no mos Timor oan ida-idak atu sai na’in ba rai ida ne’e hodi tuba metin nafatin Independensia no defende integridade territorial no marítima RDTL nu’udar Nasaun Soberanu Independente.

Ha’u mos siente no hatene katak buat pasadu la bele sai satan ka obstakulu ba futuru. Maibe ha’u hanesan Timor oan, husu ba Governantes hosi rai ne’ebe deit atu RESPEITA povo no estadu RDTL nian dignidade. Tanba povo ho estadu RDTL nian dignidade la bele hafolin ho loke estradas, loke sidade foun ka loke fabrika iha zona kosta sul ne’eba nu’udar troka ba harii sentru prosesamentu refujiadus ne’ebe Primeira-Ministra hakarak. Rai Timor maske ki’ik maibe Nasaun Soberanu, povo Timor maske kiak no mukit no umilde maibe iha nian dignidade hanesan mos povo hosi rai selu-seluk. Rai Timor, hosi Jaku to’o Batugade, hosi Betanu to’o Oekuse no hosi Suai to’o Atauro, mesak rai ida deit, Timor LoroSa’e.

Timor-Leste hanesan nasaun ne’ebe respeita no halo tuir estadu de direitu no demokratiku, povo mak sai nu’udar hatetu no hakotu na’in ba lia hotu-hotu ne’ebe iha relasaun ho povo nian intereses, liu hosi ninian reprezentantes sira iha Uma Fukum ka liu hosi partisipasaun diretu ka sufrajiu universal hosi povo Timor tomak.

La iha membru Governu ida hosi rai rua, Timor-Leste ho Austrália mak bele hakotu mesak hodi oferese rai rohan ruma iha Timor-Leste atu harii Sentru Prosesamentu Refujiadus. Tanba rai Timor la’os ema ida ka rua nian propriedade, muito menus ema Austrália nian.

Lae ba Sentru Prosesamentu Refujiadus Austrália nian iha Timor-Leste!

Tanba, Primeira-Ministra sei la hetan vantajem pontu ruma hosi nian proposta ne’e se karik ema Timor oan sira ne’ebe rai ida ne’e nian na’in la hatan, no sei la hatan atu Austrália trata (perlakukan) Timor sai hanesan ninian kintal hodi harii LUHAN ba ema hosi rai Austrália nian refujiadus sira.

Pior liu tan mak kazu ne’ebe sai preokupasaun boot (refujiadus ilegais) sira sai matéria kampanya ba eleisaun nasional Austrália nian, maibe uza Timor sai hanesan objetu iha sira nian kampanya sein konsulta previa ho Timor oan rasik. Atu bele garante Primeira-Ministra nian proposta ne’e bele hetan fatin iha nian kampanya, ne’ebe iha realidade lansa tiha ona ba publiku, Júlia Gillard eskolha Prezidente RDTL hodi buka konvense nia para PR Ramos-Horta bele impoin orgaun soberanu seluk no povo Timor hodi aseita hanoin simples no superfisial ne’e.

Karik Senhora Gillard haluha tiha ou la hatene razaun simples ida katak Nasaun RDTL nian sistema la’os Prezidensial, katak Prezidente Republika ne’e la kaer ukun no bandu. Iha Timor-Leste iha orgaun demokratiku reprezentativu povo nian ne’ebe ema hotu hatene, mak Parlamentu Nasional, buat hotu-hotu Parlamentu Nasional mak ta’es, tetu no hakotu. Iha RDTL, Parlamentu Nasional hanesan kaer bandu na’in no Governo mak sai kaer ukun na’in. Maibe orgaun ida ne’ebe iha liu kompetensia atu hatan ka rejeita Primeira-Ministra Júlia Gillard nian proposta mak Parlamentu Nasional ho razaun interese nasional, ne’ebe, de faktu no de jure rejeita tiha ona ho unanimidade iha Uma Fukun liu hosi Resolução do Parlamento Nacional nº 20/2010 de 14 de Julho (cit. Jornal da República Serie I, nº 26).

Ha’u mos hatene buat interese nasional kesi an metin ho rai seluk nian intereses (interesses mútuos), nu’une’e mos nesesidades nasionais dudu atu intereses nasionais Timor-Leste nian ne’e liga metin ho rai Austrália.

Maibe Senhora Júlia haluha ka la siente katak nia foti asuntu ida ne’ebe sensível tebe-tebes, la’os deit sensível iha nível internu Nasaun (Soberanu) Timor-Leste, mos sensível iha nível próprio Direitus Umanus (DH), sensível ho povo Timor iha nian dignidade, sensível iha vida sosial, ekonomika, kultural, relijioza, politika no seguransa ba nasaun Timor-Leste.

Atu tau ema hosi rai seluk iha Timor presiza tetu aspetus hirak ne’ebe temi iha leten. Se la tetu didi’ak maka sei fo nian impaktu negativu ne’ebe boot ba rai Timor rasik:

  • Ida, prezensa ema rai seluk ne’ebe barak sei hamosu problemas sosiais barak (kriminalidade).

  • Rua, sei transfere moras oi-oin hosi rai seluk mai Timor ne’ebe sei da’et ba ema Timor sira (saúde publika).

  • Tolu, sei hamosu problemas boot ba sektor justisa.

  • Haat, sei hamosu problemas boot ba sektor seguransa interna.

  • Lima, Timor-Leste sei sai destinu ba imigrantes ilegais, tanba ho ezistensia sentru prosesamentu iha Timor, mak refujiadus sira tanba problemas sosiais iha rai seluk sei mai diretu Timor. Ema sei la fo volta mundu atu tama Austrália tanba bele tama Timor liu hosi Indonezia ka Malaysia.

  • Nen, Timor-Leste nian Guarda Costeira sei hasoru problemas boot, tanba ho meius atu kontrola fronteira marítima ne’ebe la sufisiente bele kontrola la hetan. Bainhira kontrola la hetan, responsabilidade kazu imigrantes ilegais ne’ebe tama aumenta hosi loron ba loron, ne’ebe bele halo elementus Guarda Kosteira rekorre forsa bainhira enfrenta imigrantes sira, iha ne’ebe seguransa fizika no vida hosi proprius imigrantes sei la iha garantia.

  • Hitu, Tarefa Departamentu Imigrasaun nian aumenta nu’une’e mos responsabilidade, meius teknikus no ekipamentus, nesesidades ba rekursus umanus hsst mos aumenta.

  • Walu, karik ita nian Seguransa Guarda Kosteira aktua la tuir regra ka tanba situasaun obriga sira aktua uza forsa mak estadu RDTL sei hetan kondenasaun hosi Oragnizasoins Internasionais oi-oin, ne’ebe mos elementus balun sei hetan kondenasaun ka hasoru justisa.

  • Sia, rai Timor sei sai hanesan kampu futeball no sentru prosesamentu sai hanesan bola ne’ebe jogadores sira hotu buka, enkuantu Estadu RDTL sai guarda redes ne’ebe bele sai frangueiru no ema fura bebeik tanba jogadores sira ne’e mai hosi klubus alta kompetisaun nian no Austrália sei sai hanesan arbitru aumesmu tempu fahe premiu na’in.

  • Sanulu, sei iha infiltrasaun ba Timor laran elementus hosi grupus krimes organizadus hosi rai li’ur.
    Hirak ne’e mak ha’u halo kompleta liu deit ba impaktus negativus barak seluk ne’ebe maluk Timor oan ida (Kasilo Bere Meta) hato’o ona liu hosi jornal ida ne’e iha semana rua kotuk.
Karik Senhora Primeira-Ministra Júlia Gillard hanoin ema Timor ne’e mesak beik teen, la iha dignidade no mos karik nia la iha sensibilidade ho Povo Timor nian terus no mate tanba mos pozisaun politika Austrália nian durante funu liu ba?

Austrália tuir loloos banati tuir nasaun Republika Indonezia ne’ebe hatene an. Oras ne’e dadaun, desde sai hosi Timor iha 1999, Indonezia, tuir ha’u nian haree hola pozisaun ho dignidade nu’udar estadu ida. Buat hotu ki’ik ka boot bainhira ema Timor la lok ba nia, nia la husu, tanba iha nian dignidade no iha moe.

Ha’u nian parabéns ba RI!

Tanba sa Primeira-Ministra la konsulta uluk ho ami, husu uluk ami nian tulun atu bele tulun rezolve Austrália nian problema ida ne’ebe seriu tebe-tebes? La’os tulun ho material maibe buka oin sa bele mai konkista ami Timor nian fuan hodi bele aseita Primeira-Ministra nian proposta atu Timor fo netik rai rohan ruma hodi harii sentru prosesamentu refujiadus.

Karik Senhora Júlia Gillard, ho hakraik an nu’udar Na’in Feto nian oan feto, hanesan mos inan feton Timor oan sira, hodi husu ami nian tulun maka karik ami nian fuan osan mean bele nabeen hodi hatan ba Senhora ne’e nian hakarak.

Maibe lae, Primeira-Ministra, ulun boot rai Austrália tomak nian, kaer estadus Federais... subestima tebes estadus hirak ne’ebe nian rai ki’ik hanesan Timor-Leste, hodi nu’une’e nia hato’o proposta ida boot no kompleksu tebes ba estadu soberanu seluk, apenas liu hosi kampanya eleitoral iha nian rai deit.

Absolutamente falta de konsiderasaun!

Tanba, problema refujiadus iha rai Austrália no ba Estadu australianu rasik grave tebes no buka atu rezolve mos susar. Katak sentru prosesamentu ne’ebe Austrália harii iha fatin hirak ne’e esgotadu hotu ona, maibe ema hosi rai seluk halai ba Austrália aumenta ba bebeik. Buat ne’ebe ita husu mak ne’e, tanba sa sentru prosesamentu ne’e la harii iha rai Austrália ne’ebe boot no luan? Tanba sa tenke eskolha los Timor, la’os deit ki’ik hosi dimensaun maibe’e mos Timor nian ema sei kiak, kondisoins atu harii sentru detensaun refujiadus ilegais la iha, meius atu jera no kontrola la iha ?

Ha’u fiar katak governantes anteriores Austrália nian barak mos hanoin ona ipoteze atu harii sentru detensaun iha Timor-Leste, maibe karik tanba eskolha Timor atu sai sentru prosesamentu Austrália nian refujiadus ne’e kestaun ne’ebe sensível tebe-tebes iha aspektu hotu liu-liu ba povo Timor no estadu australianu rasik, maka la iha ema ida mak iha néon kbiit hato’o proposta ne’e.

Senhora Primeira-Ministra Júlia presiza hanoin no hatene katak povo Timor presiza respeitu ba nia, povo Timor presiza konsiderasaun hosi imi, povo Timor iha nian dignidade. Oras ne’e dadaun Timor-Leste nian ema barak mak sei kiak, barak mak servisu la iha, ema funu na’in sira, mate restu sira barak mak frustadu tanba la hetan fatin iha ukun an nian laran, barak sinti an marjinalizadus tanba prosesu harii nasaun no monta sistema nasaun halo sira la hetan fatin.

De repente mosu ema rai seluk barak iha mukit sira nian leet, tanba ha’u fiar mos katak refujiadus sira sei hetan tratamentu ho diak hosi organizasoins internasionais, sei han-hemu di’ak, sei hatais di’ak no balun ne’ebe iha bukae matenek, sei hetan servisu ruma iha Timor-Leste. Klaru mos katak refujiadus sira la’os hotu-hotu tanba motivu politiku ka tanba funu no refujiadus sira ne’e mos la’os kriminozus hotu ne’ebe presiza sulan hotu ka sai prizioneirus iha sentru prosesamentu. Sira mos iha direitu atu hetan livre sirkulasaun iha Timor laran ho razaun Direitus Umanus (DH). Bainhira mosu dezigualdade sosial entre refujiadus ho populasaun Timor, sa situasaun mak bele mosu ? Seidauk sura ho efeitus hosi asimilasaun sosial etc.

Bainhira mosu problemas sosial, kultural, ekonomiko, politiku, relijiaun no seguransa, nein Ministro da Economia e Desenvolvimento João Gonçalves, ne’ebe ho fuan doit metan atu oferese ilha Atauro ba Austrália hodi harii sentru prosesamentu refujiadus Austrália nian iha Atauro, bele hetan ideia 1 (ida) atu rezolve problema ekonomia ema uma kain 1 (ida) nian iha Atauro ne’eba.

Basaa, harii sentru prosesamentu refujiadus iha Atauro sei la rezolve problemas barak ne’ebe iha Timor laran tomak. Sei la reduz taxa de dezempregu iha Timor, sei la kria oportunidades ba Timor oan sira rihun atus resin hetan servisu. Sentru prosesamentu refujiadus iha Atauro mos sei la kontribui aumenta reseitas ba kofre (PIB) estadu nian. Tanba, harii sentru prosesamentu imigrantes ilegais iha ilha Atauro la hanesan ho harii jardim zoolojiku ne’ebe bele atrai turistas sira hosi rai li’ur bele vizita.

Admite harii sentru prosesamentu imigrantes ilegais iha Atauro, signifika direta ka indiretamente, leiloa ilha Atauro ho folin ne’ebe baratu tebes, insultu boot ida ba populasoins iha Atauro ne’eba, no mos la’os deit la dignifika Estadu RDTL maibe mos la dignifika ema refujiadus sira ne’e rasik.

Tanba, Ilha Atauro iha nian istoria klasika maibe moruk. Uluk iha Português nian tempu nu’udar prizaun ba revoltozus ka inkumpridores ordem publika sira. Agora Sr. João Gonçalves hakarak resusita hikas istoria moruk ne’e (.?.).

La hetan boy!

* Editor Fórum-Haksesuk

Sem comentários:

Enviar um comentário

Nota: só um membro deste blogue pode publicar um comentário.