Movimentu Pro KAK mosu liu husi meius internet

Blogs no Facebook

Korupsaun sai hanesan preokupasaun ida bo'ot tamba hanesan virus ida ne´ebe la hasai bele dait ba sai nudar moras kanker. Tamba ne´e maka IV Governo Constitucional iha kompromisu oinsa maka kombate korupsaun liu husi harii Sistema atu nune ema ne´ebe deit, mai husi grupo ne'ebe deit la bele uja fali Korupsaun hanesan instrumentu ba FUNU ba poder iha Timor-Leste. Tamba ne´e maka hamosu KOMISAUN ANTI KORUPSAUN (KAK) liu husi Konseilu Ministru aprova Lei konaba KAK no hetan aprovasaun husi Parlamento Nasional (PN).

Harii KAK hetan respon positivu husi Civil Sociaty, liu husi meius oi-oin, mos la lakon uja meius teknologiku hanesan Blogues ho Facebook. Mosu grupo hodi hanaran «Movimento Pro KAK» ne´ebe sira ninia expresaun hato'o liu husi Blogues no facebook.

Iha blogues mosu artikus ho analise konaba importancia KAK no hili Presidente Komisaun. Padre Martinho Gusmão, hakerek iha blogue artigo ho titulo «Konsensus iha KAK no Kombate Korupsaun: Rasional ka Sentimental».

Hare iha blogue ne´e, http://movimentoprokak.blogspot.com/, autor foka ba razaun husi OMP/Fretilin konaba hanoin «Konsensu», hodi argumentu: ”buat ne´ebe OMP (Oposisaun Maioría Parlamentar) fiar nudar konsensus laos «racional» maibe «sentimental»”. Pe. Martinho Gusmão mos argumenta tan katak “Iha OMP nia hanoin, sira la dun joga kriteria legal. Buat ne´ebe sira sura maka «gostu» politiku. Tan Sr. Aniceto Guterres no Sr. Mari Alkatiri la gosta kandidatu husi AMP (Dr. Aderito de Jesus Soares) entaun kriteriu hotu-hotu tenke xumba.

Inklui, uza lia fuan baratu «tabeledor» ba Sr. Aderito Soares”. Hatutan Pe. Martinho Gusmão, ”wainhira OMP la aseita ho Dr. Aderito, entaun sira mak halo aproximasaun ba AMP atu halo negociasaun foun ba kandidatu seluk. Problema OMP nian todan, basa, sira la gosta Aderito depois sira hein atu AMP mak mai «hamaus» sira.

Politika Timor-Leste la bele depende ba ema ida ka rua nia gostu iha partidu historico boot hanesan FRETILIN”. Blogue ne´e mos hatun artigo D. Ximenes Belo nian konaba korupsaun, ne´ebe hakerek ho lian Inglês katak ”Let´s Build a New Timor-Leste free from corruption”.

Iha blogue Celso de Oliveira nian, http://celsooliveiratimor.blogspot.com/, Rui Costa, hare husi interesse politika FRETILIN hodi uja Korupsaun iha AMP hanesan instrumento politika deit, argumenta autor katak: ”Hare ho klean liu tan katak problema laos konsensus hanesan argumentu ne´ebe maka Aniceto Guterres hato'o ba media, maibe problema maka ne´e, se harii KAK no hili komisarius KAK, halao ninia knar no bo'ok uluk iha Governo AMP laran.

La iha tan razaun no argumentu seluk ba FRETILIN atu halo kampane ba kontra Governo AMP ho issu korupsaun”. Argumentu tan Rui Costa, ”Tamba issu korrupsaun maka sai hanesan instrumentu ka kilat ne´ebe OMP uja hodi halao propaganda husi laran (Timor-Leste) ba to´o liur (mundu internasional). Ho issu korupsaun maka bele mosu plataforma entendimentu husi laran ho liur hodi hatun Governo AMP”.

FRETILIN hakarak Juiza Natercia maka sai Komisariu KAK

Tui Rui Costa, hakerek iha blogue Celso de Oliveira nian katak: “Interesse grupo iha FRETILIN hakarak kaer KAK. Tuir informasaun ne´ebe lao dau-daun husi deputadu balun iha Parlamentu Nasional (PN) katak Aniceto Guterres mos loby oinsa maka Juiza Natercia (Aniceto nia kaben) maka kaer KAK”. Autor mos kritika ba Cefe bankada Fretilin nian, ne´ebe hakarak joga interesse liu husi instituisaun hanesan PN, hakerek Rui Costa, ”Iha ne´e hatudu katak Aniceto Guterres atu uja fali instituisaun hanesan PN hodi defende ninia interesse pessoal no grupo”.

Argumenta tan Rui Costa, konaba risku wainhira PN hili Natercia ba cefia KAK, haktuir tan autor, ”Se Natercia maka lidera KAK, mosu liu konflitu interesse, tamba sei simu titipan husi FRETILIN no Aniceto Guterres rasik”. Tuir investigasaun autor nian katak, ”Problema maka ne´e Aniceto Guterres ho Camarada sira iha FRETILIN hatene momos perfil Aderito Soares nian, tamba nia laos ema ida ke hakarak servisu ba Osan no power maibe ema ida ke hakarak servisu ba naran diak. Wainhira ema ida hakarak servisu no servi lakohi naran foer, hatudu katak se nia kaer ka cefia KAK, sei servisu diak liu tan, sei kumpri tuir Lei ne´ebe hakerek ona konaba KAK.

Facebook mos sai hanesan meius ba Movimento Pro KAK

Ikus-ikus ne'e Movimentus Sociais iha mundo uja facebook hanesan meius ida ba mobilizasaun massa, hare iha ita nia vizinu sorin, Indonesia, wainhira mosu isu kriminalizasaun membrus KPK Bibit-Chandra, mosu mobilizasaun liu husi facebook. Facebook pro KAK mos buka mobiliza cybernauta (sira ne´ebe uja no akses ba net) atu bolu ba adere ka tama ba kausa Anti-Korupsaun.

Lian menon husi Facebook maka «Korupsaun hanesan Virus neduni buka evita atu la bele transforma ba Kanker». Iha Facebook mos husu atu haruka sms ba Deputadu sira no liliu ba Deputadu husi OMP/Fretilin, ”Atu sira bele retoma agenda iha Plenariu hodi fihir no hili Presidente KAK. Atu hahu pleariu buka iha presensa deputadus hamutuk 49 (65), tau hamutuk deputadus bloku AMP 39, 2 PUN, 2 AD hamutuk 43, buka tan 6 husi Fretilin hodi hahu plenariu.Haruka sms ba deputadu Fretilin sira atu loke sira nia fuan no laran katak «korupsaun hanesan Virus ida, se la kombate bele transforma ba kanker»”.

Personalidades sira ne´ebe hola parte iha Facebook pro KAK

Personalidades sira husi elemens iha Sociedade Timor nian adere ba kausa ida ne´e, husi membrus governu, akademiku, politikus, aktivista, estudantes no sidadaun anonima. Personalidades sira ne´ebe hola parte ba Movimento Pro KAK iha Facebook hanesan: Gil Alves, MTCI (Ministro Turismo, Comercio e Industria), Dionisio Babo Soares (Akademiku no politikus), Osorio Florindo (Deputadu Fretilin), Dinorah Granadeiro (Direktor exekutivo FONGTIL - Forum NGO´s de Timor-Leste), John Miller (aktivista Direitus Humanos - DH husi ETAN - East Timor Action Network, USA), John Macdougall (aktivista DH), Karlitus Nunes (husi IRI - International Republic Institut), Maria Gabriela Carrascalao (Journalista no Media officer iha MNEC - Ministerio dos Negocios Estrangeiro e Cooperação), Celso de Oliveira (Poeta/journalista, hela iha UK), Constancio Pinto (Embaixador TL ba USA), Rui Viena (aktivista NGO no Direktor Yayasan HAK), José das Neves (Sekjen Renetil no estudantes Universitarius Timor oan iha laran, Timor-Leste, no rai liur)!

Antonio Ramos Naikoli

Fontes

• Suara Timor LoroSae
• Edisaun STL: 11 Janeiro 2010. Paj. 14