Hetan Desafios, manan Progresso iha Timor-Leste
Júlio Tomás Pinto*
Ideia hakerek artigo ida ne’e mosu kuando hau le relatório ida husi equipa investigasaun nebe guverno hari’i atu investiga “Caso Maliana”, wainhira hau mos le karta ida husi Representante Special Secretário Geral ONU nian iha Timor-Leste Dr. Atul Kare ba Primeiro-Ministro ho data 3 july 2009 konaba PNTL e F-FDTL halo violasaun Direitos Humanus e hau mos le relatório investigasaun unilateral UNPOL nian konaba kazu Maliana. Hau hakerek artigo ida ne’e atu halo deit refleksaun ida konaba isu security sector reform nebe pesoal, institusaun ou nasaun estrangeiro sira liu-liu ONU koalia iha Timor-Leste. Hau hakerek artigo ida ne’e tamba hau hare analize hirak nebe´e estrangeiro sira hala’o, nebe´e halo hau nia laran taridu. Hau husu ba instituisaun sira nebe nia naran temi iha artigo ida ne’e, para bele mos halo refleksaun ida ba sira nia an duke hare artigo ne’e husi aspekto negativu. Espera que artigo ne’e iha nia vantajen atu hametin liu tankooperasaun entre Timor-Leste ho nasaun seluk e ONU.
Estado Timor-Leste através Presidente Republika, Presidente Parlamento e Primeiro-Ministro iha tinan ida liu ba konkorda hodi harii equipa ida naran Grupo ba Reforma Sektor Seguransa Timor oan (SSR) deit. Reforma Sektor Seguransa ne’e signifika katak transformasaun institusoens Seguransa nian para intitusoens Seguransa sira ne’e bele hala’o sira nia papel efectivamente, iha legitimidade e responsalidade atu garantia Seguransa ba sidadaun hotu.Portantu, presiza mos hatoo katak Reforma Sektor Seguransa ne’e iha ligasaun direkta ba politica nebe guverno halao tuir sira nia programa. Atu halao transformasaun através lei ou politika mak Equipa SSR ne’e hari’i. Equipa ne’e kordena husi Secretário Estado nain rua: Secretário de Estado da Seguransa e Secretário de Estado da Defesa. Equipa ida ne’e servisu diak los hamutuk ho Presidente Republika nia asesor Dr. Roque Rodrigues. Enkontro atu diskute asunto SSR nebe involve Presidente Republika, Presidente Parlamento Nacional e Primeiro-Ministro inklui Secretário nain rua e asesor sira bolu naran Enkontro Alto Nivel Reforma Sektor Seguransa.
Iha parte ONU nian mos iha equipa ida nebe servisu atu ajuda Timor-Leste hadi’a nia sektor Seguransa. Kooperasaun entre Guverno ho ONU iha Security Sector Reform asina tiha ona iha Julho 2008. Amigo balun denhan ba hau katak tinan ida ona programa ne’e la’o mas hau bele dehan katak “They do not have Security Sector Reform implementation plan. Tuir hau nia opiniaun parese tamba ONU hola parte deit iha kontestu atu “ajuda” tuir sira nia mandato E ita mos presiza komprende se mandato ne´e tuir analise dualista peacekeeping vs peacebulding. ONU nia equipa durante ne’e halo seminar ida , haruka asesor ba Ministério da Defesa e Seguransa e mentoring e retraining ba PNTL. Portanto, tuir hau nia hanoin, tuir ONU nia mandatu sira so bele servisu hamutuk ho parte Secretário de Estado da Seguransa especialmente PNTL.
Iha sektor Defesa sira so servisu hamutuk atu koalia konaba treinamento Direitos Humanus, separasaun entre implementasaun papel Policia e Militar, assesor sira ka,Military Liaision officer trainning. Hhau mos husu ba sira atu hala’o treinamento Peace keeping Operation ba F-FDTL mas to’o agora sira seidauk aprezenta plano ida ba ami. Kuando representante ONU ou nasaun sira seluk ruma encontro ho hau nudar Secretário de Estado da Defesa hau sempre dehan asunto rua ba sira; primeiro, asesor sira tenki apresenta opsaun balun ba hau (nudar Secretário de Estado e Timor oan) e implikasaun negativo e positivo. Depois mak hau foti desizaun. Portantu, kualker asesor la bele hato’o deit opsaun ida ba hau para obriga hau hili opsaun nebe nia apresenta. Tamba soberania rai ida ne’e nian agora iha era globalisasaun ne’e kuaze hau bele dehan ladun kontrola ho diak ona no mos halakon nasaun nia kbiit. Purzemplu asunto hotu tenki transparente, tenki halo koperasaun ho nasaun seluk no mos tenke hare ba direito ingerensia. Purtantu soberania Timor nian mak hela deit ona Bandeira, Hino Nasional e brani (keberanian) atu foti desizaun mesak sem presaun husi nasaun seluk. Timor-Leste nasaun ki’ik mas Timor-Leste mos nasaun soberano ida, purtantu ninia posisaun iha nivel saida deit hanesan ho nasaun seluk. Tamba ne’e nasaun seluk tenki respeito Timor-Leste nudar nasaun soberano ida.
Segundo, hau fo hatene bebeik katak desenvolvimento sektor defesa tenki bazeia deit ba kooperasaun bilateral. Ne’e importante para Timor-Leste bele hatene lolos formato sistema militar saida mak Timor-Leste hakarak hari’i. Ita la kohi nasaun barak mai ho sira nia sistema para kuda iha instituisaun militar Timor-Leste nian. Se ida ne’e mak akontese, hau la hatene sistema militar Timor-Leste atu sai saida los. Tamba ne’e mak agora dadauk komando F-FDTL decide ona katak treinamento baziko militar bazeia ba sistema Portugal nian nebe´e tuir NATO (North Atlantic Treaty Organization) nian standard e treinamento especializado mak ba nasaun seluk. Objektivu mak uniformiza Timor-Leste nia sistema militar ida nebe diak iha futuru.Ida ne´e diak liu duke nasaun ida-idak mai implementa ninia sistema iha F-FDTL laran e halo ita konfundi fali.
To’o 2007 nia laran Timor-Leste seidauk iha Lei Defesa Nasional, la iha diploma legal atu aprova Orgânika ba Policia Militar,. Hatudu deit ezemplu rua husi produsaun lejislativu nebe´e ami halao. Governo liu-liu iha Sektor Defesa nian la persiza koalia barak inclui fo hatene
ONU mas bele halo ona Conprehensive Review and Reforms. Primeiro Plano, hare ba nível lejislativu iha ona Decreto-lei nebe´e aprova Orgânika Ministério Defesa ho Seguransa, Proposta de Lei Seguransa Nasional atu regula cooperasaun PNTL, F-FDTL e Protesaun Civil, revisaun ba Lei Servisu Militar ho Decreto-Lei atu halo regulamentasaun ba Lei Servisu Militar, Proposta de Lei Defesa Nasional, Rejime Remuneratório ba F-FDTL; agora dadauk prepara tan Rejime Jurídiku Aposentasaun (Pensaun de Reforma) ba Militar F-FDTL sira , Lei Programasaun Militar, Códigu Justisa Militar, no mos Decreto-Lei para Promosaun ba General iha F-FDTL. Decreto de Lei ida ne’e importante tamba iha tinan sia (9) ona la iha promosaun ba Tenente-Coronel to’o General sira; ikus liu mak Secretaria de Estado da Defesa prepara dadauk ona Draft ho alterasaun nebe´e presiza halo ba Politica Defesa Nasional para implementa Lei Defesa Nasional nebe´e agora iha hela Parlamento Nasional.
Segundo Plano, ho Estrutura foun nebe´e hetan ho Lei Orgânika Ministério Defesa e Seguransa, ita bele mos hare didiak nível politiku Defesa ho Seguransa, hanesan Estrutura ida nebe´e konstitui husi Ministro Defesa e Seguransa, nível militar F-FDTL nian no mos estrutura ho autonomia rasik hanesan Institutu da Defesa Nasional (IDN).
Terseiro Plano mak respeita ba Treinamentu, ho definisaun Conceito e Sistema
Treinamentu, Draft konaba Conceito de Emprego foun ba F-FDTL.
Quarto Domínio mak respeita ba Administratsaun ho Gestaun. Iha parte gestaun iha objektivus akun nebe´e tuir prosesu produsaun lejislativu mak SED hetan ona. Hanesan halo mudansa ba conseito recrutamento husi obrigatorio ba voluntario, hadi’a kondisaun subsidio ba F-FDTL, hadi’a regime promosaun militar nian, implementa Sistema Remunerasaun Militar, habbot bo halo kapasitasaun ba rekursus humanus sira iha Secretaria Estado da Defesa.
Quinto Plano mak Infraestruturas ho Ekipamentu ba F-FDTL. asuntu seluk nebe Guverno komesa tau konsiderasaun . Infrastrutura importante tamba uluk iha Aileu FALINTIL sira servisu iha lona okos, muda mai Dili mos servisu deit iha kontener laran, depois de crizi 2006 muda fali ba Tasi Tolu mos nafatin iha kontener laran. Tamba ne´e mak importante hadi’a Centro Treinamento Militar iha Metinaro. No mos iha área infra-estruturas, Guverno husu ona ba China ajuda finanseira hodi harii Quartel-General e Edificio Ministério da Defesa. Guverno China iha fulan nen liu ba mai apresenta ona design Quartel-General e Ministério da Defesa mai Secretário de Estado da Defesa e ita konkorda tiha ona. Portantu sira sei halo Quartel-General ba F-FDTL iha tinan 2010. La’os ida ne’e deit, guverno China mos iha Setembro 2009 ne’e komesa hahu ona konstrusaun 100 casas ba militar F-FDTL. Iha kuadru infra-estruturas nebe´e refere, Guverno Timor-Leste mos aloka ona orsamentu iha tinan kotuk halo Armazen e Edificio Policia Militar nian e Paiol iha Metinaro. No mos depois Timor-Leste analiza informasaun sira nebe iha hatudu katak iha problema pescador ilegal barak iha Tasi Timor, Guverno deside sosa navio patrulha rua husi Companhia husi China Poly Technology. Plano sosa navio de patrulha, guverno anterior mos plano hela. Iha 2006 sira tau osan 10 milhoens dolar atu sosa navio, um milhaun ba treino e 300 mil ba mina mas derepenti iha osamento ratifikativo 2006 hasai tiha fali verba hirak nee.
Iha 2007, responde ba karta ida mai husi F-FDTL, Primeiro-Ministro Dr. José Manuel Ramos-Horta iha nia despacho dehan katak bele sosa navio iha 2008. Objectivo sosa navio rua ne’e mak, primeiro, fo fasilidade ba instituisaun F-FDTL, Componente Naval h orgaun seluk. Segundo, Kontrola Tasi Timor hamutuk ho nasaun vizinho especialmente Costa Sul nian.
Iha parte cooperasaun bilateral nian Timor-Leste asina ona cooperasaun ho Portugal, Canadá e agora diskute e prepara tan para asina mos akordos ho USA, Australia, Indonesia e nasaun seluk nebe hakarak coopera ho Timor-Leste. Portugal ho Australia nasaun rua nebe importante tebes ba Timor-Leste tamba tuir relatório nebe iha, nasaun rua ne’e mak investe barak liu iha area Defesa nian.
Ho Portugal ita sempre hetan apoiu tamba iha Resistencia nia laran mos sira sempre apoiu Timor-Leste. Apoiu Portugal ba Timor-Leste naran Cooperasaun Tecnica-Militar nebe inclui Apoiu asesor ba Centro Instrusaun Metinaro, Componente Naval iha Hera, Quartel Geral F-FDTL e seluk-seluk tan. Agora ami koalia hela ho sira para hari’i mos Centro Lingua Portugues iha Metinaro. Portugal mos ajuda hela halo Assesment ba Sinalizasaun e Sistema Autoridade Marítima ba Timor-Leste,; sira mos ajuda orsamento para halo manutensaun ba barco rua nebe uluk sira oferese mai Timor-Leste. Konserteza siramos oferese oportunidade ba sargento e oficiais F-FDTL para treino iha Portugal.
Iha parte seluk Timor-Leste ho Australia nia kooperasaun militar mos diak tebes. Australia através programa DCP (Defence Cooperation Programm) asiste Timor-Leste. Exemplu koncretu ida mak ne’e Centro Instrusaun Militar Metinaro kuaze Australia hotu mak investe. Iha 17 Abril tinan 2008 liu ba, Timor-Leste ho Australia hari forum ida naran Defence Cooperation Talks. Iha diskusaun ne’e konsege iha konkordancia para ajuda hari Paiol ba F-FDTL e hari’i mos Centro Treinamento Especilizado iha Centro Instrusaun Metinaro. Maibe so konsege realiza deit Centro Treinamento Especilizado. Dia 26 Junho 2009 liu ba, Timor-Leste ho Australia hasoru malu tan fali hodi koalia konaba Defence Cooperation Talks para halu avaliasaun ba projeto 2008 e tama ba 2010 nian. Iha konkordancia ida nebe diak entre Timor-Leste ho Australia konaba projeto ba 2010 nian. Pesoalmente hau kontenti ho Australia tamba nasaun ne’e hatudu vontade ajuda Timor-Leste nafatin.
Ho Estados Unidos da America (USA) mos iha kooperasaun ida nebe diak. Dia 22 Agustus 2009 halao hela Timor-Leste Military and US Military Conference nebe ita bele mos bolu Bilateral Military Conference USA-TIMOR-LESTE, realiza iha Timor-Leste. US PACOM iha kooperasaun ida nebe diak tamba iha ona konkordancia ruma para atu coopera hamutuk. Esperiensia ho Estados Unidos America positivu, tamba quase sira nian actividade iha Timor-Leste hetan konkordansia Governo nian. Ida nee hatudu katak, nudar nasaun ida nebe soberano, aktividade saida deit mak mai husi rai liur inclui ho USA tenki hetan autorizasaun husi Estado especialmente Governo Timor-Leste. Tamba nee mak USA nebe haruka ninia US Marine mai halao ninia aktividade tenki autorizado mak mai mesmo Timor-Leste iha ona Status of Forces Agreement (SOFA) ho sira desde 2003. Espera katak iha futuru liu-liu plano 3.000 US Marine Expeditionary 2009 mai Timor-Leste halao sira nia treino persiza koordena diak-diak ho F-FDTL para transfere mos skill ruma mai F-FDTL através Multilateral Training US Marine, ISF e F-FDTL. Dala ida tan, mesmo nasaun ki’ik mas Timor-Leste nasaun soberano ida iha Mundo.
Ita hare deit ligasaun cooperasaun ho nasaun sira nebe ita mensiona iha leten no Timor-Leste mos dezemvolve hela ninia relasaun ho Indonesia. Depois de vizita Primeiro-Ministro Xanana Gusmão ho ninia komitiva ba Indonesia iha 2008, primeira vez Indonesia loke oportunidade ba oficiais F-FDTL tama iha SESKO Angkatan Laut TNI iha Surabaya. E iha 2010 F-FDTL sei haruka tan official senior ida ba tama iha kursus LEMHANNAS iha Jakarta. Plano seluk mak Brigadeiro General Taur Matan Ruak mos komvida ona Panglima TNI para vizita Timor-Leste iha tinan ida ne’e.
Hare ba kestaun nebe mosu bebeik e balun husu, nusa mak ita kopera ho nasaun barak, presiza comprende katak, claru ke ita lakohi kria dependencia militar ba nasaun seluk tamba ne’e mak ita liga hotu nasaun sira iha mundu ne’e. Purtantu, positivu dune ita nia relasaun ho Australia, New Zealand e Pacific Island Country diak mas ita mos diak los ho ASEAN. Timor-Leste ho China diak tebes mas ita mos diak los ho USA, Indonesia, Portugal e nasaun seluk tan.
Husi atividade sira hotu, sasan importante mak lei rua nebe diak ba Timor-Leste mak ne’e LEI SEGURANSA NASIONAL e LEI DEFESA NASIONAL. Ba hau lei rua ne’e importante. Tamba Lei Defesa Nasional sei regula papel Presidente Republika nudar Komandante Supremo e ligasaun (hubungan) entre F-FDTL ho Secretário de Estado da Defesa, Primeiro-Ministro, Parlamento Nacional e Politico sira seluk nebe kaer cargos públikus. Asuntu ida ne’e inportante tamba bele asegura diak liutan misaun Guverno nia nebe dehan katak “La autoriza sese deit atu politiza instituisaun F-FDTL e prevene intervensaun F-FDTL iha Politica pratica”. E regula diak liutan hanoin konstitusional ida konaba apartidarismu Forsas Armadas tuir prinsipio nebe dehan katak “F-FDTL hatene politica maibe la bele halo encontro politica e labele halo asaun politica”. Hau hetan kunhesemento barak durante hau servisu ho F-FDTL tamba komandante sira dehan mai hau katak “labele fo buat ida nebe laos ami nia papel mai ami hala’o”. Ne’e signifika katak ita iha ona fundamento ida nebe diak para separa pratica politica ho militar sira. Lei Seguransa Nasional mos importante tamba lei ida ne’e atu regula cooperasaun F-FDTL, PNTL e Protesaun Civil iha situasaun emergencia ruma nia laran. Tuir Lei Orgânica Ministério da Defesa e Seguransa nia katak ita sei iha Centro Integrado Gestão da Crize. Portantu iha situasaun emergencia desatres naturais ruma nia laran ita tenki organizado para fo asistencia ba populasaun. Maibe, mesmo seidauk hetan ideia formal ruma husi ONU mas hau rona ona katak Lei Seguransa Nasional ne’e iha ONU sira nia matan ladiak ho razaun lei ne’e atu militariza fali policia. Espera que informasaun ne’e la los. Depois rona informasaun ne’e husi Timor oan balun, hau dehan ba sira katak saida mak Timor-Leste halo ba extrangeiro sira at hela deit. So sasan sira nebe sira halo ne’e mak diak. Iha akontesemento balun nebe sai evidencia katak TIMOR salah hela deit,ONU mak diak hela deit.
Iha crize atentado ba Presidente Republika ho Primeiro-Ministro, bot ONU nia balun hasai informasaun ba media katak Timor oan sira mak responsavel ba Seguransa. Mas nia karik haluha tiha to’o agora Komandante Policia sei iha na’in rua ida PNTL ida fali UNPOL. Mas UNPOL mak lidera hela. E foin mak transfere poder ba PNTL iha distritu tolu mak Lospalos, Manatuto e Oecusi. Ita hare ba situasaun seluk. Kuando Komando Konjunto ba simu Petisionarios sira nebe mai husi Oecusi iha Airporto, F-FDTL ho kilat mak ba atu lori sira ba Quartel KKO, UNPOL fo relatório ida dehan katak F-FDTL ameasa sira ho kilat bo’ot iha airporto. Relatório ida ne’e la los, la os rigoroso tamba iha situasaun estado de sitio, military sempre kuidadu ho situasaun ou bolu “militar siaga”. Ita hare fali analise nebe halo ba akontesemento Maliana foin dadauk ne’e. UNPOL aprezenta relatório ida dehan katak F-FDTL halo violasaun direitus humanos e ameasa UNPOL husi Filipinas hodi se kilat ba UNPOL nia hirusmatan. Depois de encontro Alto Nivel ho Presidente Republika, Guverno decide hari’i equipa investigasaun ide ba kazu Maliana. Membru equipa ne’e mak Direitor na’in rua husi Ministério Estatal, husi FFDTL mak Tenente-Coronel Koliati ho Tenente Niki husi Policia Militar, husi Secretaria Estado da Defesa mak adviser Chandrabaland, husi PNTL Inspector Dominggos e husi Secretaria de Estado Seguransa mak Dr. Anacleto Ribeiro.
Rezultado investigasaun hatudu katak la iha akontesementu “se kilat ba UNPOL nia hirusmatan”. Iha kazu Maliana UNPOL fo relatório bosok para atu diskredita FFDTL. Maibe campanha negativo ba imagem F-FDTL la´o nafatin. Mesmo relatório husi equipa investigasaun hat´o ona maibe iha artigo ida ho tópico “East Timor_Securuty Sector Relapse?”, iha Worldpoliticsreview.com, nafatin fo sai katak “The domestic security situation improved in the months thereafter, but the police remained subordinate to the army, which still involves itself in internal security. According to eyewitnesses, U.N. police attempts to intervene in a public order incident in Maliana in June 2009, near the Indonesian border, resulted in F-FDTL guns being pointed at the multinational forces.”
Ikus liu akontesemento iha BAR Casa Minha. Ita halo lai analise detalhadu liu ba akontesimentu nee. Relatoriu UNPOL dehan katak agente PNTL lori pistola ida ba Bar laran. Maibe, sira la halo referensia ba informasaun husi membro policia nebe vitima e sasin joven sira nebe iha akontesemento fatin dehan GNR LANU e baku PNTL na’in tolu to’o dolar tamba ne’e membro PNTL ne’e tiru kuak hotu roda kareta GNR nian.
Júlio Tomás Pinto*
Ideia hakerek artigo ida ne’e mosu kuando hau le relatório ida husi equipa investigasaun nebe guverno hari’i atu investiga “Caso Maliana”, wainhira hau mos le karta ida husi Representante Special Secretário Geral ONU nian iha Timor-Leste Dr. Atul Kare ba Primeiro-Ministro ho data 3 july 2009 konaba PNTL e F-FDTL halo violasaun Direitos Humanus e hau mos le relatório investigasaun unilateral UNPOL nian konaba kazu Maliana. Hau hakerek artigo ida ne’e atu halo deit refleksaun ida konaba isu security sector reform nebe pesoal, institusaun ou nasaun estrangeiro sira liu-liu ONU koalia iha Timor-Leste. Hau hakerek artigo ida ne’e tamba hau hare analize hirak nebe´e estrangeiro sira hala’o, nebe´e halo hau nia laran taridu. Hau husu ba instituisaun sira nebe nia naran temi iha artigo ida ne’e, para bele mos halo refleksaun ida ba sira nia an duke hare artigo ne’e husi aspekto negativu. Espera que artigo ne’e iha nia vantajen atu hametin liu tankooperasaun entre Timor-Leste ho nasaun seluk e ONU.
Estado Timor-Leste através Presidente Republika, Presidente Parlamento e Primeiro-Ministro iha tinan ida liu ba konkorda hodi harii equipa ida naran Grupo ba Reforma Sektor Seguransa Timor oan (SSR) deit. Reforma Sektor Seguransa ne’e signifika katak transformasaun institusoens Seguransa nian para intitusoens Seguransa sira ne’e bele hala’o sira nia papel efectivamente, iha legitimidade e responsalidade atu garantia Seguransa ba sidadaun hotu.Portantu, presiza mos hatoo katak Reforma Sektor Seguransa ne’e iha ligasaun direkta ba politica nebe guverno halao tuir sira nia programa. Atu halao transformasaun através lei ou politika mak Equipa SSR ne’e hari’i. Equipa ne’e kordena husi Secretário Estado nain rua: Secretário de Estado da Seguransa e Secretário de Estado da Defesa. Equipa ida ne’e servisu diak los hamutuk ho Presidente Republika nia asesor Dr. Roque Rodrigues. Enkontro atu diskute asunto SSR nebe involve Presidente Republika, Presidente Parlamento Nacional e Primeiro-Ministro inklui Secretário nain rua e asesor sira bolu naran Enkontro Alto Nivel Reforma Sektor Seguransa.
Iha parte ONU nian mos iha equipa ida nebe servisu atu ajuda Timor-Leste hadi’a nia sektor Seguransa. Kooperasaun entre Guverno ho ONU iha Security Sector Reform asina tiha ona iha Julho 2008. Amigo balun denhan ba hau katak tinan ida ona programa ne’e la’o mas hau bele dehan katak “They do not have Security Sector Reform implementation plan. Tuir hau nia opiniaun parese tamba ONU hola parte deit iha kontestu atu “ajuda” tuir sira nia mandato E ita mos presiza komprende se mandato ne´e tuir analise dualista peacekeeping vs peacebulding. ONU nia equipa durante ne’e halo seminar ida , haruka asesor ba Ministério da Defesa e Seguransa e mentoring e retraining ba PNTL. Portanto, tuir hau nia hanoin, tuir ONU nia mandatu sira so bele servisu hamutuk ho parte Secretário de Estado da Seguransa especialmente PNTL.
Iha sektor Defesa sira so servisu hamutuk atu koalia konaba treinamento Direitos Humanus, separasaun entre implementasaun papel Policia e Militar, assesor sira ka,Military Liaision officer trainning. Hhau mos husu ba sira atu hala’o treinamento Peace keeping Operation ba F-FDTL mas to’o agora sira seidauk aprezenta plano ida ba ami. Kuando representante ONU ou nasaun sira seluk ruma encontro ho hau nudar Secretário de Estado da Defesa hau sempre dehan asunto rua ba sira; primeiro, asesor sira tenki apresenta opsaun balun ba hau (nudar Secretário de Estado e Timor oan) e implikasaun negativo e positivo. Depois mak hau foti desizaun. Portantu, kualker asesor la bele hato’o deit opsaun ida ba hau para obriga hau hili opsaun nebe nia apresenta. Tamba soberania rai ida ne’e nian agora iha era globalisasaun ne’e kuaze hau bele dehan ladun kontrola ho diak ona no mos halakon nasaun nia kbiit. Purzemplu asunto hotu tenki transparente, tenki halo koperasaun ho nasaun seluk no mos tenke hare ba direito ingerensia. Purtantu soberania Timor nian mak hela deit ona Bandeira, Hino Nasional e brani (keberanian) atu foti desizaun mesak sem presaun husi nasaun seluk. Timor-Leste nasaun ki’ik mas Timor-Leste mos nasaun soberano ida, purtantu ninia posisaun iha nivel saida deit hanesan ho nasaun seluk. Tamba ne’e nasaun seluk tenki respeito Timor-Leste nudar nasaun soberano ida.
Segundo, hau fo hatene bebeik katak desenvolvimento sektor defesa tenki bazeia deit ba kooperasaun bilateral. Ne’e importante para Timor-Leste bele hatene lolos formato sistema militar saida mak Timor-Leste hakarak hari’i. Ita la kohi nasaun barak mai ho sira nia sistema para kuda iha instituisaun militar Timor-Leste nian. Se ida ne’e mak akontese, hau la hatene sistema militar Timor-Leste atu sai saida los. Tamba ne’e mak agora dadauk komando F-FDTL decide ona katak treinamento baziko militar bazeia ba sistema Portugal nian nebe´e tuir NATO (North Atlantic Treaty Organization) nian standard e treinamento especializado mak ba nasaun seluk. Objektivu mak uniformiza Timor-Leste nia sistema militar ida nebe diak iha futuru.Ida ne´e diak liu duke nasaun ida-idak mai implementa ninia sistema iha F-FDTL laran e halo ita konfundi fali.
To’o 2007 nia laran Timor-Leste seidauk iha Lei Defesa Nasional, la iha diploma legal atu aprova Orgânika ba Policia Militar,. Hatudu deit ezemplu rua husi produsaun lejislativu nebe´e ami halao. Governo liu-liu iha Sektor Defesa nian la persiza koalia barak inclui fo hatene
ONU mas bele halo ona Conprehensive Review and Reforms. Primeiro Plano, hare ba nível lejislativu iha ona Decreto-lei nebe´e aprova Orgânika Ministério Defesa ho Seguransa, Proposta de Lei Seguransa Nasional atu regula cooperasaun PNTL, F-FDTL e Protesaun Civil, revisaun ba Lei Servisu Militar ho Decreto-Lei atu halo regulamentasaun ba Lei Servisu Militar, Proposta de Lei Defesa Nasional, Rejime Remuneratório ba F-FDTL; agora dadauk prepara tan Rejime Jurídiku Aposentasaun (Pensaun de Reforma) ba Militar F-FDTL sira , Lei Programasaun Militar, Códigu Justisa Militar, no mos Decreto-Lei para Promosaun ba General iha F-FDTL. Decreto de Lei ida ne’e importante tamba iha tinan sia (9) ona la iha promosaun ba Tenente-Coronel to’o General sira; ikus liu mak Secretaria de Estado da Defesa prepara dadauk ona Draft ho alterasaun nebe´e presiza halo ba Politica Defesa Nasional para implementa Lei Defesa Nasional nebe´e agora iha hela Parlamento Nasional.
Segundo Plano, ho Estrutura foun nebe´e hetan ho Lei Orgânika Ministério Defesa e Seguransa, ita bele mos hare didiak nível politiku Defesa ho Seguransa, hanesan Estrutura ida nebe´e konstitui husi Ministro Defesa e Seguransa, nível militar F-FDTL nian no mos estrutura ho autonomia rasik hanesan Institutu da Defesa Nasional (IDN).
Terseiro Plano mak respeita ba Treinamentu, ho definisaun Conceito e Sistema
Treinamentu, Draft konaba Conceito de Emprego foun ba F-FDTL.
Quarto Domínio mak respeita ba Administratsaun ho Gestaun. Iha parte gestaun iha objektivus akun nebe´e tuir prosesu produsaun lejislativu mak SED hetan ona. Hanesan halo mudansa ba conseito recrutamento husi obrigatorio ba voluntario, hadi’a kondisaun subsidio ba F-FDTL, hadi’a regime promosaun militar nian, implementa Sistema Remunerasaun Militar, habbot bo halo kapasitasaun ba rekursus humanus sira iha Secretaria Estado da Defesa.
Quinto Plano mak Infraestruturas ho Ekipamentu ba F-FDTL. asuntu seluk nebe Guverno komesa tau konsiderasaun . Infrastrutura importante tamba uluk iha Aileu FALINTIL sira servisu iha lona okos, muda mai Dili mos servisu deit iha kontener laran, depois de crizi 2006 muda fali ba Tasi Tolu mos nafatin iha kontener laran. Tamba ne´e mak importante hadi’a Centro Treinamento Militar iha Metinaro. No mos iha área infra-estruturas, Guverno husu ona ba China ajuda finanseira hodi harii Quartel-General e Edificio Ministério da Defesa. Guverno China iha fulan nen liu ba mai apresenta ona design Quartel-General e Ministério da Defesa mai Secretário de Estado da Defesa e ita konkorda tiha ona. Portantu sira sei halo Quartel-General ba F-FDTL iha tinan 2010. La’os ida ne’e deit, guverno China mos iha Setembro 2009 ne’e komesa hahu ona konstrusaun 100 casas ba militar F-FDTL. Iha kuadru infra-estruturas nebe´e refere, Guverno Timor-Leste mos aloka ona orsamentu iha tinan kotuk halo Armazen e Edificio Policia Militar nian e Paiol iha Metinaro. No mos depois Timor-Leste analiza informasaun sira nebe iha hatudu katak iha problema pescador ilegal barak iha Tasi Timor, Guverno deside sosa navio patrulha rua husi Companhia husi China Poly Technology. Plano sosa navio de patrulha, guverno anterior mos plano hela. Iha 2006 sira tau osan 10 milhoens dolar atu sosa navio, um milhaun ba treino e 300 mil ba mina mas derepenti iha osamento ratifikativo 2006 hasai tiha fali verba hirak nee.
Iha 2007, responde ba karta ida mai husi F-FDTL, Primeiro-Ministro Dr. José Manuel Ramos-Horta iha nia despacho dehan katak bele sosa navio iha 2008. Objectivo sosa navio rua ne’e mak, primeiro, fo fasilidade ba instituisaun F-FDTL, Componente Naval h orgaun seluk. Segundo, Kontrola Tasi Timor hamutuk ho nasaun vizinho especialmente Costa Sul nian.
Iha parte cooperasaun bilateral nian Timor-Leste asina ona cooperasaun ho Portugal, Canadá e agora diskute e prepara tan para asina mos akordos ho USA, Australia, Indonesia e nasaun seluk nebe hakarak coopera ho Timor-Leste. Portugal ho Australia nasaun rua nebe importante tebes ba Timor-Leste tamba tuir relatório nebe iha, nasaun rua ne’e mak investe barak liu iha area Defesa nian.
Ho Portugal ita sempre hetan apoiu tamba iha Resistencia nia laran mos sira sempre apoiu Timor-Leste. Apoiu Portugal ba Timor-Leste naran Cooperasaun Tecnica-Militar nebe inclui Apoiu asesor ba Centro Instrusaun Metinaro, Componente Naval iha Hera, Quartel Geral F-FDTL e seluk-seluk tan. Agora ami koalia hela ho sira para hari’i mos Centro Lingua Portugues iha Metinaro. Portugal mos ajuda hela halo Assesment ba Sinalizasaun e Sistema Autoridade Marítima ba Timor-Leste,; sira mos ajuda orsamento para halo manutensaun ba barco rua nebe uluk sira oferese mai Timor-Leste. Konserteza siramos oferese oportunidade ba sargento e oficiais F-FDTL para treino iha Portugal.
Iha parte seluk Timor-Leste ho Australia nia kooperasaun militar mos diak tebes. Australia através programa DCP (Defence Cooperation Programm) asiste Timor-Leste. Exemplu koncretu ida mak ne’e Centro Instrusaun Militar Metinaro kuaze Australia hotu mak investe. Iha 17 Abril tinan 2008 liu ba, Timor-Leste ho Australia hari forum ida naran Defence Cooperation Talks. Iha diskusaun ne’e konsege iha konkordancia para ajuda hari Paiol ba F-FDTL e hari’i mos Centro Treinamento Especilizado iha Centro Instrusaun Metinaro. Maibe so konsege realiza deit Centro Treinamento Especilizado. Dia 26 Junho 2009 liu ba, Timor-Leste ho Australia hasoru malu tan fali hodi koalia konaba Defence Cooperation Talks para halu avaliasaun ba projeto 2008 e tama ba 2010 nian. Iha konkordancia ida nebe diak entre Timor-Leste ho Australia konaba projeto ba 2010 nian. Pesoalmente hau kontenti ho Australia tamba nasaun ne’e hatudu vontade ajuda Timor-Leste nafatin.
Ho Estados Unidos da America (USA) mos iha kooperasaun ida nebe diak. Dia 22 Agustus 2009 halao hela Timor-Leste Military and US Military Conference nebe ita bele mos bolu Bilateral Military Conference USA-TIMOR-LESTE, realiza iha Timor-Leste. US PACOM iha kooperasaun ida nebe diak tamba iha ona konkordancia ruma para atu coopera hamutuk. Esperiensia ho Estados Unidos America positivu, tamba quase sira nian actividade iha Timor-Leste hetan konkordansia Governo nian. Ida nee hatudu katak, nudar nasaun ida nebe soberano, aktividade saida deit mak mai husi rai liur inclui ho USA tenki hetan autorizasaun husi Estado especialmente Governo Timor-Leste. Tamba nee mak USA nebe haruka ninia US Marine mai halao ninia aktividade tenki autorizado mak mai mesmo Timor-Leste iha ona Status of Forces Agreement (SOFA) ho sira desde 2003. Espera katak iha futuru liu-liu plano 3.000 US Marine Expeditionary 2009 mai Timor-Leste halao sira nia treino persiza koordena diak-diak ho F-FDTL para transfere mos skill ruma mai F-FDTL através Multilateral Training US Marine, ISF e F-FDTL. Dala ida tan, mesmo nasaun ki’ik mas Timor-Leste nasaun soberano ida iha Mundo.
Ita hare deit ligasaun cooperasaun ho nasaun sira nebe ita mensiona iha leten no Timor-Leste mos dezemvolve hela ninia relasaun ho Indonesia. Depois de vizita Primeiro-Ministro Xanana Gusmão ho ninia komitiva ba Indonesia iha 2008, primeira vez Indonesia loke oportunidade ba oficiais F-FDTL tama iha SESKO Angkatan Laut TNI iha Surabaya. E iha 2010 F-FDTL sei haruka tan official senior ida ba tama iha kursus LEMHANNAS iha Jakarta. Plano seluk mak Brigadeiro General Taur Matan Ruak mos komvida ona Panglima TNI para vizita Timor-Leste iha tinan ida ne’e.
Hare ba kestaun nebe mosu bebeik e balun husu, nusa mak ita kopera ho nasaun barak, presiza comprende katak, claru ke ita lakohi kria dependencia militar ba nasaun seluk tamba ne’e mak ita liga hotu nasaun sira iha mundu ne’e. Purtantu, positivu dune ita nia relasaun ho Australia, New Zealand e Pacific Island Country diak mas ita mos diak los ho ASEAN. Timor-Leste ho China diak tebes mas ita mos diak los ho USA, Indonesia, Portugal e nasaun seluk tan.
Husi atividade sira hotu, sasan importante mak lei rua nebe diak ba Timor-Leste mak ne’e LEI SEGURANSA NASIONAL e LEI DEFESA NASIONAL. Ba hau lei rua ne’e importante. Tamba Lei Defesa Nasional sei regula papel Presidente Republika nudar Komandante Supremo e ligasaun (hubungan) entre F-FDTL ho Secretário de Estado da Defesa, Primeiro-Ministro, Parlamento Nacional e Politico sira seluk nebe kaer cargos públikus. Asuntu ida ne’e inportante tamba bele asegura diak liutan misaun Guverno nia nebe dehan katak “La autoriza sese deit atu politiza instituisaun F-FDTL e prevene intervensaun F-FDTL iha Politica pratica”. E regula diak liutan hanoin konstitusional ida konaba apartidarismu Forsas Armadas tuir prinsipio nebe dehan katak “F-FDTL hatene politica maibe la bele halo encontro politica e labele halo asaun politica”. Hau hetan kunhesemento barak durante hau servisu ho F-FDTL tamba komandante sira dehan mai hau katak “labele fo buat ida nebe laos ami nia papel mai ami hala’o”. Ne’e signifika katak ita iha ona fundamento ida nebe diak para separa pratica politica ho militar sira. Lei Seguransa Nasional mos importante tamba lei ida ne’e atu regula cooperasaun F-FDTL, PNTL e Protesaun Civil iha situasaun emergencia ruma nia laran. Tuir Lei Orgânica Ministério da Defesa e Seguransa nia katak ita sei iha Centro Integrado Gestão da Crize. Portantu iha situasaun emergencia desatres naturais ruma nia laran ita tenki organizado para fo asistencia ba populasaun. Maibe, mesmo seidauk hetan ideia formal ruma husi ONU mas hau rona ona katak Lei Seguransa Nasional ne’e iha ONU sira nia matan ladiak ho razaun lei ne’e atu militariza fali policia. Espera que informasaun ne’e la los. Depois rona informasaun ne’e husi Timor oan balun, hau dehan ba sira katak saida mak Timor-Leste halo ba extrangeiro sira at hela deit. So sasan sira nebe sira halo ne’e mak diak. Iha akontesemento balun nebe sai evidencia katak TIMOR salah hela deit,ONU mak diak hela deit.
Iha crize atentado ba Presidente Republika ho Primeiro-Ministro, bot ONU nia balun hasai informasaun ba media katak Timor oan sira mak responsavel ba Seguransa. Mas nia karik haluha tiha to’o agora Komandante Policia sei iha na’in rua ida PNTL ida fali UNPOL. Mas UNPOL mak lidera hela. E foin mak transfere poder ba PNTL iha distritu tolu mak Lospalos, Manatuto e Oecusi. Ita hare ba situasaun seluk. Kuando Komando Konjunto ba simu Petisionarios sira nebe mai husi Oecusi iha Airporto, F-FDTL ho kilat mak ba atu lori sira ba Quartel KKO, UNPOL fo relatório ida dehan katak F-FDTL ameasa sira ho kilat bo’ot iha airporto. Relatório ida ne’e la los, la os rigoroso tamba iha situasaun estado de sitio, military sempre kuidadu ho situasaun ou bolu “militar siaga”. Ita hare fali analise nebe halo ba akontesemento Maliana foin dadauk ne’e. UNPOL aprezenta relatório ida dehan katak F-FDTL halo violasaun direitus humanos e ameasa UNPOL husi Filipinas hodi se kilat ba UNPOL nia hirusmatan. Depois de encontro Alto Nivel ho Presidente Republika, Guverno decide hari’i equipa investigasaun ide ba kazu Maliana. Membru equipa ne’e mak Direitor na’in rua husi Ministério Estatal, husi FFDTL mak Tenente-Coronel Koliati ho Tenente Niki husi Policia Militar, husi Secretaria Estado da Defesa mak adviser Chandrabaland, husi PNTL Inspector Dominggos e husi Secretaria de Estado Seguransa mak Dr. Anacleto Ribeiro.
Rezultado investigasaun hatudu katak la iha akontesementu “se kilat ba UNPOL nia hirusmatan”. Iha kazu Maliana UNPOL fo relatório bosok para atu diskredita FFDTL. Maibe campanha negativo ba imagem F-FDTL la´o nafatin. Mesmo relatório husi equipa investigasaun hat´o ona maibe iha artigo ida ho tópico “East Timor_Securuty Sector Relapse?”, iha Worldpoliticsreview.com, nafatin fo sai katak “The domestic security situation improved in the months thereafter, but the police remained subordinate to the army, which still involves itself in internal security. According to eyewitnesses, U.N. police attempts to intervene in a public order incident in Maliana in June 2009, near the Indonesian border, resulted in F-FDTL guns being pointed at the multinational forces.”
Ikus liu akontesemento iha BAR Casa Minha. Ita halo lai analise detalhadu liu ba akontesimentu nee. Relatoriu UNPOL dehan katak agente PNTL lori pistola ida ba Bar laran. Maibe, sira la halo referensia ba informasaun husi membro policia nebe vitima e sasin joven sira nebe iha akontesemento fatin dehan GNR LANU e baku PNTL na’in tolu to’o dolar tamba ne’e membro PNTL ne’e tiru kuak hotu roda kareta GNR nian.
UNPOL halo fali relatório ida dehan PNTL lori pistola ba BAR, kontiudo membro GNR LANU ne’e sira haluha tiha ona. To’o Komandante Geral PNTL Longinhos Monteiro intervem ho hirus ho protesta makas ba Komandante UNPOL Luis Miguel Carilho nebe mai husi Portugal mos. Longinhos hatete “hau husu para GNR na’in rua nebe baku hau nia membro ne’e hetan investigasaun didik” (STL/13/7/09). Foun-foun GNR na’in rua ne’e kategoria ona ba diskonhesido. Ikus fali sira lori duni kazu ne’e atu investiga. Decisaun hanesan ema hatene tiha ona katak UNPOL fo ona suspensaun ba Ajente Policia Fransisco Magno HAU nebe sai vitima e membro UNPOL husi GNR sira nebe baku membro PNTL ne’e agora livre hela. Relaciona ho cazu nee, hau aproveita oportunidade atu refere katak papel informativu husi comunicasaun sosial ba cazu “Casa Minha” la iha dune tamba Jornal Portugues Correio da Manhã (16Julho 2009) fo sai informasaun ida nebe la justu ho topiko “seguransa de Xanana lidera ataque a GNR”, Jornal Noticias Lusofonas (16 Julho 2009) fo sai “Seguransa Xanana Acusado de Atacar Militares Portugueses”. Timor-Leste so dehan deit “KUITADO BA GNR E ONU”. Tamba GNR e UNPOL la’os foin mak halo hahalok violasaun direitos humanos sira ne’e. Kazu Ajente PNTL Constatinho de Carvalho nebe GNR kaer iha Caza Minha e baku to’o dolar. Iha mos kazu Comandante PNTL Baucau Aderito Ximenes nebe UNPOL akuza halo violasaun direitos humanus ba nia membro ikus mai Tribunal Rekurus hasai desizaun katak Komandante Aderito nia asaun ba nia membro ne’e los, UNPOL mak sala. Sei iha mos kasu Comandante UIR Agustinho Gomes nebe halo intervensaun ba kazu ida iha Dili, UNPOL akuza nia dehan viola direitus humanu.
Parese ONU hakarak defende sira nia prestijiu nudar UNPOL ou ONU, mas sira haluha tiha katak sira laos insituisaun ida nebe “prefeito ou sempurna”. Se PNTL ou F-FDTL mak lanu karik depois mak baku ema karik ONU atu mate sal-sala deit hodi fo relatório nebe inventa tun sae konaba Direitus Humanus nian. E sira hanorin tan dehan Alkohol, Halimar Feto ho Kilat labele hamutuk tamba ne’e bele fo ameasa ba Seguransa. Hau mos konkorda ida ne’e mas ne’e laos atu aplika ba Timor deit. Iha Australia, militar sira mos aplika ida ne’e. Mas parese UNPOL sira lae karik...? Ita presiza comprende katak ita nia polícia hetan infkuensia negativu wainhira intervensaun husi Nasaun nebe tama iha UNPOL la koordenadu tamba, ida-idak mai halo ninian mesak. Ita nia policia kasihan tamba tenke submete ba realidade nee. Komandante-Geral PNTL Longinhos Monteiro agora servisu hela para hadi’a sasan sira ne’e. Se ita kompara karakter, self confidens, performens PNTL ho UNPOL oan balun, ita nia PNTL diak liu; kuitado dalam ruma UNPOL oan sira husi nasaun balun la’o tesik dalan sira ne’e hare ba atu monu sal-sala. UNPOL oan sira ne’e iha sira nia rai, politika na’in sira politiza hela sira e sira tuir deit, mas mai fali hanorin ita nia PNTL hanesan sira profesional liu tiha ita. E hau sempre dehan ba membro PNTL sira nebe hau hasoru katak Policia Nacional Timor- Leste diak liu sira mas importante mak ita hatudu ba sira katak Timor-Leste lakohi ninia PNTL e F-FDTL politizado.
KONKLUZAUN
Ami hotu avansa nafatin ho prinsipiu katak “ita hakarak halo saida mak ita hakarak laos saida mak ema seluk hakarak”, purtantu mesmo Timor-Leste rai ki’ik mas Timor-Leste iha Istoria rasik hanesan ita nia maun boot sira hanorin mai ita. Timor-Leste oan sira sei tuba rai metin halo selesaun ba opiniaun nebe extrangeiros sira hato’o para hakat ba oin duke rona extrangeiro sira nia hanoin balun nebe nakonu ho intereses sira nian nasaun nian. Mesmo nune’e, ho aspektus negativus konaba cooperasaun internasional, cooperasaun importante nafatin e importante mos atu kordena diak liu tan entre autoridade Timor-Leste ho ONU e extrangeiro sira seluk para servisu SSR ne’e bele ba oin.
Husi parte hotu tenki honeste ba malu. ONU tenki halo mos refleksaun ida ba nia an e hanesan mos ita tenki halo mos refleksaun ida para depois hadi’a sasan sira nebe iha. Ami hotu nebe serbisu iha parte Security Sector Reform hetan suporta makas husi Presidente Republica, Presidente Parlamento Nacional e Primeiro-Ministro para servisu ho diak atu halo netik buat ruma atu reforma sistema Seguransa iha Timor-Leste. Especialmente ba Presidente Republika ho Primeiro-Ministro mak dala ruma kuando iha encontro sempre suporta ami gerasaun foun para halo diak liu tan atu aplika saida maka hakerek iha lei inan Konstituasaun Republika Demokratica Timor-Leste. Ikus liu principiu mak ne’e katak “Ita halo tamba ita hakarak halo tuir valor universal, laos ita halo tamba ema seluk haruka ita halo. E ita halo tuir saida mak ita
hakarak laos ita halo tuir ema seluk nia hakarak”.Experiencia nasaun seluk nian sai referencia deit ba ita mas laos copia tomak para atu aplika iha rai ida ne’e. Ita hotu hakarak implementaconceito ideal ida ba Reforma Sector Segruansa ba Timor-Leste mas ita sei leva tempo mak hetan saida mak diak ba rai Timor-Leste.
Obrigado.
*Secretário de Estado da Defesa
República Democrática de Timor-Leste no exklusivu ba Forum Haksesuk!
Sem comentários:
Enviar um comentário
Nota: só um membro deste blogue pode publicar um comentário.