VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20090311

Maubocy halo nabilan Dr.JMF nia neon malahuk [JND,19-02-09]*

Hussi :Mau Bocy (dirigente F-Mudansa)

Antes de mais, hau haksolok ba Dr.Jose Manuel Fernandes (JMF) nia artigo nebe halo descrisaun especifico ba hau nia envolvimento politico hussi 1974-79. Conteúdo Dr. (JMF) nia artigo iha praça publica do Jornal Nacional Diario, halo Inkerito no Julgamento ba hau (Maubocy) nia comportamento politico hussi 1974-79.

Hau triste tanba Dr.JMF la hatene saída maka nia hakerek tanba rona ema seluk nia relatorio. Hau iha certeza katak 1974-79, JMF labarik hela, inus ben suli hela, kala lao mos molik hela, totalmente la komprende saída maka politica.

Hau hatene Dr.Mari Alkatiri maka dudu Dr.JMF hakerek, atu desvia atensaun, ka em bom portugues “fugir o rabo da xeringa”.

Tanba Dr.Mari Alkatiri la iha ona munisoens atu halo kombate, atu defende nia aan ba disparates barak nebe nia komete durante nia governasaun, hanesan mos politica foer nebe halo propagandas falsas hasoru AMP: illegal, inconstitucional, halo Marcha para Trás, hatun governo AMP etc. Komo impotente ona, haruka nia “ mano ain “Dr.JMF atu tama kampu de batalha.

Dr.JMF hatene mo mos dirigentes no militantes, F-Mudansa sira nia luta nia alvo principal maka Mari Alkatiri. La os FRETILIN. Se Dr.MA la okupa kargo Secretario Geral, pratica regras democraticas, signifca rona ema hotu, hakoak ema hotu, halo buat hotu monu ba FRETILIN oan sira tomak, se maka bulak , lakon tempo, energias halo politica kontra Dr.MA hussi 2003 to ohin loron ? FRETILIN maka patrimonio individual Dr.MA nian concerteza hau respeita nia direito de propriedade.

Komo asset ida kolectivo, ema barak terus, sofre, mate, hodi ran no ruin maka sosa, entaun sasan nebe Dr.MA halo la diak, ker dizer la satisfaz ema barak nia expectativa, na kualidade de militante I kuadro do Partido hau iha pleno direito atu expressa hau nia opiniaun hassoru distorsoens ka irregulariedades ka injustisa nebe Dr.MA practica ba FRETILIN nebe lori konsekuencias negativas ba reputasaun da FRETILIN.

Hau la ambiciona ba glorias, nem poderes atu moris hanesan Dr.MA + JMF ke tanto ambiciona de poderes atu ukun 50 anos no Dr.JMF Sec do Estado ka Menistro. O mais importante governante sira ukun di-diak ba, keta lori ameasas kuando governados sira kontraria ho lia fuan hanesan “ leaun toba keta bok” ka tsunami mai hussi foho “ poderes nebe votantes sira fo liu hussi eleisaun, exerce de tal forma, atu kapta simpatia dos mais desgrassados no vulneraveis, halo desenvolvimento atu hamenos pobreza, tau matan ka fo assistencia ba veteranos, orfauns, viuvas mutilados da guerra.

Politica tuir contexto Timor Leste, iha 1 a fase, estrategias ka instrumentos saída maka governu usa atu satisfaz necessidades imediatas dos mais necessitados no mais vulneraveis, hari alicerces fortes da democracia, ker dizer participasaun de todos os componentes iha processo de desenvolvimento socio-economico-politico, hari no halao sistema de justiça ida ke garante ema hotu nia direito no liberdade, tuir lei, projesaun de politica educacional ida reflete realidade Timorense a curto no medio prazo atu Timor oan hotu hetan acessu de ensino ida adekuado ho kualidade ho standard internacional hussi nivel basico, secundario no superior.
Exemplo Singapura, Macau no Hongkong embora fisicamente rai kiik, no laiha recurssos naturais, maibe ukun nain sira lori sira nia matenek, buka oin sa, sira nia povo moris diak no hetan matenek, hodi moris iha prosperiedade nia laran.

Maior asset nasaun ida nian, maka nia povo culto domina sabedoria, technologia, no ciencias iha aspectos diverssos para desenvolvimento no prosperiedade social.

Capital humano constitue factor determinante para prosperiedade de kualker povo em kualquer nasaun. Hau sente triste durante governasaun Dr.Alkatiri la preokupa atu halo investimento bot ba sector “human resources development” . Provas hatudo mo-mos iha Historia Universal, petroleo, gas, ouro, ka outros minerais abundantes hanesan nasoens sira iha Africa, ka Medio Oriente, embora ricos em recurssos minerais, la sai hussi pobreza no miseria. O ke ita assiste iha ekran TV hussi BBC, CNN, Aljazeerah news, conflitos sangretos nebe nunka hotu, tanba, haksesuk malu ba ukun.

Crise de Abril de 2006, nebe Dr.MA ho nia ajudante Sr.Rogerio Lobato, fabrika hodi fahe kilat no forma grupo “eskuadraun de morte “ mais II Congresso da FRETILIN lori kilat ba Congresso laran, exemplo vivo do sistema politico Africano ke Dr.MA a tudo custo hakarak implementa iha Timor Leste. Modelo Africano, democracia so aplica ka serve deit ba detentores dos poderes nia interesses economicos. Usa exercito no sistema judicial atu kondena ka oho ema sira nebe, kontra regime de ditadura no opressaun.

Amigos balu hussi Angola no Mosambike dehan ba hau iha 2003 kona ba hau criticas hassoru Dr.MA “ Sr.Vicente se você estivesse na nossa terra, já tinha sido morto com teus familiars todos. Vocês aqui tem bastante democracia”.

Luta dos militantes na lideransa F-Mudansa, atu FRETILIN ida abrangente, no inclusive, ba nia militantes hotu, lideransa do Partido iha Governo, livres de KKN, no loke espassu ba militantes sira atu expressa sira nia opinioens, ka hato´o kriticas, atu nune’e FRETILIN oan sira sente kontente no felizes, ho sira nia Historia.
Fundamentos lideransa F-Mudansa luta konta MA baseia ba seguintes factos:

1. Depois da Vitoria da FRETILIN no MA sai Primeiro Menistro MA transforma FRETILIN, no governo entidade pessoal hanesan empresa particular; tanba ne’e foti membros do gabinete tuir MA nia gosto sem previa consulta ho CCF (Comite Central da FRETILIN);

2. FRETILIN nia tradisaun historica nebe caracteriza hussi lideransa colectiva no desisaun participativa, transforma ba decisaun pessoal no exclusiva do MA;

3. MA inflexivel ba dialogo iha Partido laran atu buka solusoens ba diversidade de problemas nebe mossu iha Partido laran; MA perito ba conflitos hodi halo konfrontasoens ba ema hotu nebe kontriaria nia vontade;
4. MA impoen uniformizasaun de pensamento ho moda MA nian. Mari maka FRETILIN, FRETILIN maka Mari. Se maka kontra Mari kontra FRETILIN;
5. MA alergico ba kriticas, no buka deit konfrontasoens hanesan meios mais eficaz atu konsolida nia autoridade.

Conclusaun :
1. F-Mudansa kontra Dr.MA por simples razaun. MA Transforma FRETILIN empresa particular do Mari Alkatiri Pty. Ltd.
2. F-Mudansa la iha menima intensaun kontra FRETILIN tanba ami mos FRETILIN;

3. MA lori kapa FRETILIN hodi subar aan metin atu defende crimes no disparates politicos nebe nia komete iha Partido no Governo.

2 a parte;

I. Hau hakfodak ba Dr.JMF nia viragem de posisaun durante loron 3 nia laran. Iha fatin ita bot eskolha duni naran Nakfilak, kapaz duni, nebe coincide duni ho ita bot nia personalidade, constantemente nakfilak. Ora ba laran, ora ba liur, depende anin. Semana ida antes Dr.JMF ho Dr.Arsenio kontacta ami nia membro da Diresaun Nacional hodi buka meios, atu grupo rua tur hamutuk hodi resolve kontradisaun nebe existe.

Dr.JMF mais Arsenio Bano mos konkorda atu obriga Dr.Mari Alkatiri atu resigna hodi fo fatin ba Dr.JMF okupa fali Secretario Geral. Membro hussi F-Mudansa dehan ba ita bot nain rua, katak se se deit maka troka MA ba F-Mudansa la poen em kestaun. O importante lideransa ida akomodativo, komunicativo, koperativo, promove dialogo, buska de solusoens de problemas. Dr.JMF dehan “gampang dehan Maubocy para labele kritica bei-beik ema nia aman ne’e iha jornal, para ami hetan konfiansa hodi hatun MA iha tempo badak”.

II. Dia 23/02/09 Jornal Diario publica Dr.JMF nia artigo nebe relata kona ba hau nia hahalok hussi 1974-79. Pelas 10 horas em diante hau simu telefonemas barak hussi membros da F-Mudansa ho amigos kona ba artigo nebe Dr.JMF hakerek. Pelas 14h00 membros do OJECTIL mais OPJLTIL no maluk balu hussi 12-11-91 hakarak hasoru malu ho hau atu relata mos Dr.JMF nia hahalok politico hussi 1982 mai oin.Total de pessoas nebe mai hasoru hau hakfodak, tanba cerca de 80 pessoas nebe uluk lao hamutuk ho Dr.JMF hodi fo solidariedade ba hau.
Informasoen barak la halimar oi-oin deit. Depois de rona no aponta hotu informasoens hirak, hau tau em grupos no kategorias hodi analisa no examina, ida nebe mais relevante no mais interessante. Sira nebe de natureza pessoal ka difamatoria hau tau ketak tiha.

Rastos da passagem istorika politica do Dr.JMF hussi 1982- 2009

1982-83 :Fontes seguras dehan katak JMF ba Atauro halimar ho dadur sira ho missaun de inteligencia (mauhu);

1989 : Dr.JMF ho Paizito halai ba ailaran hussi acontecimento SMP Paulo VI. Dr.JMF liu fulan 3/4 fila fali mai Dili, enkuanto Paizito desaparecido to oin loron;

1990: Dr.JMF subar ho maluk lubuk ida iha igreja Motael de repente halai ba ailaran ho missaun lori Mau Hodo mai vila. (fontes: maluk sira subar hamutuk);

1991: Dr.JMF entrega Mau Hodo ba inteligencia Indonesia iha subar fatin (Hudi laran) .
Conclusaun

Dr.JMF maka entrega, baseia ba dedusaun logica, dia seguinte Dr.JMF libertado. (fontes :participantes de 12-11-91 no dadur maluk ho Dr.JMF);

1992 : iha Ossu, dadur maluk sira hetan pankadas, Dr.JMF bem estimado e bem tratado (fontes : belum dadur iha Ossu );

1993-:Dr.JMF permanence nafatim iha Vikeke hodi ajuda Dan Yon 405 enkuanto maluk dadur nain 4 fila mai Dili.(fontes: dadur maluk iha Base Camp);

1995 :Miliatares sira halo operasaun ida iha Tokobaru hodi kaer no baku jovens barak. Bainhira Bapak ida atu baku JMF, nia komandante dehan “jangan, itu orang kita” (fontes: sira nebe Bapak kaer no baku);

1995: Ordem ida hussi Komando de luta hussi ailaran atu oho Dr.JMF tanba nia hahalok foer no traisoeira (fontes: dokumento arkivado;);

1995: Fulan Março, Jovens Bairro Pite mais Matadouro ataka Dr.JMF hodi suno nia kareta
Razaun baku Dr.JMF no suno nia kareta tanba simu ossan barak hussi donatores ou hussi
militares sira. 2 a razaun kompanheiros de luta sira sofre no terus, enkuanto Dr.JMF goza a francesa; (fontes: sira nebe suno Dr.JMF nia kareta);

1996: Sr.ida hussi Japaun ho naran Takahesi, baku Dr.JMF besik mate, tanba simu mais de US$ 100.000 la apresenta relatorio. Acontecimento ne’e iha Taibesse.(fontes: hussi testemunhas okulares nain 2); Foin dadauk hau koalia hussi skipe Sr.Takahesi atu konfirma nia dehan:” this man is very bad. Don’t trust him because he is very corrupt “;

1998-99: Halo viagem ba exterior, Japaun atu halo kolesaun de fundos ba OJETIL. Contudo desconhece paradereiros de ajudas nebe Dr.JMF simu. Nem relatorio ida Dr.JMF apresenta to ohin loron;

1999: Dr.JMF iha Portugal halo angariasaun de fundos ba Referendum. Nia promete por via telefonica nia maluk companheiro de luta ho inicial (AC) katak JMF hetan ona fundos suficiente atu halo kampanha de luxo ho viaturas cerca de 100. Fundos nebe Dr.JMF kosseguiu talvez ba nia uso rasik hodi goza iha Portugal.

2000: Novembro Dr.JMF fila mai Timor Leste buka jeito atu hetan fatin ka kadeira. Enkuanto kuadros barak servissu ba Refereundum, Dr.JMF passa ferias iha Portugal.

2001: Dr.JMF mais nia esposa membros da Assembleia Constituinte mais tarde transforma ba Parlamento Nacional. Altura debate kona ba Dr.JMF troka Sr.Bianco, se hau halo intervensaun forte atu trava Dr.JMF talvez Dr.JMF nia naran iliminado. La justo fen ho lain ba hotu Parlamento. Como hau hare Dr.JMF nia oin triste besik tanis no bom kolega hau nia primo saudoso Mau Hodo, hau nonok deit la halo comentario kontra. Se hau maka kontra makas, Dr. MA suporta i Presidente Lu Olo la iha argumentos forte atu suporta fen ho lain. Debate candidatura Dr.JMF ba Parlamento maka ba votasaun Dr.JMF lakon.

2005: Dr.JMF sai Secretario do Estado da Juventude I Desporto. Dala ida hau hetan Dr.JMF hau dehan ba nia atu ajuda nia maun Agostinho (saudoso) hau nia kolega prisaun. Hau insiste mais tarde nia ajuda duni. Hau dehan “Dr.MA suporta nia familia malorek hela deit. Nusa o la buka jeito ba o nia maun. Nia moras no iha enkargos familiares”.

2006 : Abril em diante Dr.JMF envolve no suporta konfrontasoens arte marciais no issue “loro monu versus loro sae” Saudoso Agostino Dr.JMF nia maun iha meados de 2007 dehan ba hau nune’e:” Aze sira depois de dudu tiha labarik sira halo asneiras, la tau matan, todan mai hotu hau”.

2006: Em plena demonstrasoens fulan Abril Dr.JMF dehan ba nia kolegas OJETIL: “la kleur arabe katik ona hussi Primerio Menistro”. Los duni depois de fulan 2 Dr.MA tun duni.

2007: Setembro Dr.JMF dehan ba nia maluk sira nebe uluk ransu malu nune’e: “ ita hotu iha uma lulik no lisan. Hau nian iha Fatuberliu. Arabe nian iha nebe? Ita buka meios atu hasai tiha “.

2008:Portuguese 2 mais Brasileiros 2 mai Timor Leste, kontacta ho membro OJETIL ida uluk iha Portugal dehan katak sira fo osan barak ba Dr.JMF ba kasu 12-11-91. Sira prontos atu apresenta evidencias atu kondena Dr.JMF iha Tribunal.

Koklusaun :

i. Teto no sukat Dr.JMF nia pekadus barak no grave tebe-tebes;

ii. Dr.JMF nia personalidade politica, caracteriza ho defeitos de malvadez, egoismo exagerado, avarento, no komete disparates bara-barak lamentaveis;

iii. La iha sentido de responsabilidade; +mais importante Dr.JMF hetan diak, ke os outros se lixem.

3ª parte:

Hau gosta klarifica deit infomasaun nebe Dr.Mari Alkatiri fo ba Dr.JMF kona ba osan $5.000.00 nia istoria articulado ho antecedents (background) para leitores sira komprende:

Dr.MA hussi anos 80 no fins de 90, Dr.MA nia influencia politica iha Frente diplomatica bele dehan zero.

Husi 1981, Abilio Araujo maka Secretario Geral iha estrutura CRRN (Conslho Revolucionario da Resistencia Nacional (Xanana: Timor Leste, Um Povo, uma Patria (pagina:96) i 1985 altura do Reajustamento Estrutural da Resistencia, Abilio Araujo maka kontinua chefia FRETILIN I Dr.MA kontinua 2ª pessoa, ke la iha peso no influencia politica iha exterior.

Ano 90 kuando mossu CNRM, Ramos Horta maka sai representante especial, Xanana iha liur, Dr.MA sente mais desesperado tanba doadores antigamente suporta FRETILIN, Ramos Horta rakut mos.

Pior liu tan iha encontro do Conselho Central da FRETILI iha fatin, Pousada da Juventude, Lorinhã (Peniche - Portugal) Dr.MA maka organiza buat hot-hotu, hasai nia osan rasik halo despesa hotu, ho objectivo atu hetan kadeira da chefia da FRETILIN: Depois de varias discusoens mais debate no ba votasaun Dr.MA lakon, José Luis maka manang votasaun hodi troka Dr.Abilio Araujo.

Rumores ka má lingua dehan Dr.MA tanis fulan ida nia laran tanba hetan derrota I la koalia ho José Luis tempo naruk.

Baseia ba frustrasaun no derrota politica nebe Dr.MA sofre continuamente, maka tenta buka dalan atu lori sai Hodo ka Huno atu suporta MA no halo balanso ba Ramos Horta iha exterior. Nune’e Borge Fereira koalia ho hau se hau brani tama Timor Leste atu lori sai Hodo. Hau dehan pronto mas precisa trata passaporte. Komo governo Australiano garante tiha ona refugee status hau elegivel ona passaporte de refugiado nune’e halo viagem Darwin-Singapura-Batang ho $5.000.00. La hatene ossan ne’e, FRETILIN nian ka Dr.MA nian. To iha Batang emigrasaun komesa litik hau ho perguntas oi-oin hanesan: “dari Timor Timur ya? Manusia perahu etc.
Hatama hau iha kuarto ida, dader tuku 7.00 to lorokraik 5.00 horas. Depois de prolongada negociasaun, ho magia do poder de uang roko $600.00 ba official nain 3 maka sira autoriza fila fali ba Singapura ho Fery. Depois de loron 2 iha Singapura maka kontinua ba Darwin. Osan la gasta hotu no valor de $2.000.00 fo fila fali ba Camarada Borge Fereira. Tempo nebe gasta ba viagem ao todo 6 dias.

Aspectos mais importante iha pasagem ne’e maka:

a. Hau demonstra lealdade ba superior no ba FRETILIN no kumpre duni orientasoens no assume riskos. Hau sai duni hussi fatin, embora la iha sucesso;

b. Se operasaun ne’e maka sucesso karik, saída maka Dr.MA nia reasaun?

c. Se operasaun ne’e maka hau mate karik Dr.MA responsabiliza? Hau la fiar. Crise de 2006 demonstra ona hussi evidencias, Dr.MA um lider “ cobarde instrumentalista”.

Em relasaun ho saudosos Anibal mais Leopoldo; Dr.JMF ita bot mos sai ona prisioneiro. Maluk sira nebe lakon, ita bot nia kulpa? Ita bot maka oho? Por exemplo Paizito nebe ita bot nain rua ba hamutuk ailaran. Oras ne’e iha nebe ona? Saudosos Anibal mais Leopoldo eram kuadros seniors da FRETILIN kompara ho hau, kuadro inferior ke la vale buat ida. Comportamentos de cada individuo ho akusasoens externais maka determina prisioneiro ida nia moris ka mate iha inimigo nia liman.

Nune’e duni Dr.JMF nia inkerito no julgamento iha Jornal Diario karece de fundamento no validasaun.

Em relasaun ho ofensivas dos militares ba Base de Apoio iha Matebian, Dr.JMF nia conhecimento ba funo fraku tebes duni. Inimigo nia missaun no objectivo maka destruisaun total das bases das FALINTIL. Ida ne’e la os novidade. Informasaun em cada dia, militares Indonesios recolha hussi ema barak nebe rende ka kaptura.

Kona kilat G3 ho munisoens no ho granadas 3 inimigo kaptura, iha funo laran normal. Militares indonesios sira hasai hussi FALINTIL no vice-verssa. Hau bele tiro sira no oho barak altura neba. Mas hau hanoin kosekuencias ba populasoens. Nune’e duni hau halai, sira duni hau, la konssegue kaer tanba hau salta precipicio naruk ida, no kossegue eskapa. Altura neba hau pronto atu mate. Talvez mate sei dauk to DrJMF.

Por ultimo,:

Dr.JMF +Dr.MA: Talvez Matebian no Maromak poupa hau nia vida atu trava batalha politica ho Dr.JMF ho nia patraun Dr.MA atu labele ukun mais periodo ida tan lori kapa FRETILIN.

Hau ho Camaradas hussi F-Mudansa, mais maun Xanana, mais parceiros politicos iha AMP, ami halo viragem politica bot iha Historia de Timor Leste 30/06/07 hodi derrota kategoricamente o grande “ditador” Dr.MA nebe subar aan metin iha Partido Historico nia laran;

Dr.JMF+Dr.MA : ita bot nain rua devia hussu ba imi nia aan” tan sa hetan derrota eleitoral? Tan sa votantes barak 150.000 halai ses hussi imi? Será vantajoso mais útil kontinua ho konfrontasoens? Será Dr.MA nia figura sei relevante ka simpatico atu koonduz Vitoria ba eleisaun 2012?

*Artigu ne' e hatun iha Jornal Diario (JND, 23/02)!

1 comentário:

  1. Maluk sira,

    Bele hare resposta Maubocy nian ba artigo Jose Manuel nian iha Forum Haksesuk.
    http://forum- haksesuk. blogspot. com/search? q

    Raul Camilo Casanova


    Karik ita bele kompara luta entre Mari Alkatiri ho Maubocy hanesan funu ida karik, Mari Alkatiri serkadu tiha ona husi Maubocy. Atu ses husi serku Maubocy nian, Mari Alkatiri husu tulun ba Filomena Almeida (FA) ho Jose Manuel Fernades (JMF) hodi desvia atensaun Maubocy nian hodi nia bele eskapa husi serku Maubocy nian. Artigo FA ho JMF nian hanesan estratejia ida hodi desvia atensaun ema hotu nia husi Alkatiri, maibe la konsegue. Bele dehan FA ho JMF nian kilat musan la iha. Maucovy seidauk hatan ba FA, parece nia la precisa hatan, tanba ema seluk desarma tiha ona FA ninia tese oioin nebe dehan Alkatiri mak hanesan buat hotuhotu ba Fretilin e nia mak luta ba unidade nacional. JMF rasik tanba kilat musan la iha, Maubocy la'os bomba tasak nian de'it, maibe bomba to'o nia patraun Alkatiri hotu, nebe la konsegue eskapa nafatin husi serku Maubocy nian.

    Lia los hahu mosu dadaun ona kona ba envolvimentu JMF nian iha funu ho serbisu ho TNI sira. Maubocy hatan ho klaru tebes ba kestionariu hirak nebe JMF. JMF halo investigasaun, tuir nia dehan, iha fulan rua resin nia laran, aprezenta lista badak ida kona ba Maubocy ninia actividades iha funu laran. Maubocy lori semanas de'it, hetan lista naruk boot ida kona ba JMF ninia lala'ok iha funu laran. Karik Maubocy halo investigasaun lori fulan rua resin ou fulan nen hanesan JMF halo, hau fiar katak Maubocy nia lista bele naruk liu tan kona ba actividades JMF nian nebe nakfilak ka fila an ba mai entre ukun an ho integrasaun.

    Maubocy nia artigo mai konfirma mos buat barak nebe hau hakerek uluk ona kona ba JMF nia hahalok iha funu laran. Ne signifika ema barak hatene JMF ninia hahalok ho lala'ok hanesan duni buat nebe hau ho Maubocy hakerek. Enkuantu buat nebe JMF hakerek kona ba Maubocy la iha tan ema ruma hodi reforsa, neduni, akuzasaun oioin nebe nia halo ba Maubocy duvidoso tebes.

    Maubocy iha korajem esklarese hotu kedas JMF ninia questionariu. Agora ita hein JMF ninia eksplikasaun fali kona ba buat hirak nebe hau koloka ba nian atu responde, nune mos akuzasaun oioin nebe Maubocy halo ba nian.

    Durante ne Fretilin buka ataka ema sira uluk defende autonomia, maibe ema revolucionario sira nebe dehan defende ukun an, balu aat liu fali ema sira otonomi. Ema sira otonomi defende sira nia principio to'o lakon iha referendum i sira rekuinese sira nia derrota demokratikamente e fo liman ba ema nacionalistas sira atu serbisu hamutuk iha Timor foun, Timor independente. Ne hau refere ba ex-otonomi sira nebe agora serbisu iha Timor e hela iha Indonesia mos la halo problema ruma tan ho Timor. Enkuantu iha Fretilin, balu mai proklama an nudar ema revolucionario boot e koalia teoria rebo-rebo kona ba revolusaun ho revolusionario, maibe iha pratika, oportunista boot ho hipokrita boot ida.

    Naran Nakfilak, fila an ba mai diak hela. Hamutuk ho TNI sira mos diak, e hamutuk ho resistencia mos diak. Buka ke ema seluk nia aat ho sala, maibe ke fali ninia ain rasik.

    Uluk kedas ami rona JMF ninia serbisu hanesan hau ho Maubocu hakerek ne, maibe ami lakohi isola e halo repressaun ba nian hodi evita labele sai hanesan Eurico Guterres. Eurico ninia familia tomak Fretilin, nia aman Falintil e TNI sira mak oho. Euriku foufoun envolve iha klandestina, no ema ida preparado atu tiru Suhartu kunadu ditador ne visita mai iha Timor iha 1996 karik la sala. TNI sira deskobre nian e kaer nia sulan iha kadeia. Sai husi kadeia, maluk nacionalistas hotu isola nian tanba dehan nia serbisu ona ho intel sira. Tanba isolamentu ne halo Eurico stress, entaun TNI sira mos aproveita diak hodi halo nian sai radikal tiha hodi persegue fali ema nacionalistas seluk hanesan ita hotu hatene ona. Se iha tempo neba mak isola JMF bele sai aat liu tan, JMF bele sai pior liu Eurico, tanba ninia iha ligasaun ho militar boot sira de'it e kaer mos projektus oioin nebe militar ho autoridade sira Indonesia fo ba nian. Ninia politika hanesan ninia naran rasik, nakfilak ba mai. Ninia politika depende ba anin, anin hu ba nebe nia iha neba, dala ruma ba TNI sira dala ruma mai fali iha resistencia.

    Iha tempo ida nia iha ambisaun boot tebes, hakarak sai Frente Klandestina nia boot. Karik Xanana fiar e fo duni ba nia mak kaer, ita la hatene los nia atu lori klandestina ba nebe. Xanana hatene ninia manobras ho jogo foer sira iha vila laran, neduni Xanana la fo fiar ba nian, maibe fo tiha fali ba Terus, Constancio Pinto mak sai sekretario Frente Klandestina nian. Nia sai frustrado boot, depois de Donanciano Gomes sai ba Portugal, nia buka hakbesik an ba Warou ho Kopassus sira halo buat nebe ema hotu hatene ona. Balu mak Maubocu hakerek sai ona. Hein ema hotu bele fo nia testemunho kona ba JMF ninia hahalok hodi lia los ne iha duni.

    Durante sai sekretario Estadu desporto ho Juventude mos la halo buat ida. La iha projektu ruma hodi desenvolve jovens sira. Kuando mosu krizi 2006 nebe envolve jovens barak iha laran, nia la hatene halo buat ruma hodi akalma ou halo dame jovem sira. Loron kalan mak ba hela Alkatiri nia fatin, la interesse ho jovens sira nian bem estar. Ema ida atu trata de'it assunto desporto ho Juventude de'it mos la iha kapasidade ona, oin-sa mak bele sai sekretario-geral Fretilin nian e bele sai PM? Karik buat hirak Maubocy hakerek kona ba desvia osan ka halo korrupsaun iha tempo resistencia ne los, entaun perigoso liu tan kuandu nia sai sekretario geral ou okupa pozisaun publika ruma bele nauk hotu povo nia osan.

    Pratika nepotismo mos makaas, hanesan nia ho nia kaben sai deputados hotu, la iha tan deputadus seluk mak fen ho lai tama hotu ba Parlamento. Hanesan lolos iha Fretilin la iha ema ona, neduni fen ho la'in ba tuur matan lakan hotu iha Parlamento hodi simu povo nia osan, e taka ibun metin to'o sai fali husi Parlamento.

    Ema sira kritika KKN makaas, sira rasik duni mak pratika ida ne.

    Obrigado wa'in

    Raul Camilo Casanova

    Nota: Karik Editores Forum Haksesuk hakarak tau komentariu ne'e iha artigo Maubocy nia okos bele tau.

    ResponderEliminar

Nota: só um membro deste blogue pode publicar um comentário.