Filipe Rodriguês Pereira
Polemika provolta embaixador Timor-Leste ba’a Indonesia ninia rezonansia sidauk kotu iha mediun-elit politiku nasaun ne’e. Polemika ne’e ninia rezonansia sidauk kotu tamba diplomatikamente Indonesia sidauk fo’o resposta ba’a governu Timor-Leste nia proposta. Maibe ida ne’e la’os razaun atu hanaruk polemika kona kazu ne’e. Sei furak liu wainhira depois de hatene katak governantes nasaun ne’e propoin ona Ir. Manuel Serrano atu ba sai futuru embaixador Timor-Leste iha Indonesia maka mediun-elit politika sira presiza hatene tau a’an atu kazu ne’e la sai bo’ot no naruk ba nafatin.
Hanesan informasaun nebe’e maka sei namlekar nafatin iha mediun-politikus sira nia let nebe’e dehan katak iha posiblidade forte Hermenegildo Kupa mak sei ba’a sai futuru embaixador Timor-Leste iha Indonesia . Hakerek’nain hare, informasaun hirak hanesan ne’e bele babeur sosiadade nasaun ne’e. Bele babeur ita tomak tamba nudar ita hotu hatene, Ir. Serrano nia naran mak governantes Timor-Leste propoin ona ba’a governu no estadu Indonesia atu husu aseitasaun, la’os Hermenegildo Kupa nia naran.
Hases-a’an (terlepas) husi isu oi-oin nebe’e babula publiku li-liu babula mediun-elit politiku sira kona ba’a prosesu de indikasaun Ir. Serrano ba embaixador, por ezemplu isu nepotismu, back round politika tempu pasadu no sel-seluk tan, maibe buat ida mak ita hotu presiza atu konsidera mos katak ita sei la bele lori ulun hodi ba’a choke prosedur no estrutura universal nebe’e existe iha nasoins barak kona ba’a prosedur diplomasia entres nasaun. Hakerek’nain hakarak dehan katak, governu no estadu Timor-Leste sei la haruka naran seluk tan ba’a Indonesia wainhira governu no estadu Indonesia sidauk fo’o resposta kona ba proposta Timor-Leste nian nebe’e haruka tiha ona Ir. Serrano nia naran. Governantes nasaun ne’e mos sei la halo kanselamentu ba’a naran nebe’e mak sira haruka ona hodi troka ho naran seluk, tamba wainhira governantes sira hakansela naran nebe’e sira rasik propoin tiha ona maka sira rasik hatun sira nia dignidade. Bazeia ba’a kondisaun ne’e maka Hakerek’nain hakarak dehan katak difisil wainhira iha mediun-politiku sira balun nebe’e to’o oras ne’e sei buka hakas a’an nafatin atu dudu Hermenegildo Kupa mak atu ba sai futuru embaixador Timor-Leste iha Indonesia .
Tuir publikasaun nebe’e mak publik simu tempu liu ba katak Hermenegildo Kupa mak atu ba troka Ir. Ovidio de Jesus nudar embaixador. Kupa ninia deklarasaun iha media nebe’e dehan Ministro Zacarias Albano haruka naran Ir. Serrano nian ba Indonesia sem iha conhecimento husi Primeiro Ministro bele hamosu ‘konflitus’ entre Kupa ho PM ou entre Kupa ho PR Horta. Deklarasaun Kupa nian ne’e inderektu bele hamosu interpretasaun katak Kupa halo presaun ba PM, Xanana e dalaruma bele choke mos Presidente Ramos-Horta. Tamba imposivel nudar PM, Xanana la iha conhecimento ba desizaun ne’e. Maibe Kupa nia deklarasaun bele mos hamosu interpretasaun ba publiku katak PM, Xanana terpaksa aseita kandidatura no planu nomeiasaun ba Ir. Serrano nebe’e mai husi PR Horta. Maski dalaruma planu de nomeiasaun mai husi PR maibe ikus mai publiku tenki buka atu aseita katak desizaun kona ba’a embaixador ida sempre iha conhecimento husi governu no estadu, inklui mos conhecimentu husi topu lideransa partidus AMP nian nebe’e mak ka’er lesuk ukun iha governu aktual ne’e. Embaixador ida sei hala'o ninia k'nar ho kudeik, la ho maksimu wainhira la iha aseitasaun politika ida luan husi lideransa governu no estadu Timor-Leste.
Relasiona ho prosesu hili no foti embaixador, ita hotu hatene katak pozisaun embaixador fatin ida importante teb-tebes. Embaixador alem de reprezenta soberania nasaun iha nasaun distinu, representa mos personalidade Presidente da Republika. Tamba ne’e hot-hotu, inklui mos governantes sira presiza tau iha hanoin katak embaixador la’os pozisaun hodi kura insatisfasaun politika ba individu ka figura ruma nebe’e ‘moris bili-bala’ iha sosiadade nia laran. Pozisaun embaixador mos la’os fatin hodi atu so’e pensiunista ka eis nai-ulun sira ba’a iha pozisaun ne’e, maibe pozisaun embaixador sai nudar pozisaun ida ho ninia honra a’as. Aktu husi governantes balun nasaun ne’e nian hodi konsidera pozisaun embaixador sai nudar fatin so’e todan (buang sial) mak hanesan akontese fulan hirak liu ba’a, hili no haruka eis-ministru sira hodi asumi kargu nudar embaixador ba nasaun seluk maibe teki-teki tenki bolu fila ho razoins nebe’e dehan katak embaixador hirak ne’e hala’o servisu la diak.
Embaixador nudar pozisaun ida politikamente signifikante iha nasaun distinu, embaixador la’os deit atu reprezentan soberania nasaun no estadu maibe embaixador ida tenki sai mos nudar pilotu nebe’e komanda diplomasia, tamba ne’e mak sei la sufisiente wainhira hili individu ida atu ba sai deit nudar representante seberania nasaun no estadu, maibe presiza escolha individu ida nebe’e mak iha mos konhecimentu politika ida bo’ot no luan kona ba servisus diplomatika.
Relasiona ho pratika atu kandidata individu ida sai nudar embaixador, nasaun barak hili individu ida ba kargu nebe’e refere hare husi parte rua, pozisaun politika no kareira. Pozisaun politika dala barak governantes sira hili individu nebe’e mak besik no iha ligasaun diak ho governantes sira. Pozisaun kareira hili no foti embaixador ida hare husi diplomatas nebe’e mak iha record diak. Iha Timor-Leste prezente no tinan badak ba oin nebe’e mak sei mai ita bele hare katak embaixador barak liu mak sei mai husi pozisaun politika tamba, iha MNEC oras ne’e dadaun falta no menus teb-tebes rekursu humanu. Ita bele hare katak lalika atu foti embaixador ida tuir kareira, maibe atu nomeia deit diplomatas nebe’e mak iha conhecimentu politika diak no luan iha embaixada Timor-Leste ba nasaun seluk mos MNEC menus teb-tebes ho rekursu humanu. Tamba mos faktores de rekursu humanu maka kondisaun aktual hatudu iha ita nia embaixada balun, diplomatas sira barak liu mak hala’o servisu administrasaun no finansas duke hala’o servisu nudar diplomata. Iha staff lokais nebe’e mak bele hala’o servisu administrasaun no finansas. Diplomatas ninia funsaun importantes mak hala’o lobby iha area hot-hotu hodi fo’o kontribuisaun ba intereses politika, ekonomika, sosial no sel-seluk tan ba nasaun Timor-Leste. Sa’a tan, sai tiha ona diplomatas nebe’e mak kuaze todos tempus hala’o servisus administrasaun no finansas iha embaixada no iha ao mesmo tempo sai mos universitariu. Ho kondisaun ida nune’e, bain hira mak diplomata ida buka atu bele hala’o ninia k’nar lolos?!
Iha mos fenomena nebe’e mak ladun furak ba publiku atu asiste hanesan, se wainhira la tetu ho tasak hodi hili individu ida atu sai nudar embaixador, maka por sem querrer governantes bele prega kondisaun ‘inkompetensia estrutural’ ba embaixador ida hodi hala’o ninia servisu iha embaixada nebe’e mak embaixador ne’e lidera. Ezemplu embaixador Ovidio nian iha Jakarta hatudu sai oituan ba publiku katak embaixador Ovidio la konsege foti policy atu obriga diplomatas sira hakruk ba estrutura nebe’e iha. Mosu aktu indisiplinadas nebe’e mak la furak atu publiku asiste tamba iha diplomatas sira balun sinti a’an katak sira ema/kader husi partidu nebe’e mak agora dadaun ka’er ukun, no embaixador ida nebe’e mak sinti a’an la mai husi partidu nebe’e kaer ukun rezulta ‘inkopetensia estruktural’ ba embaixador atu hola medidas ba aktu insubordinasaun nebe’e mak dalaruma diplomatas sira halo. Aktu insubordinasaun husi diplomatas ba’a embaixador hanesan, mai servisu tuku 10.00 fila ba uma tuku 3 lokraik, semu ba-mai Timor-Leste no hela to’o fulan konforme diplomata ida nia hakarak, maibe embaixador la iha k’bit politika atu hadia aktu insubordinasaun nebe’e mak mosu iha estrutura nebe’e embaixador lidera. Embaixador la iha korajem tamba tauk hola sala medidas ba ema/kader partidu nia sei bele simu Recall Letter husi governantes sira.
Bazeia ba’a hanoin nebe’e mensiona iha artigu ne'e nia laran, ita tomak espera katak governantes no futuru embaixadores sira iha esperitu buka atu hadia maksalak nebe’e mak mosu iha areas diplomasia nebe’e mak durante ne’e moris no buras iha estruturasaun governo no estadu. Ita hein.. ***End***
Polemika provolta embaixador Timor-Leste ba’a Indonesia ninia rezonansia sidauk kotu iha mediun-elit politiku nasaun ne’e. Polemika ne’e ninia rezonansia sidauk kotu tamba diplomatikamente Indonesia sidauk fo’o resposta ba’a governu Timor-Leste nia proposta. Maibe ida ne’e la’os razaun atu hanaruk polemika kona kazu ne’e. Sei furak liu wainhira depois de hatene katak governantes nasaun ne’e propoin ona Ir. Manuel Serrano atu ba sai futuru embaixador Timor-Leste iha Indonesia maka mediun-elit politika sira presiza hatene tau a’an atu kazu ne’e la sai bo’ot no naruk ba nafatin.
Hanesan informasaun nebe’e maka sei namlekar nafatin iha mediun-politikus sira nia let nebe’e dehan katak iha posiblidade forte Hermenegildo Kupa mak sei ba’a sai futuru embaixador Timor-Leste iha Indonesia . Hakerek’nain hare, informasaun hirak hanesan ne’e bele babeur sosiadade nasaun ne’e. Bele babeur ita tomak tamba nudar ita hotu hatene, Ir. Serrano nia naran mak governantes Timor-Leste propoin ona ba’a governu no estadu Indonesia atu husu aseitasaun, la’os Hermenegildo Kupa nia naran.
Hases-a’an (terlepas) husi isu oi-oin nebe’e babula publiku li-liu babula mediun-elit politiku sira kona ba’a prosesu de indikasaun Ir. Serrano ba embaixador, por ezemplu isu nepotismu, back round politika tempu pasadu no sel-seluk tan, maibe buat ida mak ita hotu presiza atu konsidera mos katak ita sei la bele lori ulun hodi ba’a choke prosedur no estrutura universal nebe’e existe iha nasoins barak kona ba’a prosedur diplomasia entres nasaun. Hakerek’nain hakarak dehan katak, governu no estadu Timor-Leste sei la haruka naran seluk tan ba’a Indonesia wainhira governu no estadu Indonesia sidauk fo’o resposta kona ba proposta Timor-Leste nian nebe’e haruka tiha ona Ir. Serrano nia naran. Governantes nasaun ne’e mos sei la halo kanselamentu ba’a naran nebe’e mak sira haruka ona hodi troka ho naran seluk, tamba wainhira governantes sira hakansela naran nebe’e sira rasik propoin tiha ona maka sira rasik hatun sira nia dignidade. Bazeia ba’a kondisaun ne’e maka Hakerek’nain hakarak dehan katak difisil wainhira iha mediun-politiku sira balun nebe’e to’o oras ne’e sei buka hakas a’an nafatin atu dudu Hermenegildo Kupa mak atu ba sai futuru embaixador Timor-Leste iha Indonesia .
Tuir publikasaun nebe’e mak publik simu tempu liu ba katak Hermenegildo Kupa mak atu ba troka Ir. Ovidio de Jesus nudar embaixador. Kupa ninia deklarasaun iha media nebe’e dehan Ministro Zacarias Albano haruka naran Ir. Serrano nian ba Indonesia sem iha conhecimento husi Primeiro Ministro bele hamosu ‘konflitus’ entre Kupa ho PM ou entre Kupa ho PR Horta. Deklarasaun Kupa nian ne’e inderektu bele hamosu interpretasaun katak Kupa halo presaun ba PM, Xanana e dalaruma bele choke mos Presidente Ramos-Horta. Tamba imposivel nudar PM, Xanana la iha conhecimento ba desizaun ne’e. Maibe Kupa nia deklarasaun bele mos hamosu interpretasaun ba publiku katak PM, Xanana terpaksa aseita kandidatura no planu nomeiasaun ba Ir. Serrano nebe’e mai husi PR Horta. Maski dalaruma planu de nomeiasaun mai husi PR maibe ikus mai publiku tenki buka atu aseita katak desizaun kona ba’a embaixador ida sempre iha conhecimento husi governu no estadu, inklui mos conhecimentu husi topu lideransa partidus AMP nian nebe’e mak ka’er lesuk ukun iha governu aktual ne’e. Embaixador ida sei hala'o ninia k'nar ho kudeik, la ho maksimu wainhira la iha aseitasaun politika ida luan husi lideransa governu no estadu Timor-Leste.
Relasiona ho prosesu hili no foti embaixador, ita hotu hatene katak pozisaun embaixador fatin ida importante teb-tebes. Embaixador alem de reprezenta soberania nasaun iha nasaun distinu, representa mos personalidade Presidente da Republika. Tamba ne’e hot-hotu, inklui mos governantes sira presiza tau iha hanoin katak embaixador la’os pozisaun hodi kura insatisfasaun politika ba individu ka figura ruma nebe’e ‘moris bili-bala’ iha sosiadade nia laran. Pozisaun embaixador mos la’os fatin hodi atu so’e pensiunista ka eis nai-ulun sira ba’a iha pozisaun ne’e, maibe pozisaun embaixador sai nudar pozisaun ida ho ninia honra a’as. Aktu husi governantes balun nasaun ne’e nian hodi konsidera pozisaun embaixador sai nudar fatin so’e todan (buang sial) mak hanesan akontese fulan hirak liu ba’a, hili no haruka eis-ministru sira hodi asumi kargu nudar embaixador ba nasaun seluk maibe teki-teki tenki bolu fila ho razoins nebe’e dehan katak embaixador hirak ne’e hala’o servisu la diak.
Embaixador nudar pozisaun ida politikamente signifikante iha nasaun distinu, embaixador la’os deit atu reprezentan soberania nasaun no estadu maibe embaixador ida tenki sai mos nudar pilotu nebe’e komanda diplomasia, tamba ne’e mak sei la sufisiente wainhira hili individu ida atu ba sai deit nudar representante seberania nasaun no estadu, maibe presiza escolha individu ida nebe’e mak iha mos konhecimentu politika ida bo’ot no luan kona ba servisus diplomatika.
Relasiona ho pratika atu kandidata individu ida sai nudar embaixador, nasaun barak hili individu ida ba kargu nebe’e refere hare husi parte rua, pozisaun politika no kareira. Pozisaun politika dala barak governantes sira hili individu nebe’e mak besik no iha ligasaun diak ho governantes sira. Pozisaun kareira hili no foti embaixador ida hare husi diplomatas nebe’e mak iha record diak. Iha Timor-Leste prezente no tinan badak ba oin nebe’e mak sei mai ita bele hare katak embaixador barak liu mak sei mai husi pozisaun politika tamba, iha MNEC oras ne’e dadaun falta no menus teb-tebes rekursu humanu. Ita bele hare katak lalika atu foti embaixador ida tuir kareira, maibe atu nomeia deit diplomatas nebe’e mak iha conhecimentu politika diak no luan iha embaixada Timor-Leste ba nasaun seluk mos MNEC menus teb-tebes ho rekursu humanu. Tamba mos faktores de rekursu humanu maka kondisaun aktual hatudu iha ita nia embaixada balun, diplomatas sira barak liu mak hala’o servisu administrasaun no finansas duke hala’o servisu nudar diplomata. Iha staff lokais nebe’e mak bele hala’o servisu administrasaun no finansas. Diplomatas ninia funsaun importantes mak hala’o lobby iha area hot-hotu hodi fo’o kontribuisaun ba intereses politika, ekonomika, sosial no sel-seluk tan ba nasaun Timor-Leste. Sa’a tan, sai tiha ona diplomatas nebe’e mak kuaze todos tempus hala’o servisus administrasaun no finansas iha embaixada no iha ao mesmo tempo sai mos universitariu. Ho kondisaun ida nune’e, bain hira mak diplomata ida buka atu bele hala’o ninia k’nar lolos?!
Iha mos fenomena nebe’e mak ladun furak ba publiku atu asiste hanesan, se wainhira la tetu ho tasak hodi hili individu ida atu sai nudar embaixador, maka por sem querrer governantes bele prega kondisaun ‘inkompetensia estrutural’ ba embaixador ida hodi hala’o ninia servisu iha embaixada nebe’e mak embaixador ne’e lidera. Ezemplu embaixador Ovidio nian iha Jakarta hatudu sai oituan ba publiku katak embaixador Ovidio la konsege foti policy atu obriga diplomatas sira hakruk ba estrutura nebe’e iha. Mosu aktu indisiplinadas nebe’e mak la furak atu publiku asiste tamba iha diplomatas sira balun sinti a’an katak sira ema/kader husi partidu nebe’e mak agora dadaun ka’er ukun, no embaixador ida nebe’e mak sinti a’an la mai husi partidu nebe’e kaer ukun rezulta ‘inkopetensia estruktural’ ba embaixador atu hola medidas ba aktu insubordinasaun nebe’e mak dalaruma diplomatas sira halo. Aktu insubordinasaun husi diplomatas ba’a embaixador hanesan, mai servisu tuku 10.00 fila ba uma tuku 3 lokraik, semu ba-mai Timor-Leste no hela to’o fulan konforme diplomata ida nia hakarak, maibe embaixador la iha k’bit politika atu hadia aktu insubordinasaun nebe’e mak mosu iha estrutura nebe’e embaixador lidera. Embaixador la iha korajem tamba tauk hola sala medidas ba ema/kader partidu nia sei bele simu Recall Letter husi governantes sira.
Bazeia ba’a hanoin nebe’e mensiona iha artigu ne'e nia laran, ita tomak espera katak governantes no futuru embaixadores sira iha esperitu buka atu hadia maksalak nebe’e mak mosu iha areas diplomasia nebe’e mak durante ne’e moris no buras iha estruturasaun governo no estadu. Ita hein.. ***End***
Sem comentários:
Enviar um comentário
Nota: só um membro deste blogue pode publicar um comentário.