Bodik ba Luis Pereira,
Estudante Timor oan nebe dadaun ne´e hala'o hela estudo iha rai Malaysia no nudar Bolseiro husi PETRONAS. Nebe iha ninia e-mail tatoli mai editores Forum Haksesuk (FH), hakarak fo hatene deit ba Belun Luís Pereira katak:
1. Informasaun konaba Bolsa PETRONAS nian ba Timor oan no FH hatun notisia ne´e foti husi sumber ka fontes jornal sira Timor nian hanesan: Timor Post, STL i Jornal Nacional Diário maka hatun iha edisaun (20/01).
2. Procesu selesaun ba Bolsa mos FH hatun tamba jornal Timor nian sira ne´e hetan fontes husi duni Embaixada Malaysia nian no sumber husi PETRONAS.
3. Mari Alkatiri rasik nudar eis-PM iha I Governu Konstitucional nian mos rekonyece direkta i indirektamente katak iha duni favorecimentu ba militante Fretilin sira nia família. Tuir Mari Alkatiri dehan nune: ”iha kandidatu nain 5 nebe ba eskola iha mos membru líder Fretilin balun nia família”. Haktuir tan Mari Alkatiri, ema balun maka tuur hela iha neba, tamba responsável ida husi distritu maka tau fali família tama ba laran, hau tenta duni atu kontrola buat nee, maibe ema liu tiha ona ba eskola, tenik Mari Alkatiri (Timor Post, STL i JN ( 20/01/2009)”.
4. Tuir fontes ka sumber FH iha ANP (Autoridade Nacional Petróleo) mos konfirma katak “sira hetan Bolsa estudo ba PETRONAS ne´e iha grupos 2, hamutuk ema nain 8. Grupo ida, tuir selesaun nebe preenche duni kriterius cientfiku i akademiku no grupo seluk titipan politik”. Hatutan, “nain 5 tuir teste nebe preenche duni kriteriu akademiku i cientifiku no nain 3 titipan husi eis-PM Mari Alkatiri”. Dehan tan fonte FH nian iha ANP, “konfirma ba noticias sira nebe maka jornal nasional sira koalia katak Mari Alkatiri iha biban neba dehan Embaixador Malaysia no representante husi PETRONAS katak se nain 3 la ba, hotu-hotu la ba eskola. Ikus mai ba nain 8 duni”.
5. Se belun Luís Pereira ninia reasaun tamba pertence ba grupo ida nain 5 ne´e, tamba liu husi seleksi no preenche kriterius akademiku i cientifiku. Sira titipan maka se-se?
6. Iha duni favorecimentu ka lae konaba bolsa PETRONAS nian, maibe iha ne´e ita husu maka ne´e: Bolsa PETRONAS nian mosu tamba iha biban nebe maka debate konaba politika nasional konaba OGE2009 (Orçamento Geral Estado 2009). Husi bankada Fretilin maka foti konaba bolsa tamba sira detekta irregularidade iha processu Bolsa ba iha liur. Ikus mai mosu fali bolsa PETRONAS nian. Semana oin maka foin atu tama ba iha debate OGE2009 especialidade iha departemento eduksaun nian, hein katak husi bankada Fretilin sei foti nafatin problema bolsa iha Ministeriu Edukasaun.
7. Tuir fontes ka sumber FH iha bankada Fretilin hateten katak “Mari Alkatiri nudar Sekretariu Jeral Fretilin fo instrusaun ba Bankada atu labele foti tan iha plenariu konaba Bolsa de estudo ka Beasiswa”. Tamba saída? Ida-idak halo leitura mesak.
8. Se la sala mos FH hatun artigos ka artikel lubun ida nebe ninia autoria maka belun Luís Pereira. Hatudu deit katak akuzasaun nebe maka Luís Pereira halo ba editor FH nian dala ruma mos emosional maka koalia hanesan ne´e. Se FH maka pró deit grupo ida, nusa maka publika artigo sira nebe maka kritika ba grupos ka Govenro rasik?
9. Editores FH sira Laos de'it iha Coimbra, Portugal hanesan belun Luís Pereira hateten iha nia e-mail, maibe alende iha Portugal (Lisboa, Coimbra, Porto) balun iha Inglatera no mos seluk iha Timor-Leste.
10. Tamba editores FH balun hela iha Timor-Leste neduni hetan acessu ba ANP (Autoridade Nacional Petróleo), iha aproximasaun ba Ministério Educação e besik mos ba iha bankada Fretilin, no sst.
Dili, 24-01-2009
Editor Forum Haksesuk
Estudante Timor oan nebe dadaun ne´e hala'o hela estudo iha rai Malaysia no nudar Bolseiro husi PETRONAS. Nebe iha ninia e-mail tatoli mai editores Forum Haksesuk (FH), hakarak fo hatene deit ba Belun Luís Pereira katak:
1. Informasaun konaba Bolsa PETRONAS nian ba Timor oan no FH hatun notisia ne´e foti husi sumber ka fontes jornal sira Timor nian hanesan: Timor Post, STL i Jornal Nacional Diário maka hatun iha edisaun (20/01).
2. Procesu selesaun ba Bolsa mos FH hatun tamba jornal Timor nian sira ne´e hetan fontes husi duni Embaixada Malaysia nian no sumber husi PETRONAS.
3. Mari Alkatiri rasik nudar eis-PM iha I Governu Konstitucional nian mos rekonyece direkta i indirektamente katak iha duni favorecimentu ba militante Fretilin sira nia família. Tuir Mari Alkatiri dehan nune: ”iha kandidatu nain 5 nebe ba eskola iha mos membru líder Fretilin balun nia família”. Haktuir tan Mari Alkatiri, ema balun maka tuur hela iha neba, tamba responsável ida husi distritu maka tau fali família tama ba laran, hau tenta duni atu kontrola buat nee, maibe ema liu tiha ona ba eskola, tenik Mari Alkatiri (Timor Post, STL i JN ( 20/01/2009)”.
4. Tuir fontes ka sumber FH iha ANP (Autoridade Nacional Petróleo) mos konfirma katak “sira hetan Bolsa estudo ba PETRONAS ne´e iha grupos 2, hamutuk ema nain 8. Grupo ida, tuir selesaun nebe preenche duni kriterius cientfiku i akademiku no grupo seluk titipan politik”. Hatutan, “nain 5 tuir teste nebe preenche duni kriteriu akademiku i cientifiku no nain 3 titipan husi eis-PM Mari Alkatiri”. Dehan tan fonte FH nian iha ANP, “konfirma ba noticias sira nebe maka jornal nasional sira koalia katak Mari Alkatiri iha biban neba dehan Embaixador Malaysia no representante husi PETRONAS katak se nain 3 la ba, hotu-hotu la ba eskola. Ikus mai ba nain 8 duni”.
5. Se belun Luís Pereira ninia reasaun tamba pertence ba grupo ida nain 5 ne´e, tamba liu husi seleksi no preenche kriterius akademiku i cientifiku. Sira titipan maka se-se?
6. Iha duni favorecimentu ka lae konaba bolsa PETRONAS nian, maibe iha ne´e ita husu maka ne´e: Bolsa PETRONAS nian mosu tamba iha biban nebe maka debate konaba politika nasional konaba OGE2009 (Orçamento Geral Estado 2009). Husi bankada Fretilin maka foti konaba bolsa tamba sira detekta irregularidade iha processu Bolsa ba iha liur. Ikus mai mosu fali bolsa PETRONAS nian. Semana oin maka foin atu tama ba iha debate OGE2009 especialidade iha departemento eduksaun nian, hein katak husi bankada Fretilin sei foti nafatin problema bolsa iha Ministeriu Edukasaun.
7. Tuir fontes ka sumber FH iha bankada Fretilin hateten katak “Mari Alkatiri nudar Sekretariu Jeral Fretilin fo instrusaun ba Bankada atu labele foti tan iha plenariu konaba Bolsa de estudo ka Beasiswa”. Tamba saída? Ida-idak halo leitura mesak.
8. Se la sala mos FH hatun artigos ka artikel lubun ida nebe ninia autoria maka belun Luís Pereira. Hatudu deit katak akuzasaun nebe maka Luís Pereira halo ba editor FH nian dala ruma mos emosional maka koalia hanesan ne´e. Se FH maka pró deit grupo ida, nusa maka publika artigo sira nebe maka kritika ba grupos ka Govenro rasik?
9. Editores FH sira Laos de'it iha Coimbra, Portugal hanesan belun Luís Pereira hateten iha nia e-mail, maibe alende iha Portugal (Lisboa, Coimbra, Porto) balun iha Inglatera no mos seluk iha Timor-Leste.
10. Tamba editores FH balun hela iha Timor-Leste neduni hetan acessu ba ANP (Autoridade Nacional Petróleo), iha aproximasaun ba Ministério Educação e besik mos ba iha bankada Fretilin, no sst.
Dili, 24-01-2009
Editor Forum Haksesuk
Sem comentários:
Enviar um comentário
Nota: só um membro deste blogue pode publicar um comentário.