Ba Mari Alkatiri no militante Fretilin nian oan hetan bolsa ba eskola iha liur

Bolsa husi PETRONAS Timor-Leste Ba ema nain 5

Díli, Forum Haksesuk (20/01/2009). Liu husi Selesaun, Petronas ho Embaixada Malaysia maka seleciona liu husi teste ba sira nia konyecimentu akademiku i sientifiku. Sira nebe liu ka lulus iha teste hamutuk nain lima (5) nebe tuir duni kriterius konyecimentu akademikas i cienftikas. Wainhira panitia ba hato'o ba eis-PM Mari Alkatiri konaba sira nebe maka lulus ka passa ba eskola iha Malaysia ho Bolsa ka Beasiswa husi Petronas. Tuir informasaun nebe maka jornal Timor Post, STL i Diário hatun ohin (20/01).

Husi Deputado Hugo da Costa, bankada CNRT nian hatoó katak “kazu nebe akontese iha problema PETRONAS los duni, tamba iha momentu neba media no sociedade civil sira mos preokupa ba asuntu ne´e”. Haktuir tan Hugo da Costa Deputado husi bankada CNRT/Fretilin Mudanças ba Jornal TP, STL i JND katak “hau uluk sei sai jornalista mos deskobre asuntu ba publiku nebe agora ita kestiona konaba bolsa estudo nebe governu anterior adopta hili la ho transparente", kestiona. Hatutan tuir nia katak, “Problema ne´e akontese tamba embaixador mai iha TL fo bolsa estudo atu hadia mos sira nia relasaun diak ho líder politikus sira nebe kaer poder iha altura neba”.

Saída maka Mari Alkatiri dehan iha biban neba?

Tamba família no sira nebe iha ligasaun familiares ho lideres Fretilin sira nia ona la liu teste ka sira la tama ba urutan lima (5) besar. Mari Alkatiri iha biban neba dehan ba sira husi Embaixada Malaysia no Petronas nue'e “Se hau nian sira la ba ka hetan bolsa ba eskola Mina rai nian. La iha ida maka ba eskola iha Malaysia ho Bolsa Petronas nian”.

Husi Petronas mos hakiduk hodi simu naran 3 nebe maka Mari Alkatiri nudar PM iha biban neba sugere. Estudante nain lima (5) ba duni Malaysia ba eskola ho Bolsa husi Petronas, nain 3 titipan politik no nain 2 maka tuir kriterius akademikas i cientifikas.

Ba jornal TP, STL i JND hori seik (19/ 01) eis-PM Mari Alkatiri rejeita akuzasaun ne´e hodi dehan, “bainhira nia sei sai hanesan xefi Governu, nia rasik nunka halo nepotisme hodi haruka kandidatu nain lima inklui ema nain 3 husi partidu Fretilin nia ema hodi haruka ba eskola konaba mina rai”. Hatutan Mari Alkatiri, “estudante sira ne´e halo teste seleksaun liu husi ministeriu edukasaun anterior. Sira nain 5 ba tuir teste liu husi ministeriu edukasaun, la iha ema ida ke ba la tuir teste, ne´e bosok, informa Alkatiri ba jornalista iha PN, segunda (19/01)”.

Ba deputado Hugo da Costa, husi bankada CNRT/Fretilin Mudanças, “informasaun nebe nia rona to´o agora ema nain 5 nebe ba eskola iha Malazia la hetan susesu ruma no sira nia estudo parado tiha ona. Tenik tan Hugo, “hau hatene ema nain 5 nebe ba eskola haruka husi Fretilin nian la hetan susesu e sira nia eskola paradu tiha ona”.

Jornal Timor Post, STL i JND mos haktuir konaba Mari Alkatiri ninia mane foun mos hola parte ba programa Beasiswa ka Bolsa de Estudo ba Malaysia ne´e, ”konaba informasaun nebe dehan nia hili mos ninia mane foun hodi tama mos iha programa estudus ne´e, Alkatiri sublinha katak, ninia mane foun agora ne´e, iha momentu programa bolso estudo ne´e lao, seidauk sai ninia mane foun ida”. Hatutan Mari Alkatiri, “Tamba ne´e nia rezeita haruka nia mane foun ba eskola. Nia (mane foun) uluk ba, nia seidauk sai hau nia mane foun, ikus mai maka nia foin sai hau nia mane foun. Maibe nia ba tuir testing maka liu, laos hau maka fo naran ba, tenik Alkatiri”.

Alkatiir mos rekonyece katak “iha kandidatu nain 5 nebe ba eskola iha mos membru líder Fretilin balun nia família”. Haktuir tan Mari Alkatiri, “emba balun maka tuur hela iha neba, tamba responsável ida husi distritu maka tau fali família tama ba laran, hau tenta duni atu atu kontrola buat nee, maibe ema liu tiha ona ba eskola, tenik Mari Alkatiri”. Fontes: Timor Post, STL i JND ( 20/01/2009)!