UlTIMATO HUSSI DR. ALKATIRI BA XANANA “O DIA D APROXIMA-SE“ VIA MENSAGEM TELEMOVEL

Husi Vicente Mau Bocy*

Ultimamente Dr. Alkatiri nia mental la funciona normal. Depois de lansa tiha ameasa bot iha Kinta kalan iha TVTL, dia 16 de Outubro atu hamonu Governo AMP pela via da Marcha ao Poder ho kamuflagem da Paz, ikus-ikus mai la rona tiha Dr. Alkatiri nia is, depois de hetan reasaun hussi Amo Nascimento ho Primeiro Menistro Xanana atraves de diarios nacional ho TVTL.

Como argumentos counter Dr.Alakiri nian fraku ou totalmente la-iha ona, atu hassoru, Dr. Alkatiri haruka fali nia anak buah sira maka halo reasaun . Imagens nebe hatudo hussi media, OJETIL nia Secretario Dr. Eladio maka critica Presidente da Republica hodi dehan “PR porta voz governo AMP”. Husi Parlamento Dr.Jose Manuel Fernandes nia comentario STL 23 de Outubro em relasaun deklarasaun PM Xanana dehan katak, atu luta ba FRETILIN kaer fali poder la tauk ba mate, bele dadur tan 20 ano“. Dr. Jose Manuel halo comparasaun ho Resistencia hassoru ocupasaun Indonesia. Atan hau sente katak compara luta ida uluk ho agora completamente la hanesan. Luta ida uluk, foi uma kausa nacional, ida agora atu satisfaz meramente ambisoens politicas de um pequeno grupo avidos do poder. Se luta ida ne’e maka hanesan uluk, Dr.Alkatiri ho nia Comitiva kaer nafatin poder tamba FRETILIN oan sira hotu la namakari.

Se maka halo FRETILIN oan sira namakari? Se maka dehan veteranos no klandestina sira fuk la-face, fahi krekas; sarjana supermi? Se maka halo Grupo Renovador / Mudansa mossu? Se maka halo FRETILIN lakon iha eleisaun Presidencial no Legislativa? Se maka halo votos ba FRETILIN tun drasticamente hussi 57 % (eleisaun 2001) tun mai 28% (2007) ? Diresaun do topo (President +Secreatario Geral) hussi orgaun Central maka assume responsabilidade ou militants sira iha base?

Dr. Jose Manuel + Dr. Arsenio Bano. Se ita bot nia patraun Dr. Alkatiri la pernonaliza FRETILIN maka Mari Alkati, I Mari Alkatiri maka FRETILIN, desastre bot nebe ita bot sira hassoru iha eleisaun 2007 nunca acontece. Oras ne’e ita bot sira sei goza nafatin regalias no privilegios -membros do governo.

Conclusaun maka ne’e: Votantes FRETILIN maka kastigo imi hodi la vota ba imi. Se durante governasaun Dr. Alkatiri, kontempla ema veteranos sira nia susar ,ferik, katuas, jovens sira buka conciliasaun ho diresaun FRETILIN Mudansa, la hipoteses atu lakon iha eleisoens de 2007.

Relembra fali altura Conferencia Distrital iha Ermera, bainhira hau tama ba tenda laran Dr. Mari hateke ba hau ho nervos. Depois de alguns minutos hau tur tiha, Dr. Mari dehan em alta voz ba participantes: “kamaradas, nimigo bot liu + perigoso, sira nebe membros CCF halo politica kontra hau. Iha Congresso mai, ita ten-ki isola ka marginaliza tiha sira hotu. Nia adianta tan. Sira Oposisaun hanesan manduku. Lian maka bot. Hanesan mos manu rade semo badak hela deit. Sira nebe hussi uma laran maka perigo bot liu” Comitiva hussi Maputo ho mau-lambes no mau-koses sira – hateke ba hau hodi hamanasa. Hau dehan ba kamarada barak “ processo de luta nia resultado sei determina iha eleisaun do Congresso no eleisaun legislativa 2007. Ami la para hodi continua nafatin. Se maka hamanassa ikus, hamanasa diak liu”.

Konklusaun ida tan maka ne’e. Dr.Mari + Arsenio no seluk-seluk tan la ukun fali, tan-ba akumulasoens de failhansos ka erros barak ke Dr. Alkatiri komete durante tinan 4 resin iha governo. Dr. Alkatiri maka hussu resignasaun rasik. dia 26 de Junho de 2006, FRETILIN maka komanda nafatin governo to resultado final eleisaun legislativa Julho de 2007. Altura neba Presidente da Republica Xanana fo uma das duas opsoens: Primeiro Menistro maka resigna ou Presidente da Republica maka resigna. Dr. Mari Alkatiri maka voluntariamente resigna aan, sob pressaun de manifestantes rihun ba rihun, espontaneamente no voluntariamente exige Dr.Mari nia resignasaun hussi Primeiro menistro.

Se Dr. Alkatiri iha inteligencia ida agil, neon nain (prudente) forte capacidade de conciliasaun atu buka konstroe consensus ho opnioens opostas iha FRETILIN laran ka hussi liur crise la mossu, Dr. Alkatiri governa to mate.

Analise do dia D Aproxima-se

Literalmente dia D refere desembarque forsas aliados sira nian iha Normandia 2a. Guerra Mundial. Interpretasaun Letra D bele significa : derrota ou derrotado. Hare di-diak ba realiade actual politica, se maka derrotado – Dr. Alkatiri. Kada vez organiza batalha ida hodi hassoru Xanana, nunca hetan sucesso. Provas de insucessos hatudo hussi eleisaun presidencial, legislativa, caso de 11-02-07, protesto kona ba Fundo de Estabilizasaun Economica, ikus mai Inter-pelasaun hussi Bancada FRETILIN iha dia 24 de Outubro, nebe debrussa kona ba aplikasaun do Orsamento Geral do Estado.Inter-pelasaun nia motivo no objectivo, buka salah Governo AMP hanesan argumentos hodi halo kampanha ba Marcha da Paz no sentido atu atrai participantes ba Marcha da Paz.

O ke mais interessante, durante period Governasaun Dr. Alkatiri nian nunca acontece. Actual Governo liderado hussi Xanana, demonstra boa vontade (good will) atu satisfaz pedido hussi Bancada FRETILINI hodi ba Parlamento ho Gabinete tomak. Infelizmente diskussaun de Interpelasaun la to fim.

Cronologia das ofensivas politicas da lideransa FRETILIN

Depois do anuncio dos resultados da eleisaun Legislativa, nebe FRETILIN manang ho maioria simples, membbros do CCF balu hanesan Dr. Arsenio Bano lobby ho Partido PD, no sst , de forma atu atinge, maioria absoluta atu governa. Dr. Arsenio Bano mos mai lobby ho deputados da FRETILIN Mudansa atu vota ba Kandidatu FRETILIN nian atu sai Presidente do Parlamento. Komo lobby rua ne’e hotu, hetan inssucessos, FRETILIN la governa no nia kandidato Dr. Aniceto Guterres lakon ho Sr. Lasama ba cargo Presidente do Parlamento.

Como sofre derrotas significantes bot rua, lideransa FRETILIN desenha ou arkitecta ofensivas politicas ho propagandas oi-oin atu desacredita governo AMP atu hatun. Propagandas hirak nebe public hotu hatene, entre outras:

1. Actual governo illegal, ilegitico inconstitucional tuir Dr. Mari nia versaun liu hussi interpretasaun parcial do Artigo 106 (Nomeasaun) tolan tiha parte seluk nebe kompleta paragrafo nebe dehan ou pela aliança de partidos com maioria parlamentar.

Doutor Pedro Bachelar Vasconcelos nebe halo parte integral hakerek Constituisaun RDTL, nia comentario hussi Forum Haksesuk dehan altura ida: ”A formação do IV Governo Constitucional pela Aliansa Maioria Parlamentar é inconstatavel concebida pela lei e Constituição da RDTL. É um disparate dizer inconstitucional e elegitima. Constitucionalista Português dehan nune’e” Formasaun IV Governo Constitucional hussi Aliansa Maioria Parlamentar (AMP) la iha razaun atu iha duvidas hodi protesta tuir lei no Constituisaun RDTL. Palermice ka asneira bot ida, sira nebe dehan – inconstitucional no ilegitima.

Dr. Alkatiri, honesto ba ita bot nia aan rasik, saída maka Doutor Pedro Bachelar dehan kona ba ita bot nia interpretasaun errada kona Artigo 106. Continua teimosia nia consequencia halo ita bot terus aan deit. Pior liu tan moradores no chipaios sira iha ita bot nia sorin terus no sofre degrassa hela deit inconsientemente.

2. Incidente do atentado de 11-02-07 hussi saudoso Major Alredo ho Tenente Salsinha. Incidende ne’e nia alvos maka Presidente da Republica nebe hetan tiros 3, mas felizmente sei moris. Katuas Xanana livre totalmente. Atentado ne’e maka hetan sucesso, logicamente eleisaun antecipada mossu tuir Dr. Alkatiri nia plano traçado.

3. Aliciamento Katuas Xavier atu dada ba FRETILIN deputados 5 atu reforssa Bancada FRETILIN atu hetan korum ba Mosaun de Censura atu hatun Governo AMP. Esforsso ida ne’e, infelizmente deputados ASDT la kumpre ka la tuir vontade sira Presidente Xavier do Amaral. Deputados hussi ASDT fo sira nia total apoio ba Xanana.

4. Manobra, Dr.Mari kossegue duni influencia Presidente da Republica Dr.Ramos Horta por algum tempo, depois sai hussi Hospital Darwin. Sira belun malu fulan hirak deit, Presidente da Republica integra Dr. Mari iha nia komitiva hodi participa encontro de alto nivel de países do CPLP iha Portugal. Liu tiha ne’e politica arrogante Dr. Alkatiri la muda, Dr. Ramos Horta ses dok aan completamente hussi Dr. Mari. Como Dr. Ramos Horta distancia dok ona hussi Dr. Alkatiri, nia nervosa organiza OJETIL halo conferencia da Imprensa hodi kritica Presidente da Republica “porta voz do AMP’.

5. Realizasaun da Marcha da Paz ho ameasas oi-oin iha media: jornal no TVTL atu hatun Governo AMP. Saída maka ita assiste, funo –tiro malu ho lia fuan (war of words) hussi Dr. Alkatiri ba Xanana no vice-verssa.

Analisa di-diak conteudo da materia Dr. Alkatiri ho nia grupo hakarak hadau (confiscar) poder lalais hussi Xanana. Sira la iha ona paciencia. Sira hanoin katak lori ameasas oi-oin Xanana entrega deit poderes ba Dr. Mari hanesan presente ida tau iha bandeja.

Em termos gerais,qualquer partido politico iha oportunidade no direito atu ukun tuir procedimento legais Constitucionais, no obedece regras nebe estipula iha processo eleitoral. Dr. Alkatiri ema ida jurista I atan ona ami la komprende, oin-sa, ita bot finge la hahatene? Keta bulak ona karik?

Amesa hussi mensagem telemovel

O dia D aproxima-se. Ameasa ida ne’e, tuir ami nia analise, demonstrasaun de total desespero no maxima frustrasaun. Ultimo recursso ou ultima bala ba Dr. Alkatiri hassoru Xanana. Tuir lei, la admite. Ameasa ba representante do Executivo do Orgaun Soberano da Nasaun infringe lei I deve ser processado iha Tribunal. Hau nia reasaun kona ba mensagem ne’e, hau dehan ba kolegas balu: “ema ne’e bulak ona. Hussik ba. Attitude ida ne’e, demonstra infantilismo politico I frustrasaun das derrotas sofridas”.

Ameasa Dr. Alkatiri ba katuas Xanana hanesan kili oan ida. Generais Indonesioa hira maka hetan treino, hussi West Poin USA no King College UK esforssu makas atu hatun Xanana, ita bot mos hatene ke la konssegue. Xanana mesmo iha kadeia laran buka meios atu komanda luta nafatin.

Timor oan no Internacional sira, admira no reconhece Xanana nia inteligencia hodi conduz processo da luta armada to fase final da Independencia. Facto ida inegavel. Xanana figura ida conhecido nacional no internacional tinan barak nia laran. Enquanto Dr. Alkatiri so torna conhecido kuando kaer pasta Primeiro Menistro hussi 2002 –Junho 2006. Depois ida ne’e la sobressai ona hanesan figura principal nebe okupa fatin ida iha governo. Politico ida iha prestigio forte kuando okupa fatin formal ida iha orgauns do Estado. Fora disto hanesan cidadaun bai-bain.

Historia hatudo. Iha meios tolu atu politicos sira kaer (apodera) governo atu ukun:

• Vias nromais de eleisaun estipulada iha Constituisaun.Kasu Timor Leste tinan 5;
• Manifestasaun hussi Povo maioria nebe descontente hodi hatun governo; exemplo kasu Dr.Alkatiri hussu rasik nia resignasaun dia 26-06-06.
• Golpe de estado militares sira maka halo, exemplos: Países sira iha ilhas do Pacifico: Fiji, Salomon Island, países sira iha Africa.

Cenarios tolu ne’e, neste momento sei-dauk hetan indicios iha Timor Leste, atu kualquer forssa politica, hadau poder politico hussi governo AMP. Tamba descontentamento minimo. So lideransa politica da FRETILIN nebe representa numero insignificante. Hussi parte militar, Xanana iha lasus fortes ho component militar ho veteranos sira, tamba Xanana moris, terus no sofre ho segmentu ida ne’e, tinan barak iha ailaran, do ke Dr. Alkatiri.

Probabilidades do golpe do estado pelos militares- bele dehan katak –Zero durante Xanana nia governasaun.

Funo nebe Dr. Alkatiri hakarak trava ho Xanana bele kompara “manu nia tolun hassoru fatuk mutin“ iha nebe ona maka ita hare, ka rona, manu tolun baku ba fatuk mutin nakafera? Iha Historia sei dauk regista.

Se okupasaun militar Indonesia ho milihares de soldados, durante 24 anos la konssege derrota Xanana I agora Dr. Alkatiri ho nia seksaun dos ex-membros do governo , nebe balu iha parlamento, balu vadio hela hanesan hau iha liur, no directores balun bele derrota Xanana? “Bapak 2 dan ibu 2 jangan mimpin di siang bolong”.

Dr. Jose Manuel reage lia fuan PM Xanana

Noticias seluk maka sai jornal STL, dia 23 de Outubro comentario Dr. Jose Manuel kona ba deklarasaun PM Xanana nian atu kaer ema balu, em ralasaun ho Marcha da Paz.

Dr. Jose Manuel dehan “ami pronto atu mate ka dadur tinan 20 tan atu atinge ami nia objectivos hanesan uluk iha Resistencia hassoru okupasaun Indonesia”.

Bem luta ida uluk, foi kausa nacional, atu konkista Independencia ba Timor oan hotu, enkuanto luta ida agora, nia motivo ho objectivo luta ba poder hussi grupo kik ida nebe des-lokados de poderes hussi eleisaun de 2007. Nune’e duni, natureza no kontesto totalmente diferente. Se halo assimilasaun ker dizer um grande disparate.

Dr. Jose Manuel, ita bot jovem ida iha talentos ba poesia, musica no politica. Ita bot iha potencia bot aban bai rua sai lidere diak liu do ke sira hussi Maputo. Atu sai lider diak, tenki buka oin-sa bele influencia ema barak, ho ita bot nia personalidade politica rasik atu kausa admirasaun positiva ba ema nebe tuir ita. La os facil, assim como la os dificil.Esforssa aan atu kria buat ida diferente hussi ema seluk. Tenki iha kapacidade imaginativa, kriadora, focus no komitimento atu atinge objectivos.Para tal sei hassoru problemas no dificuldades oi-oin, exige mos sacrificios.

Se ita bot tabele nafatin ho ema seluk, buat hirak nebe aprende ho saudoso Mau Hodo no experiencias sst iha kadeia no tinan hirak iha clandestina la vale buat ida. Sei iha temp atu halo introspeksaun no restropeksaun atu retoma rumo foun. Kolega ida hussi Ghana nebe atan oan hetan Conferencia ida iha Manila, nia dehan ba hau kona ba solidariedade politica: “Dear Ximenes the people that were suffered in prisons they have high conscience or concerns for the people prosperity in the country first. But those never being, they care for their own sake and family. They are very grid to power and money” dehan katak ema nebe terus liu hussi kadeia, sira nia hanoin ba ema barak nia diak uluk. Enkuanto sira nebe nunca terus, kuando kaer ukun preokupa uluk sira nia diak ho familia sira. Haluhan tiha ema barak terus nain.

Facto ida ne’e, refleta perfeitamente ba FRETILIN, iha period Pos Referedum. Antigos quadros da Base de Apoio, ho mos Quadros nacional da Restruturasaun de 2000 atu repoen estrutura iha Distritos Sub-Distritos, Sucos no Aldeias, servissu makas atu FRETILIN manang eleisaun de 2001. Depois de FRETILIN manang eleisaun I kaer governo sob alçada do Dr.Alkatiri hanesan Secretario Geral da FRETILIN, haluhan ka ignora kompletamente sira nebe fo aan atu FRETILIN manang. Ironicamente Dr.Mari sei dehan “ Vitoria da FRETILIN produto do fenomeno historic”. Ho base ba conceito ka teoria ida ne’e, nia belun sira hussi Maputo ho amigos sira maka goza beneficios do I (Primeiro) Governo hodi hetan fatin iha governo no projectos bot.

Altura neba ami membros CCF balu kritica komportamento despotico ida ne’e, nia dehan ami laran moras ka frustrados tamba la hetan fatin iha governo.

Realidade actual hatudo, se maka frustado bot liu ba poder? Mau Bocy ho nia membros da FRETILIN Mudansa ka Dr. Alkatiri ho nia komitiva? Resposta hussik ba leitores sira atu foti konklusaun logico.

Promosaun de Cargos

Formasaun do I Governo, Dr.Alkatiri la konsulta CCF. Foti deit telephone maka liga ba sira nebe atu halo parte governo. Practica ida ne’e, demonstra katak Dr. Alkatiri transforma FRETILIN hanesan ninian NGO ka Empresa particular. Realidade ida ne’e kontinua to dia 26 de Junho, nebe marca data vergonhosa historica da resignasaun do ditador e facista. Dr. Mari Alkatiri hussi cargo Primeiro Menistro.

Impacto negativo seluk maka Dr. Alkatiri promove Putos sira, idade nurak hela, sem formasaun academica ou professional, la iha skills, uma vez promovidos ba posisoens de Secretarios do Estado ou Menistros, hetan ossan barak sem minimo esforsos, sae aviaun ho Business Class, kuando ba liur toba deit iha hoteis de luxos, sae kareta do governo, gasoleo gratis, telephone, gratis, iha kondutor, tama funcionarios (as) hotu-hotu hakruk hodi kumprimenta, em suma moris iha paraíso terrestre.

Baseia facilidades no previlegios hirak ne’e maka ex-membros do Governo mate-matian hakarak lalais atu kaer fali ukun ho sira nia patraun bot Dr. Alkatiri atu goza fali hanesan tempo uluk.

Ami manang Tan-sa la Ukun?

Dr. Arsenio devia halo reflexaun: Tan-sa maka Distrito Oecusse lakon? Jorge Teme hussi FRETILIN Mudansa aliado ho CNRT manang iha Distrito Oecusse cerca de 9 700 ita bot hanesan Menistro bot ida ho ossan barak iha pasta bot, lori FRETILIN hetan votos mais de 5 000. Iha ne’e revela mo mos katak Arsenio Bano nia figura la vale iha Distrito Oecusse. Lo-los sente moe lalika tur iha Parlamento, hasai fatin hussi Distritos 4, Distritos 3 hussi parte Leste nebe manang ho margems bot no Suai nebe la iha representasaun ida iha Parlamento Nacional.

Analise di-diak Dr. Alkatiri la ukun lori FRETILIN tamba fasaun FRETILIN Mudansa nia existencia. Ita ho ita maka fahe malu. Nun’e, la-lika dun ba ema seluk ho argumentos de conspirasoens. Iha politica nia dinamica jogadas oi-oin acontece.

Dr. Alkatiri nia comportamento arrogante no ditador maka halo FRETILIN lakon. Quebra internal entre os quadros I militants da FRETILIN maka halo FRETILIN nia votos tun barak hodi nune’e la konssegue hetan maioria absoluta.

FRETILIN Mudansa nia existencia la os atu destroe FRETILIN, mas sim atu impede Dr.Mari Alkatiri ukun rai Timor Leste. Hanesan dirigente hau koalia dala barak ba Kamaradas barak ke mai koalia atu hamutuk fila fali. Hau dehan ba sira “se maka estrga FRETILIN? Se maka halo FRETILIN lakon iha eleisoens? Se maka fahe ita? imi dudu ses tiha ema ne’e, aban kedas ita hotu hamutuk”.

Dr Mari ho nia komitiva la ukun fali, tamba la preenche rekesitos nebe hakerek iha Constituisaun iha Artigo 106 kona ba Nomeasaun numero 1.

“Primeiro Ministro indigita hussi Partido mais votado ou hussi aliansa hussi partidos ho maioria parlamentar;”. Keta exige deit interpretasaun parcial frases balu no tolan tiha frases seluk nebe kompleta paragrafo.

Mais votado iha ne’e, significa ten-ki hetan 51% -maioria absoluta atu garante ka assegura estabilidade governativa.FRETILIN la konssegue loby hodi hetan maioria Parlamentar atu forma governo.

Ho 21 assentos + 2 (KOTA, PPT) = 23 oin sa bele enfrenta AMP ho 39 deputados?

Razaun fundamental Presidente fo poder de governasaun ba AMP tamba garante ou assegura estabilidade governativa ho maioria parlamentar. Estabilidade ne’e, demonstra duni iha practica hussi 1o dia até momento actual ho espassu de tempo ida nebe dura ona 14 meses.

Governo AMP incosntitucional, ilegitimo illegal, etc. husu tok ba Constitucionalista Sr.Pedro Bachelar Vasconcellos para fo clarificasaun ou entaun halo protesto ba Tribunal de Recursso se Dr. Alkatiri brani. Se brani halo demonstrasaun nusá la brani halo protesto ba Tribunal de Recursso? TR representa orgaun kompetente atu halo interpretasaun juridika kona ba legal ka illegal Presidente da Republica nia decisaun fo mandato ba AMP.

Dr. Alkatiri, survey ida atan oan ami halo iha Distritos, Baucau, Viqueque, no Lospalos, militantes funcionarios, la-bele mai participa. Se mai lakon sira nia direito . Agricultores sira, okupado lere rai no suno rai hei udan atu kuda batar, aifarina, feuk etc. Jovens sira hussu pronto pagamento, kuantia ossan atu selu sira, ba loron hira. Parte mais critica, participantes sira hussu atu se maka responsabiliza se ema ruma kanek ka mate? La iha responsavel ida hussi Comissaun Organizadora prontu atu responsabiliza. Viaturas sira nia nain mos laran todan atu fo sira nia kamionetas atu tula demonstrantes sira.

Ho situasaun ka ambiente politico ida nebe, ema barak ona maka satisfeito ka kontente ho politica do Governo AMP, será um osso duro atu Dr. Alkatiri hetan sucesso ho presente circumstancia politica nebe ema barak descontente ho Dr. Mari Alkatiri nia governasaun iha passado.

Kuanto + pressaun Dr.Alkatiri foti hassoru AMP, membros AMP torna-se mais forte I coesa. AMP esforssa atu hadia aan diak liu, delivery services diak liu ba Povo hodi nune’e garante Vitoria mais segura ba eleisaun de 2012.

*-Political Analyst, exkulzivu ba Forum Haksesuk