Eletrisifikasaun Aldeias Hanesan Interpretasaun Husi Konseitu Libertasaun do Povo
Husi: Victor Tavares
Petroleo ka mina-rain husik ona sai hanesan unika fonte ba enerjia ba nesesidades iha sosiedade nian laran. Mina-rai ka mina husi rai-teen nian folin sa’e husi loron ba loron, tanba Rain ka Nasoins produtores hirak halo espekulasaun iha produsaun hodi fo ninian influensia maka’as ba produto ida ne’e nian folin iha merkadu internasional. Bainhira Rain ka Nasoins produtores/exportadores (OPEC) halo regulasaun (tun/sa’e) iha produsaun tanba espekulasaun (folin) ba intereses ekonomikus Nasoins produtores/exportadores ka intereses politikas ka problemas seguransa, mak fo ninian impaktu direktu no imediatu ba Nasoins konsumidores sira nebee dependente ba fonte enerjia mina-rai ka kombustivel. Países importadores hirak mos aplika politika nebee hanesan iha merkadu internasional, nune’e iha rain importadores hirak nian empreza – revendedores, sempre iha tendensia maka’as aplika politika “price maker” ba mina-rai folin iha merkadu nasional. Iha biban (tinan) hirak ikus mina-rai folin sa’e hela deit tanba faktores oi-oin.
Kestoins seguransa, hanesan funu iha Kwaite, iha Irak, problema terrorismo, programa nuklear Iraun, tensaun entre Amerika ho Iraun, Amerika ho Korea do Norte, funu entre mundo ho Bin Laden ho nian grupo no xokes intereses selu-seluk fo nian kontribuisaun nebee maka’as ba mina-rai nian folin iha merkadu internasional. Xokes de intereses mos kondisiona países produtores sira produz mina-rai, ida bazeia ba ninian intereses politikas, ba ninian intereses ekonomikas no ida fali mos ba nian intereses defeza nasional. Ezemplo, Iraun reduz ninian produsaun mina-rai tan deit konflito iha diplomasia ho EUA no União Europeia, maibe problema la’os intereses iha area ekonomia deit mak halo Iraun reduz produsaun mina-rai maibe mos tanba defeza nasional nian intereses.
Ho sansoins nebee Amerika ho União Europeia aplika ba Iraun, nasaun membro organizasaun OPEC ida ne’e mos fo nian influensia ba organizasaun hodi kondisiona ka trava produsaun ka reduz volume exportasaun mina-rai ba rain ka nasoins konsumidores. Konsekuensia husi redusaun produsaun ka hamenus exportasaun, halo nasoins konsumidores/importadores hirak aplika hasa’e mina-rai ka kombustivel nian folin nebee aas, no iha mos tendensia atu halo espekulasaun hodi hamosu “price maker” iha merkadu nasional. Situasaun mina-rain folin sai aat liu tan bainhira nasoins importadoras aplika politika liberalizasaun iha merkadu nasional kona ba mina-rai folin, iha nebee, revendedores kombustiveis sira hamosu politika folin husi produtu ida ne’e tuir sira nian hakarak. Tendensia halo espekusaun mos fo nian influensia to’o iha revendedores retalhistas sira iha postos abastesimento nian.
Timor-Leste, nasaun ida ki’ik, nian ema mos uitoan (1.108.777, estimativa Julho 2008), maibe hanesan ita hotu hatene katak mina-rai iha tasi kidun barak maibe la’os rohan laek (raridade maibe limitado), no situasaun desvantajem mos ba Timor-Leste tanba dependente ba kapitais husi rain seluk. Iha materias primas (mina-rai) nebee barak maibe tanba Timor-Leste la iha meios ka rekursus proprios (osan, teknikus no meios makinas/fabrikas) atu explora no hetan rezultadu likidu nebee bele fahe hanesan hodi fo benefisio ba populasoins Timor tomak, nudar konkretizasaun ida husi konseitu Libertasaun do Povo liu husi eletrisifikasaun aldeias.
Konseitu Libertasaun do Povo bele interpreta liu husi implementasaun konkreta programas IV Governo Constitucional nian nebee hato’o ona ba Povo, iha area eletrisifikasaun. Hanesan loke rede eletrika nebee bele atinje populasoins sira nebee hela iha foho-leet ka iha zonas hirak nebee izoladas. Ho fo naroman eletrika ba Povo ki’ik sira nebee to’o ohin loron sei dependente tebes ba ahi-oan tradisional husi mina-rai, iha sira nian uma laran, nebee mos fo nian implikasoins liu-liu ba sira nian saude. Ho politika eletrisifikasaun aldeias liu husi investimento ka reinvestimento osan husi Fundo Petrolifero hanesan metudo ida nebee adekuadu no efektivu iha distribuisaun riku-soin Rain Timor nian ba Povo Timor-Leste tomak. Ho reinvestimento osan husi Fundo Petrolifero iha enerjia alternativa renovavel, mos hanesan demokratizasaun no justisa sosial iha distribuisaun riku-soin nebee estado hetan lori soberania Rain no Povo Timor-Leste.
Atu bele konkretiza interpretasaun konseitu Libertasaun do Povo liu husi eletrisifikasaun aldeias, Estado presiza halo investimento iha Energia Alternativa Renovavel hanesan enerjia Solar (enerjia husi loro-matan), enerjia Eolika (enerjia husi anin), enerjia Hidrika no enerjia Biomassa.
Maibe iha kontextu ida ne’e hakerek na’in eskolha fonte de enerjia Renovavel Solar sai hanesan enerjia alternativa ba mina-rai ka enerjia fosseis nebee ejiste iha Tasi Timor.
Basaa, haree husi geografia Timor-Leste okupa grupo iha Peninsula Indika Oriental – Sudeste Asia. Rain grupo Sudeste Asiatika nebee hetan benefisio husi rota perkursu natural sistema solar hodi hetan loro-matan durante oras 12 tempo util (07:00 to’o 19:00) iha oras 24 nian laran. Nee hatudu katak Timor-Leste iha vantajem nebee boot atu aproveita loro nian manas durante oras 12 tomak nudar tempo util ba produsaun enerjia-solar, kompara ho loro-manas nebee rain hanesan Portugal hetan atu produz enerjia solar ho sistema Mikro-jerador, iha media anual oras 4 durante oras 24 (4h/24), oras 6 iha bain-manas (verão) no oras 2 iha bain-malirin (inverno).
Timor-Leste bele hetan vantajem nebee boot uza enerjia solar, alem de durante oras 12 hetan loro-matan tomak ho nian intensidade temperatura manas nebee mos aas, diminuisaun temperatura iha kalan mos neneik. Tanba sistema Mikrojerasaun Fotovoltaika nebee simu enerjia husi loro-matan produz enerjia durante oras 12 (durante loron) no armazena energia ne’e hodi bele fornese enerjia eletrika ba nesesidades konsumu interno iha KW nebee ki’ik tebes, la’os deit ba kalan durante oras 12 maibe bele fornese enejia nebee resin ba nesesidades, konforme kapasidade produsaun fotovoltaika ida iha sistema ida ne’e.
Mikro-jerador akumula produsaun enerjia husi loro-matan loron ba loron, husi dader to’o kalan, produz enerjia aumenta gradualmente konforme loro-matan nian manas to’o ba ponto maximu konforme mos ba loro-manas hodi armazena, no produsaun enerjia para gradualmente bainhira loro-matan lakon no temperatura diminui to’o para kompletamente.
Sistema Mikro-jerador ho painel solar ida ho nian potensia fotovoltaika ida iha 3.68 KW iha Portugal.
Sa ida mak modulu Mikro-jerador?
Mikro-jerador ne’e makina nebee pruduz eletrisidade ho potensia nebee ki’ik, liu husi painel ida ka konjuntu painel ida nebee hatur hodi see ba loro-matan. Makina ne’e simu manas nebee painel transmite, produz eletrisidade no armazena. Needuni prosesu produsaun eletrisidade depende ba loro-manas nebee painel simu, painel transmite manas ne’e ba makina Mikro-jerador, mikro-jerador transforma manas husi loro-matan ne’e ba ahi eletrisidade, depois mikro-jerador armazena ahi ne’e iha KW (killo watt).
Atu bele aplika sistema fotovoltaika ho modulo Mikro-jerador iha Timor, presiza klasifika konsumidor enerjia fotovoltaica nee mak se: Iha ne’e bele klasifika em jeral iha konsumidor na’in rua. Ida familia (domestiku) no ida fali empreza. Konsumu iha familia uma ida ka iha konjunto uma ba familia ka aldeia ida presiza painel ho potensia fotovoltaika hira, no mos ba empreza nian nesesidades konsumo elerjia presiza paineis ho potensia fotovoltaika hira? Iha Timor bele eskolha konsumidor domestiku sai hanesan objektu ba projektu aplikasaun sistema mikrojerador ho painel solar.
Atu hatene oras hira mak Mikrojerador fornese produsaun enerjia basta hatene durante loron ida hetan oras loro manas hamutuk hira hodi nune’e bele multiplika ho potensia fotovoltaika.
P.e. iha Timor durante loron ida tomak 24 oras, oras 12 manas no potensia modulo fotovoltaika ida iha 3.68 KW mak: [3.68 kw] x [12h] = 44.16 kwh.
Nune’e mos atu kalkula produsaun anual ita multiplika [44.16 kwh] x 365 = 16118.4 kwh.
Ho nune’e bele kalkula investimentu (sosa mikrojerador painel solar) ho konsumu kw ho nian folin por loron ka fulan ka tinan.
Se instalasaun mikrojerador ida folin 3.500 USD (investimento) no presu kwh ida 0,70 sentimus, atu hatene rendimento produsaun enerjia anual multiplika deit:
[16118.4 kwh] x [0,70/kwh ] = 11.282,88 USD – [3.500 USD] = 7.782,88 USD
Basaa, konjunto familia ida nebee konsome enerjia husi sistema fotovoltaika husi investimentu 3.500 USD tinan ida la to’o 16118.4 kwh, hodi nune’e konjunto familia ne’e bele iha kwh restu barak nebee sei bele fa’an ba ema seluk.
Sistema mikro-jerador bele instala iha kualker fatin nebee hetan loro-matan, nune’e mikro-jerador bele instala iha aldeias hirak nebee dok husi rede ka estasoins eletrika publika.
Rekomendasaun:
Karik iha nesesidade, Governo bele haruka ekipa teknika ida hodi halo estudu viabilidade ka study kelayakan kona ba aplikasaun sistema enerjia renovavais hanesan enerjia Solar, no enerjia Eólica.
Karik bele, iha visita nebee PM Kay Rala Xanana Gusmão atu realiza iha biban badak mai Portugal, bele mos lori ekipa ida hodi visita implantasaun sistema rua (Solar ho Eólica) iha Portugal.
Contactos:
Endereço: F.F. Sistemas de Energias Alternativas Portugal, Lda.
Parque Industrial da Feiteirinha Lt.1
8670-440 Aljezur – Portugal
Telef.: + 351 282 998 745
Fax: + 351 282 998 746
Email: mail@ffsolar.com
Horário de abertura:
Horário de Inverno [01.11 - 28.02]: Segunda a Sexta das 09 : 00 às 18 : 00
Horário de Verão [01.03 – 30.10] : Segunda a Sexta das 09 : 00 às 19 : 00
*Editor Fórum-Haksesuk
Husi: Victor Tavares
Petroleo ka mina-rain husik ona sai hanesan unika fonte ba enerjia ba nesesidades iha sosiedade nian laran. Mina-rai ka mina husi rai-teen nian folin sa’e husi loron ba loron, tanba Rain ka Nasoins produtores hirak halo espekulasaun iha produsaun hodi fo ninian influensia maka’as ba produto ida ne’e nian folin iha merkadu internasional. Bainhira Rain ka Nasoins produtores/exportadores (OPEC) halo regulasaun (tun/sa’e) iha produsaun tanba espekulasaun (folin) ba intereses ekonomikus Nasoins produtores/exportadores ka intereses politikas ka problemas seguransa, mak fo ninian impaktu direktu no imediatu ba Nasoins konsumidores sira nebee dependente ba fonte enerjia mina-rai ka kombustivel. Países importadores hirak mos aplika politika nebee hanesan iha merkadu internasional, nune’e iha rain importadores hirak nian empreza – revendedores, sempre iha tendensia maka’as aplika politika “price maker” ba mina-rai folin iha merkadu nasional. Iha biban (tinan) hirak ikus mina-rai folin sa’e hela deit tanba faktores oi-oin.
Kestoins seguransa, hanesan funu iha Kwaite, iha Irak, problema terrorismo, programa nuklear Iraun, tensaun entre Amerika ho Iraun, Amerika ho Korea do Norte, funu entre mundo ho Bin Laden ho nian grupo no xokes intereses selu-seluk fo nian kontribuisaun nebee maka’as ba mina-rai nian folin iha merkadu internasional. Xokes de intereses mos kondisiona países produtores sira produz mina-rai, ida bazeia ba ninian intereses politikas, ba ninian intereses ekonomikas no ida fali mos ba nian intereses defeza nasional. Ezemplo, Iraun reduz ninian produsaun mina-rai tan deit konflito iha diplomasia ho EUA no União Europeia, maibe problema la’os intereses iha area ekonomia deit mak halo Iraun reduz produsaun mina-rai maibe mos tanba defeza nasional nian intereses.
Ho sansoins nebee Amerika ho União Europeia aplika ba Iraun, nasaun membro organizasaun OPEC ida ne’e mos fo nian influensia ba organizasaun hodi kondisiona ka trava produsaun ka reduz volume exportasaun mina-rai ba rain ka nasoins konsumidores. Konsekuensia husi redusaun produsaun ka hamenus exportasaun, halo nasoins konsumidores/importadores hirak aplika hasa’e mina-rai ka kombustivel nian folin nebee aas, no iha mos tendensia atu halo espekulasaun hodi hamosu “price maker” iha merkadu nasional. Situasaun mina-rain folin sai aat liu tan bainhira nasoins importadoras aplika politika liberalizasaun iha merkadu nasional kona ba mina-rai folin, iha nebee, revendedores kombustiveis sira hamosu politika folin husi produtu ida ne’e tuir sira nian hakarak. Tendensia halo espekusaun mos fo nian influensia to’o iha revendedores retalhistas sira iha postos abastesimento nian.
Timor-Leste, nasaun ida ki’ik, nian ema mos uitoan (1.108.777, estimativa Julho 2008), maibe hanesan ita hotu hatene katak mina-rai iha tasi kidun barak maibe la’os rohan laek (raridade maibe limitado), no situasaun desvantajem mos ba Timor-Leste tanba dependente ba kapitais husi rain seluk. Iha materias primas (mina-rai) nebee barak maibe tanba Timor-Leste la iha meios ka rekursus proprios (osan, teknikus no meios makinas/fabrikas) atu explora no hetan rezultadu likidu nebee bele fahe hanesan hodi fo benefisio ba populasoins Timor tomak, nudar konkretizasaun ida husi konseitu Libertasaun do Povo liu husi eletrisifikasaun aldeias.
Konseitu Libertasaun do Povo bele interpreta liu husi implementasaun konkreta programas IV Governo Constitucional nian nebee hato’o ona ba Povo, iha area eletrisifikasaun. Hanesan loke rede eletrika nebee bele atinje populasoins sira nebee hela iha foho-leet ka iha zonas hirak nebee izoladas. Ho fo naroman eletrika ba Povo ki’ik sira nebee to’o ohin loron sei dependente tebes ba ahi-oan tradisional husi mina-rai, iha sira nian uma laran, nebee mos fo nian implikasoins liu-liu ba sira nian saude. Ho politika eletrisifikasaun aldeias liu husi investimento ka reinvestimento osan husi Fundo Petrolifero hanesan metudo ida nebee adekuadu no efektivu iha distribuisaun riku-soin Rain Timor nian ba Povo Timor-Leste tomak. Ho reinvestimento osan husi Fundo Petrolifero iha enerjia alternativa renovavel, mos hanesan demokratizasaun no justisa sosial iha distribuisaun riku-soin nebee estado hetan lori soberania Rain no Povo Timor-Leste.
Atu bele konkretiza interpretasaun konseitu Libertasaun do Povo liu husi eletrisifikasaun aldeias, Estado presiza halo investimento iha Energia Alternativa Renovavel hanesan enerjia Solar (enerjia husi loro-matan), enerjia Eolika (enerjia husi anin), enerjia Hidrika no enerjia Biomassa.
Maibe iha kontextu ida ne’e hakerek na’in eskolha fonte de enerjia Renovavel Solar sai hanesan enerjia alternativa ba mina-rai ka enerjia fosseis nebee ejiste iha Tasi Timor.
Basaa, haree husi geografia Timor-Leste okupa grupo iha Peninsula Indika Oriental – Sudeste Asia. Rain grupo Sudeste Asiatika nebee hetan benefisio husi rota perkursu natural sistema solar hodi hetan loro-matan durante oras 12 tempo util (07:00 to’o 19:00) iha oras 24 nian laran. Nee hatudu katak Timor-Leste iha vantajem nebee boot atu aproveita loro nian manas durante oras 12 tomak nudar tempo util ba produsaun enerjia-solar, kompara ho loro-manas nebee rain hanesan Portugal hetan atu produz enerjia solar ho sistema Mikro-jerador, iha media anual oras 4 durante oras 24 (4h/24), oras 6 iha bain-manas (verão) no oras 2 iha bain-malirin (inverno).
Timor-Leste bele hetan vantajem nebee boot uza enerjia solar, alem de durante oras 12 hetan loro-matan tomak ho nian intensidade temperatura manas nebee mos aas, diminuisaun temperatura iha kalan mos neneik. Tanba sistema Mikrojerasaun Fotovoltaika nebee simu enerjia husi loro-matan produz enerjia durante oras 12 (durante loron) no armazena energia ne’e hodi bele fornese enerjia eletrika ba nesesidades konsumu interno iha KW nebee ki’ik tebes, la’os deit ba kalan durante oras 12 maibe bele fornese enejia nebee resin ba nesesidades, konforme kapasidade produsaun fotovoltaika ida iha sistema ida ne’e.
Mikro-jerador akumula produsaun enerjia husi loro-matan loron ba loron, husi dader to’o kalan, produz enerjia aumenta gradualmente konforme loro-matan nian manas to’o ba ponto maximu konforme mos ba loro-manas hodi armazena, no produsaun enerjia para gradualmente bainhira loro-matan lakon no temperatura diminui to’o para kompletamente.
Sistema Mikro-jerador ho painel solar ida ho nian potensia fotovoltaika ida iha 3.68 KW iha Portugal.
Sa ida mak modulu Mikro-jerador?
Mikro-jerador ne’e makina nebee pruduz eletrisidade ho potensia nebee ki’ik, liu husi painel ida ka konjuntu painel ida nebee hatur hodi see ba loro-matan. Makina ne’e simu manas nebee painel transmite, produz eletrisidade no armazena. Needuni prosesu produsaun eletrisidade depende ba loro-manas nebee painel simu, painel transmite manas ne’e ba makina Mikro-jerador, mikro-jerador transforma manas husi loro-matan ne’e ba ahi eletrisidade, depois mikro-jerador armazena ahi ne’e iha KW (killo watt).
Atu bele aplika sistema fotovoltaika ho modulo Mikro-jerador iha Timor, presiza klasifika konsumidor enerjia fotovoltaica nee mak se: Iha ne’e bele klasifika em jeral iha konsumidor na’in rua. Ida familia (domestiku) no ida fali empreza. Konsumu iha familia uma ida ka iha konjunto uma ba familia ka aldeia ida presiza painel ho potensia fotovoltaika hira, no mos ba empreza nian nesesidades konsumo elerjia presiza paineis ho potensia fotovoltaika hira? Iha Timor bele eskolha konsumidor domestiku sai hanesan objektu ba projektu aplikasaun sistema mikrojerador ho painel solar.
Atu hatene oras hira mak Mikrojerador fornese produsaun enerjia basta hatene durante loron ida hetan oras loro manas hamutuk hira hodi nune’e bele multiplika ho potensia fotovoltaika.
P.e. iha Timor durante loron ida tomak 24 oras, oras 12 manas no potensia modulo fotovoltaika ida iha 3.68 KW mak: [3.68 kw] x [12h] = 44.16 kwh.
Nune’e mos atu kalkula produsaun anual ita multiplika [44.16 kwh] x 365 = 16118.4 kwh.
Ho nune’e bele kalkula investimentu (sosa mikrojerador painel solar) ho konsumu kw ho nian folin por loron ka fulan ka tinan.
Se instalasaun mikrojerador ida folin 3.500 USD (investimento) no presu kwh ida 0,70 sentimus, atu hatene rendimento produsaun enerjia anual multiplika deit:
[16118.4 kwh] x [0,70/kwh ] = 11.282,88 USD – [3.500 USD] = 7.782,88 USD
Basaa, konjunto familia ida nebee konsome enerjia husi sistema fotovoltaika husi investimentu 3.500 USD tinan ida la to’o 16118.4 kwh, hodi nune’e konjunto familia ne’e bele iha kwh restu barak nebee sei bele fa’an ba ema seluk.
Sistema mikro-jerador bele instala iha kualker fatin nebee hetan loro-matan, nune’e mikro-jerador bele instala iha aldeias hirak nebee dok husi rede ka estasoins eletrika publika.
Rekomendasaun:
Karik iha nesesidade, Governo bele haruka ekipa teknika ida hodi halo estudu viabilidade ka study kelayakan kona ba aplikasaun sistema enerjia renovavais hanesan enerjia Solar, no enerjia Eólica.
Karik bele, iha visita nebee PM Kay Rala Xanana Gusmão atu realiza iha biban badak mai Portugal, bele mos lori ekipa ida hodi visita implantasaun sistema rua (Solar ho Eólica) iha Portugal.
Contactos:
Endereço: F.F. Sistemas de Energias Alternativas Portugal, Lda.
Parque Industrial da Feiteirinha Lt.1
8670-440 Aljezur – Portugal
Telef.: + 351 282 998 745
Fax: + 351 282 998 746
Email: mail@ffsolar.com
Horário de abertura:
Horário de Inverno [01.11 - 28.02]: Segunda a Sexta das 09 : 00 às 18 : 00
Horário de Verão [01.03 – 30.10] : Segunda a Sexta das 09 : 00 às 19 : 00
*Editor Fórum-Haksesuk
E-mail: fhaksesuk@gmail.com
Sem comentários:
Enviar um comentário
Nota: só um membro deste blogue pode publicar um comentário.