Fretilin hili suku Holarua, Sub-Distritu Same no Distritu Manufahi hodi halo retiru loron rua (2) nian laran (27, 28/10). Iha komunikadu Fretilin hasae husi Retiru ne´e la iha buat foun ida maibe buat mesak tuan deit, hanesan kontinua ho diskursu «IV Governo Constitucional (IV GC)» ne´e Inkonstitucional no Iligitimo. Tamba saida maka Fretilin kontinua ho diskurso ne´e? Tamba dala ruma Fretilin prepara dadaun dalan oinsa maka halo kontra-Golpe Konstitucional?
Objektivu Fretilin maka ne´e: Oinsa maka fila fali ba poder ka kaer fila fali Ukun. Tamba husik IV G C kumpri legislatura bele diak mos bele la diak ba Fretilin. Tuir Mari Alkatiri waihira halo visita ba Indonesia haktuir ba Kompas katak “Governo PM Xanana nian ne´e la bele dura to´o tinan rua (in Kompas, Setembro, 2007)”. Deklarasaun Sekjen Fretilin nian sai hanesan orientasaun oficial husi Partido nian, tamba hare husi komunikadu no diskursu oficial Fretilin nian mesak ninia «tom» ka hananu musika ne´ e hanesan deit. Hare avalia didiak Programa IV GC ba tinan lima (2007/12) mai ne´e, se buat hotu lao diak, Governo Ukun diak, sei manan povo nia laran, sei dificil ba Fretilin atu rekupera ninia eleitorado nebe maka lakon.
Estrategia Fretilin nian hodi to´o ba ninia bjektivo maka «Oinsa maka bele fila ba kaer Ukun lalais», liu husi dalan oi-oin: legal-konstitucional; buka destroe AMP; buka fragiliza Sistema Judicial; buks envolve PM nudar autor moral i intelektual konaba Krise Politika Militar (KPM); buka trasnforma figura Mari Alkatiri nudar vitima ba KPM maibe laos autor moral no intelektual; buka hasae lalais FSI husi Timor LoroSae.
Legal-Konstitucional; kontinua ho diskurs ba laran (Fretilin) no ba liur (Nasaun) katak “Decisaun Prezidente Republika (PR) bolu AMP harii IV GC ne´e «Inkonstitucional» no Governo Xanana ne´e «Iligitimo»”. Maibe Fretilin nebe kanta ka hananu los Lei no Konstituisaun, maibe sira lakohi lori decisaun PR nian ne´e ba Tribunal Rekursus, ne´e tansaida? Fretilin mosu mai ho argumentus no interpretasaun artigo 106 no artigo 85 husi Juristas Fretilin nian hanesan Teixeira ho Sahe Silva nebe klasifika hanesan «Superficial» ladun klean iha análise konaba «Konstitucionalidade» decisaun PR hodi bolu AMP harii IV GC.
Oinsa maka destroe AMP; atu destroe AMP nebe suporta Governo, buka oinsa maka destroe tiha aliansa ne´e rasik. Fretilin hatene katak atu hamonu AMP, buka destroe tiha partidos sira nebe maka hola parte ba AMP rasik. Materializasaun taktika ida ne´e liu husi, oinsa maka destroe Partido Demokratiko (PD), hahu foti sai lian sakat malu iha PD laran hanesan, balun pro AMP, balun fali pro-koligasaun ho Fretilin. Foti deklarasaun PD distritu Ermera nian hanesan elementu importante ida ba distruisaun ba PD. Buat sira nebe maka sai hanesan materia ba kampanye Fretilin nian ne´e normal iha demokrasia no vida partido politika ida. Tamba iha Partido Politika (PP) ida iha emar barak, neduni divergencia ba hanoin ne´e normal. Buka oinsa maka joga grupos sira nebe maka hamutuk iha AMP hanesan: oinsa maka joga CNRT kontra Fretilin Mudanças (FM), ASDT kontra PSD, ho objektivo maka AMP han malu ne´e diak ba Fretilin, se AMP maka «coeso»no fiel ba kumprimisso eleitoral no misaun nebe sei kumpri liu husi programa IV GC nian ba tinan lima (2007/12) neduni sai hanesan «ameaça» ba ambisaun no estragia Fretilin nian.
Buka fragiliza sistema judicial; aksaun ne´e liu husi «divulga dada lia enre PJR Longinhos Monteiro (LM)-Leandor Izaac (LI)-Agio Pereira (AP) ». Target ba divugasaun ne´e oinsa maka Fretilin bele tau sira nia ema maka kaer PJR, iha ne´e koloka LM ninia posisaun fragil. Ema nebe maka Fretilin prepara ba troka LM maka Ana Pessoa nudar PJR. Hare deit husi komunikadu Fretilin iha Holarua konaba «Agente Sekreta PNTL nian ba hasae foto ba militante Fretilin sira nebe participa iha retiru. Kesar Fretilin nian ne´e ba Provedor Direitos Humanos (PDH) maibe laos PJR tamba la fiar ona».
Buka oinsa maka envolve PM Xanana Gusmao nudar autor moral no intelektual konaba Krise Politika Militar (KPM). Tuir Mari Alkatiri iha ninia deklarasaun ba STL (18/10) katak “Xanana Gusmao maka halo konspirasaun hasoru Fretilin (in STL, 18/10)”. Target maka ne´e: oinsa maka fragiliza Xanana Gusmao. Sira buka divulga karta nebe maka eis-PR, Xanana Gusmao no eis-Komandante PNTL, Paulo Martins fo autorizasaun ba Railos ho ninia grupo bele cirkula livre iha KPM nia laran.
Buka transforma Mari Alkatiri nudar vitima ba KPM, maibe laos nia maka autor moral i intektual konaba KPM ne´e rasik. Hare lolos ne´e se maka hahu halo konspirasaun maka Mari Alkatiri, hare fila STL (29/10) no Forum Haksesuk (http://www.forum-haksesuk.blogspot.com/), “Mari Alkatiri maka hahu Konspirasaun politika kontra Xanana Gusmao (in STL, 29/10 no FH)”. Iha ninia reinado Mari Alkatiri iha kondisaun atu resolve problema no buka solusaun maibe nia maka husik buat sira lao deit to´o monu, nia maka autor moral i intelektual ba KPM, hare fila artigo “Mari Alkatiri maka kausa no problema ba KPM (http://www.forum-haksesuk.blogspot.com/).
Buka oinsa maka sai lalais FSI (Força Stabilidade Internacional) husi Timor LoroSae (leste), no liliu oinsa maka kontra FSI husi Australia. Buka nafatin denuncia aksaun nebe FSI iha tereno. Ba Fretilin FSI sai lalais diak liu tan, atu nune «marcha» ba to´o poder dalan bele luang hela. Fretilin ninia analise maka ne´e: FSI maka protege Governo AMP.
Neduni target Fretilin nian maka ne´e oinsa maka bele hatun Governo ne´e lalais diak liu tan. Diskursu no aksaun Fretilin hein depois 100 dias IV GC atu hahu acelera kampanye kontra Governo PM Xanana Gusmao nian, nebe tuir ne´e resultado husi «Golpe Knstitucional (GK)». Se Governo PM Xanana nian ne´e GK, neduni Fretilin Husi Holarua prepara ba Kontra-Golpe Konstitucional?
António Ramos Naikoli
Timor Oan, hela iha Lisboa, Portugal!
Objektivu Fretilin maka ne´e: Oinsa maka fila fali ba poder ka kaer fila fali Ukun. Tamba husik IV G C kumpri legislatura bele diak mos bele la diak ba Fretilin. Tuir Mari Alkatiri waihira halo visita ba Indonesia haktuir ba Kompas katak “Governo PM Xanana nian ne´e la bele dura to´o tinan rua (in Kompas, Setembro, 2007)”. Deklarasaun Sekjen Fretilin nian sai hanesan orientasaun oficial husi Partido nian, tamba hare husi komunikadu no diskursu oficial Fretilin nian mesak ninia «tom» ka hananu musika ne´ e hanesan deit. Hare avalia didiak Programa IV GC ba tinan lima (2007/12) mai ne´e, se buat hotu lao diak, Governo Ukun diak, sei manan povo nia laran, sei dificil ba Fretilin atu rekupera ninia eleitorado nebe maka lakon.
Estrategia Fretilin nian hodi to´o ba ninia bjektivo maka «Oinsa maka bele fila ba kaer Ukun lalais», liu husi dalan oi-oin: legal-konstitucional; buka destroe AMP; buka fragiliza Sistema Judicial; buks envolve PM nudar autor moral i intelektual konaba Krise Politika Militar (KPM); buka trasnforma figura Mari Alkatiri nudar vitima ba KPM maibe laos autor moral no intelektual; buka hasae lalais FSI husi Timor LoroSae.
Legal-Konstitucional; kontinua ho diskurs ba laran (Fretilin) no ba liur (Nasaun) katak “Decisaun Prezidente Republika (PR) bolu AMP harii IV GC ne´e «Inkonstitucional» no Governo Xanana ne´e «Iligitimo»”. Maibe Fretilin nebe kanta ka hananu los Lei no Konstituisaun, maibe sira lakohi lori decisaun PR nian ne´e ba Tribunal Rekursus, ne´e tansaida? Fretilin mosu mai ho argumentus no interpretasaun artigo 106 no artigo 85 husi Juristas Fretilin nian hanesan Teixeira ho Sahe Silva nebe klasifika hanesan «Superficial» ladun klean iha análise konaba «Konstitucionalidade» decisaun PR hodi bolu AMP harii IV GC.
Oinsa maka destroe AMP; atu destroe AMP nebe suporta Governo, buka oinsa maka destroe tiha aliansa ne´e rasik. Fretilin hatene katak atu hamonu AMP, buka destroe tiha partidos sira nebe maka hola parte ba AMP rasik. Materializasaun taktika ida ne´e liu husi, oinsa maka destroe Partido Demokratiko (PD), hahu foti sai lian sakat malu iha PD laran hanesan, balun pro AMP, balun fali pro-koligasaun ho Fretilin. Foti deklarasaun PD distritu Ermera nian hanesan elementu importante ida ba distruisaun ba PD. Buat sira nebe maka sai hanesan materia ba kampanye Fretilin nian ne´e normal iha demokrasia no vida partido politika ida. Tamba iha Partido Politika (PP) ida iha emar barak, neduni divergencia ba hanoin ne´e normal. Buka oinsa maka joga grupos sira nebe maka hamutuk iha AMP hanesan: oinsa maka joga CNRT kontra Fretilin Mudanças (FM), ASDT kontra PSD, ho objektivo maka AMP han malu ne´e diak ba Fretilin, se AMP maka «coeso»no fiel ba kumprimisso eleitoral no misaun nebe sei kumpri liu husi programa IV GC nian ba tinan lima (2007/12) neduni sai hanesan «ameaça» ba ambisaun no estragia Fretilin nian.
Buka fragiliza sistema judicial; aksaun ne´e liu husi «divulga dada lia enre PJR Longinhos Monteiro (LM)-Leandor Izaac (LI)-Agio Pereira (AP) ». Target ba divugasaun ne´e oinsa maka Fretilin bele tau sira nia ema maka kaer PJR, iha ne´e koloka LM ninia posisaun fragil. Ema nebe maka Fretilin prepara ba troka LM maka Ana Pessoa nudar PJR. Hare deit husi komunikadu Fretilin iha Holarua konaba «Agente Sekreta PNTL nian ba hasae foto ba militante Fretilin sira nebe participa iha retiru. Kesar Fretilin nian ne´e ba Provedor Direitos Humanos (PDH) maibe laos PJR tamba la fiar ona».
Buka oinsa maka envolve PM Xanana Gusmao nudar autor moral no intelektual konaba Krise Politika Militar (KPM). Tuir Mari Alkatiri iha ninia deklarasaun ba STL (18/10) katak “Xanana Gusmao maka halo konspirasaun hasoru Fretilin (in STL, 18/10)”. Target maka ne´e: oinsa maka fragiliza Xanana Gusmao. Sira buka divulga karta nebe maka eis-PR, Xanana Gusmao no eis-Komandante PNTL, Paulo Martins fo autorizasaun ba Railos ho ninia grupo bele cirkula livre iha KPM nia laran.
Buka transforma Mari Alkatiri nudar vitima ba KPM, maibe laos nia maka autor moral i intektual konaba KPM ne´e rasik. Hare lolos ne´e se maka hahu halo konspirasaun maka Mari Alkatiri, hare fila STL (29/10) no Forum Haksesuk (http://www.forum-haksesuk.blogspot.com/), “Mari Alkatiri maka hahu Konspirasaun politika kontra Xanana Gusmao (in STL, 29/10 no FH)”. Iha ninia reinado Mari Alkatiri iha kondisaun atu resolve problema no buka solusaun maibe nia maka husik buat sira lao deit to´o monu, nia maka autor moral i intelektual ba KPM, hare fila artigo “Mari Alkatiri maka kausa no problema ba KPM (http://www.forum-haksesuk.blogspot.com/).
Buka oinsa maka sai lalais FSI (Força Stabilidade Internacional) husi Timor LoroSae (leste), no liliu oinsa maka kontra FSI husi Australia. Buka nafatin denuncia aksaun nebe FSI iha tereno. Ba Fretilin FSI sai lalais diak liu tan, atu nune «marcha» ba to´o poder dalan bele luang hela. Fretilin ninia analise maka ne´e: FSI maka protege Governo AMP.
Neduni target Fretilin nian maka ne´e oinsa maka bele hatun Governo ne´e lalais diak liu tan. Diskursu no aksaun Fretilin hein depois 100 dias IV GC atu hahu acelera kampanye kontra Governo PM Xanana Gusmao nian, nebe tuir ne´e resultado husi «Golpe Knstitucional (GK)». Se Governo PM Xanana nian ne´e GK, neduni Fretilin Husi Holarua prepara ba Kontra-Golpe Konstitucional?
António Ramos Naikoli
Timor Oan, hela iha Lisboa, Portugal!
Faktus sira nebe Sr Naikoli fosae nee klaru tebes.
ResponderEliminarHau intersante konaba Jose Texeira ho Sahe Silva, sira na'in rua mak "matenek nai'n" F nian ba Konstitusi TL ba artigo 85 & 106????
Entaun hau ida beikten ne'e mos bele sae "matenek nain" hotu. DASAR MAU LAMBE!!!!!
Hau sei fiar katak Sr X iha experencia maka's oin sa atu hasoru Sr Alkatiri no nia Mau lambe sira. Uluk durante ukupasaun Indonesia nian deit nebe defisil tebes atu kontra tamba nasaun barak la fo apoiu mos Sr X sei konsege halo, nusa mak Sr X labele "hakui" Sr Alkatiri cs sira iha tempo nebe povu maoria TL mos fo apoiu ho nasaun mundo tomak.
Ita hein deit, Maromak ho matebian heroik sira sei fo "buat diak ida" ba Sr Alkatiri cs "wain hira nia tempu too ona".
Salhoom
ResponderEliminarHatan ba belun Naikoli nia komentariu.
" Iha loron ida bibi atan ida taka oklu metan lori bibi ba toos sai ba rai fuik atu bibi bele han duut, iha tempu bailoron maka hetan deit duut maran tamba ne'e bibi la han duut maibe bibi atan taka oklu metan mak nia hare duut sira mesak modok wainhira nia hasai oklu nia hare katak bibi lahan duut tamba duut maran tamba ne'e hateten ba bibi o nune'e ka agora mak o sei hare katak duut sira modok tamba o sei taka fali hau nia oklu, no bainhora bibi taka oklu bibi hare duut maran sira sai modok no nia han kedas maske duut maran "
hau hare husi Naikoli nia koalia hau hatene katak Naikoli ne'e ema ida matenek hanesan lolos maka bibi atan ne'ebe buka meius atu bibi bele han duut.
Hare husi oklu ne'ebe bibi atan taka naikoli iha nia oklu metan ida ne'ebe hateke husi dook nakonu ho duut matak tamba nia rasik koko hela duut mata nia savor.
uluk nanain hau hakarak hateten katak, bainhira ema ida han hela aifarina mak nia han fali keixu nia sei sente gotu liu tamba ne'e nia sei la han tan aifarina
hakarak atu hateten deit katak labele hateke buat ne'ebe iha uma seluk ne'ebe laos o nian hodi hateten katak o mak perigu liu.
ikus liu, liu husi enderesu ida ne'e hau sei halo deit komentariu simples konaba naikoli loron balul tan hau sei hatan ba naikoli nia matenek hakere nain.
hau Timor-oan hela iha Timor-Leste.
“ JUSTISA MAK DALAN LÓS BA ESTADU DE DIREITO DEMOKRÁTIKU “
ResponderEliminarHusi
Maubere Aintanan
Krize politika militar ne’ebé hahu husi 28 Abril 2006 tó ohin loron, lori mai lider Timor-Leste degrasaun politika, hakbi’it inpunidade hodi loke dalan ba injustisa mak akontese durante krize iha ita nia rain. Ne’e akontese tamba deit lideransa rai ida ne’e lakon esperito patriotismu no esperito nasionalismu, nune’e sira lakon kapasidade atu foti dezisaun politika tamba ne’e dezisaun ne’ebé sira foti hetan protesta sira duun ba justisa, maske nune’e lideransa sira halo interferensia ba area justisa tó justisa bale deit ba sira ne’ebé kumpri lei, sira la kumpri lei, lei la buka tuir sira.
Iha ita nia CRDTL artigu ida no 1, koalia katak “ Repúblika Demorátika Timór-Leste katak estadu ida-ne’ebé demokrátiku, soberanu, ukun-an no ida mesak, harii husi povu nia hakarak no iha respeitu ba dignidade ema moris idaidak nian “ baseia ba no 1 husi artigu 1 ne’e lider no lideransa sira tenke buka atu garante estadu de direito demokrátiku hodi tau justisa mak iha leten aas ba. Atu labele hakbi’it inpunidade iha Timór-Leste maka ema hotu-hotu tenke hanesan iha lei nia oin tuir artigu 16 CRDTL ne’ebé hateten ” Sidadaun hotu-hotu hanesan iha lei nia oin, no mós iha direito no obrigasaun hanesan. Labele halo diskriminasaun ba ema tamba nia kulit, nia rasa, nia istadu sivil, nia seksu, orijen etniku, nia lian, pozisaun social eh ekonómiku, hanoin politiku ka idologia, relijaun, instrusaun eh nia kondisaun fizika eh mental “.
Laos hanesan Jose Alexandre Ex. Prezidente Repúblika (Aktual PM) hasai diskursu ida hodi hafahe povu ba Lorosa’e ho Loromonu liu husi diskursu datada 23 Marsu 2006, ne’ebé fó sai mós iha Relatorio Komisaun Espesial Independente Inquerito Internasional ne’ebé aprezenta ba Genebra datada loron 2 de Outrobo 2006, no resolusaun Parlamentu Nasional no 3/2007. 18 Janeiru ne’ebé tó oras ne’e la iha implementasaun husi Prokurador Geral. Halo tiha diskursu fahe tiha povu ba rua ukun fail povu la moe no hanoin katak nia atu sai nafatin komandante hanesan tempu guerillia, ne’e sa honoris kausa beikten duni.
Ita hotu hatene katak konsekuensia husi ninia diskursu Lori ema 150.000 ba moris nu’udar deslokadus Uma 6.000 mak mutuk tamba sunu ho estragus, no ema nain 60 mate durante krize tinan ida nia laran. Tau hamutuk ho nia haruka Forsa Australianu oho ema nain lima iha Same Marsu 2007.
Iha loron 30 Maiu 2006 Prezidente Repúblika (Primeiru Ministru Aktual) konsulta konsellu estadu deklara Medida emergensia atu untrapasa situasaun krise, hodi hola nia kbi’it nu’udar Komandante Supremu das Forsas Armadas kordena PNTL ho FFDTL, maske ita hare katak nuudar Komandante Supremu das Forsas Armada iha tempu ne’eba hatudu momos katak nia la iha kapasidade atu hakotu problema petisionariu.
Ex. Prezidente (Aktual PM) akumula tiha funsaun mensiona iha leten la hari estabilidade maibe loron 22 Junho 2006, nia hasai dikursu hodi kondena Fretilin ho liafuan sira hanesan; Delegadus sira fotiliman deit tauk lakon serbisu atu fo han feen ho oan tamba delegadus sira simu $ 100(Seratus Dollar Americano), Fretilin Halo golpe atu oho demokrásia, Lu-Olo subar iha Builó hodi suku kohe tau bandeira Fretilin, Mari Alkatiri hakiak koellu no Fretilin fahe kilat ikus mai hatudu liu husi Relatori CEII la indikasuan katak Fretilin fahe kilat, no ema ne’ebé involbe hodi simu kilat illegal sira husi “ Rai Los mak Lia Los “ ne’ebé oras toba iha kadeia Becora mak; Sr. Ricardo da Silva, Sr. Martinho Gusmao, Sr. Longinho Monteiro, Sr. Ramos Horta no kilat sira ne’e mak so seguransa ba sira nia uma.
Nune’e mós iha 24 Junho 2006 Sr. Ramos Horta hasai deklarasaun iha TV katak nia mak sai Primeiru Ministru sei resolve problema hotu rai laran iha semana ida ka rua nia laran, sai tiha Primeiru Ministru la halo tée ida tó sai tan Prezidente Repúblika halo programa governu nian tasks fors ba kiak sira hodi fahe osan ba nia aleadu sira tamba nia komprimisu ne’ebé nia halo ho ema hotu iha kampaña, maske iha Constituisaun la hateten katak prezidente tenke halo fali serbisu governu nian bainhira ema koalia ida ne’e nia (Horta hateten katak Konstituisaun mak sala) sa nai ulun beik ida mak ne’e lei tenke tuir fali nia bontade.
Iha 7 de Dezembro 2006 Sr. Jose Alexandre hasai diskursu iha Jardim Borja hamosu konflitus foun ba artemarsiais maka artemarsiai inportados no rai-nain ne’e resulta ema barak mak mate no problema artemarsiais to agora la resolve tamba hahalok kolonialismu foun ne’ebé hakarak fahe povu para nia bele ukun ho forsa ida ne’e mak karakter Sr. Jose Alexandre Gusmaun. “ Uluk Xanana hateten se mak ohin traidos sei sai heroi no se mak heroi ohin se sai traidor aban bainru “ lia ne’e kona duni fali nia, agora tamba deit nia hakarak ukun nia kaer otonomista ho oportunista sira hamutuk ho nia hodi ukun ema ne’ebé uluk terus ho nia.
Iha 3 Marsu 2007 José Alexandre Gusmao nuudar Prezidente Repúblika hasai Diskursu hodi halo atuasaun Sr. Alfredu nia elementus sira iha same relusta ema nain lima mate, hanoin hikas ba kotuk ninia diskursu 22 Junho 2006 hateten katak Fretilin hamrok ran nia hatudu liman ba Fretilin maibe ema ne’ebé hamrok ran mak nia duni ka Jose Alexandre Gusmao.
Xanana hanoin katak nia sai Primeiru Ministru bele resolve problema petisionario maybe relalidade hatudu katak nia organiza dialogu iha Aileu 15-16 Novembro 2007 petisionariu sira la partisipa iha dialogu ne’e, hatudu ona katak Xanana laos ona komandante iha rai ida ne’e nia lakon ona nia karismatiku ne’e moe bo’ot ida ba Xanana, ahi mate loron kalan, Deslokadus nia problema aat liu fail ne’e hatudu momos inkapasitadu Xanana nian lidera governu.
Ikus liu husi hanoin tuir dadus ne’ebé mensiona iha leten, maka atu hetan resolponsabilidade ba povu nia mate, terus, tanis iha lona okos Xanana tenke Resigna-an husi nia kargu Primeiru Ministru hodi ba hatan iha Tribunal ba krime ne’ebé nia komete durante krise nia laran, so ho nune’e deit maka bele resolbe problema petisionariu, Alfredo Reinado ho problema deslokadus ka ADPs sira.
Ba komponente hotu-hotu tenke iha korazen atu koalia buat los ne’ebé sala hateten sala so ho nune’e deit maka it abele repoin fali estadu de direito demokrátiku iha Timor-Leste hodi tau justisa mak aas liu hotu husi interese individu no tau interese komun mak aas liu hotu. Ba leitor sira nia atensaun ami hato obrigadu wain.