Retiru iha Orema laos Fahi-luhan

Same - Forum Haksesuk (FH) - Retiru loron rua nebe maka Fretilin foin dadaun halo iha Suku Holarua, Sub-Distritu Same, Distritu Manufahi, halo iha aldeia Orema, laos Fahi-luhan hanesan komunikadu Fretilin nian. Tuir fonte KH iha Holarua nebe hola parte ba komisaun organizadora haktuir katak "Retiru ne´e halao iha aldeia Orema, iha fatin naran Suru, kampo luang bot ida nebe participa iha retiru ne´e dirigente nasional Fretilin nian hanesan Mari Alkatiri, Estanislau da Silva, Arsenio Bano no seluk tan". Mari Alkatiri ho dirigente nasional seluk toba iha Suru, iha tenda nebe monta iha neba. Arsenio Bano ho Estanislau da Silva ba toba iha Hotel Manufahi, iha Same vila". Haktuir militante Fretilin ne´e, "la komprende tansa maka dehan fali retiru iha Fahi-luhan? Dala ruma tamba Fahi-luhan ne´e laos bastiaun Fretilin, tamba barak iha Fahi-luhan maka vota ba CNRT no PD, hatutan".

Iha retiru ne´e tuir fonte Fretilin iha Holarua, "Oinsa maka Fretilin prepara aksaun depois 100 dias Governasaun AMP. Aksaun ne´e bele oin-oin, lansa nafatin probaganda dehan Governo AMP ilegal no inkonstitucional, oinsa maka prepara atuasaun foun wainhira retirada FSI husi Timor-Leste, atu nune Fretilin bele fila lalais ba Poder". FH