Uma Estado Nian

Uma estado nian, so sira nebe maka bele hela ka tur iha neba sira nebe hola parte ba Governo ka kaer kargo importante iha estado nian. Kasu akontece waihira iha tinan 2003 Governo RDTL, liu husi «surat keputusan» Ministro Justiça Domingos Sarmento hodi ba hasae Mario Carrascalao husi uma nebe nia hela ba. Tuir Governo, uma ne´e Governo Português nian, neduni tuir Ukun Fuan Timor nian, sasan material hanesan uma nebe pertence ba autroidades kolonial (Portugal no Indonesia) ne´e pertence ba Estado RDTL. Ho argumentu ida ne´e maka Mario Carrascalao sai husi uma nebe nia hela iha Farol.

Oras ne´e mos,Governo RDTL liu husi Ministra Justiça Lucia Lobato husi atu Eis-PM Mari Alkatiri ho eis-membros Governos sira nebe sei hela iha uma estado nian iha Farol tenke sai ona, tamba uma sira ne´e fo ba sira nebe maka oras ne´e serbisu ba estado ka kaer kargo estado nian maka hela.

Lei ka Ukun fuan atu aplika ba ema hotu, neduni se iha tinan 2003 Ministro Justiça ba hasae Mario Carrascalao, oras ne´e dadaun iha tinan 2007, Ministra Justiçã Lucia Lobato husu atu uma sira nebe Mari Alkatiri ho ninia eis-membros Governos sira hela ba tenke husik mamuk fo ba membros IV Governo Konstitucional!

Lisboa, 18-09-2007

Forum Haksesuk