Vantagem estratégia ba PD hili tama AMP do ke Koligasaun ho Fretilin

Ikus ne´e mosu interpretasaun oi-oin konaba Participasaun PD nian iha IV Governo Konstitucional nebe AMP (CNRT, PD, ASDT i PSD) maka harii. Mosu kasu hanesan ausencia Sekjen PD Mariano Sabino iha tomda de possi IV Governo Konstitucional (GK), PD la kaer pasta estrategika, no sst.

Estrategia ba PD

Estrategia PD nebe´e difini plano no program hodi kontretiza ninia objektivo PD nian.

Estrategia PD nian ne´e ninia materializasaun hodi banati ba ninia projekto no manifesto eleitoral (PME) nebe maka hasae husi Kongresso PD nian iha tinan kotuk(2006). PME ne´e maka hatou ba povo iha eleisaun legislativa iha loron 30-06-2007.

Eleitorado PD nian fo sira nia fiar ba PD liu husi votasaun nebe PD hetan.

Partido hanesan meius deit hodi atingi ninia fins (tujuan, red)

Partido Politik sira hanesan meius deit, nebe funu hodi kontreza ninia objektivo maka moris diak ba povo (bem estar do povo, red), desenvolvimentu, progresso ba rai ida.

Dala barak maka konfundi husi meius no fins. Hare husi objektivo Partido nian,hare ba PD ninia objektivo ne´e klaru los oinsa maka “Harii Nasaun husi Base”, base hanesan airin nebe hametin Nasaun ida ninia moris, rai ida atu metin iha ninia moris lor-loron buka hari metin ninia base estrutura ekonomika, kultural, institusaun estado iha pode lokal, no sst.

Tamba PD fahe ba Mieus ho Fins la hanesan,esfera publika no privada la hanesan, neduni PD hili ba hamutuk ho partido seluk harii AMP do ke simu koligasaun pos-eleitoral ho Fretilin.

Se PD maka ambisaun atu kaer poder, iha liu vantagem simu proposta nebe maka Fretilin nian do ke ba tama AMP. Opsaun PD nian halis liu ba AMP, tamba: Ida (1); opsaun estrategika, partido ida atu moris ba oin ka partido ida futuro nian labele hamlaha no nakdedar uluk ba kaer ukun maibe tenke hola decisaun hodi hare ba ninia vantagem no desvantagem. Opsaun ba tama AMP iha liu vantagem do ke koliga ho Fretilin. Intensaun eleitorado PD nian ne´e tradus ba «vontade de mudanças», hare muda politika laos deit muda maka naran maibe muda politika no rumo politika nebe maka trasa ba Nasaun, tamba ne´e maka eleitorado fo fiar ba PD, maske mosu CNRT ho Xanana maibe votasaun no % PD aumenta tan kualitativamente. Rua (2); vontade estrutra base PD nian lakohi koliga ho Fretilin maibe hakarak ho CNRT hodi harii AMP. Partido ida labele moris no sai bot waihira lideransa nasional sira ninia decisaun la reflekt ba inspirasaun estrutura base nian, tamba estrutura distritral no sub-distrital maka suporta makas ba Partido. Se lideransa nasional PD hola decisaun la koresponde ho inspirasaun base Partido nian, ninia konsekuencia maka grave liu ba PD tamba, bele lakon ninia eleitorado iha eleisaun oin mai no mos militante base sira bele halai sai husi partido.

Iha ne´e decisaun nebe maka Lideransa nasional PD nian hola ne´e opsaun nebe estrategikamente hanoin ba oin no demokratiku tamba demokrasia laos husi leten maka hatun deit maibe husi kraik mos hatou sira nia hanoin tamba sira karaik ka base maka besik liu ba povo ka representa inspirasaun eleitorado Partido nian. Tolu (3); povo la fiar ona ba Governo Fretilin, tamba Governo Mari Alkatiri nian hakarak destroi deit estrutura base nebe maka Povo timor iha, sira halao maka politika klientela, sira halo riku an ho sasan nasaun nian ka riku soin emar Timor nian, iha tinan lima desenvolvimentu la lao, governo fo deit proyek ba familia sira Mari Alkatiri nian no amigos sira maka iha acesso, Governo buka politiza F-FDTL ho PNTL, no sst. Buat sira ne´e hotu maka fo inspirasaun ba povo hodi hakarak mudansas iha politika no rumo politika nebe Rai Timor LoroSae (RTL) hasoru. Neduni AMP ne´e hanesan mosu hodi hatan ba vontade mudansan povo nian manifesto liu husi eleisaun iha loron 30-06-2007.

Se PD maka konfundi meius ho fins, hakarak liu maka meius maka Poder maibe ignora fins, opsaun diak liu maka hili koliga ho Ftetilin, tamba: Ida(1); koliga ho Fretilin, PD hetan oferta diak, bele hetan vice-PM, ministro barak tan ka pasta barak do ke tama AMP. Rua (2); PD koliga ho Fretilin, siknifika PD iha liu margem ba negocia ho Fretilin tamba nia maka parceiro importante ba koligasaun.

Maibe laos meius maka hanesan objektivo PD nian maibe fins maka hodi hamosu PD.Sekretariu Jeral Fretilin, Dr. Mari Alkatiri iha ninia deklarasaun ba Expresso Online dehan “PD mosu hodi haburas demokrasia,maibe CNRT mosu hodi kombate Fretilin (in Expresso, 05/07)”. Neduni PD hili tama ba AMP hanesan opsaun estrategika hodi hare ba oin no biban naruk, laos hanoin no hare badak matan naklosu ba poder tamba deit koliga ho Fretilin bele hetan kadeira mesak diak maibe tur iha kadeira ain tolu neduni bele monu waihira kadeira sama rai la metin. Se PD hanesan partido futuro nian,diak hanoin ba biban naruk do ke hanoin badak.

Neduni iha IV Governo Konstitucional maske PD laos maka kaer pasta ka kadeira estrategika iha Governo maibe ida ne´e laos maka objektivo nebe defini no tradus ba PME PD. Ministro, vice ministro no secretario estado laos fins ba PD, fins ka tujuan maka programa no manifesto eleitoral PD nian nebe eleitorado PD nian fo fiar hodi hili iha loron 30-06-2007. Importante ba PD maka oinsa maka tau ninia PME iha programa Governo AMP nian hodi Ukun iha tinan lima (5) mai ne´e!


António Ramos Naikoli
Timor oan hela iha Lisboa