VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20070812

Fretilin Naran Foer

REUTERS/Lirio Da Fonseca (EAST TIMOR)Lideransa Fretilin fo ou la fo instrusaun ba ninia militante sira halo violensia, maibe Fretilin nia naran foer ona, tanba ema barak nebe halo violencia ema hotu conhece mai husi Fretilin. Ema conhece sira tanba iha kampanye liu ba sira mak lori bandeira Fretilin iha kampanye. No sunu uma barak iha foho mos ema conhece no alvo ema sira nebe la Fretilin.

Karik maluk sira sei lembra, Alkatiri dehan nune, atu akalma eleitor sira, responsabilidade Estado nian e la'os partido nian. Afirmasaun ida ne hatudu mos oin-sa Fretilin lakohi buka trava violencia. Foin buat hothotu akontese tiha ona, no uma motuk hotu ona, foin Arsenio Bano mosu mai hodi fo apelo kalmo ba militante sira,

Noticia nebe triste liu mak sira ataka fatin orfanato ida depois halo violasaun tan ba labarik feto sira, inklui labarik ki'ik balu.

Se mak hakarak tolera ho situasaun hanesan ne?

Kuando Fretilin iha Governo, sira la buka manan ema nia laran, maibe bolu ema autonomia, oportunista ou traidor. Kuando iha eleisaun la konvense ema no ema ba hili tiha partido seluk, agora sira hamrik sunu ema nia uman. Ho violencia la sei konvense ema ruma, nem halo ema ruma hakruk, maibe halo ema hakribi tan deit Fretilin. Ne la'os estrategia diak hodi manan eleitor sira nia laran.

Se tinan kotuk ema hotu tun rame-rame, Fretilin ka la Fretilin mai sunu malu nia uma iha Dili, agora Fretilin mesak sunu Dili to'o iha Baucau ho Viqueue. Ida ne fo imagem aat ba Fretilin.

Fretilin tenki buka halo refleksaun makaas hodi bele hadia an. Karik hanesan ne nafatin, lalika mehi atu manan eleisaun iha 2012. Sorti la iha eleisaun antecipadas, karik iha, sei fakar ran at liu tan.

Hakoak boot

Teodoro Freitas
Fonte ka sumber: renetil@yahoogroups.com

2 comentários:

  1. Mari Alkatiri iha tinan 1975 nia dehan sloga hanesan ne´e «Fogo Inimigo»,neduni Militante,milicia sira tun ba sunu deit uma sira nebe laos Fretilin no sunu moris maluk timor oan nebe laos Fretilin tau ba ahi motuk to´o mate.

    Iha 2007 Mari Alkatiri dehan fila fali,responsabilidade seguransa neé estado nian laos Partido.Grave liu maka Mari Alkatiri dehan Fretilin maka harii estabilidade no Instabilidade.Oras ne´e dadaun justifika ba tese Mari Alkatiri nian,instabilidade Fretilin maka kria waihira Fretilin la Governa.

    Mari Alkatiri iha eleisaun Presidencial 2º volta nia deklara nune:"Timor la iha Uma Lisa". Oras ne´e dadaun sira nia militante Fretilin tau dadaun ona iha Pratika,oins amaka halo hotu uma lisan sira,huriseik kalan,iha Babulu,Same,Militante Fretilin sira ba sunu Uma Lulik ida,Uma Lulika naran Uma Bot,iha Suku Uma Leurai,AIloklaran. Mari Alkatiri ninia tese tau dadaun ona iha Pratika.

    Mari Alkatiri maka Ideologo ba «Violência»,tamba ninia tese no diskursu sira justifika ona iha pratika!

    ResponderEliminar
  2. Hare komentariu eks-primeiro Estanislau nian iha okos hatudu buat rua: Ida, Fretilin nia hanoin nakfera ona, tanba Estanislau reconhece ona katak Governo AMP nian chefia husi Xanana Gusmao iha base legal enquanto, Alkatiri, Lu Olo, aumenta tan Arsenio Bano ho Aniceto dehan Governo ne ilegal.
    Rua, kleur o sedu grupo radikal sei isolado e Estanislau bele halo mudansa ruma iha partido laran. Foufoun ita hotu fiar ba Arsenio ho Aniceto bele lori mudansa ruma, maibe hare husi sira nia diskursu, sira ne hanesan hatais los Alkatiri nia sapatu. Aniceto, diak liu entrega fila fali premio Magsasay, tanba em vez de kondena kriminozu sira, defende fali kriminozu sira iha Parlamento lori bankada Fretilin nia naran.

    Iha ne ita duvida tebes ba Aniceto nia komitmen nebe hanesan ema pejuang HAM.


    Lalika mai dehan ema sira halo violencia ne la'os Fretilin tanba ema conhece sira mos. La iha diferensa melicia 1999 ho milisia 2007 nian, tanba sira hotu sunu mos Timor, oho ema ho nauk ema nia asasan ho animal. Ita la rona milicia 1999 perkosa larik feto ki'ik sira. Ida agora ne aat liu, tanba perkosa ema oan kiak sira nebe sei otas ki'ik.
    Teo


    DILI – Primeiru Ministru (PM) Estanislau Aleixo da Silva husu ba governu foun mai, nebee xefia husi Xanana Gusmão atu rekopera hikas estabilidade, tanba durante tinan ida nia laran povu seidauk senti moris hakmatek.
    Nia dehan, durante kaer terseiru governu konstitusional ho tempu nebee limitadu, konsege halo buat balu nebee implementa tiha ona. Neduni, husu ba kuartu governu foun mai nee atu bele aprezenta fali sira nia programa.

    “Hau hare desizaun nebee presidente hola nee klaru. Agora tempu para ita hotu hateke ba oin atu governu foun tenki halo buat ruma hodi estabelese situasaun iha rai laran, tamba governu tuan remata ona nia servisu,” dehan PM Estanislau da Silva ba jornalista sira hafoin hasoru malu ho Prezidenti Republika iha Palacio da Cinzas, Kaikoli, Dili, Tersa (7/8).

    Xefi governu nebee sei remata nia misaun, Kuarta (8/8) ohin, apela ba povu Timor tomak hodi hateke ba oin atu haree rai nee. Importante liu hotu-hotu tenki fo kontribuisaun ba establidade rai laran no tenki servisu hamutuk.

    Servisu iha tempu difisil nia laran, maibe governu nee mso konsege halao eleisaun ba dala rua Prezidensial no Lezislativa nebee lao ho diak. Nunee, konsege ezekuta orsamentu nebee iha hodi implementa ba dezenvolvimentu.

    “Hau kontenti, tamba iha governu nia laran hau konsege estabelese parti nasional Nino Koni Santana para bele valoriza ita nia herio saudozu Koni Santa nebe mate,” katak Silva.

    Eis Ministru Agrikultura mos hein atu governu foun mai bele servisu ho diak atu estabelese programa nebee diak ba povu tomak hodi rezolve problema nebee governu tuan la konsege rezolve. Governu foun tenki halo mudansa atu implementa sira nia programa nebee iha hodi halo buat diak ba povu tomak. “Hau espera ba Primeiru Ministru foun mai nee tenki ukun rai ida nee ho diak hodi restoura estadu tomak no restora establidade ba ita nia rai.”

    Nia hatutan, nudar membru Estanislau da Silva laiha konsementu ba militante Fretilin nebee halo asaun violensia iha Dili laran. Neduni, tenki hatene uluk problemas nee mai husi nebee. “Fretilin iha responsablidade ba situasaun. Fretilin nunka iha mensagen ida ba militante atu halo violensia.

    Hanesan iha konferensia imprensa liu ba, Prezidenti no Sekretariu Jeral Partidu Fretilin hatete katak, maske Fretilin la satisfeitu ho desizaun nebe presidente hola. Maibe, Fretilin sei hato nia mensagen ba nia militante atu halo buat diak no labele halo violensia. Neduni, militante Fretilin hotu–hotu sei rona no halo tuir buat nebee diresaun Fretilin hatoo. dd

    ResponderEliminar

Nota: só um membro deste blogue pode publicar um comentário.