Jose Reis: Laiha Ema Ida Troka Lu-Olo no Alkatiri MANATUTO STL (06/02/´06)- Tinan lima ba oin seidauk iha no laiha alternative ba lideransa foun atu troka Prezidenti Partidu Fretilin, Francisco Guterres 'Lu-Olo' no Sekretariu Jeral, Mari Alkatiri.Atu troka lideransa nebee agora dadaun tuur nudar prezedenti no sekretariu jeral, tenki haree iha partidu nia laran, ema nebee mak iha kapasidade atu lidera partidu nee ba oin.Adjuntu Sekretariu Jeral Partidu Fretilin, Jose Maria dos Reis, hasai lia hirak nee ba STL no DN hafoin remata loke kongresu nivel Distritu, iha Sede Fretilin Manatuto, Sabadu (5/2).Tuir nia prediksaun iha tinan hirak nee ba oin sei laiha lideransa nebee iha kapasidade atu troka Prezidenti no Sekretariu jeral Partidu Fretilin. "Lidera partidu laos hanesan lidera clube Futebol. Maibe, oinsa mak atu jere partidu nee ba oin. Tuir hau opiniuan, seidauk i laiha alternative ba lideransa partidu Fretilin nian iha tinan hirak nee ba oin. Hau hanoin tinan 5 too 10 bele mosu," nia hatete.Nia sublina tan, Prezidenti Lu-Olo no Sekretariu Jeral, Mari Alkatiri lideransa nebee mak bele kaer metin no lidera partidu. "Sira nain rua kompleta malu bele kaer Fretilin too agora. Se ema seluk, dala ruma Fretilin nee rahun tiha ona, tamba iha obstaklu barak. Sira nain rua konsege kaer metin Fretilin ba oin".Partidu Fretilin Futuru Timor nia hodi nunee laiha oportunidade ba partidu seluk atu manan elsisaun jeral 2007 oin mai. "Fretilin hanesan partidu istoria nebee hatudu ona nia kapasidade iha governu nia laran no iha responsabilidade moral atu bele asumi responsabilidade nee iha governu," Reis haktuir.Reprezentante husi distritu nebee mak atu tuir kongresu nasional Fretilin iha fulan maio oin mai, nia hatete, tenki ema nebee iha baje nee maineira ke fo reprezentasaun sub distritu hot-hotu atu tuir. Demokrasia iha Fretilin nia laran atu eleze lideransa hotu tenki liu husi kongresu ida."Ami iha partidu Fretilin nia laran atu hili lideransa ida laos atu tau deit, mais liu husi prosesu demokratiku iha kongresu nia laran," nia dehan.Partidu sira kiik iha rua-tolu atu halo koligasaun atu oinsa hatun Fretilin iha 2007. "Ita husu ba PN bankada Fretilin bele aprova lei eleitoral nebee sei tama iha Parlamentu. Lei nee sei ejiiji makaas teb-tebes, ema tenki iha 5% hus eleitoral atu tuur hanesan bakada," nia komenta.KongresuPlanu nebee iha konferensia sei halao iha sub distritu hot-hotu atu delega nia ema tuir kongresu nasional iha 20 Maio tinan nee. Maibe, tamba iha nivel nasional, ditritu barak mak seidauk hahu rejustamentu, hodi nunee sekretariadu politika permanenti foti desizaun atu halao konferensia distrital ho objetivu delegadus ba iha kongresu."Agora mos ema barak tau matan ba iha ita nia prosesu ida nee li-liu sira barak tau mastan ba iota nia kongresu. Nee ita determinadu teb-tebes ba eleisaun jeral 2007, " katak Jose.Kongresu nivel distrital nebee mak halao iha distritu Manatuto total hamutuk 263 reprezenta husi sub distritu 6, Manatuto, Laclubar, Laleia, Laclo, Soibada no Barique Natarbora.Iha kongresu nee halao mos eleisaun hodi hili delegadu husi sub distritu ida-idak atu tuir kongresu Nasional iha fulan Maio tinan nee. Festa demokrasia nebee mak partidu Fretilin halo, distritu Manatuto delega ema nain 19 atu tuir kongresu nasional iha Dili fulan Maio tinan nee.Hola fatin iha kongresu nee, Adjuntu Sekretariu jeral Partidu Fretilin, no delegasaun membru Comite Central Fretilin inklui mos partisipante no sipatizantes partidu Fretilin. |
| VISAO | MISAO | OBJECTIVO | HAKSESUK BOLA | FH KKN | HOME | FH LPV | ARTIGOS | FH MUZIKA | LIA MENON | FH RESPONDE |
|
|||||||||||||||||||||
|
20060207
Jose Reis: Laiha Ema Ida Troka Lu-Olo no Alkatiri
Subscrever:
Enviar feedback (Atom)
 Amo Bispo Carlos Filipe Ximenes Belo Premiu Nobel Paz 1996 |
TINAN ATU LIMA
Emar Timor Ho Malae Mutin Hasoru Malu |
| LORON TO’O ONA, Korrupsaun! |
LORON TO’O ONA, Demokrasia!
|
A entrevista do meu amigo, irmão e camarada José Reis só veio confirmar, o
ResponderEliminarque já esperávamos dele, isto é, a sua total subserviência cega ao Luolo e
MA, tratando-se de uma das coisas que ele perfeitamente domina. Quando não
se consegue com mérito próprio, pode-se conseguir com outra arma que, neste
caso, a subserviência.
Agora pergunto, porque é que o meu amigo José Reis que, no Governo exerce
um cargo abaixo da categoria de Ministro, pode ter capacidade para exercer
o cargo de Secretário-Geral Adjunto, os outros que desempenham até hoje a
categoria de Ministros, alguns com distinção, ainda não podem merecer esse lugar
(Sec.Geral)? Não sei se ele está consciente do cargo que ocupa no Partido,
porque se houver uma impossibilidade de o Secretário-Geral exercer as suas
funções, será ele o substituto directo à luz dos estatutos do Partido. Se ele
pode, de momento para outro, exercer o cargo de Secretário-Geral, então não tem
razão quando diz que ainda não substitutos à altura para a liderança actual.
Um abraço
AS
Ps.
email AS para FC
Quando eu chegar la depois eu explico o porque. No entanto, posso dizer que,
ResponderEliminarele proprio afirma a derrota dele relativamente aos insucessos na escolha
dos delegados de regiao I ao congresso.
Informo tambem que relativamente ao estatuto e regimento farei os possiveis
para arranjar e levar directamente.
Abracos
FC
Ps. Resposta FC a AS!
Governasaun Terrór!
ResponderEliminarDala barak ita rona liafuan terrór ka terrorizmu, ita-nia hanoin ba loos ona hahalok ka asaun ne'ebé foti lihosi métodu asaltu aviaun, na'ok no refén ema ne'ebé ignorante sira, bomba lahó ka la iha alvu ne'ebé moos. Autór ba asaun hirak-ne'e, dala barak suspeta ba ema musulmanu radikál sira.
karik ita haree filafali ba lala'ok terrór ka terrorizmu maka nu'udar fenómenu ida-ne'ebé tuan ona iha istória. fenómenu ida-ne'e mosu ka liuhosi aplikasaun hata'uk, ameasa, halo asaun violénsia derepente ka oho ho razaun atu hata'uk, hirak-ne'e maka tátiku hosi lala'ok luta podér, hahalok hirik-ne'e akontese kleur iha tempu ne'ebá molok ita hanaran terrór ka terrorizmu.
Nu'udar Teoria no prátika hahú uza iha rai-Fransa, iha tempu Revolusaun Franseza nian, iha sékulu da-18 ka tinan 1789.
Iha lala'ok terrór hahú uza barak hosi sistema fasista Mussolini, Komunis Stalin no Nazi Hitler.
Hafoin funu malirin (guerra fria), iha ema barak maka estuda métodu hirak-ne'e atu ba to'o sira-nia ajenda ka objetivu.
Iha Sékulu ikus da-19 nian no molok tama funu mundíal da-2 nian, terrorizmu sai tékniku funu revolusaun nian. Purezemplu, iha rejime tinan 1930, ne'ebé hanaran "governasaun terrór". Iha tempu funu malirin terrór hakait ho ameasa arma nukléar.
Hafoin iha loron 11, fulan-Setembru 2001, terrór hetan ninia dimensaun foun, la'ós de'it ona hatudu hahalok kontra ka fó presaun kontra rejime, maibé mós hakarak mobiliza konflitu hodi enxe fila-fali funu idiolojía ne'ebé la iha ona (vákuu idiolojía) ne'ebé iha hafoin funu malirin ramata. Terrór ho eskala boot ida-ne'e mobiliza opiniaun polítika globál hodi refere ba harii opiniaun polítika globál ida.
Hakerek na'in la iha hanoin atu halo esklaresimentu kona-ba siénsia polítika Internasionál liuliu kona-ba terrór ka terrorizmu, maibé hakarak de'it fó hanoin ba maluk sira hotu katak, dala barak rai boboot sira, purezemplu Amérika sira uza liafuan terrór no terrorizmu hodi sori ninia an liuliu ba iterese polítika no ekonomia. Polítika Amérika nian iha rai liur maka la seluk la le'et maka Kona-ba Direitu Ema nian no Demokrasia. Ajudu ba rai devenvolvidu no ki'ak sira nafatin favorese ba sira-nia interese ne'ebé hafalun ho Direitu ema nian no Demokrasia, ne'ebé dala barak sira rasik maka kontra filafali, purezemplu invasaun ba Irake.
Nu'udar ezemplu ida-seluk maka oinsá Amérika nia estratéjia polítika, dada opiniaun globál, halo lobby ho nasaun aliadu, devenvolvidu no ki'ak sira ne'ebé maka politikamente no ekonomiamente sei tabele hela ba nia, inklui Timor-Leste, liliu liuhosi harii ógaun normativa ida maka hanaran lei ka regulamentu no konvensaun sira. Hirak-ne'e maka baibain ho eskala nasionál; purezemplu lei interna ka doméstika Terrorizmu nian, rejionál; purezemplu: Deklarasaun Hamutuk E.U.A-ASEAN nian Kona-ba Kombate Terrorizmu, no internasionál; purezemplu: Konvensaun Internasionál kona-ba Supresaun ba Atu Terrorizmu Nukleár nian (13 Abril 2005), Konvensaun Internasionál kona-ba Supresaun ba Finanseira Terrorizmu nian(9 Dez. 1999).
Ita hotu hatene katak dadaun ne'e ita seidauk iha lei doméstika kona-ba terrorizmu, nune'e mós tratadu konvensaun tantu rejionál no internasionál. Maske nune'e, Timor-Leste, liuhosi ita-nia governu hato'o ona ninia kompromisu atu kombate terrorizmu.
To'o pontu ida-ne'e, hakerek na'in fiar katak Ita-Boot sira balu nia hanoin no neon ba hela terrór ka terrorizmu maka hateten tiha leten. Ida ne'e loos, no ida seluk fali moos la sala maka oinsá ita haree rasik ba terrór ka terrorizmu ne'ebé dadaun ne'e hala'o hela iha ita-nia rai-laran.
Terrorizmu ida-ne'e maka hanaran Governasaun Terrór. Governasaun Terrór baibain hala'o hosi Governu konstitusionál ne'ebé governa. Oinsá ita-nia governu ida-ne'e, ita haree hetan duni asaun ruma maka hanesan terrór ka terrorizmu. Haree ba ita situasaun polítika rai-laran ikus-ikus ne'e, Ita-nia ulun boot polítiku balu hahú uza asaun terrór polítika ba sira-nia interese. Loos duni katak ida-ne'e tanba la sees hosi hadau malu kadeira iha elisaun jerál 2007 ne'ebé sei mai. Prátika asaun Terrorizmu represiva ne'ebé governasaun terrór halo dadaun maka liuhosi dalan sira hanesan tuirmai ne'e:
1. Terrorizmu represiva ka babain bolu terrór hosi leten ba kra'ik ka bolu mós terrór estadu ka governu. Oinsá ita hakait ho ita nia situasaun reál rai-laran nian. Tipu terrór ida ne'e refere liu ba governu RDTL daudaun ne'e. Hakerek na'in hanesan mós sidadaun sira-seluk ne'ebé akompãna, haree no sente ba lala'ok governu ida-ne'e. Esperiénsia Hatudu katak Ita-nia ulun boot polítiku sira la hatudu sira-nia maturidade polítika hodi insulta malu. Oinsá Ita atu ko'alia midar-midar no funan-funan kona-ba demokrásia no partisipasaun polítika sidadaun nian, se Ita rasik la tau iha prátika, satán ita hatene hela maibé hasees an hodi lakohi atu hanorin ninia maktuir (apoiante sira) liuhosi dalan ne'ebé maka ita hanaran edukasaun polítika. Ka ta'uk tanba se nune'e karik sai problema boot ba sira tanba sira-nia maktuir sira sei hatene di'ak liu sira no ida-ne'e sei sai fatuk boot iha sira-nia dalan. Entaun di'ak liu ba sira hodi ignora hodi hateten naran katak ita bele manan iha elisaun jeral ne'ebé sei mai, sira hakilar ho lian makaas liután hodi dehan katak elisaun jerál maka dalan demókratiku aas tebtebes, tanba povu hotu sente livre hodi tu'u ba sira. Ka elisaun ne'e hanesan kortina de'it tanba konteúdu demokrasia maka povu hotu lá'ós hatene atu tu'u de'it maibé atu hatene la'laok polítika ne'e oinsá. Tanba ne'e maka sidadaun hotu presiza haleno an no fó sira-nia haree no hanoin ba komentáriu Sr. Prizidente nian, ne'ebé hateten, "Bainhira ita hili iha elisaun karik, la bele haree ba símbolu ka figura maibé haree ba sira-nia programa".
Tanba de'it interese polítika ne'e, sira uza lala'ok oioin hodi sori sira-nia an, ida maka halo terrór. Terrór liafuan nune'e mós terrór psikolojia. Esperiénsia elisaun jerál tinan hirak liubá sai sasin, ne'ebé pratika terrór sira hanesan: "Se partidu ida-ne'e manan karik raan sei suli, maibé lakon karik raan sei fakar, se partidu ne'e maka lakon karik sei dasa".
Oinsá ita haree fali lala'ok polítiku sira daudaun ne'e, liuliu atu besik ona elisaun jerál 2007. Liafuan la seluk la leet, la koor la seluk ita rona ho tilun no matan rasik katak uza dala idatan iha momentu rai susár ida-ne'e, hirak-ne'e maka hanesan: "la iha tan ema seluk bele ukun, se ema seluk tuku partidu ida-ne'e karik ninia liman sei tuuk no seluk-seluk tan."
Susár lahalimar duni oinsá maka mestre sira bele hanorin sira-nia alunu atu estuda no tau iha prátika kona-ba demókrasia ka polítika, bainhira mestre sira rasik maka lakohi halo tuir.
Sira konsidera lala'ok hirak ne'e sai tiha ona parte integrál hosi sira-nia vida polítika, satán sai tiha ona tradisaun polítika ida.
2. Lala'ok ida seluk hosi terrorizmu represiva maka babain governu uza autoridade sira hodi sori sira-nia an, sira-nia interese polítika. Autoridade iha-ne'e refere liu ba Polísia no Forsa Militár.
Ita hatene katak ita-nia lei-inan RDTL nian hateten katak tantu Polisía no F-FDTL nu'udar instituisaun rua ne'ebé la bele iha partidu polítiku no rona de'it ba órgaun soberanu kompetente sira, tuir lei inan no lei, no sira la bele halo intervensaun polítika naran ida. Loos duni susár tebes atu distinge loloos oinsá ba imparsialidade no intervensaun polítika ida-ne'e. Maske nune'e hakerek na'in nia haree liuliu ba prátika ka esperiénsia lala'ok moris loroloron nian. Purezemplu insidente ne'ebé rezulta violasaun direitu umanu iha loron manifestasaun ne'ebé organiza hosi Eis-komandante Falintil, L7, ita haree katak atuasaun polísia nian barakliu simu órden mai hosi ministériu interiór ne'ebé maka patraun ba governu ida-ne'e, duké orden ne'ebé mai hosi komandu Polísia nian . Ita mós rona iha autór ne'ebé mobiliza manifestante sira hodi halo manifestante hasoru manifestante ne'ebé organiza hosi Eis-Komandante Falintil, L7, nune'e mós susár tebtebes desizaun komandu polísia atu hala'o sira-nia knaar profisionál tanba intervensaun polítika hosi ulun-boot polítiku sira. Purezemplu iha insidente manifestasaun ne'ebé organiza hosi ierárkia igreja nian kona-ba kestaun matéria morál. Kazu hirak-ne'e maka ita klasifika nu'udar lala'ok tipu terrorizmu represiva ninian.
Autoridade ida-seluk maka ita hanaran F-FDTL. Ita hotu hatene esperiénsia governasaun Soeharo nian iha tempu kolonializasaun Indonézia nian, ne'ebé Golkar ho Militár ka TNI sai tiha farda armónia ida ba governu Soeharto nian. Sorti boot ita seidauk to'o situasaun ida-ne'e. Ita haree ba kazu reál militár nian daudaun ne'e, ita tenke konfesa no basa lima ba ita nia forsa F-FDTL ne'ebé nia hatudu imparsialidade no la iha intervensaun polítika ba kazu ne'ebé konsidera soldadu hamutuk ema 591 sai sivíl. Komandu F-FDTL sai profisionál hodi toma ninia desizaun, la bele iha invervensaun polítika hanesan iha PNTL. Hakerek na'in la haree ba konteúdu no hún no abut kazu ida-ne'e ninia maibé haree ba oinsá instituisaun idak-idak bele imparsiál no iha kbiit rasik atu deside tuir mandatu ne'ebé sira iha. Ida seluk maka F-FDTL halo duni ninia kompeténsia hodi hatún ninia desizaun lahó prezensa Komandante Supreme F-FDTL, Sr. Xanana nian, Oinsá ita bele ajuda ema ne'ebé morás boot atu besik mate ona hodi lori ona ba ospitál ho transporte ne'ebé iha ona (komandu F-FDTL nian), se ita hakarak sei hein transporte (Xanana) ne'ebé iha tasi-balu, ne'ebé bainhira transporte ne'e to'o karik ema ne'e mate tiha ona! To'o ba ne'e, hakerek nai'n hakarak de'it atu hateten katak nu'udar instituisaun tantu F-FDTL no PNTL tenke iha kbiit rasik nu'udar instituisaun, instituisaun rua ne'e iha kbiit nu'udar instituisaun duni no la'ós tanba forte ka iha kbiit tanba ema pesoál balu.
Ikusliu, hakerek na'in hakarak atu fó-hanoin katak molok atu ita prekupa ho terrór ka terrorizmu rejionál ka internasionál, ulukliu ita tenke prekupa ho prátika terrór ka terrorizmu iha rai-laran.
Ita hein!