Apontamentu konaba Visita PM Alkateri mai Portugal

Apontamentu konaba Visita PM Alkateri mai Portugal

DESENVOLVIMENTU ATU LAO BA OIN BUKA MUDA MENTALIDADE

Surumutuk PM Marie Alkateri ho Komunidade Timor oan
iha Lisboa, loron 4 Fulan Junho Tinan 2005
(15:15-15:30),iha Forum Turismo Lisboa,fatin nebe
pertence ba Camara Muncipal Lisboa nian. Iha surumutuk
ne PM Marie Bin Amunudin Alkateri ho ninia komitiva ka
rombongan maka ne: Ministra Finanças,Drª. Madelana
Boavida, Vice-Ministra da Educação Drª.Rosaria
Corterreal de Oliveira, Secretario do Esta assunto
Parlamentar,Drª.Antonino Bianco, Drª.José Teixeira,
Secretario do Estado Turismo e Energia, Secretario
Geral do MNEC,Dr.Nelson belo e Secretario PM,Dr.José
Guterres. Iha meja Embaixadora RDTL,Drª.Pascuela
Barreto maka dirigi.
Iha diskursu PM Marie Alkateri nian koalia buat barak
iha ninia introdusaun iha diskursu,mos ninia resposta
ba lian litik sira nebe maka komunidade Timor oan iha
Portugal. Iha buat sira nebe maka PM hatou ne laos
buat foun ida tamba emar hotu tuir no akompanya
situasaun politika Timor nian hare husi liur mos saida
maka mosu iha laran,sorin ida.Husi sorin seluk,Sr .PM
ninia diskursu Justifika deit saida maka halo no saida
maka la halo hodi fo sala ba ONU/PBB. PM halo mos
provakasaun ruma atu karik bele hetan reasaun husi
Publiku maibe Timor oan balun nonok hodi rona saida
maka embot ne haktuir ba sira.
Deklarasaun nebe maka PM Dr.Marie Bin Amunudin
Alkateri hateten nebe foti hanesan titul ba hakerek ne
maka ne: “DESENVOLVIMENTU ATU LAO BA OIN BUKA MUDA
MENTALIDAE”.

1. La kumpri Tempo, dehan reuniaun iha tuku 14:30
maibe halo fali iha tuku 15:15 (hora Portugal) i sai
cedu tamba ba hare Jogo Futeboll Portugal vs Slovakia.
Iha surumutuk ne barak liu maka estudantes,husi
Portugal tomak,husi Coimbra estudantes sira ba tuir
hamutuk nain lima nulu (50) ho kareta Camara Muncipal
Coimbra maka fo. Tamba konvite nebe maka Embaixada
RDTL fo sai katak “Hasoru malu Sr. PM tuku 14:30
“,neduni Estudante sira Coimbra no fatin seluk tan
to´o tuku 14:00. Oinsa maka atu muda mentalidade, se
tempo ka waktu deit la kumpri ona, se desenvolvimentu
atu lao ba oin tenke buka mos iha respeitu ba
tempo,buat kiik oan sira ne la kumpri ona,oinsa maka
bele ba halo mudansa ida radikal?Haktuir ne husi
participante ida.

2. Emar ladun barak,waihira kompara ho Visita
Prezidente Xanana Gusmao.

Prezidente Xanana Gusmao,ninia visita mai Portugal
dala barak ona,regista iha ne passagem Xanana mai
Portugal. Iha Setembro tinan 1999, Xanana ninia visita
dala uluk mai Portugal,ita bele dehan katak Portugal
tomak akompanya Xanana ninia visita,Governo Português
haruka “Aviao Força Aera ” ba lori Xanana husi USA,
TVS Portugal nian sira (TVI,RTP i TV SIC) hotu-hotu fo
siraran langsung,TVS filma ho sira nia Helio husi
lalehan,populasaun Portuguesa forma iha Lisboa hodi
soe aifunan ba Xanana iha dalan nebe maka kareta lori
Xanana.Emar Portuguesa sira nunka halo hanesan ne ba
lider mundial sira, nem Amo Papa! Iha Março tinan
2000,Xanana Visita Universidade Coimbra, Estudante
Nahe sira nia Capa iha rai atu nune Xanana bele lao
iha leten,ne tradisaun Akademika Coimbra nian waihira
simu embot ruma.
Iha 6 outubro tinan 2002,Xanana mai visita nudar
Prezidente RDTL, halibur malu ho Komunidade Timor oan
no solidariedade Portuguesa fatin halibur ba maka
Auditorio Faculdade Psicologia da Universidade
Classica Lisboa, nakonu no fatin maka la iha, mos iha
fulan Abril tinan 2004 Xanana visita mai
Portugal,hasoru malu ho Komunidade iha Lisboa emar mos
barak nafatin.
Kompara ho PM ninia visita oficial ne,komunidade Timor
oan ladun iha interesse barak atu hasoru malu ho
PM,husi emar lubung oan ida maka tuir ne bele reflekte
ba realidade ida ne.


3. Issu dehan atu manifestasaun hasoru PM Marie
Alkateri
Molok atu hasoru malu ho PM iha Sabado (4/06),iha
Sexta feira (3/6) simu arame husi maluk ida iha Lisboa
dehan nune “ Dehan aban emar atu halo manifestasaun
hasoru PM ho ninia rombongan. Hau hatan ba maluk ne
nune:Ladun fiar tamba bele issu deit karik,tamba Timor
oan oras ne ida-idak buka nia moris,barak liu maka ba
buka serbisu iha Inglatera no Irlanda “. Iha mos kalan
ne kedan maluk ida avisa katak “Aban emar sira atu
halo manifestasaun kontra PM,neduni husu atu ita husi
Coimbra mantem diciplina.hau hatan nafatin katak:Ne
issu deit sa,tamba ladun fiar”. Los duni ba la iha
manifestasaun, komunidade hasae ba PM sira nia lian
halerik sira nebe maka hasoru iha sira nia moris
loro-loron,tamba PM ne laos Fretilin nian deit maibe
Timor LoroSae nian. Leitura seluk maka ne,maske
Komunidade Timor oan balun ladun konkorda ho politika
balun nebe maka Governo halo iha tinan tolu nia
laran,maibe sira mos konciente katak “PM ne Timor
LoroSae nian”,neduni ita maka dignifika ita nia Estado
no Governo.

4. ONU/PBB maka Sala.

Fo sala ba ONU nafatin? Diskursu nebe maka Sr.PM foti
hanesan justifikasaun iha surumutuk ho Komunidade
Timor oan iha Lisboa maka “ONU/PBB maka sala”,hanoin
nebe maka haktuir tan PM ho Jornal Diario de Noticias
(DN,5/6). ONU mos sala ne faktus historika ida,nebe
emar hotu-hotu hatene.
Maibe tinan tolu (3) kotuk mos governantes Timor nian
sira hotu-hotu iha diskursu ida hanesan deit,fo sala
ba ONU ka PBB,liu ona tinan tolu Ukun Rasik An, mos
sei fo sala nafatin ONU ka?Iha loron 20 Fulan Maio
tinan 2002,bele fo sala ba ONU tamba sira maka
sala,maibe liu ona tinan tolu (3) ita sei fo sala
nafatin ba ONU,tamba tinan hira ne nia laran se maka
Ukun iha Timor LoroSae,laos ona ONU/PBB,maibe 1º
Governo Constituicional RDTL,PM maka Dr.Marie
Alkateri. Se muda mentalidade,hahu kedan mos muda
“Diskursu buka ema seluk maka sala”,kolonialismo maka
sala,ONU maka sala,baihira maka assumi ita nia sala
rasik?Ne mos mentalidade hotu,buka muda uluk husi
laran molok atu muda emar seluk!

5. Rekursus Humanos i rekursu naturais

Sr.PM Koalia no hatan ba komonidade Timor oan konaba
rekursus humanos (Matenek emar nian) no Rekursus
Naturais (Riku no Soin rai nian). Ba pontus rua ne
importante hotu ba “Desenvolvimentu rai ida nian”, atu
diskursu politiku ka komunidade cientifiku sira nia
diskursu mos hanesan deit. Iha ne lian maka ne,oinsa
maka Rikun no soin rai nian ne bele fahe to´o ba emar
Timor oan tomak (distribuição equilibrada das
riquesas), atu nune labele monu ba emar ida rua maka
riku,emar barak maka kiak ba nafatin. Rekursu Humanos
iha ne,laos Intelektual deit,maibe buka mos rekursus
humano nebe maka iha mos “Intiligência”, se
intelektual deit bele hanesan diskursu retorika deit,
se lae fo maka sala ba emar seluk (Kolonialismo maka
sala,ONU maka sala maibe ita la iha sala). Ne mos
Problema muda mentalidade!

6. Universidade, rekonyece maka UNATIL,maibe laos
Maulear,no sst.
Waihira Sr.PM Marie Bin Amunudin Alkateri temi katak
Governo rekonyece maka UNATIL,hodi dehan katak la
rekonyece sira seluk,hanesan Universidade Maulear no
sst, reasaun husi publika la iha maibe reasaun maka
husi membros Governo sira be tur iha meja hanesan
“José Teixeira,Nelson Belo no Madelana Boavida hare ba
malu hamanasa,hamanasa nebe ho sentidu laos humor
maibe siniku”.
Fila Ba Marie Alkateri ninia hateten katak “ iha
UNATIL iha besik estudantes rihun oalu maka foti kursu
Social-Politik,sira dader han social no loraik han
politik “, maibe iha ne nia la uja ona retorika sira
hanesan Supermi (versi Marie Alkateri) no Maufehuk
(versi Ramos Horta).

7. Lingua Oficial Portuguesa ,ba aban bai rua
(futuro,red)?
Iha surumutuk ne iha estudante balun foti lian konaba
“Lian Portugues ba aban bai rua”, estudante ne maka
Benigno Pereira,estuda iha Coimbra,tamba estudante ne
realista neduni nia ladun optimista atu Lian Português
bele moris iha Timor LoroSae,tamba nia argumenta katak
“Iha Portugal ladun iha estudante barak waihira
kompara ho sira nebe maka estuda iha Indonesia ho rai
sira be hanesan Australia,no sst “.Hatan lian nebe
maka estudante hasae,PM dehan nune “Hau optimista,ho
lian Português katak «Uma batalha Ganha»”. Tuir planu
Governo RDTL nian katak “iha 2011 Universidade sira
iha Timor nian hanorin ona ho lian Português”. Se ne
maka lao duni,kala konsegue Sr.PM muda duni
mentalidade,ita nia dosentes sira mos bele koalia
Português diak,koalia Português diak iha sentidu katak
«Escrever (Hakerek),Falar(Koalia) e Pensar (hanoin)
bem em Português», kasu ida ne tuir hau nia hare ladun
akontese iha Universidade Timor nian,hare deit:UNATIL
iha kooperasaun ho FUP (Fundação Universidade
Portuguesa) hodi introdus lian Português iha Timor,
maibe ladun iha kontiudu pratika,Dosentes sira husi
UNATIL barak liu maka la mai foti S2 i S3 (program
Master no Doktor)iha Universidade Portuguesa no Brasil
nian,oinsa maka iha 2011 bele hanorin ona iha
Univerisdade ho Lian Português? Se tuir duni optimista
Sr.PM nian,kala muda duni mentalidade.

8. Justisa(ça), buka konstroe Justisa nebe forte.
Iha Sr. PM ninia diskursu hatoo iha surumutuk mos
ninia dada lian ho Jornal Público (31/05) katak
“Governo ninia perioridade maka ne:Eduksausan i
Justisa(ça)”.
Koalia justisa(ça) importante,maibe oinsa justisa ne
labele sai fali hanesan instrumentu poder politiku
nian?Buka mos muda mentalidade ne husi kedan membrus
Governo RDTL nian rasik,laos instrumentaliza fali
justisa ba garante poder politika.Kasu Tome Karlele,ne
exemplo konkretu (hare iha hakerek seluk).

9. Silencio iha Meja komitiva sira seluk.

Iha hasoru malu ne PM ho ninia kometiva hanesan temi
ona iha leten ne, maske iha mos kestaun ka pergunta
ruma maka husu ba PM ninia staff sira seluk, Sr.PM
mesak maka hatan, sira seluk “Silencio”.
Silencia bele entende hanesan ne: (i) Husik PM maka
koalia deit, tamba nia maka Cefe Governo nian.(ii)
Sira seluk la koalia ne tamba tauk koalia sala bele
iha interpretasaun seluk,husi sorin ida.Husi sorin
seluk, tamba Sr.PM maka la husik sira koalia. Se
hanesan ne Mentalidade mos buka muda husi ne mos
karik?

10. Liberdade de Expressao. Waihira Sr. Manuel Egidio
koalia seidauk hotu tamba koalia naruk demais, tamba
Manuel kesar tamba nia iha oan nain rua maka hotu ona
kursu tekniku profissional maibe hakarak ba eskola
maibe ladun hetan tulun no atensaun husi Governo RDTL
no liliu Embaixada RDTL iha Lisboa. Sr. Manuel koalia
seidauk hotu,Sr.PM Marie Alkateri haruka katuas Manuel
para koalia,tamba katuas ne la koalia assunto nebe
maka atu koloka maibe seidada ho introdusaun.
Sr.Manuel mos tamba PM korta ninia koalia neduni nia
mos buka hatan ba PM nune “Nusa maka Sr.Korta hau nia
koalia,se Sr.sira deit mos dehan hasoru malu tuku
14:30 maibe imi maibe tuku 15 resin tan”. Tuir lolos
ne,ema nebe maka kontrola Sr.Manuel ninia koalia
naruka ne,tuir Srª.Embaixadora tamba nia maka dirigi
meja,maibe laos Sr.PM Marie Alkateri,tuir aturan tenke
hanesan ne. Tamba deit Sr.PM Marie Alkateri korta
Sr.Manuel Egidio nia lain,iha plateia balun koalia
nune “Liberdade de Expressão”,husik ema koalia hotu
labele korta iha klaran deit.

11. Surumutuk hanesan biban ba hasoru malu.
Iha komunidade Timor oan sira maka iha surumutuk ne
aproveite ba hasoru malu,balun fali hakarak duni ba
hatou sira nia lian loro-loron nian ba Sr.PM.
Balun nebe dehan iha surumutuk hanesan halo piknik no
refresin,tamba semana tomak aktividades barak,ba
estudante tamba tama ona iha epoca exame,ba
trabalhadores sira tamba serbisu kolen iha semana
laran,nedini biban aproveita ba halibur malu.


12. Remodelasaun Govermanetal.

Remodelasaun ne mos,hanesan serve deit ba medidas
eleitorais, hanoin husi participantes balun. Tamba:
Ida (1)Liliu oinsa maka kontrola Oposisaun interna
Fretilin nian, fo fatin ba sira nebe maka kritikus ka
fo ba sira nudar apoiante Marie Alkateri nian. Rua
(2),Atu iha ona Kongresso Fretilin nian,oinsa maka
bele «angariar» tulun atu nune iha Kongresso bele
Fretilin tulun nafatin lideransa(ça) Sr.Dr.Marie
Alkateri. Tolu (3),iha remodelasaun ne laos tamba atu
halao Administrasaun Publika nebe maka
«Efikasia,eficiencia no ekonomika», kontrariu fali
implika kustus bot liu. Ida mos mentalidade nebe maka
buka muda mos,se la hahu muda oras ne,baihira tan?

13. Manifestasaun Anti-Governo. Sira be participa iha
aksaun nebe maka Hirarkia Igreja halao foin dadaun
ne,tuir PM Marie Alkateri maka ne: ex-combatentes sira
nebe frustrado,militantes Fretilin sira nebe maka
hakarak iha liu beneficiu do ke cidadaun sira
seluk,Membrus PNTL i FDTL indiciplinadu sira, no
grupos sira seluk tan maka hakarak hatama sira nia
agenda iha manifestasaun ne.