Polemika Governo RDTL vs Igreja Catolika

Hatan Ba Alex no LaoHamutuk

Polemika Governo RDTL vs Igreja Catolika

Lia Uluk:
Lia hun (raizes,red) polemika Governo RDTL vs Igreja Catolika,maka “ materia Relegiaun no moral” ne hatama iha kurrikular nudar “obrigatoirio ka Fakultativa”. Igreja Katolika defende posisaun «Obrigatorio» maibe Governo «Fakultativo». Opiniaun rua ne ida-idak iha razaun,iha ninia argumentus. Maibe iha ne hakarak levanta kestaun tansaida maka polemika ne bele sai naruk to´o mobilizasaun massa husi parte Igreja Catotlika?
Se hare husi sorin, procedimentu Juridiku tuir Ukun Fuan Inan (UFI) Timor LoroSae nian katak polemika nebe bele resolve no iha entidimento husi parte rua.Precedimentu ba halo Lei,aplika Lei tenke liu husi fase barak:1) Materia ne foin sai hanesan projektu Lei nebe maka Konseilu Ministro elabora.2)hafoin haruka ba Parlamento hafoin aprecia no vota.3)Prezidente Republika premulga hafoin tama ka aplika iha pratika.4)Maibe se Prezidente Republika ka Partido Politika ka cidadaun sira balun levante ninia “Inconstitucionalidade” husu parecer favoravel husi «Tribunal Supremo» ninia “Constutucionalidade e Inconstutucionalidade».
Maibe kasu “Materia Relegiaun no Moral” ne foin iha fase ida,Parlamento seidauk vota ka aprova tan.Tansa maka mosu polemika bot to´o hadait ba «mobilizasaun» husi Igreja Catolika. Problema ka lia hun ba polemika ida ne maka ne: La iha dialog ka la promove dialog, tamba se ita akompana kronologi polemika ne,ida-idak hakarak defende ninia posisaun,husi Igreja mos husi Governo. Hare ninia kronologi polemika ne:

a) Governo liu husi Konseilu Ministro decide atu enklui iha kurikulum nasional “Relegiaun no Moral” nudar materia fakultativa (Lusa,22/2).Sei uja hanesan fase experimental iha Eskola Publika sira,hamutuk uja iha Eskola 32 iha Timor LoroSae.

b) Igreja hatan liu husi nota pastoral hodi afirma katak “Relegiaun no moral tenke obrigatorio”. Hatan ba ne Governo dehan katak “Respeitu ba UFI”. Igreja promote hatan depois Paskoa, tamba biban neba sei iha “Pra-Paska”.

c) depois Paskoa Nota Pastoral ida husi Igreja hodi akusa postura PM no Governo nian,nebe la respeitu ba “Sarani no Sgrada Escritura”.
Liu loron ida Governo hatan kedan liu husi Nota nebe PM rasik maka assina hodi «akusa Igreja troka ona oposisaun nia fatin»,hatutan PM loron nebe maka hasai Nota Pastoral ne Igreja assumi ona papel nudar Partido Politika.

d) ikus liu,Igreja mos mobliza sarani sira hodi mai halibur hamutuk iha Dili,hodi husu atu Governo hakiduk husi nininia posisaun ka “Moral no relegiaun” tenke obrigatorio.Governo mos la hakiduk,Igreja mos la hakiduk.Demostrasaun nebe maka hetan litik barak husi Timor oan no sarani sira duni tamba «uja fali objecto relegioso» hodi halo manifestasaun (hare hau nia hakerek: Lu´Olo,Rogerio vs Igreja Catolika).

Hare didiak iha procedimentu ba halo Lei nian tuir UFI,tuir lolos problema ne bele resolve,problema nebe bele resolve tamba deit «Teimosia no Ego» maka problema ne dait naruk, husi sorin ida. Husi sorin seluk, Waihira atu halao ka avansa ho Lei ka projektu Lei nebe maka sei provoka reaksaun bot hanesan relegiaun ho moral,uluk nanain tenke buka konsulta lai sociedade civil ka iha kasu konkretu tenke buka mos konsulta Igreja Katolika. Neduni tuir lolos buat nebe bele evita no resolve maibe sai polemika bot.Iha ne laos sala maka Igreja katolika deit,mos laos Governo deit iha razaun,proprio Ramos Horta mos rekonyece katak “buka introspeksi ba decisaun ne,ne hanesan lisaun ida ba Governo (“in” Público,26/4)”. (idem)Atu nune iha aban bai rua karik labele akontece tan hanesan”. Ramos Horta ninia hanoin nebe hatou iha Jornal Público hatudo katak Tuir lolos buka dialog uluk, se Governo maka iha postura nebe hakbesik ba Igreja karik la akontese manifestasaun no mobilizasaun husi Sarani no Hirarkia Igreja Catolika.

Maibe waihira problema naruk,deskursu oficial maka ne deit”fo sala ba Oposisaun,fo sala ba oknum Igreja”. Oposisaun fraku? Oposisaun fraku hare husi numerus,sim!Oposisaun atu tau hamutuk mos sei la to ho Parlamento maioria,iha ne fraku. Tamba hare katak numero oposisaun ladun barak la to atu gol projektu lei ruma husi Oposisaun.Hau nia hare no deskorda ho diskursu nebe klasifika «Oposisaun Fraku», tansaida? laos Oposisaun deit maka Fraku maibe “Instituisaun Estado Timor nian maka fraku”,tamba ladun kumpri sira nia misaun no funsaun,hare husi «Parlamento» nebe ninia funsaun nudar Legislador maibe sira ladun kumpri sira nia funsaun no misaun ida ne,hare deit draft Lei sira be iha barak liu ka maioria mai husi Konselu Ministro,haruka ba Parlamento aprova deit,iniciativa parlamentar la iha.Hare iha site Parlemnto nian (www.parliament.east-timor.org). Kestaun koloka maka ne,se Legislador sira la kumpri sira nia funsaun ne fo sala ba Oposisaun deit maka fraku?Iha Parlamentar sira maka la kumpri sira nia dever nudar legislador. Diskurs oficial mos maka ne” ema nebe la konkorda ka la simu buat nebe politika no aksaun Governo nian akusa kedan kontra Governo”,deskursu ne «Homogeno» hare husi Governantes,mos husi grupos sociais no parlamentar sira nebe maka apoio ka fo tulun ba Governo,hanesan iha orientasaun hanesan deit. Iha demokrasia nunka ignora dehan katak “Sira oposisaun fraku,ka mesak maufehuk (versi Ramos Horta) ka Supermi (versi Marie Alkateri)”, maibe buat ida maka ne”Iha maioria tamba iha minoria,vice-versa”. Se la iha minoria signifika iha maka ne la iha ona maioria no mos la iha ona minoria, situasaun ida ne nem existe iha regim hotu-hotu,iha ditadura mos sempre iha emar ruma maka la konkorda ho sistema nebe iha,ida tan ita nian “regim demokratiku”. Haknauk Poeta Portugues Manuel Alegre katak «Há sempre alguem diz não e há sampre alguem diz basta !(adaptasaun iha refrão husi Fado Coimbra, voz do Andriano Correia de Oliveira e guitarra do António Portugal )”.

Tansa maka ladun simu Komite ba Defesa demokrasia (KDD) ninia kontiudu,tamba konsidere PARCIAL,tamba:akusa maka Oknum Igreja,Oknum Oposisaun,maibe hare husi ninia «Lia Hun»,la iha ida maka los ka argumentu los liu, iha aksaun (aksi,red) maka provoka reaksaun (reaksi,red), Igreja catolika mobiliza sarani serve hanesan reaksaun ida ba aksaun nebe maka Governo adopta husi ninia postura (Teimosia no Egoisme), parte rua sala hotu. Se KDD litik ka kritik maka oknum Igreja no Oposisaun,ne hatudu kedan katak “KDD ne defende Governo no PM Dr. Marie Alkateri ”. Hau mos la simu waihira “Grupos balun Pro-Igreja Catolika (GPIC) mai husu hau nia participasaun hodi assinatura”,maibe hau hatan hanesan ba sira (GPIC),hanesan nune:”knar ba manifestasaun ne knar nebe maka ita nia UFI hakerek no konsagra,maibe hau mos la simu waihira Igreja Catolika instrumenta valores relegioso ba sai nudar simbol ba reivindikasaun poltika ka ho fin politika. Neduni imi nia nia mobilizasaun ne la sei kontribui ba debate politika iha Timor LoroSae”. Maibe maluk sira husi GPIG desiste iha sira nia aksaun ne.

Problema fundamental no primordial ba emar Timor LoroSae laos maka “Relegiaun no Moral”,iha tempo badak (curto prazo,red),nusa maka fo periodade ba materia ida ne,hatene hela katak sei provoka polemika bot.Periodade emar Timor nian maka “Oinsa maka buka ai-han ba han,oinsa maka loke serbisu fatin, oisa maka konstroe Justisa iha Timor LoroSae hodi garante ba lao ka funcionamente Instituisaun Estado nian no garantia ba cidadaun sira nia interese”,tuir lolos ida ne maka periodade ba politika governo nian.Tamba ema tenke kabun bosu uluk hafoin bele koalia buat seluk ka lori projektu seluk. Ba hau waihira emar kabun bosu hafoin bele koalia «Moral no Relegiaun». Igreja Catolika mobiliza Sarani sira tamba Igreja Catolika iha knar Enomika nebe iha,nem organizasaun no Partido Politika Oposisaun sira iha. Tamba ne maka sira mobiliza sarani sira mai hamutuk iha Dili hodi, iha suporte material no necessidade basica ka kebutuhan primer hanesan “Hahan,hemu,kondisaun sanitaria,no sst”. Neduni tuir lolos «Relegiaun no Moral hatama iha kurikulum nasional» tau ba programa tempo naruka (longo prazo,red), tamba tenke prepara dalan ba ida neba,halo tos karik laos ba lere hotu kedan,hodi kuda kedan fini foun ida,nia sei la fo funan no isin diak. Haknauk ho lia fuan Portugues katak “A ruptura deu a Continuidade
E provoca a resistência“. Hare deit Governo RDTL hakarak ruptura kedan maka sai problema ne naruk no polemika bot,buat nebe bele resolve sai kumplikadu fali. Hau nia posisaun klaru konaba tema ida ne,hau nia posisaun bele hare iha hakerek konaba tema ida ne, hare iha (Estado,Igreja no Concordata: http://forum-haksesuk.com), no sst. Maibe laos halo ruptura kedan ho Igreja Catolika, kuda maibe tenke neneik.

Solusaun saida?

Igreja mos lakohi hakiduk,Governo mos dalan hanesan deit, hare deit husi Deklarasaun CCF nian iha reuniaun iha Sabadu (30/4) hatudu katak polemika ne sei naruk, neduni solusaun maka ne tuir hau nia hare:
Governo hakiduk witoan hakanauk ba Indonesia nia lian katak : “ Mengalah belum tentu kalah, mengalah hanya merupakan taktik demi mencapai estrategi”, solusaun tuir hau maka ne: halo tuir witoan Igreja Catolika nia hakarak,tau “Relegiaun no Moral obrigatorio”, maibe hanorin mos materia sira seluk hahu ona husi base hanesan “Filosofia no Sociologia,ciência Critica ba gerasaun foun”.Neduni Aluno ka estudante sira simu hotu,obriga sira maka analise mesak sasan sira ne. Tamba Igreja ninia raiz mos kuda metin ona iha Timor LoroSae, neduni foin kuda buat foun ida nia sei la fo fuan diak,neduni tenke lao nenek maibe prepara dalan.Tamba se halo ruptura hatama kedan “Relegiaun Moral fakultativa kedan” tama iha choque hanesan agora ne dadaun.

Referencia ho hakerek seluk konaba tema ida ne:

Estado,Igreja no Concordata ( http://forum-haksesuk.com)
Lu´Olo,Rogerio vs Igreja católica (http://forum-haksesuk.com)
Tansa maka Igreja Catolika husu demisaun PM? (http://forum-haksesuk.com)
Timor-Leste: A Construção da Identidade do Estado Pós-Conflitos (http://www.geocities.com/naikoli0231)