Problema mak: Arguida kondenada representa Estado RDTL iha encontro g7+

Emilia Pires

Dili, Forum Haksesuk (FH). Debate kasu Emilia Pires vs Justiça kontinua, hakat ona tama ba ona debate politika-eleitoral. Ex-Presidente José Ramos Horta (2007/12) ne´ebe posibilidade bóot kandidatu husi PLP ho Taur Matan Ruak (TMR) nian ba tinan 2017/22. Tuir José Ramos Horta haktuir katak, "Xanana mak fó garantia Emilia Pires ba liur". Tuir ex-Ministra Justiça Lucia Lobato, "deskorda ho Ramos Horta", tanba tuir Lucia Lobato, "konforme Advagodu Emilia Pires nian katak Xanana nein ható pedido escrito no palavra ba advogado no Tribunal".

Tuir João Silva Soares, estudante Faculdade Economia UNTL, "hau nia problema mak arguida ida kondenada bele representa Estado RDTL iha encontro importante g7+ iha New York?".

Tenik tan João Silva Soares, "se suspeita deit, bele goja prejunzaun ba Inocencia, maibe kondenado ona ka iha indikasaun ba kondenasaun, tuir lolos Estado RDTL labele haruka Emilia Pires ba liur ba representado Estado RDTL iha encontro g+7". Argumenta tan, "iha ne´e se mak salah, se laos Xanana, Governo, PM no MNEC mak responsabiliza", argumenta Estudante Faculdade Economia UNTL ne´e.

Kasu Emilia Pires ne´e, divide opiniaun, husi Presidente Republika Taur Matan Ruak (TMR), "Husu Emilia Pires rende", husi Sociedade Civil deskonfia Emilia Pires rai segredu no Partido CNRT defende Emilia Pires tanba hare mos ba saida mak Emilia Pires halo ba Nasaun RDTL!

FH, 05.01.2016!