VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
 

quarta-feira, 11 de julho de 2018

Lideransa PLP la hola parte konferensia Imprensa, tamba sa?

                                              Foto Espesial (pajina AMP)

Dili. Konferensia imprensa ne´ebe halo iha knua partidu CNRT, Bairo dos Grilos, Dili, Quinta-feira ne´e (12/07/2018) ne´ebe preside rasik husi Presidente CNRT nudar mos AMP Maun Bót Kay Rala Xanana Gusmão (MBKXG), hodi kontesta dizisaun Presidente República (PR) hodi rejeita lista membrus governu nain 11 ne´ebe apresenta husi Primeiru Ministru (PM) Taur Matan Ruak (TMR). Tuir observasaun katak kadeira ne´ebe reserva iha oin mamuk ba Lideransa Partido Libertasaun Popular (PLP) mamuk, husi KHUNTO representa husi Antonio Verdial Sousa ho José Turquel.
Enquantu husi PLP nein lider ida hola parte no la iha justifikasaun.

Tuir João Viegas ba Foruk Haksesuk katak,`` PLP la marka presensa tanba elementus nain 11 ne´ebe nai PR Dr.Francisco Guterres Lu´olo rejeita ne´e la iha lista kandidatu membru Governu husi PLP´´. Tenik tan João Viegas iha Kampuz UNPAZ,koalia husi arame liman (telemovel), `` PLP ninia prinsipiu selesaun mak obedese ba kriterius sira inkluindu mós husi prosesu judisial (investigasaun KAK no MP). Sira ne´ebe mak komete ona kasu ruma indikasaun forte korupsaun naran korta husi lista´´. Hatutan João Viegas, ``lideransa PLP nonok no la hola parte iha konferensia ne´e mak mosu duvida´´, litik João Viegas, obervador politika husi UNPAZ ne´e.

Deklarasaun Presidente CNRT nudar mos presidente AMP, tuir pajina AMP:

(...)`` TRIBUNAL NOTIFIKA KATAK, MEMBRU VIII GOVERNO NEBE SEIDAUK SIMU POSSE HUSI PRESIDENTE-REPÚBLIKA LAIHA KAZU RUMA MAK REJISTA IHA TRIBUNAL
Maun Boot Kay Rala Xanana Gusmão, Prezidente AMP esplika ba media nasional no internasional konaba notifikasaun Tribunal Dili ba membro VIII Governu nebe seidauk posse iha Sede AMP, kinta-feira ohin (12/07/2018).Tribunal notifika katak, ema sira nebe PR lakohi fó posse laiha kazu ruma mak rejista iha Tribunal. Nee atu dehan katak , Membru CNRT no KHUNTO nebe hetan rejeisaun ka pendente atu simu posse laiha fundamentu legal, tanba ema sira nee laiha sala ka kazu ruma iha Tribunal. Prezidente tenki respeita prinsipius presunção de inocência, no proteze nia sidadaun nia naran diak no honra´´.

Hola parte konferensia imprensa mak lideransa Partido CNRT hanesan Presidente CNRT MBKXG, Sekretariu Jeral Francisco Kalbuady Lay, Vice Presidente Virgilo Smith, Vice Secretariu Jeral Jacinto Ruguberto,xefi departementu Juridiku Amandio Benevides, Xefi Departementu Finançad Helder Lopes, Xefi Departemento Saúde Sergio Lobo , membro departementu Agricultura e Pescas Rogerio Mendonça de Araujo no membru husi Partiidu KHUNTO nain rua, Antonio Verdial Sousa ho José Turquel..La hola parte Konferensia imprensa, Vice Presidente CNRT,Tomas Cabral,kandidatu ba Ministro Estatal! (pajina AMP)!

Sem comentários:

Enviar um comentário

Nota: só um membro deste blogue pode publicar um comentário.