VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20161124

PD lamenta tanba PN la fó perioridade ba Lei Pensaun Vitalicia, Lei Rai no Anti-korupsaun

Uma Fukun PN TL
Dili, Forum Haksesuk (FH). Partido Democratico (PD) ható deklarasaun politica iha Uma Fukun Parlamento Nacional (PN) konaba Lei Pensaun Mensal Vitalicia ka Lei Pensaun Vitalicia. Tuir PD lamenta tanba PN la fó perioridade ba Lei Pensaun Vitalicia, Lei Rai no lei Anti-korupsaun.

Tuir deklarasaun Bankada PD nian iha debate konaba Orçamento Geral Estado (OGE) ba tinan 2017, cita: 
"Kuartu mak kona ba prosesu halo lejislasaun iha Parlamento Nacional no Governu. Bancada Partido Democrático apresia katak Parlamento Nacional ho governu halo ona lei lubun ida hodi regula politika nasaun nian. Maske nune, Partido Democrático hanoin katak prosesu ba lei importante balu, nebe fo impaktu direta ba povu nia moris, sei hakdasak hela iha nia fatin. Proposta lei kona ba rai foin mak diskuti to’o iha artigo 11, no para to’o ohin loron. Projetu lei kona ba Anti korupsaun nein diskuti no baixa ba komisaun kompetente, hodi halo pareser no debate iha plenária no komisaun. Projetu lei atu halo alterasaun ba pensaun mensal vitalisia, sei para hela iha dalan klaran, no hein atu diskuti iha plenária. Enkuanto que lei sira seluk nebe públiku la dun preokupa hetan diskusaun no aprovasaun lais tebes iha Parlamento Nacional, hanesan Projeto de Lei n. 10/III (4ª) Regime Transitório de Recrutamento de Magistrados e Defensores Públicos não Timorenses e Segunda Alteração à Lei Orgânica da Câmara de Contas (TVTL no FH, 23/11/2016)".
Lei Pensaun Vitalicia, Lei Rai no Anti-korupsaun,  nudar preokupasaun ba povo no sociedade Timor-Leste tomak, husu atu altera no hamos. Proposta Lei alterasaun iha ona Meja PN, maibe meja la fó perioridade! 

Referencias 
1) TVTL, 23.11.2016
2) Deklarasaun PD iha debate OGE 2017

Sem comentários:

Enviar um comentário

Nota: só um membro deste blogue pode publicar um comentário.